Popularni biblijski stihovi od Luc 6

Podijeli

Nââ, é yè bör̂i nââ yè-ve, é yè bör̂i nââ rö ka yâkaré i mêr̂ê-ve rö-i dâ ka kau, ka é jöbèr̂i mâ rhùr̂ùù, mâ ka rhâri maʼ. Wè ö dâ ré gëve dâ-i, wè, é yè dâwaa-ve bar̂ee i.»

Kâmö ka e, wè na côr̂ô ka e xè-i lèèwi ka e ré tö pwéé-é, aè kâmö ka yaané, wè na pè ka yaané xè-i lèèwi ka yaané; wè xè-i rhâri i wêê nénââ, ré na aʼ xè-i na néwâ.»

Aè méar̂i paxa rhîaa xe-ve, mâ waa e yè-r̂é, mâ nââ na gëve da târ̂î yè-è, nè yè bör̂i kau na pè kwê yè-ve, mâ gëve yè pâlè Ka tö rua aau, wè na e na ce yè-r̂é paxa da tâwai ëi mâ paxa yaané.

Na e na gëve vi kââwaa ûr̂û ké vi kââwaa i Pevaa xe-ve.»

«Koa yè tâ néxâi vi bwir̂i wi mâ tâ néxâi vi bwir̂i yè-ve: Koa yè aʼyerii, é yè bör̂i da aʼyerii-ve. Cöö, é yè bör̂i cöö-ve.

«Aè gö êr̂ê yè-ve, gëve pa pwêr̂ê-nya, êr̂ê: “Méar̂i paxa rhîaa xe-ve, waa e yè-r̂é paxa rhîaa xe-ve, aʼvui paxa aʼvè yerii-ve, pwaér̂ö vè ké-ré paxa kôjuwaa-ve.”

Ö kââ-ré gëve bar̂i tö rhûû na ké-r̂é waa yè-ve na pâr̂â kâmö, waa ûr̂û-ré yè-r̂é.

Kâmö ré dèi poaa-i, pugèwè yè bar̂ee dèxâ. Aè kâmö ré pè mêr̂ê-i pè yakôwîî, koa yè aʼrhua-è rai ké yè pè bar̂ee dèxâ. Nââ yè kâmö ré vi pëër̂ii yè-i, aè gè da tùr̂ùyè tëë rai kâmö ré pè kââ ré ki-i.

«Wè na yèri kêê ka e ré pwa pwêê ka yaané, mâ kêê ka yaané ré pwa pwêê ka e.

Wè é rhéwêr̂ê kêê xè-i dö pwêê. É da ya pwêê bââwê rö pwar̂a kêê ka köyir̂ida, mâ pwêê viné rö pwar̂a pâr̂â kêê nédeewi.