Popularni biblijski stihovi od Marc 2

Podijeli

Aè na tö pwêr̂ê na Ièsu, mâ aʼcëi yè-r̂é, êr̂ê: «Na da dö kââ yè kâmö ka mör̂u na ö kâmö ré wii na deewi xi-e, aè na e rö yè pâr̂â kâmö pa wii na pèii xé-r̂é. Gö da mi na ka aʼyè pâr̂â kâmö pa târi, aè na e rö na pâr̂â kâmö pa yaané.»

Na bör̂i tö rhûû tâ néwèi xé-r̂é na Ièsu, na bör̂i êr̂ê: «O xi-nya, é wê cöö rö-i nô ka yaané xi-i.»

Na bör̂i êr̂ê yè-r̂é na Ièsu, êr̂ê: «Nédaa ar̂ii, wè é waa vè ki kâmö, aè é da waa kâmö vè ki nédaa ar̂ii.

Na bör̂i tâ cérè na ké yè pè xi-e mi yè-è, xè-i ké dö cee vi pavia-r̂é i pâr̂â kâmö; cér̂é bör̂i ngëyûi rö gwâ mwâ, mâ lèèi ria kâmö ka vi yöi xar̂a bwêêvè xi-e.

Aè cè ke-ve tâwai êr̂ê, na kâmö ka ar̂inadö na o i kâmö rö bwêê jë na ka cöö nô ka yaané,» gö êr̂ê yè-i, êr̂ê: «Tömâ rua, pè kaa kur̂u xi-i, mâ vi.»

Ö jië ka mâmâ ré é yè êr̂ê yè kâmö ka vi yöi, êr̂ê: “É wê cöö rö-i nô ka yaané xi-i”, ra é yè êr̂ê yè-è, êr̂ê: “Tömâ rua, pè kaa kur̂u xi-i mâ vi?”

Na bör̂i tömâ rua na wi-ré, na pè kaa kur̂u xi-e, mâ vi rö némèè-r̂é wânii. Na wê tu vè cêrhö-r̂é na pâr̂â kââ-ré, mâ cér̂é pè kau Bâô êr̂ê: «Gèvé da tö rhûû yawi kââ ka ûr̂û-ré.»