Popularni biblijski stihovi od YOHANE 1

Podijeli

Indi iwo walemwambya na imwidikia kawaenengya wulimbi wo itano wana wa Ruwa wose.

Ipfo mawokyonyi kuweipfo idedo; liweipfo nalyo Idedo liwei na Ruwa, nalyo liwei Ruwa.

Na sa yo nyi iwaa ipfo meemenyi, na meema fu fulaiambye.

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

Shindo shose shiipfo nyi shiishitane na mweeke folyo. Nalyo kulawode liweipfo kuwechitano kindo ma kimu kya isho shii-shitanepfo. Lyo liwerie moo, na moo fu fukawa sa ya wandu.

Na ili lya ngama Yohane kawona Yesu kyechimchea kahamba, “Aiki kichondi kya Ruwa kyechiwuta-ho wunyamaṟi wo wuyana.

Nyi idedo liwekeri kunu wuyana na wuyana wu wuwuumbe kui mweeke folyo na wuyana wu manya wulammanye. O nyi alecha na orukenyi loke amonyi na iwo wai wake ma walamwambye.

Nyi yo Sa ya lohi yo yelimika orio mndu ose ai kunu wuyana.

Cha kipfa Ruwa naleende wuwawaso wulya kui Mose, indi wutonga na wukilohi, wo nyi wuleendo nyi Yesu Kristo.