Popularni biblijski stihovi od Génesis 17

Podijeli

Abrampa awẽ wari ma noventa y nueve ikadu Dios aki dukuta yuidi: “Ẽ Dios bitsisipa. Ea ikũira wapaxawe chakataba.

Naskake ana mi Abram ikiba. Datiã mi Abraham iki. Yura bai wetsa ikawu ichapawawe mi atũ apa ipadaka.

Dukuraweta na nu shinakuiyai mewẽ kaiwuunuax ichapanawã kaĩpakedakawuwetari ẽ anupukui. Ẽ mewẽ Dios iixiwi mewẽ kaiwuu uduax ichapanawã kaĩpakedakawu ẽ atũ Diosri ipadaka.

“Dukuraweta na nu shinakuiyai ẽ bia yuikui. Bai wetsa ari ikawu mi atũ apa ipadaka.

Naskaitu Epa Diospa Abraham kebadi: “Mewẽ awĩ Saraweta mi wake wisti ma awaidaka. Ma kaĩyadu adekĩ Isaac”, ma waaxiwi. “Dukuraweta na nu shinakuiyai awẽ kaiwuunuax ichapanawã kaĩpakedakawu ẽ naskari wapadaka.

Da bai Canaán adu mi ika na mi yura wetsa keskara. Ẽ bia inata mewẽ kaiwuunuax ichapanawã kaĩpakedakawu ẽ inananupukui atuna ipaxanu”, Epa Diospa wadi.

Abraham baikiri wepepakekawã shinayana: “Adiwu cien wariya wakeyatiruba. Ewẽ awĩ Sarariwi ma noventa wari aka”, ikax witsadi.

Naskatari Diospa awiana Abraham yuidi: “Datiã mewẽ awĩni awẽ ade Sarai ikiba. Awẽ ade Sara iki.

Matu wushki wichi ma xatepakedaka. Dukuraweta na nu shinakuiyai naskapakedakawu.

Wari wisti iixiwaitu Sara ma wakeya iwaidaka. Dukuraweta na nu shinakuiyai ẽ axunupukui Isaacweta”, Epa Diospa Abraham wadi.

Datiã werunawakewu kaĩyawudu ma kaĩtadu ma ocho peda ikadu atũ wushki wichi xatepakedaka. Na atu peiuxũ wibis atũ wakewuri mi xatetiru. Naskax dukuraweta na nu shinakuiyai matu werunawakewu kaĩyadu naatiiwixu atũ wushki wichi ma xatepakedakawu. Da ewẽ shina naskapakedaka.