Popularni biblijski stihovi od Ioanes 10

Podijeli

Lipirap kin kodon pirapela, o kamela, o kaokaoe, a ngai kodo, pwe irail en ale maur, kakairida kokolata.

Ngai silepa mau; a silepa mau kin tonmeteki ong na sip akan maur i.

Nai sip oko kin rong ngil ai, a I asa irail a re kin idauen ia.

A I ki ong irail maur soutuk, a re sota pan salongala kokolata, o sota, me pan ki sang irail nan pa i.

Ngai wanim o, a meamen pedelong re i, pan kamaurela o diar manga purepure.

Ngai silepa mau, o I asa nai kan, o nai kan pil asa ia.

Sam ai, me ki ong ia irail, me lapa sang meakaros, o sota me pan kak ki sang irail ni lim en Sam ai. Ngai o Sam me ta men.

Duen Sam o asa ia, iduen I asa Sam, o I tonmeteki ong sip akan maur i.

Sota me ki sang ia, pwe pein ngai kidi. I manaman ong kidi maur i, I pil manaman ong kapure dong ia. Kusoned pot et I aleer sang ren Sam ai.

Iesus pil kotin masani ong irail: Melel, melel I indai ong komail: Ngai wanim en sip akan.

A me kin pwaipwai o me sota udan silepa, o me kaidin udan na sip oko, iei me ngingar kidi en wel kokodo, ap kasela sip oko, tangdaui, a kidi en wel saikidi sip oko, kamueit ir pasang.

MELEL, melel I indai ong komail, me so weid nan wanim, pedelong ong nan deun sip, a dauda wasa toror, iei men lipirap o men kuli.