ᒐᓂᓯᔅ 10

ᓄᐛ ᐅᑯᓴ ᐅᑦ ᐊᓂᔅᑯᑕᐸᓂᔪᐛ

1ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᒡ ᓄᐛ ᐅᑯᓴ, ᓴᒻ, ᐊᒻ, ᑭᔭ ᒐᐸᑦ ᐅᑦ ᐊᓂᔅᑯᑕᐸᓄᐛᐛ, ᑲ ᐃᔪᔨᒋ ᑲᒋ ᐃᔅᒋᐸᔨᒡ᙮

ᒐᐸᑦ ᐅᑦ ᐊᓂᔅᑯᑕᐸᓇ

2ᒐᐸᑦ ᒋ ᐅᑯᓱᐤ ᑯᒪᕐ, ᒪᑯᒃ, ᒪᑕᐃ, ᒐᐸᓐ, ᑐᐸᓪ, ᒥᓴᒃ, ᑭᔭ ᑎᕋᔅ᙮

3ᑯᒪᕐ ᒋ ᐅᑯᓱᐤ ᐊᔅᑭᓇᔅ, ᐎᐸᑦ ᑭᔭ ᑐᑲᕐᒪ᙮

4ᒐᐸᓐ ᒋ ᐅᑯᓱᐤ ᐃᓕᓴ, ᑕᕐᓯᔅ, ᑭᑎᒻ ᑭᔭ ᕈᑕᓂᒻ᙮ 5ᐅᒡ ᐃᔪᒡ ᒥᒋᒪ ᐎᓂᐸᑯᒡ ᒋ ᐎᒍᐅᒡ ᑕᑎᐸᓐ ᐅᑦ ᐊᔅᒋᐛᒡ, ᑎᐸᓐ ᐊ ᐃᓯ ᐃᔨᒥᒡ ᑭᔭ ᐊ ᐃᑎᔅᑲᓇᓯᒡ᙮

ᐊᒻ ᐅᑦ ᐊᓂᔅᑯᑕᐸᓇ

6ᐊᒻ ᒋ ᐅᑯᓱᐤ ᑯᔅ, ᒥᔅᕋᐃᒻ, ᐳᑦ ᑭᔭ ᑲᐃᓇᓐ᙮

7ᑯᔅ ᒋ ᐅᑯᓱᐤ ᓯᐸ, ᐊᐱᓚ, ᓴᑉᑕ, ᕋᐊᒪ ᑭᔭ ᓴᑉᑎᑲ᙮

ᕋᐊᒪ ᒋ ᐅᑯᓱᐤ ᓯᐸ ᑭᔭ ᑎᑕᓐ᙮

8ᑯᔅ ᒋ ᐅᑕᐎᑕᑯᐤ ᓂᒻᕋᑦ, ᐎᔾ ᐅᔅᑭᒡ ᓇᔅᒡ ᐊᒋ ᓱᒋᓯᑦ ᓇᐸᐤ ᐅᑕ ᐊᔅᒋᒡ᙮ 9ᒋᒋᐛ ᒋ ᓂᑕᐤ ᓂᑐᐎᔪᐤ ᐊ ᐎᒋᐃᑯᑦ ᑎᐸᔨᒋᒐᓱᐛ, ᐎᔾ ᓂᒻᕋᑦ ᑲ ᐅᒋ ᐃᔅᒋᔄᓄᐎᒡ, “ᒋ ᓂᑕᐤ ᓂᑐᐎᓐ ᒧᔭᒻ ᓂᒻᕋᑦ ᑎᐸᔨᒋᒐᓱᐤ ᐊ ᐎᒋᐃᔅᒃ᙮” 10ᑯᔅ ᓂᔅᑎᒻ ᒋ ᐅᒋᒪᐤ ᐊᓐᑕ ᐸᐱᓗᓐ, ᐊᕋᒃ, ᐊᑲᑦ ᑭᔭ ᑲᓂ, ᐊᓐᑕ ᓯᓇᕐ ᐊᔅᒋᒡ᙮ 11ᐊᓯᕆᔭ ᒋ ᐃᑐᑕᐤ ᑭᔭ ᒋ ᒋᒥᑕᐤ ᓂᓇᐸ ᐅᑕᓇᔪᐤ᙮ ᐎᔾ ᒋᒡ ᒋ ᒋᒥᑕᐤ ᕋᐅᐳᑦ-ᐊᕐ ᑭᔭ ᑲᓚ, 12ᑭᔭ ᕋᓯᓐ ᑎᔅᑐᐎᒡ ᓂᓇᐸ ᑭᔭ ᑲᓚ, ᐊᐅᑯᐤ ᐊ ᒥᔅᑎᐅᑕᓇᐅᒡ᙮

13ᒥᔅᕋᐃᒻ ᒋ ᐅᑕᐎᑕᑯᐤ ᓗᑎᒻ, ᐊᓇᒥᒻ, ᓚᐊᐱᒻ, ᓇᑉᑐᐃᒻ, 14ᐸᑦᕈᓯᒻ, ᑲᔅᓗᐃᒻ (ᐊᓐᑕ ᐛᒋᐱᔨᒡ ᐱᓕᔅᑕᐃᓐ ᐃᔪᒡ) ᑭᔭ ᑲᑉᑐᕆᒻ᙮

15ᑲᐃᓇᓐ ᒋ ᐅᑕᐎᑕᑯᐤ ᓴᐃᑐᓐ, ᐅᓂᔅᑎᒧᓴᓇ ᑭᔭ ᐊᑦ, 16ᑭᔭ ᒐᐱᐅᔅ ᐃᔪᐛ, ᐊᒧᕆ ᐃᔪᐛ, ᑲᕐᑭᔅ ᐃᔪᐛ, 17ᐃᑉ ᐃᔪᐛ, ᐊᕐᑲ ᐃᔪᐛ, ᓯᓇ ᐃᔪᐛ, 18ᐊᕐᐸᑦ ᐃᔪᐛ, ᓴᒪᕐ ᐃᔪᐛ ᑭᔭ ᐊᒪᑦ ᐃᔪᐛ᙮

ᓇᓇᒐ ᑲᐃᓇᓐ ᐃᔪᒡ ᑕᑎᐸᓐ ᒋ ᐃᑐᑕᐅᒡ᙮ 19ᐊᑯ ᑲᐃᓇᓐ ᐃᔪᒡ ᓴᐃᑐᓐ ᒋ ᐅᑦ ᐊᔅᒋᐅᒡ ᑭᔭ ᑭᕋᕐ ᐃᑕᒐ ᐃᔅᐱᔅ ᑲᓴ ᑭᔭ ᓱᑕᒻ, ᑯᒧᕋ, ᐊᑦᒪ ᑭᔭ ᓴᐳᐃᒻ ᐃᔅᐱᔅ ᓚᓴ᙮

20ᐊᐅᑯᐤ ᐅᔭ ᐅᑦ ᐊᐛᓯᒪ ᐊᒻ, ᑲ ᐃᓯ ᑕᑐᐃᒋᓯᒡ, ᑲ ᐃᓯ ᐃᔨᒥᒡ, ᑲ ᐃᓯ ᐅᑦ ᐊᔅᒋᒡ ᑭᔭ ᑲ ᑕᑐᔅᑲᓇᓯᒡ᙮

ᓴᒻ ᐅᑦ ᐊᓂᔅᑯᑕᐸᓇ

21ᓴᒻ ᒋ ᑕᔪᐛ ᐅᑦ ᐊᐛᓯᒪ, ᒋ ᐅᑕᐎᒪᐤ ᒥᓯᐛ ᐃᐳᕐ ᐅᑦ ᐊᐛᓯᒥᔪᐛ ᑭᔭ ᒐᐸᑕ ᒋ ᐅᔅᑕᓱᐤ᙮

22ᓴᒻ ᒋ ᐅᑯᓱᐤ ᐃᓚᒻ, ᐊᔅᐅᕐ, ᐊᕐᐸᑭᓴᑦ, ᓗᑦ ᑭᔭ ᐊᕋᒻ᙮

23ᐊᕋᒻ ᒋ ᐅᑯᓱᐤ ᐅᔅ, ᐅᓪ, ᑲᑐᕐ ᑭᔭ ᒪᔅ᙮

24ᐊᕐᐸᑭᓴᑦ ᐎᔾ ᒋ ᐅᑕᐎᒪᐤ ᓴᓚ᙮ ᓴᓚ ᐎᔾ ᒋ ᐅᑕᐎᒪᐤ ᐃᐳᕐ᙮

25ᒋ ᓂᓯᔪᐛ ᐃᐳᕐ ᐅᑯᓴ᙮ ᐸᓚᒃ ᐸᐃᒄ ᒋ ᐃᓯᓂᐧᑲᓱᔪᐛ, ᐊ ᐃᑎᔅᑲᓇᓯᒡ ᒋ ᑎᐸᓂᒧᒡ ᐊᔅᒋᔪᐤ ᑲᒋ ᑕᑦ᙮ ᒍᒃᑕᓐ ᒋ ᐃᓯᓂᐧᑲᑕᑭᓄᐅᔪᐛ ᐅᓯᒪ᙮

26ᒍᒃᑕᓐ ᐎᔾ ᒋ ᐅᑕᐎᒪᐤ ᐊᓪᒧᑕᑦ, ᓯᓚᑉ, ᐊᓴᕐᒪᐸᑦ, ᒋᕋ, 27ᐊᑐᕋᒻ, ᐅᓴᓪ, ᑎᒃᓚ, 28ᐅᐸᓪ, ᐊᐱᒪᐃᓪ, ᓯᐸ, 29ᐅᐳᕐ, ᐊᐱᓚ ᑭᔭ ᒍᐸᑉ᙮ ᒍᒃᑕᓐ ᐅᔭ ᒥᓯᐛ ᐅᑯᓴ᙮ 30ᒥᓴ ᐊᔅᒋᒡ ᐅᒡ ᐃᔅᐱᔅ ᓯᐸᕐ ᒋ ᐎᒍᐅᒡ ᐛᐱᓄᑕᒡ ᐱᔅᑯᑎᓇᒡ᙮ 31ᐊᐅᑯᐤ ᐅᔭ ᑲ ᐃᓯ ᐎᔭᑭᓄᔨᒋ ᓴᒻ ᐅᑦ ᐊᐛᓯᒪ, ᑲ ᐃᑎᔅᑲᓇᓯᒡ ᑭᔭ ᑲ ᐅᑦ ᐊᔅᒋᒡ᙮

32ᐊᐅᑯᐤ ᑲ ᐃᓯ ᐎᔭᑭᓄᔨᒋ ᓄᐛ ᐅᑯᓴ ᐅᑦ ᐊᓂᔅᑯᑕᐸᓂᔪᐛ, ᒋ ᒥᒐᑐᔅᑲᓇᓯᔨᐛ ᐅᑦ ᐊᓂᔅᑯᑕᐸᓂᔪᐛ ᑭᔭ ᒥᓯᐛ ᐊᔅᐱᑎᔅᑭᒥᑲᔨᒡ ᐅᑕ ᐊᔅᒋᒡ ᒋ ᑕᔪᐛ ᑲᒋ ᐃᔅᒋᐸᔨᒡ᙮

Trenutno odabrano:

ᒐᓂᓯᔅ 10: ᓇᔅᑲᐱ

Istaknuto

Podijeli

Kopiraj

Želiš li svoje istaknute stihove spremiti na sve svoje uređaje? Prijavi se ili registriraj

ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ

Naskapi Development Corporation

Kawawachikamach, Québec G0G 2Z0 Canada

Canadian Bible Society

10 Carnforth Road, Toronto Ontario M4A 2S4 Canada

Saznajte više o ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ