Popularni biblijski stihovi od IIMU/UUNGW 1

Podijeli

Naagáy Mungú iri oó', «Hee u tleehhaán ar tlehhmuurén, nee ar slaqsayrén. Nee inooín siyoó baraá tlawi ku sawaawuti'ii'ín, nee tsir/ór gáwtí tlatlaawa, nee makaá ta de'ena, nee makaá baraá sla/a sleémeero, nee muruú gur'eérár hi'iimita gawaá daanduú yaamuwo.» Mungú hee guri tleéhh ar slaqsaywósuú kilá'. Hee guna tleéhh ar slaqsoó Mungú. Hhawaata nee /ameeni gina tleéhh.

Mungú giri tsuúq, giri báy, «Laqwaalé', tlahhé', yaamu hatsiisaak, ki sawaawuti'iindá'. Siyó baraá tlawi kusa baaliliindá', nee tsir/ór gáwtí tlatlaawa, nee makaay sleémeero awa baraá yaamaá kaahaare.»

Iimu/uungo Mungú doori nee yaamu ngiwa tleéhh

yaamu i slaqsoó kon'aaká, slám awa gaa wasl. Yaamu kina tuuntuúk nee tlawi. Giwti iloodaá baraá tlawi gina tuuntúk, tam gwa/aateemaá niina i kahhiyá'. Nee Qeeruú Mungú i gawaá daanduú ma'áy waá malelee/amiit.

Mungú iri oó', «Gwa/aateema i deeruutiye'.» Nee gwa/aateema niri deeruutiyé'.

Mungú umuúqo gaaro ar aa tleéhh, gari ár naxés ka hhoohhoo'. Tay tsiindo tay matlaatle, tari baalár lahhoó'.

Mungú gwa/aateema ngiwa ár, nguri qwal/atisiyé'. Naagáy Mungú gwa/aateema nee giwti giri paraátl.

Mungú iri oó', «Ga/aawaagáy, mamaá dahaasíngw koomá' sleémeero kudá' naa ti'iitiye' baraá yaamuwo, nee xaa'aá mamaá koomá' awa dahaasíngw koomá' baraaine, sleémeero ngaa haniís as tawa muruú /aymarhúng.

Gwa/aateema giri báy Tlaatla/aangw, nee giwti gari báy Xweera. Tay tsiindo, tay matlaatle, tari baalár geera.

Mungú iri oó', «Kaandaftá gawit i tleehharut baraá tla/ángw ma'aay, as ma'aay ngiwa paratl.»

Nee makaay sleémeero kudá' uren tam kudá' ninakwe awa baraá yaamu, nee tsir/ór gáwtí tlatlaawa sleémeero, muruudá' sleémeero oo slafíngw kooma, aníng iga gitsoórií haniís, nee loo/ór xaai, as tawa muruú /aymar'ín.» Adoodá' iri tleehharút.

Mungú iri oó', «Muruú gwa/aateemaá duxuúm i deeruuti gawaá dooriwo, oo tlaatla/aangw nee xweera gi paraátl. Muruuwí gwa/aateemaá duxuúm qomadu ngi laqan nee deelo nee kureeri.

Mungú iri oó', «Yaamu umuúqo gaaro ngi duuxiye', gitsór dahaasíngw koom, nee xaa'aá mamaá koomá', awa dahaasíngw koomá' baraaine, umuúqo gitsooro ar adoorós, nee umuúqo xaaiiwo ar ador'ín.» Adoodá' iri tleehharút.

Adoodá' iri tleehharút. Mungú kaandaftadá' gari tleéhh, ma'aay giri paraátl, kuqá' gawaá daanduú kaandafi, kuqá' baraá guruú kaandafi.

Naagáy yaamu mamu ngiri duuxiyé', gitsór dahaasíngw koom, umuúqo gitsooro ar adoorós, nee xaa'aá mamaá koomá' awa dahaasíngw koomá' baraaine, umuúqo xa'anoowo ar adoorós. Mungú adoodá' aa tleéhh gari ár naxés ka hhoohhoo'.

Mungú gwa/aateemaá uren awa tsár giri tleéhh. Gwa/aateemaadá' ur a looa, in baaliná' tlaatla/aango, nee gwa/aateemaadá' niina a slahhaangw, in baaliná' xweeraawo. Tsatse/ sleeme guri tleéhh.

Mungú iri oó', «Ma'aá dooriwo baraay i burumburiitiye' dír wák as yaamaá kaahaar iwa geehhouya'.» Adoodá' iri tleehharút. Mungú didá' kaahaar gari báy Yaamu, didá' ma'aay ni burumburiitiyé' gari báy Tlawi. Mungú adoodá' aa tleéhh gari ár naxés ka hhoohhoo'.

Mungú giri tsuúq, giri báy, «Laqwaalé', tlahhé', ma'aá baraá tlawi hatsisaak, nee tsir/o sleeme i doogiin baraá yaamaá kaahaare.»

Mungú iri oó', «Makaá slafá' ni deeruutiye' baraá yaamuwo awa umuúqo slaqsaywo, makaá ta de'en, nee makaá sla/ato, awa uren nee awa ninakwe, umuúqo daa'aweemaá makaywo.» Adoodá' iri tleehharút.

Mungú iri oó', «Ma'aay i hatsiye' muruú slafa, nee tsir/ór baraá yaamaá kaahaar ar gáwtí tlatlaw i deerut.»

Mungú makaá uren awa sla/a giri tleéhh awa umuúqo adooro, nee makaá ta de'en sleémeero, awa umuúqo adooro, nee muruú gur'eérár hi'iimita, umuúqo gaaro ar adoorós. Mungú adoodá' aa tleéhh gari ár naxés ka hhoohhoo'.