Yowaana 9
9
Yesu awonia omuundu weebulwa naali omuwofu
1Yesu niyali n'abitaao, yabona omuundu weebulwa naali omuwofu. 2Abeeki bae bamuteeba bati, “Rabbi, wiina mweene owahola esyonoono hu wuno yeebulwe naali omuwofu, niye wuno mweene, kose abeebusi bae?” 3Yesu yabakobolamo ati, “Wuno haba siyonoonaangaho daawe, kata abeebusi bae, nae yeebulwa atyo hu biholwa bya Nasaae binyale ohumuboneheramo. 4Efwe huhoyere ohuhola emirimo ky'oyo owaanduma, obwiire nibusisiiri esideete. Olwohuba esiro siri ohwiicha, yibuleo omuundu onyala ohuholeramo omulimo. 5#Mat 5:14; Yow 8:12. Nisisiiri hu syaalo, Ese ndi obulafu bw'esyaalo.” 6Niyamala ohuboola ebyo, yafuucha amate hu loba, n'aniooba eloba neende amate kae, mani n'abaha edosi elyohu moni ch'omusaacha oyo, 7n'amuboolera ati, “Chia, weeyose mu sidiba sya Siloamu” (esyeekesa mbwe Atumirwe). Omusaacha yaachia yeeyosa mani n'akobola n'abona. 8Abalilwaana neende abo abamubonaanga n'asabirisa nibeteeba bati, “Wuno siniye oyo owehalaanga n'asabirisa?” 9Abaandi baboola bati, “Niye wuno”; nae abaandi nibaboola bati, “Bbe, amufwaanana sa.” Omusaacha mweene n'aboola ati, “Niise.” 10Mani nibamuteeba bati, “Nae emoni chao chilimbuuhe chitye?” 11Yakobolamo ati, “Omuundu olaangwa Yesu niye anioobere edosi, yalibaha hu moni chaange mani niyamboolera ati, ‘Chia hu Siloamu mani weeyose.’ Njiire mani nindeeyosa, ninjaaka ohubona.” 12Mani nibamuteeba bati, “Ali yeena?” Yabkobolamo ati, “Haba siimanyire.”
Abafarisaayo bahemeresa owawonisibwa
13Ao mani nibayira owali omuwofu eyiri Abafarisaayo. 14Bulaanu oludaalo lu Yesu yaniooberaho edosi mani n'aliimbusa emoni ch'omusaacha oyo lwali olwa Sabbaato. 15Abafarisaayo haandi nibamuteeba engeri yi yachaakiramo ohubona. Mani n'ababoolera ati, “Ateere edosi hu moni chaange, mani nindeeyosa, mani ninjaaka ohubona.” 16Abafarisaayo baandi nibaboola bati, “Omuundu owahola esyo, oyo haba s'anyala ohuba niyatula eyiri Nasaae, olwohuba haba s'adiira elako ly'oludaalo lwa Sabbaato.” Nae abaandi nabo nibaboola bati, “Omuundu mwonooni anyala atye ohuhola obulolero buli bwakiira ao?” Mani niyibaao ohutafukiirisania akatikaati waabwe. 17Abafarisaayo haandi nibateeba omusaacha owali omuwofu oyo bati, “Oyo koti lu yahuliimbusye emoni, ewe omulomalomaho siina?” Nae yakobolamo ati, “Munabbi niye.”
18Abayudaaya nabo nibahaya ohufukiirira bati omuundu oyo yaliho omuwofu, luunyuma n'achaaka ohubona haandi, ohwoola lu balaanga abeebusi bae. 19Bateeba abeebusi bae bati, “Wuno niye omwaana weeng'we yi baboola bati yebulwa naali omuwofu? Nae bulaanu achaakire atye ohubona?” 20Abeebusi bae bakobolamo bati, “Humanyire huti wuno mwaana weefwe niye, haandi huti, yebulwa naali omuwofu. 21Nae esikera n'achaaka ohubona bulaanu, neende owamuliimbusa, efwe haba sihumanyire daawe. Mumuteebe omweene; muhuluundu niye, achia ohwelomalomera.” 22Abeebusi bae baboola batyo, olwohuba bali nibatiire Abayudaaya, olwohuba Abayudaaya bali nibamalire ohufukiirisania bati, buli muundu otuumbula ati, Yesu niye Kristo, wohwiiruswa mu Sinagoogi. 23Abeebusi bae sakira baboola bati, “Mumuteebe omweene; muhuluundu niye.”
24Ao mani nibalaanga owali omuwofu ehabi lyohubiri, mani nibamuboolera bati, “Ewe kinia Nasaae; efwe humanyire huti omuundu wuno mwonooni niye.” 25Nae yabakobolamo ati, “Oba mwonooni, ese haba siimanyire. Nae esiindu silala si manyire nisyo siti, ndali omuwofu, nae bulaanu mbona.” 26Nabo mani nibamuteeba bati, “Siina syeene si yahuholaho? Yahuliimbusa atye emoni?” 27Nae yabakobolamo ati, “Malire ohubabooleraho hale, nae muhayire ohutekeeresa. Lwasiina mudaha ohusiwulira ehabi liindi? Mwesi mudaha ohweehola abeeki bae?” 28Mani nibamunyeka haandi nibamuboolera bati, “Ewe niiwe omweeki wae. Nae efwe huli abeeki ba Musa. 29Efwe humanyire huti, Nasaae yalomaloma neende Musa, nae oyo, efwe haba sihumanyire yi atula daawe.” 30Omusaacha oyo yakobolamo ati, “Lwasiina, sino siwukisa muno! Eng'we ohutamanya yi atula, nae yaanimbuuse emoni. 31Humanyire huti, abonooni Nasaae haba sabawulira daawe, nae awulira abo abamwiisamo oluyaali, haandi abahola ebyo by'adaha. 32Ohutula hale-na-haandi, sisiwulirwaangaho kata nabudiidi siti, omuundu yeesi yali n'alimbuuse emoni ch'omuundu weebulwa naali omuwofu. 33Omuundu wuno aba n'atatula eyiri Nasaae, haba siyahanyalire ohuhola kata esiindu syoosi.” 34Nabo bamukobolamo bati, “Ewe oweebulirwa mu syonoono, wesi niiwe odaha ohutweekesa?” Mani nibamusiindikirisa nibamutusa erwaanyi wa Sinagoogi.
Obuwofu bwomu mwooyo
35Yesu yawulira ati bamusindikiriise bamutusa erwaanyi wa Sinagoogi. Niyamunyoola, yamuteeba ati, “Ofukiirira mu Omwaana w'Omuundu?” 36Nae yamukobolamo ati, “Omwaami, oyo niye naanu, mufukiirire?” 37Yesu yamuboolera ati, “Omubweene, haandi niye oli ohulomaloma naawe.” 38Nae yaboolera ati, “Omwaami, fukiirira”. Mani niyeenamira Yesu. 39Yesu yaboola ati, “Ndeecha mu syaalo muno ohuheenga omusaango, abo ababeere nibatabona, banyale ohubona, nae ababona bawofule.” 40Abafarisaayo baandi abali aambi neende Yesu nibawulira n'alomaloma atyo, bamuteeba bati, “Syeekesa siti fwesi huli abawofu?” 41Yesu yababoolera ati, “Muba nimuli abawofu, simwahabeere neende esyonoono daawe. Nae olwohuba muboola muti ‘Efwe hubona,’ esyonoono syeeng'we, sibadoong'aho.”
Trenutno odabrano:
Yowaana 9: SAMIA
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
©Bible Society of Kenya, 2019
©Bible Society of Uganda, 2019
Yowaana 9
9
Yesu awonia omuundu weebulwa naali omuwofu
1Yesu niyali n'abitaao, yabona omuundu weebulwa naali omuwofu. 2Abeeki bae bamuteeba bati, “Rabbi, wiina mweene owahola esyonoono hu wuno yeebulwe naali omuwofu, niye wuno mweene, kose abeebusi bae?” 3Yesu yabakobolamo ati, “Wuno haba siyonoonaangaho daawe, kata abeebusi bae, nae yeebulwa atyo hu biholwa bya Nasaae binyale ohumuboneheramo. 4Efwe huhoyere ohuhola emirimo ky'oyo owaanduma, obwiire nibusisiiri esideete. Olwohuba esiro siri ohwiicha, yibuleo omuundu onyala ohuholeramo omulimo. 5#Mat 5:14; Yow 8:12. Nisisiiri hu syaalo, Ese ndi obulafu bw'esyaalo.” 6Niyamala ohuboola ebyo, yafuucha amate hu loba, n'aniooba eloba neende amate kae, mani n'abaha edosi elyohu moni ch'omusaacha oyo, 7n'amuboolera ati, “Chia, weeyose mu sidiba sya Siloamu” (esyeekesa mbwe Atumirwe). Omusaacha yaachia yeeyosa mani n'akobola n'abona. 8Abalilwaana neende abo abamubonaanga n'asabirisa nibeteeba bati, “Wuno siniye oyo owehalaanga n'asabirisa?” 9Abaandi baboola bati, “Niye wuno”; nae abaandi nibaboola bati, “Bbe, amufwaanana sa.” Omusaacha mweene n'aboola ati, “Niise.” 10Mani nibamuteeba bati, “Nae emoni chao chilimbuuhe chitye?” 11Yakobolamo ati, “Omuundu olaangwa Yesu niye anioobere edosi, yalibaha hu moni chaange mani niyamboolera ati, ‘Chia hu Siloamu mani weeyose.’ Njiire mani nindeeyosa, ninjaaka ohubona.” 12Mani nibamuteeba bati, “Ali yeena?” Yabkobolamo ati, “Haba siimanyire.”
Abafarisaayo bahemeresa owawonisibwa
13Ao mani nibayira owali omuwofu eyiri Abafarisaayo. 14Bulaanu oludaalo lu Yesu yaniooberaho edosi mani n'aliimbusa emoni ch'omusaacha oyo lwali olwa Sabbaato. 15Abafarisaayo haandi nibamuteeba engeri yi yachaakiramo ohubona. Mani n'ababoolera ati, “Ateere edosi hu moni chaange, mani nindeeyosa, mani ninjaaka ohubona.” 16Abafarisaayo baandi nibaboola bati, “Omuundu owahola esyo, oyo haba s'anyala ohuba niyatula eyiri Nasaae, olwohuba haba s'adiira elako ly'oludaalo lwa Sabbaato.” Nae abaandi nabo nibaboola bati, “Omuundu mwonooni anyala atye ohuhola obulolero buli bwakiira ao?” Mani niyibaao ohutafukiirisania akatikaati waabwe. 17Abafarisaayo haandi nibateeba omusaacha owali omuwofu oyo bati, “Oyo koti lu yahuliimbusye emoni, ewe omulomalomaho siina?” Nae yakobolamo ati, “Munabbi niye.”
18Abayudaaya nabo nibahaya ohufukiirira bati omuundu oyo yaliho omuwofu, luunyuma n'achaaka ohubona haandi, ohwoola lu balaanga abeebusi bae. 19Bateeba abeebusi bae bati, “Wuno niye omwaana weeng'we yi baboola bati yebulwa naali omuwofu? Nae bulaanu achaakire atye ohubona?” 20Abeebusi bae bakobolamo bati, “Humanyire huti wuno mwaana weefwe niye, haandi huti, yebulwa naali omuwofu. 21Nae esikera n'achaaka ohubona bulaanu, neende owamuliimbusa, efwe haba sihumanyire daawe. Mumuteebe omweene; muhuluundu niye, achia ohwelomalomera.” 22Abeebusi bae baboola batyo, olwohuba bali nibatiire Abayudaaya, olwohuba Abayudaaya bali nibamalire ohufukiirisania bati, buli muundu otuumbula ati, Yesu niye Kristo, wohwiiruswa mu Sinagoogi. 23Abeebusi bae sakira baboola bati, “Mumuteebe omweene; muhuluundu niye.”
24Ao mani nibalaanga owali omuwofu ehabi lyohubiri, mani nibamuboolera bati, “Ewe kinia Nasaae; efwe humanyire huti omuundu wuno mwonooni niye.” 25Nae yabakobolamo ati, “Oba mwonooni, ese haba siimanyire. Nae esiindu silala si manyire nisyo siti, ndali omuwofu, nae bulaanu mbona.” 26Nabo mani nibamuteeba bati, “Siina syeene si yahuholaho? Yahuliimbusa atye emoni?” 27Nae yabakobolamo ati, “Malire ohubabooleraho hale, nae muhayire ohutekeeresa. Lwasiina mudaha ohusiwulira ehabi liindi? Mwesi mudaha ohweehola abeeki bae?” 28Mani nibamunyeka haandi nibamuboolera bati, “Ewe niiwe omweeki wae. Nae efwe huli abeeki ba Musa. 29Efwe humanyire huti, Nasaae yalomaloma neende Musa, nae oyo, efwe haba sihumanyire yi atula daawe.” 30Omusaacha oyo yakobolamo ati, “Lwasiina, sino siwukisa muno! Eng'we ohutamanya yi atula, nae yaanimbuuse emoni. 31Humanyire huti, abonooni Nasaae haba sabawulira daawe, nae awulira abo abamwiisamo oluyaali, haandi abahola ebyo by'adaha. 32Ohutula hale-na-haandi, sisiwulirwaangaho kata nabudiidi siti, omuundu yeesi yali n'alimbuuse emoni ch'omuundu weebulwa naali omuwofu. 33Omuundu wuno aba n'atatula eyiri Nasaae, haba siyahanyalire ohuhola kata esiindu syoosi.” 34Nabo bamukobolamo bati, “Ewe oweebulirwa mu syonoono, wesi niiwe odaha ohutweekesa?” Mani nibamusiindikirisa nibamutusa erwaanyi wa Sinagoogi.
Obuwofu bwomu mwooyo
35Yesu yawulira ati bamusindikiriise bamutusa erwaanyi wa Sinagoogi. Niyamunyoola, yamuteeba ati, “Ofukiirira mu Omwaana w'Omuundu?” 36Nae yamukobolamo ati, “Omwaami, oyo niye naanu, mufukiirire?” 37Yesu yamuboolera ati, “Omubweene, haandi niye oli ohulomaloma naawe.” 38Nae yaboolera ati, “Omwaami, fukiirira”. Mani niyeenamira Yesu. 39Yesu yaboola ati, “Ndeecha mu syaalo muno ohuheenga omusaango, abo ababeere nibatabona, banyale ohubona, nae ababona bawofule.” 40Abafarisaayo baandi abali aambi neende Yesu nibawulira n'alomaloma atyo, bamuteeba bati, “Syeekesa siti fwesi huli abawofu?” 41Yesu yababoolera ati, “Muba nimuli abawofu, simwahabeere neende esyonoono daawe. Nae olwohuba muboola muti ‘Efwe hubona,’ esyonoono syeeng'we, sibadoong'aho.”
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
©Bible Society of Kenya, 2019
©Bible Society of Uganda, 2019