Yowaana 12
12
Yesu abahwa amafuta naali Bbetani
(Mat 26:6-13; Mrk 14:3-9)
1Chali chidoong'ereyo endaalo chisaasaba esidyaalo sya Paasaka ohwoola. Mani Yesu niyeecha Bbetani, eyiri Lasaaro yi yasyuuhisa mu bafu yali niyamenya. 2Bamudeeherayo esy'engoloobe; mani Marita yaabakabula ebyohulya. Lasaaro yali mulala hu bali nibehaale neende Yesu ohulya. 3#Luk 7:37,38. Maria yabukula echupa yirimo amafuta k'ebbeyi hoongo muno, akawunya bulai muno, yaakabaha hu makulu ka Yesu, mani n'akapaangusa neende efwiiri lyae. Enyuumba yoosi yeechulamo esing'aari sy'amafuta ako. 4Nae Yuda Yisikarioti, mulala hu beeki ba Yesu, (oyo owali achia ohumuhoba), yaboola ati, 5“Lwasiina amafuta kano haba sikakusirwemo edinaari emia chidatu (300), #12:5 edinaari emia chidatu (300): Edinaari ndala yali yaakana neende omusaara kw'omuhalaabani kw'oludaalo lulala. mani chaakabwa abamanani?” 6Yaboola sino, ataali mbwe yali achuunirwa muno abamanani, nae olwohuba yali omwiibi. Niye owali omubiihi w'esanduku ly'eseende, haandi yali yanaliirira ohwiibaanga eseende chi babihaangamo. 7Yesu yaboola ati, “Mulehe omuhasi wuno abe, leha abiihe amafuta ako hulw'oludaalo lw'ohusiihwa hwaange. 8#Amal 15:11. Abamanani muli nabo endaalo choosi, nae haba simuchia ohubechaanga naange endaalo choosi daawe.”
Ohukiiya ohwiita Lasaaro
9Esidiiyiha sihoongo sy'Abayudaaya nisyamanya siti Yesu yali Bbetania, bachaayo ataali hulwa Yesu yeeng'ene, nae neende hulwa Lasaaro, yi Yesu yali niyasyuuhisa ohutula mu bafu. 10Abalaamisi bahuluundu mani nibakiiya amakesi k'ohwiita Lasaaro yesi, 11olwohuba hulwa Lasaaro, Abayudaaya baangi bali nibabatulireho, nibafukiriire mu Yesu.
Yesu yeengira mu Yerusalemu neende oluyaali
(Mat 21:1-11; Mrk 11:1-11; Luk 19:28-40)
12Nae hu ludaalo luloondaho, abaandu baangi muno abali beechere hu sidyaalo esyo nibawulira bati Yesu yali achia ohwiicha Yerusalemu, 13#Sab 118:25,26. babukula amasaga k'emisaala ky'amahiindu, baachia ohumubukaanira, neende esangaalo nibaboola bati, “Hosaana! W'ehabi oyo owiicha mu liita ly'Omwaami, haandi Omutuki wa Yisiraeli!” 14Yesu yanyoola esuhiri njere mani yaayihalaho; koti lu syandiikwa siti,
15 #
Sak 9:9. “Omuhaana wa Siyooni, otatya daawe;
bona, omutuki wao nguyo yeecha,
niyehaale hu suhiri njere!”
16Abeeki bae nabo haba sibamanyirao amahuluundu k'ebyo; nae Yesu niyabereswa oluyaali, niwo yi beechulisira bati ebyo byali byamwandiikwaho, haandi byamuholerwaho. 17Esidiiyiha syali nae ludaalo lu yalaangiraho Lasaaro ohutula mu ng'ani mani yamusyuuhisa ohutula mu bafu, bali nibakaniaayire bi yali n'aholere. 18Esyo nisyo esyakera esidiiyiha sy'abaandu beeyiha ohwiicha ohumubukaanira, olwohuba bali nibawuliire koti lu yahola ahalolero aho. 19Abafarisaayo nabo babbwoyooha sa mani baaboolanira abeene-na-beene bati, “Mubone koti lu huhayirwe! Esyaalo syoosi siwereere yi ali.”
Abagiriki baandi bakoonya ohubona Yesu
20Mu baandu bali bachiire ohwiinamira Nasaae hu sidyaalo esyo, mwalimo Abagiriki baandi. 21Mani nibachia eyiri Filipo, owali atula Bbetisaida mu Galilaaya, mani nibamuboolera bati, “Omuhuluundu, hudahaho ohubona Yesu.” 22Filipo yachia yaboobera Anderea; mani Anderea neende Filipo nibaboolera Yesu. 23Yesu yabakobolamo ati, “Esiha syahoola, Omwaana w'Omuundu anyoole oluyaali. 24Mbaboolera obwadyeeri endi, olumwo lw'engaano nilutaakwa mu loba mani lwaafwa, ludoong'a ao lwoong'ene; nae nilufwa, lwaamaho ebyaamo biingi. 25#Mat 10:39; 16:25; Mrk 8:35; Luk 9:24; 17:33. Buli oheera obulamu bwae, yahabufwiirwe. Nae osyuula obulamu bwae mu syaalo, yahabwebiihire mu bulamu butaakama daawe. 26Oyo owuuhalaabanira, yanoonda. Ese yi ndi, omuhalaabani waange yesi niwo yi yahabecheenge. Omuundu yesi-yesi owuuhalaabanira Laata yahamusiime.
Yesu alomaloma hu hufwa hwae
27“Bulaanu omwooyo kwaange kweelalihiire muno. Ndaaboole endye? Laata, monie esiha sino? Haba daawe, nae haandi esyakera ninjicha nisyo ohwoola hu siha sino. 28Laata, yisa mu liita lyao oluyaali.” Mani ekono nilitula Muukulu liti, “Ndaliisamo hale oluyaali, haandi njia ohuliisamo oluyaali.” 29Esidiiyiha sy'abaandu syali syeemere ao nisyaliwulira, sy'aboola siti, ekulu lyali lyaaduluha. Abaandi nabo baboola bati, “Malaika alomaloome nae.” 30Yesu yabakobolamo ati, “Ekono lino siliichire hulwaange, nae hulweeng'we. 31Bulaanu esyaalo sichia ohuheengerwa omusaango, bulaanu omutuki w'esyaalo sino achia ohusukunwa erwaanyi. 32Syesi nindahamale ohuniinisibwa ohutula hu syaalo, njia ohubuusa boosi mbasudye yi ndi.” 33Yesu yaboola atyo, niyeekesa engeri yi yali achia ohufwiiramo. 34#Sab 110:4; Yis 9:7; Esek 37:25; Dan 7:14. Esidiiyiha sy'abaandu syamukobolamo siti, “Efwe mu malako hwawulira huti, Kristo yahabeeo endaalo choosi pe. Naawe onyala otye ohuboola oti, Omwaana w'Omuundu ahoyere ohuniinisibwa aakulu? Omwaana w'Omuundu oyo niye wiina?” 35Mani Yesu n'ababoolera ati, “Obulafu busisiiriho naang'we esiha sidiidi. Mukeende nimusisiiri neende obulafu, esiirima sihaye ohubadiirira hu ngira, olwohuba oyo okeendera mu siirima haba saamanya yaachia daawe. 36Nimusisiiri neende obulafu, mufukiirire mu bulafu, hu munyale ohuba abaana b'obulafu.?”
Obutafukiirira bw'Abayudaaya
Yesu niyamala ohulomaloma atyo, yatula ao yaawaao mani yaabeekisaho. 37Kata ayahaba mbwe yali n'aholere obulolero buungi mu moni waabwe, nae haba sibamufukiiriramo. 38#Yis 53:1. Mani emboosi chi munabbi Yisaaya yalomaloma nichoolerera abweene, echiboola chiti,
“Ewe Omwaami, wiina owafukiirira bibawulira ohutula yi huli?
Haandi wiina mweene yi Omwaami yabwiihulira obunyala bwae?”
39Mani sakira bahaya ohufukiirira. Olwohuba Yisaaya haandi yaboola ati,
40 #
Yis 6:10. “Nasaae yawofusa emoni chaabwe, haandi yoomya emyooyo kyaabwe,
hu bahaye ohubona neende emoni chaabwe haandi ohuwulira neende emyooyo kyaabwe,
mani bahaye ohukaluha yi ndi mbawonie.”
41Yisaaya yaboola atyo, olwohuba yabona oluyaali lwa Yesu mani n'amulomalomaho. 42Nae kata katyo, ab'obunyala baangi muno, bamufukiiriramo, nae hulw'ohutya Abafarisaayo, haba sibatuumbulaanga, hu bahaye ohwiiruswa mu Sinagoogi: 43olwohuba badahaanga muno ohusiimwa hw'abaandu ohuhira oluyaali lwa Nasaae.
Ohuheengerwa omusaango ohweema hu mboosi cha Yesu
44Yesu yalomalomera mu kono ly'aakulu n'aboola ati, “Oyo owuufukiiriramo, haba saaba afukiirira mweese syeeng'ene, nae aba afukiirira neende mu oyo owaanduma. 45Haandi oyo owuumbona, aba abweene oyo owaanduma. 46Ese ndeecha mu syaalo ohuba obulafu, hu buli muundu wufukiirira ahaye ohudoong'a mu siirima daawe. 47Owulira emboosi chaange mani yaahaya ohuchiloonda, ese haba simuheengera omusaango daawe; olwohuba haba sindeechia ohuheengera esyaalo omusaango daawe, nae ndeecha ohuwonia esyaalo. 48Oyo yeesi owuundekaana mani yaahaya ohufukiirira emboosi chaange ali neende owumuheengera omusaango. Emboosi chi ndalomaloma nicho echichia ohumuheengera omusaango hu ludaalo lw'enjakamo. 49Olwohuba ese haba sindalomalomaanga hulw'obunyala bwaange omweene; nae Laata owaanduma niye owandagira eby'ohulomaloma. 50Haandi manyire endi, esilagiro syae, nibwo obulamu butaakama. Mani esyo si nomanoma, nisyo si Laata yamboolera ohuboola.”
Trenutno odabrano:
Yowaana 12: SAMIA
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
©Bible Society of Kenya, 2019
©Bible Society of Uganda, 2019
Yowaana 12
12
Yesu abahwa amafuta naali Bbetani
(Mat 26:6-13; Mrk 14:3-9)
1Chali chidoong'ereyo endaalo chisaasaba esidyaalo sya Paasaka ohwoola. Mani Yesu niyeecha Bbetani, eyiri Lasaaro yi yasyuuhisa mu bafu yali niyamenya. 2Bamudeeherayo esy'engoloobe; mani Marita yaabakabula ebyohulya. Lasaaro yali mulala hu bali nibehaale neende Yesu ohulya. 3#Luk 7:37,38. Maria yabukula echupa yirimo amafuta k'ebbeyi hoongo muno, akawunya bulai muno, yaakabaha hu makulu ka Yesu, mani n'akapaangusa neende efwiiri lyae. Enyuumba yoosi yeechulamo esing'aari sy'amafuta ako. 4Nae Yuda Yisikarioti, mulala hu beeki ba Yesu, (oyo owali achia ohumuhoba), yaboola ati, 5“Lwasiina amafuta kano haba sikakusirwemo edinaari emia chidatu (300), #12:5 edinaari emia chidatu (300): Edinaari ndala yali yaakana neende omusaara kw'omuhalaabani kw'oludaalo lulala. mani chaakabwa abamanani?” 6Yaboola sino, ataali mbwe yali achuunirwa muno abamanani, nae olwohuba yali omwiibi. Niye owali omubiihi w'esanduku ly'eseende, haandi yali yanaliirira ohwiibaanga eseende chi babihaangamo. 7Yesu yaboola ati, “Mulehe omuhasi wuno abe, leha abiihe amafuta ako hulw'oludaalo lw'ohusiihwa hwaange. 8#Amal 15:11. Abamanani muli nabo endaalo choosi, nae haba simuchia ohubechaanga naange endaalo choosi daawe.”
Ohukiiya ohwiita Lasaaro
9Esidiiyiha sihoongo sy'Abayudaaya nisyamanya siti Yesu yali Bbetania, bachaayo ataali hulwa Yesu yeeng'ene, nae neende hulwa Lasaaro, yi Yesu yali niyasyuuhisa ohutula mu bafu. 10Abalaamisi bahuluundu mani nibakiiya amakesi k'ohwiita Lasaaro yesi, 11olwohuba hulwa Lasaaro, Abayudaaya baangi bali nibabatulireho, nibafukiriire mu Yesu.
Yesu yeengira mu Yerusalemu neende oluyaali
(Mat 21:1-11; Mrk 11:1-11; Luk 19:28-40)
12Nae hu ludaalo luloondaho, abaandu baangi muno abali beechere hu sidyaalo esyo nibawulira bati Yesu yali achia ohwiicha Yerusalemu, 13#Sab 118:25,26. babukula amasaga k'emisaala ky'amahiindu, baachia ohumubukaanira, neende esangaalo nibaboola bati, “Hosaana! W'ehabi oyo owiicha mu liita ly'Omwaami, haandi Omutuki wa Yisiraeli!” 14Yesu yanyoola esuhiri njere mani yaayihalaho; koti lu syandiikwa siti,
15 #
Sak 9:9. “Omuhaana wa Siyooni, otatya daawe;
bona, omutuki wao nguyo yeecha,
niyehaale hu suhiri njere!”
16Abeeki bae nabo haba sibamanyirao amahuluundu k'ebyo; nae Yesu niyabereswa oluyaali, niwo yi beechulisira bati ebyo byali byamwandiikwaho, haandi byamuholerwaho. 17Esidiiyiha syali nae ludaalo lu yalaangiraho Lasaaro ohutula mu ng'ani mani yamusyuuhisa ohutula mu bafu, bali nibakaniaayire bi yali n'aholere. 18Esyo nisyo esyakera esidiiyiha sy'abaandu beeyiha ohwiicha ohumubukaanira, olwohuba bali nibawuliire koti lu yahola ahalolero aho. 19Abafarisaayo nabo babbwoyooha sa mani baaboolanira abeene-na-beene bati, “Mubone koti lu huhayirwe! Esyaalo syoosi siwereere yi ali.”
Abagiriki baandi bakoonya ohubona Yesu
20Mu baandu bali bachiire ohwiinamira Nasaae hu sidyaalo esyo, mwalimo Abagiriki baandi. 21Mani nibachia eyiri Filipo, owali atula Bbetisaida mu Galilaaya, mani nibamuboolera bati, “Omuhuluundu, hudahaho ohubona Yesu.” 22Filipo yachia yaboobera Anderea; mani Anderea neende Filipo nibaboolera Yesu. 23Yesu yabakobolamo ati, “Esiha syahoola, Omwaana w'Omuundu anyoole oluyaali. 24Mbaboolera obwadyeeri endi, olumwo lw'engaano nilutaakwa mu loba mani lwaafwa, ludoong'a ao lwoong'ene; nae nilufwa, lwaamaho ebyaamo biingi. 25#Mat 10:39; 16:25; Mrk 8:35; Luk 9:24; 17:33. Buli oheera obulamu bwae, yahabufwiirwe. Nae osyuula obulamu bwae mu syaalo, yahabwebiihire mu bulamu butaakama daawe. 26Oyo owuuhalaabanira, yanoonda. Ese yi ndi, omuhalaabani waange yesi niwo yi yahabecheenge. Omuundu yesi-yesi owuuhalaabanira Laata yahamusiime.
Yesu alomaloma hu hufwa hwae
27“Bulaanu omwooyo kwaange kweelalihiire muno. Ndaaboole endye? Laata, monie esiha sino? Haba daawe, nae haandi esyakera ninjicha nisyo ohwoola hu siha sino. 28Laata, yisa mu liita lyao oluyaali.” Mani ekono nilitula Muukulu liti, “Ndaliisamo hale oluyaali, haandi njia ohuliisamo oluyaali.” 29Esidiiyiha sy'abaandu syali syeemere ao nisyaliwulira, sy'aboola siti, ekulu lyali lyaaduluha. Abaandi nabo baboola bati, “Malaika alomaloome nae.” 30Yesu yabakobolamo ati, “Ekono lino siliichire hulwaange, nae hulweeng'we. 31Bulaanu esyaalo sichia ohuheengerwa omusaango, bulaanu omutuki w'esyaalo sino achia ohusukunwa erwaanyi. 32Syesi nindahamale ohuniinisibwa ohutula hu syaalo, njia ohubuusa boosi mbasudye yi ndi.” 33Yesu yaboola atyo, niyeekesa engeri yi yali achia ohufwiiramo. 34#Sab 110:4; Yis 9:7; Esek 37:25; Dan 7:14. Esidiiyiha sy'abaandu syamukobolamo siti, “Efwe mu malako hwawulira huti, Kristo yahabeeo endaalo choosi pe. Naawe onyala otye ohuboola oti, Omwaana w'Omuundu ahoyere ohuniinisibwa aakulu? Omwaana w'Omuundu oyo niye wiina?” 35Mani Yesu n'ababoolera ati, “Obulafu busisiiriho naang'we esiha sidiidi. Mukeende nimusisiiri neende obulafu, esiirima sihaye ohubadiirira hu ngira, olwohuba oyo okeendera mu siirima haba saamanya yaachia daawe. 36Nimusisiiri neende obulafu, mufukiirire mu bulafu, hu munyale ohuba abaana b'obulafu.?”
Obutafukiirira bw'Abayudaaya
Yesu niyamala ohulomaloma atyo, yatula ao yaawaao mani yaabeekisaho. 37Kata ayahaba mbwe yali n'aholere obulolero buungi mu moni waabwe, nae haba sibamufukiiriramo. 38#Yis 53:1. Mani emboosi chi munabbi Yisaaya yalomaloma nichoolerera abweene, echiboola chiti,
“Ewe Omwaami, wiina owafukiirira bibawulira ohutula yi huli?
Haandi wiina mweene yi Omwaami yabwiihulira obunyala bwae?”
39Mani sakira bahaya ohufukiirira. Olwohuba Yisaaya haandi yaboola ati,
40 #
Yis 6:10. “Nasaae yawofusa emoni chaabwe, haandi yoomya emyooyo kyaabwe,
hu bahaye ohubona neende emoni chaabwe haandi ohuwulira neende emyooyo kyaabwe,
mani bahaye ohukaluha yi ndi mbawonie.”
41Yisaaya yaboola atyo, olwohuba yabona oluyaali lwa Yesu mani n'amulomalomaho. 42Nae kata katyo, ab'obunyala baangi muno, bamufukiiriramo, nae hulw'ohutya Abafarisaayo, haba sibatuumbulaanga, hu bahaye ohwiiruswa mu Sinagoogi: 43olwohuba badahaanga muno ohusiimwa hw'abaandu ohuhira oluyaali lwa Nasaae.
Ohuheengerwa omusaango ohweema hu mboosi cha Yesu
44Yesu yalomalomera mu kono ly'aakulu n'aboola ati, “Oyo owuufukiiriramo, haba saaba afukiirira mweese syeeng'ene, nae aba afukiirira neende mu oyo owaanduma. 45Haandi oyo owuumbona, aba abweene oyo owaanduma. 46Ese ndeecha mu syaalo ohuba obulafu, hu buli muundu wufukiirira ahaye ohudoong'a mu siirima daawe. 47Owulira emboosi chaange mani yaahaya ohuchiloonda, ese haba simuheengera omusaango daawe; olwohuba haba sindeechia ohuheengera esyaalo omusaango daawe, nae ndeecha ohuwonia esyaalo. 48Oyo yeesi owuundekaana mani yaahaya ohufukiirira emboosi chaange ali neende owumuheengera omusaango. Emboosi chi ndalomaloma nicho echichia ohumuheengera omusaango hu ludaalo lw'enjakamo. 49Olwohuba ese haba sindalomalomaanga hulw'obunyala bwaange omweene; nae Laata owaanduma niye owandagira eby'ohulomaloma. 50Haandi manyire endi, esilagiro syae, nibwo obulamu butaakama. Mani esyo si nomanoma, nisyo si Laata yamboolera ohuboola.”
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
©Bible Society of Kenya, 2019
©Bible Society of Uganda, 2019