Popularni biblijski stihovi od Juan 1

Podijeli

Mat iche iyhäj tä tachumlä wet t'ekhaye, wet lham hiw'enhomche lewahnhayaj yämthilek nech'e häpehen t'at Dios leles.

Tä nech'enyaya, pajche p'ante iche Dios Lhämet, wet Dios Lhämettso iyej Dios wet häpe t'at Dios.

Wet isina ihutunpe honataj, wet honataj ihanhiyejt'a chik y'omat.

Häp lham tä häpe Dios Lhämet lhayen hin'oya wet in'amejen, wet m'ak tä matche lhäy'e lehumnhayaj tapoyejej lham. Wet olhamel ow'en t'at lewujyaj tä Lajcha hiw'enho, tsi tajlhamat lham tä häpe Lhäs.

Wet häp tä isej lham, Dios yenlhi nilhokej m'ayhay tä iche, wet niwohit elh m'ayhay tä iche chik nitälhayejo häp lham. Lham häpe t'at tä n'ow'atshancheyaj tälhe, wet häp n'ow'atshancheyajtso häpe wichi laka isi.

Tä ifwala elh p'ante Juan hiw'enlä Jesús tä ihoye lham, wet yok: –Lhek yahinya, häp täjtsi Tson'ataj Lhäs tä Dios ichen honhatena yämlek isoyej lech'isukyajay wichi.

Häp lham tä häpe Dios Lhämet ihte honhatena, wet tej tä isej lham tä Dios yenlhi p'ante honhat, mat wichi tä i'pe honhat tek nitäfwelej. Lham näme m'ak tä Lewuk, mat laka wichi tek tachumlä.

Häp isi tä matche eyte nämhi p'ante honhatena yämthilek ihutunpe nilhokej wichi.

Häp tä isej Moisés iche p'ante Dios lhämtes tä häpe Ley. Mat häp n'ohumnhayaj lhäy'e m'ak tä matche it n'amejen häp tä n'aisej Jesucristo.