Popularni biblijski stihovi od লূক 22

Podijeli

“বাবা, তুই যুনি চাজ্ সালে এ দুঘোর্ গলচ্চো মত্তুন্ সোরেই নেযা। তো মঅ মনেমন্‌জক্কা নয়, তঅ আওজ্ মজিম ওক্‌।”

মাত্তর্ মুই তত্যে তবনা গোজ্যং যেন তঅ বিশ্বেজত্ ভাঙন্ ন-ধরে। তুই যেক্কে মইধু ফিরি এবে সেক্কে তর্ এই ভেইয়ুনোরে খেমতাবলা গুরি তুল্।”

সে পরেদি তে রুটি লোইনে গোজেনরে ভালেদি জানেল। যেরেদি সেই রুটিগান্ কট্টা কট্টা গুরিনে শিচ্চ্যগুনোরে দিইনে কলঅ, “ইয়েন মর্ কিয়্যে যিয়েন্ তমাত্যে দিয়্যে অবঅ। মরে ইদোত্ তুলিবাত্যে এবাবোত্যে গোজ্য।”

হানার্ পরেদি সেবাবোত্যেগুরি তে গলচ্চো তারারে দিইনে কলঅ, “মঅ লো-গান্দোই গোজেনর্ যে নুয়ো সুদোমান্ অদে অদে গরা অবঅ সে সুদোমানর্ চিহ্নোগান্ অলঅ এ গলজ্‌সো। মর্ এ লো-গান তমাত্যে দিয়্যে অবঅ।

মনত্ দুঘে যীশু আরঅ এগামনে তবনা গল্ল। তা কিয়্যের্ ঘাম্ লো ফুদো ধোক্ক্যেন্ ওইনে মাদিত্ পরা ধল্ল।

মাত্তর্ তমা ভিদিরে এবাবোত্যে অনা উচিত নয়। তমাত্তুন্ যে বেগত্তুন্ দাঙর্, তে বরং বেগত্তুন্ যে চিগোন্ তা ধোক্ক্যেন্ ওক্, আর যে নেতা, তে সেবাগুরিয়্যে ধোক্ক্যেন্ ওক্‌।

জোবত্ যীশু কলঅ, “পিতর, মুই তরে কঙর্, এচ্চ্যে রাদা কুরো ডাগ্ কারিবার্ আগেদি তুই তিনবার্ মরে অস্বীগের্ গুরিনে কবে, তুই মরে ন-চিনোস্।”