Popularni biblijski stihovi od Génesis 13

Podijeli

Kay enteron allpa rikusqaykitan qanman hinallataq qanpa mirayniykikunamanpas wiñaypaq qosqaykichis.

Lotpa ripusqanpa qepanmanmi Señor Diosqa Abramta niran: —Qawariy muyuriqniykikunata chay sayasqayki lugarmanta *norte nisqa lawta, *sur nisqa lawta, intiq lloqsimunan *este nisqa lawta hinallataq intiq haykunan *oeste nisqa lawta ima.

Qanpa mirayniykikunaqa polvo allpa hinaraqmi ashkallaña kanqa. Imaynan polvo allpatapas mana yupayta atinkuchu, saynallataqmi mirayniykikunatapas mana ni pipas yupaytaqa atinqachu.

Chaymi Abramqa sobrinon Lotta khaynata niran: —Noqanchisqa familiantinmi kanchis. Chayraykun noqanchis ukhupiqa hinallataq animalninchiskunata michiq runakuna ukhupipas mana kananchu ch'aqwakunaqa.

Hinaqtinmi Abramqa campamentonta aparikuspa, Mamre sutiyoq runapa tiyasqan lugarman riran. Hinaspan chay encinar nisqa sach'akunapa kasqan lugarpi campamentonta ruwaspa tiyaran. Chay lugarqa Hebrón nisqa sutiyoq lugarpin karan. Chay lugarpin Abramqa ruwaran huk altarta, Señor Diosta yupaychananpaq.

Hinaqtinmi Lotqa qawarispa, Jordán mayupa patanpi huk sumaq hatun pampa urayta rikuran, asta Zoar nisqa llaqtakama. Chay Jordán pampa urayqa allin riegoyoqmi karan, Edén nisqa huerta hina hinallataq Egipto nación allpa hina. Sayna sumaqmi chay Jordán allpaqa karan, Señor Dios manaraq Sodoma llaqtata hinallataq Gomorra llaqtata castigashaqtinqa.