Popularni biblijski stihovi od Marc 14

Podijeli

Na êr̂ê na ce, êr̂ê: «Aba ökââ nô né Pevaa! Na rhau pâr̂i-i na pâr̂â kââ wânii, pè vèr̂i rai-nya mwâ wâyö-a! Aè koa yè waa rhî vè e xi-nya, aè dè waa rhî vè e xi-i.»

Tâ rhî na gëve mâ pwaér̂ö, cè ke-ve da waa yeyèè, wè na rhî vè e na ko, aè na yör̂a na kar̂ö.»

Avâr̂i gö êr̂ê yè-ve, êr̂ê, tö pâr̂â ékar̂a bwêê jë wânii é yè vi vaa i vi rherhî ka e, wè é yè êr̂ê vèa ké waa i bwè-a pè tâ néxâi-e.»

mâ êr̂ê yè-r̂é, êr̂ê: «Na nénââwêr̂ê vè kau na ko-nya yè pèii mé, cuè wîr̂î ria rö-a na gëve mâ tâ rhî.»

Na ki cér̂é vi ara, na pè var̂awa na Ièsu, mâ aʼvui, mâ kâvii, mâ na nââ yè-r̂é êr̂ê: «Pè vèr̂i, ökâré kar̂ö-nya.»

Na bör̂i pè bar̂ee mwâ wâyö na ce, mâ ëi, mâ nââ yè-r̂é, cér̂é bör̂i rhau wâyö röi. Mâ na êr̂ê yè-r̂é êr̂ê: «Ökâré war̂a xi-nya, vi kîbô né nâânévâ, ré é piyöwîî vè ki pâr̂â kâmö pa pôr̂ô.

Mâ na êr̂ê yè-r̂é na Ièsu, êr̂ê: «Gëve yè rhau pwa yèr̂i pè dùxè-ve; wè é wê yu mâ' êr̂ê: “Gö yè ya kâmö ré târ̂î mutô, aè cér̂é yè mâi vi bwir̂i na pâr̂â mutô.”

Tömâ rua, gèré vi; wè tö rhûû, na wê vi vè ubwa mi na kâmö ré yè ârui-nya.»

Na bör̂i kurher̂e yè-è na Ièsu, êr̂ê: «Avâr̂i gö êr̂ê yè-i, êr̂ê, xina rèi kâ bwê-a, rèi ar̂èè né ké yè da tö kaar̂u vi ya i méyë, wè gè yè karir̂i vi yiâwîî-nya.»