Popularni biblijski stihovi od YOANE 21

Podijeli

Kugbo ko laga anyosu azo‚ Yesu druga piza Simona Petero adi‚ “Simona, ŋiro lo Yoanelo‚ do anyari na arodru kilo de ya?” Simona druga teyitokindro lepe adi‚ “Iye Mata‚ do adeni adi na anyari do.” Yesu druga takindra lepe adi‚ “Wowone torila ti kebilizi kuwe kilo.” Yesu druga piza lepe ’do‚ i luŋa laga a togi murelo adi‚ “Simona‚ ŋiro lo Yoanelo, do anyari na ya?” Simona druga teyitokindro lepe adi‚ “Iye Mata‚ do adeni adi na anyari do.” Yesu druga takindra lepe adi‚ “Yuke kebilizi kuwe kine.” Yesu druga piza lepe ’do‚ i luŋa laga a togi musalalo adi‚ “Simona‚ ŋiro lo Yoanelo‚ do anyari na ya?” Petero druga gbo ku luŋuli igbonaga Yesu apiza nye i luŋa laga a togi musalalo adi‚ “Do anyari na ya?” ina. Lepe druga teyitokindro lepe adi‚ “Mata‚ do adeni kuliata giri. Do adeni adi na anyari do.” Yesu druga takindra lepe adi‚ “Wowone kebilizi kuwe kine.

Na takindra do a ’diri‚ ti inga do a ’bulani, do bita pidra muko nonuna do lepe‚ ’bo do tu i piri naga mo do nyari nu. ’Bo kugbo do laga ayeŋundra a temezitio do iriodru kenisi kolu kilo‚ ’bo ŋutu le’delo ipipidra do i zonga na do i piri naga do aku nyari nu.”

Lepe druga takindra ko adi‚ “Biriŋorota birana i go lo lutate lo ki’bolo‚ ta irurumbi.” Kuwade ko druga biriŋodru, ’bo ku zore na somo kine‚ ko aku romoki pikundro birana.

Simona Petero druga takindra ko adi, “Na lu tu i rega na somo.” Ko druga teyitokindro lepe adi, “Kita tu kasi do.” Ko druga lupodru, druga lubo i ki’bo nasena kata yu agbole, ’bo i inu mude de ko aku rekundra le’de ŋo.