GALUEGA, 3
3
O LE MATAUPU III.
O le pipili ua faamaloloina; ma le lauga a Peteru.
1Ua o ae faatasi Peteru ma Ioane i le malumalu i le itu aso e fai ai le tatalo, o le itu aso e iva lea. 2Ua ave foi le tasi tagata ua pipili talu ina fanau mai, ua tuuina ifo o ia e i latou i aso fai soo i le faitotoa o le malumalu ua igoa i le Matagofie, e faatoga atu i se mea alofa i e ulu atu i le malumalu; 3ua iloa mai e ia o Peteru ma Ioane a ulu atu i le malumalu, ona faatoga lea o ia i se mea alofa. 4Ona pulatoa lea o Peteru ma Ioane ia te ia, ua faapea atu, Vaai mai ia ia te i maua. 5Ona naunau mai lea o ia ia te i laua, fā‘i e maua se mea mai ia te i laua. 6Ona fai atu lea o Peteru, E leai sa‘u ario po o sa‘u auro; a o le mea ua ia te au, ou te avatu lea ia te oe, O le suafa o Iesu Keriso o le Nasareta, ina tu ai ia i luga, ina savali. 7Ua tago atu foi o ia i lona lima taumatau, ua faatu ia te ia i luga; ona faamalosia loa lea o ona vae ma ponaponāvae. 8Ua oso ia i luga ma tu, ua savali foi, na ulu faatasi foi ma i laua i le malumalu, o loo savali ia, ma oso, ma vivii atu i le Atua. 9Ua iloa mai foi e le nuu uma o ia o loo savali ma vivii atu i le Atua. 10Ua latou iloa o ia lava sa nofo i le faitotoa Matagofie o le malumalu, ma faatoga atu i mea alofa; ua matuā ofo i latou, ua segia o latou mauli i le mea ua oo ia te ia. 11Ua pipii atu ia Peteru ma Ioane le pipili ua faamaloloina, ua femoei mai le nuu uma lava ia te i latou i le faapaologa e igoa i le faapaologa o Solomona, ua ofo tele.
12Ua iloa e Peteru, ona fai atu lea o lana lauga i le nuu, Sema e, o outou Isaraelu e, se a le mea tou te ofo ai i lenei mea? se a foi tou te pulatoa mai ai ia te i maua, peiseai o so maua mana, ma sa maua amio Atua ua savali ai o ia nei? 13O le Atua o Aperaamo, ma Isaako, ma Iakopo, o le Atua o tatou tamā, ua tuuina atu e ia le mamalu i lana Auauna o Iesu; o ia na outou tuuina atu, ma outou faafiti ia te ia i luma o Pilato, a ua manatu o ia e tatalaina atu ia te ia. 14Peitai outou, ua outou faafiti atu lē Paia ma lē Amiotonu, a ua outou fai atu ia tuuina mai ia te outou lē fasioti tagata; 15ua fasioti foi e outou le Alii o le ola, o ia ua toe faatuina e le Atua nai e ua oti; o molimau i matou nei i lena mea. 16O lona suafa foi, ona o le faatuatua i lona suafa, ua faamalosia e ia lenei tagata ua outou vaavaai i ai, ma outou iloa; o le faatuatua mai ia te ia, ua foai atu ai ia te ia lenei faamalosi o lona tino i o outou luma uma lava. 17O lenei, le au uso e, ua ou iloa na faia e outou ma le le iloa, e faapea foi o outou alii. 18A o ia mea na muai faailoa mai e le Atua i fofoga o ana perofeta uma lava, e tiga le Keriso, ua faapea lava ona faataunuuina e ia. 19O lenei, ina salamo ia outou ma outou liliu, ina ia sōloiesea a outou agasala, ina ia oo mai ai o tausaga e filemu ai mai luma o le Alii; 20ina ia auina mai foi e ia le na muai tala‘iina ia te outou, o Iesu Keriso lea; 21e tatau ona nofo o ia i le lagi seia oo i tausaga e toe fuatai ai mea uma lava, ua fetalaia mai e le Atua i fofoga o ana perofeta paia uma lava talu mai anamuā. 22Auā na fai mai lava Mose i o tatou tamā, E faatuina e le Alii lo outou Atua le perofeta mo outou o so outou uso, e faapei o a‘u nei; tou te faalogo ia te ia i mea uma lava na te fai mai ai ia te outou. 23E iu foi ina faaumatia nai le nuu o tagata uma lava o e le faalogo i lena perofeta. 24O perofeta uma foi e na fai mai, e afua ia Samuelu, ma e na mulimuli mai, o i latou uma lava, ua muai faailoa mai i latou i nei aso. 25O fanau outou a le au perofeta, ma le feagaiga sa faia e le Atua ma o tatou tamā, ua faapea mai ia Aperaamo, O so lau fanau foi e manuia ai aiga uma lava o le lalolagi. 26O le Atua foi, ua na faatuina mai lana Auauna o Iesu, ua auina mai o ia e muamua mai ia te outou, e faamanuia mai ia te outou i le faaliliueseina outou taitasi i a outou amioleaga.
Trenutno odabrano:
GALUEGA, 3: SOV
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Samoan Edited Old Version © Bible Society of the South Pacific, 2017.
GALUEGA, 3
3
O LE MATAUPU III.
O le pipili ua faamaloloina; ma le lauga a Peteru.
1Ua o ae faatasi Peteru ma Ioane i le malumalu i le itu aso e fai ai le tatalo, o le itu aso e iva lea. 2Ua ave foi le tasi tagata ua pipili talu ina fanau mai, ua tuuina ifo o ia e i latou i aso fai soo i le faitotoa o le malumalu ua igoa i le Matagofie, e faatoga atu i se mea alofa i e ulu atu i le malumalu; 3ua iloa mai e ia o Peteru ma Ioane a ulu atu i le malumalu, ona faatoga lea o ia i se mea alofa. 4Ona pulatoa lea o Peteru ma Ioane ia te ia, ua faapea atu, Vaai mai ia ia te i maua. 5Ona naunau mai lea o ia ia te i laua, fā‘i e maua se mea mai ia te i laua. 6Ona fai atu lea o Peteru, E leai sa‘u ario po o sa‘u auro; a o le mea ua ia te au, ou te avatu lea ia te oe, O le suafa o Iesu Keriso o le Nasareta, ina tu ai ia i luga, ina savali. 7Ua tago atu foi o ia i lona lima taumatau, ua faatu ia te ia i luga; ona faamalosia loa lea o ona vae ma ponaponāvae. 8Ua oso ia i luga ma tu, ua savali foi, na ulu faatasi foi ma i laua i le malumalu, o loo savali ia, ma oso, ma vivii atu i le Atua. 9Ua iloa mai foi e le nuu uma o ia o loo savali ma vivii atu i le Atua. 10Ua latou iloa o ia lava sa nofo i le faitotoa Matagofie o le malumalu, ma faatoga atu i mea alofa; ua matuā ofo i latou, ua segia o latou mauli i le mea ua oo ia te ia. 11Ua pipii atu ia Peteru ma Ioane le pipili ua faamaloloina, ua femoei mai le nuu uma lava ia te i latou i le faapaologa e igoa i le faapaologa o Solomona, ua ofo tele.
12Ua iloa e Peteru, ona fai atu lea o lana lauga i le nuu, Sema e, o outou Isaraelu e, se a le mea tou te ofo ai i lenei mea? se a foi tou te pulatoa mai ai ia te i maua, peiseai o so maua mana, ma sa maua amio Atua ua savali ai o ia nei? 13O le Atua o Aperaamo, ma Isaako, ma Iakopo, o le Atua o tatou tamā, ua tuuina atu e ia le mamalu i lana Auauna o Iesu; o ia na outou tuuina atu, ma outou faafiti ia te ia i luma o Pilato, a ua manatu o ia e tatalaina atu ia te ia. 14Peitai outou, ua outou faafiti atu lē Paia ma lē Amiotonu, a ua outou fai atu ia tuuina mai ia te outou lē fasioti tagata; 15ua fasioti foi e outou le Alii o le ola, o ia ua toe faatuina e le Atua nai e ua oti; o molimau i matou nei i lena mea. 16O lona suafa foi, ona o le faatuatua i lona suafa, ua faamalosia e ia lenei tagata ua outou vaavaai i ai, ma outou iloa; o le faatuatua mai ia te ia, ua foai atu ai ia te ia lenei faamalosi o lona tino i o outou luma uma lava. 17O lenei, le au uso e, ua ou iloa na faia e outou ma le le iloa, e faapea foi o outou alii. 18A o ia mea na muai faailoa mai e le Atua i fofoga o ana perofeta uma lava, e tiga le Keriso, ua faapea lava ona faataunuuina e ia. 19O lenei, ina salamo ia outou ma outou liliu, ina ia sōloiesea a outou agasala, ina ia oo mai ai o tausaga e filemu ai mai luma o le Alii; 20ina ia auina mai foi e ia le na muai tala‘iina ia te outou, o Iesu Keriso lea; 21e tatau ona nofo o ia i le lagi seia oo i tausaga e toe fuatai ai mea uma lava, ua fetalaia mai e le Atua i fofoga o ana perofeta paia uma lava talu mai anamuā. 22Auā na fai mai lava Mose i o tatou tamā, E faatuina e le Alii lo outou Atua le perofeta mo outou o so outou uso, e faapei o a‘u nei; tou te faalogo ia te ia i mea uma lava na te fai mai ai ia te outou. 23E iu foi ina faaumatia nai le nuu o tagata uma lava o e le faalogo i lena perofeta. 24O perofeta uma foi e na fai mai, e afua ia Samuelu, ma e na mulimuli mai, o i latou uma lava, ua muai faailoa mai i latou i nei aso. 25O fanau outou a le au perofeta, ma le feagaiga sa faia e le Atua ma o tatou tamā, ua faapea mai ia Aperaamo, O so lau fanau foi e manuia ai aiga uma lava o le lalolagi. 26O le Atua foi, ua na faatuina mai lana Auauna o Iesu, ua auina mai o ia e muamua mai ia te outou, e faamanuia mai ia te outou i le faaliliueseina outou taitasi i a outou amioleaga.
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Samoan Edited Old Version © Bible Society of the South Pacific, 2017.