Popularni biblijski stihovi od YOANE 15

Podijeli

Na laga a zabibu ilo‚ ’bo ta a keniya kine. Ŋutu laga lo saka kuwe katani ilo‚ ’bo na ku lepe katani‚ lepe troru konye kilo rodri‚ igbonaga ku na laga ’bayi‚ ta ani romoki kondra le’de ŋo tro ina.

Sakanita kuwe katani‚ ’bo na ilo kasu katani itro. Beti naga kenetana ani romoki trora konye ka’delo kugbo lepe ani saka ku zabibu ilo i muguni ina‚ gbode ta ani romoki itro‚ kugbo ta ani saka kuwe katani.

Kugbo ta laga saka kuwe katani, ’bo kulia na ta na kine ku sakani kasu katani, maketa ŋo laga ma ta nyadrilo, ’dia gbo adinyo kpe‚ lepe ikokonaki ta.

Laga ta aku nyumundro na‚ ’bo laga na anyumundro ta‚ atikindra ta i utu ku trora konye‚ ma konye kasu kilo saka ’duu‚ kuwade ŋo giri laga ma ta magini ku Monyelo yu ku kari kuwe kine kilo‚ ’dia gbo adinyo kpe‚ ma lepe tikindri ta.

Le’de ŋutu ’bayi laga lo gbo’da ku nyadru naga arodru ina de, naga na kolokindri ru nanyena ku worisi kanye kilonina.

Lepe bita ’e’eza keniya giri naga kuwe katani naga ani trora konye kine kaŋo‚ ’bo lepe bita ’e’eza ’do keniya giri naga na trora konye kine‚ ma ko trora konye kilo arodru.

“Ina de a kukuzu niona, nyareta nya ’beri kasu dridriŋini be naga ma na nyadri tana.

Ku ilo ŋo de Monye liolo irumbi pura‚ ma ta trorani konye kilo rodri‚ kuwade ta igbogbo’da a lotodiniki kuwe kilo.

“Na laga a zabibu laga mŋgbalo‚ ’bo Monye liolo a kasoliani ŋanilo.

Ku le’de ŋutu ani saka kuwe katani‚ lepe ibiriŋozi kaŋo be na kenetana, lepe itetio tetio‚ ’bo ko itundra keniya kine i biriŋodru na ko i kima‚ ko inonoka.

Na atakindra ta kine kulia de ma nyola niona gbo’da kasu katani, nyola nasuna ma gbo’da koru ’do.

Ku ta laga sobu kukuzuki kuwe kine, ta isasaka i nyadru niona katani, beti naga ma na sobi kukuzuki ti Monye liolo kine, ’bo na saka i nyadru na lepena katani ina.

Na takindra ta ina kukuzu de‚ nyareta nya ’beri kasu dridriŋini.

Kedri kodro ku ta laga a ŋutu ti ka kilo‚ kedri kodro ŋutu ti ka kilo inyanyari ŋo kasiko kilo. ’Bo igbonaga ta ani gbo’da a ŋutu ti ka kilona‚ ’bo na anyumundro ta kaŋo ku ŋutu ti ka kilo i dridriŋinina‚ kuwade ko aŋmoza ta.