Emiighom 13
13
Ebram rꞌạLot ọgbaranaan
1Ebram anyeene ạga ephunom amite ẹpe Ijipt, kụ ạghi ạga esoorom ạpakiri aKenan, ạphamam ni ạnir ọdi rꞌoomo ạraraar phọ ịpe ọdi ạmoogh bọ, kụ ạLot ạdaph ni nyọdi. 2Ebram aḍighi ni oboom ọdaam, ạmoogh ni ịminighan ịnam rꞌasilva rꞌagol. 3Kụ ọdi ạḍua kụ arelhe ghan ạgba esi kụ ạrol rapogh Bẹtel, sịphe arugbogo phọ ọdi ạrol ghan bọ, igbo ạBetel rꞌEai, 4kụ ạḅile bọ ạghi ạteeny ạkan enmeny ạrikia phọ ọdi ạkan bọ ẹḅel amem mọ, kụ aaseeny ḍien Ọmoogh-we phọ sịphe.
5Kụ ạLot phọ ạdaph ghan bọ nyọdi ạmoogh aani ni ịminighan iyool-ịga rꞌạsinam, ḅịle rꞌeghunotu rꞌabutelhedom mọ ọdi. 6Ade phọ ị́manam dị oomo phọ ạbidi kọtol eniin esi loor aḍita ịnam bịdi ọmoogh bọ. 7Kụ ịruonu emite ogbo awe phọ ạbuphe rokori ghan bọ ịnam mọ Ebram rꞌạbuphe ạLot. (Mem mọ ọpo phọ aKenanait rꞌạPerezait otugh ni sịphe ade phọ.)
8Kụ Ebram ạḅeni Lọt mọ, “Yira abumor kụ awe phọ ạna rꞌạbuen ạmi kụ́tuanagh ghan. 9Loor esi ịduon phọ, tue ọgbatanaan. Pin ạga ade phọ lọ nạ rạwa. Nạ kịa ḍiniin ạḍighaagh, mị kạki ḍịeri phọ.”
10 #
Emi 2.10
Kụ ạLot ạnmanaghian akoom kụ ạmiin mọ oomo ade phọ ạJodan kụ ẹdi ạmuum amuza, ẹkigh ịdipho oghoony phọ Iden rꞌịdipho eelhe phọ Ijipt, ẹpe esomanan aZoar. (Ịphen phọ memite kụ Ọmoogh-we phọ agbi bọ ophiemi ạramha phọ Sọdom rꞌaGomora.) 11Kụ iḍighi kụ ạLot aphin oomo ạḍiyaghaghaany ade phọ ạJodan aḅetenu ạghi ẹpe erumuḍio remite ghan bọ. Pọ kụ ịdi ịyal awe phọ ọgbaranaan bọ, uwo ạḍio ọdi ạghi ḍịo ọdi. 12Ebram ạrol sịphe ade phọ aKenan, kụ ạLot arugh igbo ạramha phọ etuman bọ Sọdom, 13bụphe uḍighi bọ bụkaraph awe dị ạsipioghom mọ ạbidi eeph iboom risigh Ọmoogh-we phọ.
Ebram ạki ẹpe Hẹbron
14Mem dị ạLot mạḍua, kụ Ọmoogh-we phọ ạḅeni Ebram mọ, “Emiigh sịen nạ odi bọ, mạar ạnmanaghian amiigha loor aphogh oomo ade phọ. Miigha loor aphogh oomo ạga phọ. 15#Iiḍ 7.5Oomo ade phọ ạḍien nạ rạmiin bọ mị kạngo nyịna rꞌẹemara ẹemara ạna kụ keḍighi ẹlo ạna kꞌagee-pọ. 16Ạnmuny ạna kọtol ịdipho ịisaar ịsien ade phọ. Oye lọ arue kụ ạal ịisaar ịsien ade phọ amuneni, pọ katue ni ạbal nmụny ạna amuneni. 17Nyịidipho ḅetenu arelhe yogh oomo ade phọ akitonom, ịdi eḍighi bọ mị kạngo nyịna oomo ade phọ ạḍien.” 18Ebram azunyon rugbogo phọ ọdi, kụ ạḍua ạghi arugh ẹpe Hẹbron esi dị etuman ireeny ạḍiogh phọ esiighi bọ ẹpe aMamre, kụ ạkananaan enmeny ạrikia Ọmoogh-we phọ.
Trenutno odabrano:
Emiighom 13: ẠḌI
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Emiighom 13
13
Ebram rꞌạLot ọgbaranaan
1Ebram anyeene ạga ephunom amite ẹpe Ijipt, kụ ạghi ạga esoorom ạpakiri aKenan, ạphamam ni ạnir ọdi rꞌoomo ạraraar phọ ịpe ọdi ạmoogh bọ, kụ ạLot ạdaph ni nyọdi. 2Ebram aḍighi ni oboom ọdaam, ạmoogh ni ịminighan ịnam rꞌasilva rꞌagol. 3Kụ ọdi ạḍua kụ arelhe ghan ạgba esi kụ ạrol rapogh Bẹtel, sịphe arugbogo phọ ọdi ạrol ghan bọ, igbo ạBetel rꞌEai, 4kụ ạḅile bọ ạghi ạteeny ạkan enmeny ạrikia phọ ọdi ạkan bọ ẹḅel amem mọ, kụ aaseeny ḍien Ọmoogh-we phọ sịphe.
5Kụ ạLot phọ ạdaph ghan bọ nyọdi ạmoogh aani ni ịminighan iyool-ịga rꞌạsinam, ḅịle rꞌeghunotu rꞌabutelhedom mọ ọdi. 6Ade phọ ị́manam dị oomo phọ ạbidi kọtol eniin esi loor aḍita ịnam bịdi ọmoogh bọ. 7Kụ ịruonu emite ogbo awe phọ ạbuphe rokori ghan bọ ịnam mọ Ebram rꞌạbuphe ạLot. (Mem mọ ọpo phọ aKenanait rꞌạPerezait otugh ni sịphe ade phọ.)
8Kụ Ebram ạḅeni Lọt mọ, “Yira abumor kụ awe phọ ạna rꞌạbuen ạmi kụ́tuanagh ghan. 9Loor esi ịduon phọ, tue ọgbatanaan. Pin ạga ade phọ lọ nạ rạwa. Nạ kịa ḍiniin ạḍighaagh, mị kạki ḍịeri phọ.”
10 #
Emi 2.10
Kụ ạLot ạnmanaghian akoom kụ ạmiin mọ oomo ade phọ ạJodan kụ ẹdi ạmuum amuza, ẹkigh ịdipho oghoony phọ Iden rꞌịdipho eelhe phọ Ijipt, ẹpe esomanan aZoar. (Ịphen phọ memite kụ Ọmoogh-we phọ agbi bọ ophiemi ạramha phọ Sọdom rꞌaGomora.) 11Kụ iḍighi kụ ạLot aphin oomo ạḍiyaghaghaany ade phọ ạJodan aḅetenu ạghi ẹpe erumuḍio remite ghan bọ. Pọ kụ ịdi ịyal awe phọ ọgbaranaan bọ, uwo ạḍio ọdi ạghi ḍịo ọdi. 12Ebram ạrol sịphe ade phọ aKenan, kụ ạLot arugh igbo ạramha phọ etuman bọ Sọdom, 13bụphe uḍighi bọ bụkaraph awe dị ạsipioghom mọ ạbidi eeph iboom risigh Ọmoogh-we phọ.
Ebram ạki ẹpe Hẹbron
14Mem dị ạLot mạḍua, kụ Ọmoogh-we phọ ạḅeni Ebram mọ, “Emiigh sịen nạ odi bọ, mạar ạnmanaghian amiigha loor aphogh oomo ade phọ. Miigha loor aphogh oomo ạga phọ. 15#Iiḍ 7.5Oomo ade phọ ạḍien nạ rạmiin bọ mị kạngo nyịna rꞌẹemara ẹemara ạna kụ keḍighi ẹlo ạna kꞌagee-pọ. 16Ạnmuny ạna kọtol ịdipho ịisaar ịsien ade phọ. Oye lọ arue kụ ạal ịisaar ịsien ade phọ amuneni, pọ katue ni ạbal nmụny ạna amuneni. 17Nyịidipho ḅetenu arelhe yogh oomo ade phọ akitonom, ịdi eḍighi bọ mị kạngo nyịna oomo ade phọ ạḍien.” 18Ebram azunyon rugbogo phọ ọdi, kụ ạḍua ạghi arugh ẹpe Hẹbron esi dị etuman ireeny ạḍiogh phọ esiighi bọ ẹpe aMamre, kụ ạkananaan enmeny ạrikia Ọmoogh-we phọ.
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS