Popularni biblijski stihovi od Mothi 18

Podijeli

Karon jeṭheʹ barhor bangkheʹ pehor Ing nutumte miʹṭheʹgoʹako, eṛegi Ing angko talare tahaning."

Ingte ape arho sâriaʹgi metapekâning, dhârtire ape talare barhor judi miʹmotketeʹ jaha bisoite koiape, tahale Ingren sorgoren Babate ape laʹte ana puronheʹ.

Tâkhni Jisute miṭiʹ kâṭiʹ gidrâ ṭâhukidie ar angko talare tenggokidie, ar metakeʹkoe, "Ingte ape sâriaʹgi metapekâning, ape judi mon âcurketeʹ gidrâko laka bang hoʹape, tahale akalakatigi sorgo rajjore bang bolo darenape.

Jahegi nije ni gidrâ laka kâṭiʹ moneyako, ânido sorgo rajjo talare sanamkhoiʹ marange.

Ar jahetigi ni lakani gidrâ Ing nutumte atanggie, ânitigi Ing atanginge."

"Ingte ape sâriaʹgi metapekâning, ape na dhârtire akako tolpehaʹ, ana Sorgoreho tol hoʹhaʹ ar dhârtire aka larepehaʹ ana Sorgoreho laragiri hoʹhaʹ.

Jisu menkede je, "Ingren Sorgoren Babaho ape cetanre engkagi rikiheʹ, judi ape sanamkhoiʹte aperen boihako mon khoiʹ bang khomakoape."

"Kheʹ jeko kâṭiʹ gidrâte Ing pâtyungko ar paseʹ ekeho angkoaʹ pâtyure badha maʹako, tahale âniaʹ hoṭoʹre miṭiʹ marang jatnaʹ diri tolketeʹ âni marang ganganaʹ aima daʹre ḍubugiri borong âniaʹ pokkhe manjoʹhaʹ.

"Apeyaʹ itâʹ mone hoʹkana? Sabpe, miṭiʹ âdmiren miʹsoṭeʹ bheṛa menaʹkoa. Ar angko tala khoiʹ judi miṭiʹ adngene, tahale âni ki eṭaʹ nirânobboiṭeʹ buru kandhare dohoketeʹ âni bheṛa sendrailaʹ bang caʹe?