Popularni biblijski stihovi od Jowǎ̤ni̤ 7

Podijeli

Ûpèpè̌ bǎbǎ, a yṳǎna̤ǎ henu, pwǐ lî̤cahtǐkû hî̌, shi htě a ǐkò ta̤htûpwa̤ ashilo̤ htǒonu, a po̤htǎhtò̌ dě akû pě.”

Bǎ pwèdû̌ anǒkò ti̤ni̤ akhanu, Běcǎ Ye̤shǔ ihtǒ yi̤kǒhtò̌ ta, “Bò kòyò htě a sò̌o shi toǒnu, nohè phî̌o lǒkho yǎ shi dě heǒbǎo.

Shi ǐ kò ta̤htûpwa̤ htě Běcǎ Ye̤shǔ hî̌ htǒonumî̌ amî̌ Běcǎ sǎcahtǐ pwǎ. Ûpèpè̌ bǎbǎ htě a yṳǎ nû̌û toǒnu, a nî̤bǎ pě. Běcǎ Ye̤shǔ nî̤bǎ ta̤sîrîdû̌sîrîhtû hǒtò̤, ma̤tè̤hî̌dě a si htûpwa̤gesǒ dě a gekihtò̌ mǒkhû̌ hǒtò̤. Hǐnudě Cǒmara a sǎcahtǐ hènṳǒ dě asî sò̌phlǒkû dǐpwǎ̤꤮ hǒtò̤.

Bè̌ pûma̤ kò ta̤sǔ pwǐ sî kè̌shǐ kò dě akhlonu toǒ ma̤. Mî̌tanu, bè̌lò̤cǒ bè̌lò̤tè̤ lǒkho sî sò̌phlǒ htě sî glè cèròto cèròbǎ kònu nî̌.”

Kòyò htě a hî̌bǎ tû̌ta a ta̤sîrîshû̌sho tapwa̤pwa̤nu, a sò̌yṳ nohtû̌sò̌ǐ pwǎ kò ta ana̤. Pwǎ̤tadě kòyò htě a sò̌yṳ nohtû̌sò̌ǐ kò ta pwa̤htě a nohè nû̌û htǒotapwa̤pwa̤nu, a hî̌bǎcǒtè̤ pwǎ, a lòhǎlòho kò tò̤.

Dě Běcǎ Ye̤shǔ hî̌shǔ asî, “He sû̌ǐ kò htǒotoǒ numî̌ he ta̤sû̌ǐtòwòǐ tû̌ mè̤tò̤. Ta̤sû̌ǐ htǒotoǒ numî̌ a ǒ dě Cǒmara htě a nohè hehtǒo tapwa̤ a ǒ.

Kòyòhǎkhû̌phû̌ toǒ sò̌khějò sî tò̤. Pwǎ̤ta a sò̌khě lǒkho he, ma̤tè̤hî̌dě he pwe̤ǐhtò̌lṳ asî ma̤ ta̤phû̌mò̤ toǒ nǔ꤮.