Popularni biblijski stihovi od M. Yohana 15

Podijeli

Ne nine mpesya, mwe nimwe misambo. Uyo onkala muli neo, na neo muli yeve, wamene uyo otwalisya: pakuti paliye neo simngachite kantu.

Nkalani muli neo, na neo muli mweo. Nga ni msambo muusatwalira weka ukakanonkala mu mpesya, tetyo namwe simngakumeko mkakanonkala muli neo.

Mkankala muli neo, na malizu ŵangu onkala muli mweo, sengani chiri chonse chimupangwa, ninga chichitike kwanu.

Mweo ntemwinisalula, sembe ne nine nimsalulani mweo nomuŵikani kuti muye notwala vyotwala, na vyotwala vyanu vyakuŵa msimbanyoto: kuti chiri chonse chimti mkasenge kwa Ŵata mzina langu ampeni.

Paliye chintemwa chali nacho muntu chopula ichi, chakuti muntu ataye moyo wake pa milandu ya anansi ŵake.

Msambo uli wonse uli muli neo usatwala vyotwala oukonyola: uli wonse utwala outuvya kuti utwalisye.

Tetulo langu ni ili, lakuti motemwana, umo neo mnumtemwerani.

Ŵata ochinzikiwa pa ichi, chakuti motwalisya; tetyo ni mumti moŵera asambili ŵangu.

NE nine mpesya wendi, na Ŵata ni chilima.

Kati muntu ntonkala muli neo otaiwa nga ni msambo nofota; ŵantu oikusa noitaya mmulilo, nayo yushokewa.

Ivi vinalaŵira namwe kuti chimwemwe changu chiŵe muli mweo, na chimwemwe chanu chisilizike.

Mkasunga matetulo ŵangu, ninga monkala mchintemwa changu; umo neo mnusungira matetulo a Ŵata nonkala mchintemwa chaŵo.

Ivi vintu numsuzulilani kuti motemwana umo na muyake.

Mngati muli a charo cha pansi, charo cha pansi sembe chutemwa ŵake chine: lomba pakuti ntemuli a charo, nane nimsalulani kufuma mcharo, chifukwa cha ichi ni pachumpatani charo cha pansi.