Popularni biblijski stihovi od JOHAN 1

Podijeli

Tua bang hitaseleh ama thu ngai-in amah a um mite khempeuh tungah Pasian’ tate suahtheih nading thu a pia hi.

A kipat cil-in Thu na om a, tua Thu, Pasian tawh na omkhawm a, tua Thu, Pasian ahi hi.

Tua khuavak pen khuamial lakah taang a, khuamial in tua khuavak a zo kei hi.

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Pasian in Thu tawh na khempeuh piangsak a, a kipiangsak na khempeuh, Thu tawh loin a kipiangsak khat beek om lo hi. Nuntakna a nei khempeuh in tua Thu tung panin a nuntakna uh ngah a, tua nuntakna in mi khempeuh tungah khuavak hong tunpih hi.

A zing ciangin Johan in ama kiangah Jesuh hong pai a muh ciangin, “En un, leitung mawhna a lakhia Pasian’ Tuuno hih lai-ah hong pai hi.

Amah, leitungah om a, amah tawh leitung a kibawl hinapi-in leitung mite in amah na thei kha lo uh hi. A khua le a tui-ah va pai a, ahi zongin a khuapih a tuipihte in ama thugen na ngai lo uh hi.

Ama gen khuavak taktak pen zong leitungah hong tung khin a, mi khempeuh a taan khin hi.

Pasian in Moses tungtawnin Thukham hong pia a, ahi zongin Jesuh Khrih hangin itna le cihtakna thu hong pai hi.