Lk 7
7
Yesũ Aivosya Mũthũkũmi wa Mũnene wa Asikalĩ ma Loma
(Mat 8.5-13)
1Yesũ amina kũmanyĩsya andũ maũndũ asu onthe, nĩwaendie ndũanĩ ya Kavelinaũmu. 2Kũu kwaĩ mũnene ũmwe wa kĩkundi kya asikalĩ ĩana waĩ na mũthũkũmi ũmwe waĩ vata nake mũno. Mũthũkũmi ũsu aĩ mũwau mũno akew'a kũkw'a. 3Yĩla mũnene ũsu weewie ũvoo wa Yesũ, nĩwatũmie atumĩa amwe Ayuti mathi vala ũĩ makamũkũlye oke kũmũvoesya mũthũkũmi ũsu. 4Nĩmaendie vala ve Yesũ na mamwĩsũva mũno maimwĩa atĩĩ, “Mũndũ ũsu nĩwaĩlwe nĩ kwĩkwa ũu, 5nũndũ nĩwendete nthĩ yaitũ, o na nĩwatwakĩie nyũmba yaitũ ya kũthaithĩa na kũmbanĩa.”
6Nĩvo ĩndĩ Yesũ waendanisye namo. E vakuvĩ kũvika mũsyĩ kwa ũla mũnene wa asikalĩ, mũnene ũsu nĩwamũtũmĩie anyanyae makamwĩe atĩĩ, “Mwĩai, ndũkenyamasye ũyũka kwakwa, nũndũ nyie ndyianĩwe nue wũke mũsyĩ kwakwa. 7O na ndinona nĩ mwaĩlu kũka vala ũĩ nyie mwene. Ĩndĩ neena o ndeto tũ, na mũthũkũmi wakwa nũkũvoa. 8Nyie o nakwa nĩ ungu wa anene angĩ, na nĩ na asikalĩ nĩũngamĩe. Nĩnĩaa mũsikalĩ ũmwe nĩathi, na aithi, na ndyĩa ũngĩ nĩoke, na ayũka. O na nĩnĩaa mũthũkũmi wakwa nĩeke ũndũ mũna, na ayĩka.”
9Yesũ eew'a ũu nĩwaseng'ie mũno, na athyũũkĩa ĩkomano yĩla yamũatĩĩe ayĩa atĩĩ, “Ekai nĩmũtavye, ndyaamba kwona mũĩkĩĩo ta ũũ o na nthĩnĩ wa Ĩsilaeli!”
10Andũ asu matũmĩtwe nĩmasyokie mũsyĩ kwa mũnene ũsu, na meethĩa mũthũkũmi wake avoa vyũ.
Yesũ Aisyũkya Mwana wa Kĩveti Ndiwa
11Ĩtina wa ĩvinda ĩnini,#7.11 Ĩtina wa ĩvinda ĩnini: Maandĩko amwe ma tene ma Ndeto ya Ngai maĩtye Ũnĩ ũsu Yesũ nĩwaendie ndũanĩ yĩtawa Naini vamwe na amanyĩw'a make, na ĩkomano ĩnene ya andũ. 12Yesũ e vakuvĩ kũvika mũvĩanĩ wa ndũa ĩsu, nĩwakomanie na andũ maumaalĩtye mũndũ mũkw'ũ. Mũndũ ũsu asyaĩtwe e weka, na inyia wake aĩ kĩveti ndiwa. Andũ aingĩ kuma ndũanĩ ĩsu nĩmaendanĩtye na kĩveti kĩu. 13Yĩla Mwĩai woonie kĩveti kĩu, nĩwakĩw'ĩie tei na akĩa atĩĩ, “Eka kũĩa.” 14Nĩwaendie akwata ĩsandũkũ na ala mayĩkuĩte maũngama. Nĩvo ĩndĩ waisye atĩĩ, “Mwanake, nĩngũkwĩaĩa, ũkĩla!” 15Mũndũ ũsu waĩ mũkw'ũ nĩwekalile nthĩ na ambĩĩa kũneena, nake Yesũ amũnengane kũla kwĩ nyinyia.
16Andũ onthe nĩmakwatiwe nĩ w'ĩa mwingĩ, na mamũkumya Ngai mayasya atĩĩ, “Mwathani mũnene nĩwumĩlile katĩ waitũ! Ngai nĩwũkie ovosye andũ make!”
17Ũvoo ũsu ĩũlũ wa Yesũ nĩwanyaĩĩkie kĩla vandũ nthĩ ya Yutia na isionĩ ila imĩthyũlũlũkĩte.
Atũmwa Matũmĩtwe nĩ Yoana Mũvatisi
(Mat 11.2-19)
18Amanyĩw'a ma Yoana Mũvatisi nĩmamũtavisye ũvoo ũsu w'onthe, nake eeta elĩ moo, 19na amatũma kũla kwĩ Mwĩai makamũkũlye atĩĩ, “We nue ũla waĩ oke, kana twĩeteela ũngĩ?”
20Andũ asu mavika vala ve Yesũ nĩmamwĩie atĩĩ, “Yoana Mũvatisi nĩwatũtũma vala ũĩ tũkũkũlye, ‘We nue ũla waĩ oke, kana twĩeteela ũngĩ?’ ”
21Kavindanĩ o kau Yesũ nĩwavoisye andũ aingĩ maĩ na mowau ma kĩla mũthemba, na andũ malikĩtwe nĩ maveva mathũku, na atonyethya andũ aingĩ maĩ ilalinda kwona nthĩ. 22#Ĩsa 35.5-6; 61.1 Nĩvo ĩndĩ wasũngĩie ala atũmwa amea atĩĩ, “Endai mũkamũtavye Yoana maũndũ ala mwoona na ala mweew'a: Andũ meĩ ilalinda yu nĩmekwona nthĩ, na ala meĩ athũku maũũ nĩmekũthi nesa; andũ meĩ awau mangũ nĩmavoetw'e makathea, na ala meĩ au matũ nĩmekwĩw'a nthĩ. O ta ũu, andũ manaĩ akw'ũ nĩmasyũkĩtw'e, na ngya nitavĩtw'e Ũvoo Mũseo. 23Nĩ mũathime mũndũ ũla ũtethĩawa na nzika ĩũlũ wakwa!”
24Atũmwa asu ma Yoana mamina kũthi, Yesũ nĩwambĩĩie kũtavya ĩkomano ya andũ ĩũlũ wa Yoana aiyĩa atĩĩ, “Yĩla mwaendaa kũla kwĩ Yoana weũnĩ, mweekwatasya mwĩthi kwona kyaũ? Mweekwatasya kwona o kaũseki keũthingithangw'a nĩ kĩseve? 25Nĩ kyaũ ĩndĩ mwaendaa kwona? Nĩ mũndũ wĩkĩĩte ngũa sya thooa mũnene mũno? Aiee, andũ ala mekĩaa ngũa sya mũthemba ũsu, na methĩawa na motanu maingĩ mekalaa nyũmbanĩ sya asumbĩ. 26Kwoou mwaendaa kwona kyaũ? Kwona mwathani? Ĩĩ, nĩw'o, ĩndĩ ekai nĩmũtavye, mwoonie mũndũ mũnene mũno kwĩ mwathani. 27#Mal 3.1 Ũsu nĩwe ũla Ngai ũneenete ĩũlũ wake Maandĩkonĩ Matheu akasya atĩĩ, ‘Nĩngũtũma mũtũmwa wakwa athi mbee waku akaũseũvĩsye nzĩa.’ ” 28Yesũ nĩwaminũkĩlĩĩlye na kwasya atĩĩ, “Ekai nĩmũtavye, katĩ wa andũ ala maasyawa, vai ũmwe waaĩthĩwa e mũnene kwĩ Yoana. Ĩndĩ ũla wosawa ta we mũnini ũsumbĩnĩ wa Ngai nĩ mũnene kwĩ Yoana.”
29 #
Mat 21.32; Lk 3.12 Andũ onthe o vamwe na aumĩthya ma koti meew'a ũu, nĩmeetĩkĩlile kana nzĩa sya Ngai nĩ sya w'o, nũndũ mo nĩmavatisĩtwe nĩ Yoana. 30Ĩndĩ Avalisi na amanyĩsya ma Mĩao mayaaĩka kĩla Ngai wendaa meke, nũndũ mo nĩmaleile kũvatiswa nĩ Yoana.
31Yesũ nĩwaendeeie kwasya atĩĩ, “Ndonya kũelekany'a andũ ma ĩvinda yĩĩ na kyaũ? Mavw'anene na kyaũ? 32Mavw'ana syana iilyĩ nthĩ ndũnyũ, imwe iyĩta ila ingĩ ikĩsyĩa atĩĩ, ‘Twamwinĩa wathi wa ũtanu, na mwalea kũsũnga! Twamwinĩa wathi wa kĩmako na mwalea kũĩa!’ 33Yĩla Yoana wookie ndaĩsaa lĩu na ndanyusaa ndivai, nenyu mwambĩĩa kwasya, ‘Alikĩtwe nĩ ĩimũ.’ 34Yĩla Mwana wa Mũndũ nake wũkie aiya lĩu na kũnyw'a ndivai, mwambĩĩa kwasya, ‘Kwa sisyai mũndũ ũũ! Nĩ mwendi wa kũya na nĩ mũnywi, o na atindanasya na aumĩthya ma koti na avĩtany'a!’ 35Ĩndĩ ũĩ wa Ngai wonanaw'a kwĩthĩwa wa w'o, kwĩsĩla kwa ala maũatĩĩaa.”
Yesũ e Mũsyĩ kwa Mũvalisi weetawa Simioni
36Mũvalisi ũmwe nĩwamũthokisye Yesũ oke kũya lĩu mũsyĩ kwake. Yesũ nĩwaendie kwa Mũvalisi ũsu na ekala nthĩ aathĩw'e. 37#Mat 26.7; Mk 14.3; Yoa 12.3 Nthĩnĩ wa ndũa ĩsu vaĩ mũndũ mũka ũmwe waĩ mwĩkalĩle mũthũku. Yĩla mũndũ mũka ũsu weewie kana Yesũ eathĩw'a kwa Mũvalisi ũsu, nĩwakuie sũva waseũvĩtw'e na ĩvia yĩtawa alambasita, wusĩe mauta me mũuke mũseo. 38Nĩwaendie aũngama ĩtina wa Yesũ, vakuvĩ na maũũ make. Nĩwaĩĩte na methoi make nĩmetĩkĩaa maũũ ma Yesũ. Nĩwanyaisye maũũ ma Yesũ na nzw'ĩĩ yake, amamumunya na wendo mwingĩ na amavaka ala mauta. 39Yĩla Mũvalisi ũla wamũthoketye Yesũ woonie ũu, nĩwaisye ngoonĩ yake atĩĩ, “Kethĩwa mũndũ ũũ kwa w'o nĩ mwathani, ethĩwa amanyie mũndũ mũka ũũ ũkũmũkwatanga, na akamanya ũndũ mwĩkalo wake ũthũkĩte!”
40Yesũ nĩweeie Simioni atĩĩ, “Simioni, ve ũndũ ngwenda ũkũtavya.”
Nake amwĩa atĩĩ, “Ĩĩ, Mũmanyĩsya, ndavye.”
41Yesũ amwĩa atĩĩ, “Ve andũ elĩ makovethetw'e mbesa nĩ ũmwe wa andũ ala makovethanasya. Ũmwe woo akovethetw'e ndinalĩ#7.41 ndinalĩ: Nĩ mũthemba wa mbesa, na ndinalĩ ĩmwe nĩyo mũthũkũmi wa kĩvalũa wanengawe ĩtina wa kũthũkũma mũthenya mũima maana atano, na ũla ũngĩ ndinalĩ mĩongo ĩtano. 42Yĩla maemiwe nĩ kũĩva thiĩ woo, mũndũ ũsu nĩwamaekeie me elĩ. Nĩ wĩva katĩ woo wĩmwenda mũndũ ũsu mũno mbee wa ũla ũngĩ?”
43Simioni amũsũngĩa atĩĩ, “Nĩona nĩ ũla waekewe thiĩ mũnenange.”
Yesũ amwĩa, “Waneena w'o.” 44Nĩvo ĩndĩ Yesũ wathyũũkĩie ũla mũndũ mũka na eea Simioni atĩĩ, “Nũkwona mũndũ mũka ũũ? Yĩla nũkie vaa kwaku, ndũnanenga kĩw'ũ kya kũthamba maũũ, ĩndĩ we nĩwamathambya na methoi make, na amanyasya na nzw'ĩĩ yake. 45We ndũnanthokya na kũngethya na ngethi ya wendo, ĩndĩ kuma yĩla nũkie vaa, mũndũ mũka ũũ ndanesa kũeka kũmumunya maũũ makwa na wendo mwingĩ. 46We ndũnambaka mũtwe mauta, ĩndĩ ũũ nĩwavaka maũũ makwa mauta me mũuke mũseo. 47Kwoou eka ngũtavye, mũndũ mũka ũũ nĩwaekewa naĩ syake ila syĩĩ mbingĩ, na nĩkyo kyatuma onany'a wendo wingĩvĩte ũu. Ĩndĩ ũla ũekewe o kaindo kanini, onanasya wendo mũnini.”
48Nĩvo ĩndĩ Yesũ weeie mũndũ mũka ũsu atĩĩ, “Nĩwaekewa naĩ syaku.”
49Andũ ala angĩ maĩsaa vamwe na Yesũ nĩmambĩĩie kũkũlany'a atĩĩ, “We mũndũ ũũ nũũ o na ũkũekea andũ naĩ syoo?”
50Ĩndĩ Yesũ eea mũndũ mũka ũsu atĩĩ, “Mũĩkĩĩo waku nĩwakũtangĩĩa; enda na mũuo.”
Trenutno odabrano:
Lk 7: KAMBA
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
BIBLE SOCIETY OF KENYA © 2011
Lk 7
7
Yesũ Aivosya Mũthũkũmi wa Mũnene wa Asikalĩ ma Loma
(Mat 8.5-13)
1Yesũ amina kũmanyĩsya andũ maũndũ asu onthe, nĩwaendie ndũanĩ ya Kavelinaũmu. 2Kũu kwaĩ mũnene ũmwe wa kĩkundi kya asikalĩ ĩana waĩ na mũthũkũmi ũmwe waĩ vata nake mũno. Mũthũkũmi ũsu aĩ mũwau mũno akew'a kũkw'a. 3Yĩla mũnene ũsu weewie ũvoo wa Yesũ, nĩwatũmie atumĩa amwe Ayuti mathi vala ũĩ makamũkũlye oke kũmũvoesya mũthũkũmi ũsu. 4Nĩmaendie vala ve Yesũ na mamwĩsũva mũno maimwĩa atĩĩ, “Mũndũ ũsu nĩwaĩlwe nĩ kwĩkwa ũu, 5nũndũ nĩwendete nthĩ yaitũ, o na nĩwatwakĩie nyũmba yaitũ ya kũthaithĩa na kũmbanĩa.”
6Nĩvo ĩndĩ Yesũ waendanisye namo. E vakuvĩ kũvika mũsyĩ kwa ũla mũnene wa asikalĩ, mũnene ũsu nĩwamũtũmĩie anyanyae makamwĩe atĩĩ, “Mwĩai, ndũkenyamasye ũyũka kwakwa, nũndũ nyie ndyianĩwe nue wũke mũsyĩ kwakwa. 7O na ndinona nĩ mwaĩlu kũka vala ũĩ nyie mwene. Ĩndĩ neena o ndeto tũ, na mũthũkũmi wakwa nũkũvoa. 8Nyie o nakwa nĩ ungu wa anene angĩ, na nĩ na asikalĩ nĩũngamĩe. Nĩnĩaa mũsikalĩ ũmwe nĩathi, na aithi, na ndyĩa ũngĩ nĩoke, na ayũka. O na nĩnĩaa mũthũkũmi wakwa nĩeke ũndũ mũna, na ayĩka.”
9Yesũ eew'a ũu nĩwaseng'ie mũno, na athyũũkĩa ĩkomano yĩla yamũatĩĩe ayĩa atĩĩ, “Ekai nĩmũtavye, ndyaamba kwona mũĩkĩĩo ta ũũ o na nthĩnĩ wa Ĩsilaeli!”
10Andũ asu matũmĩtwe nĩmasyokie mũsyĩ kwa mũnene ũsu, na meethĩa mũthũkũmi wake avoa vyũ.
Yesũ Aisyũkya Mwana wa Kĩveti Ndiwa
11Ĩtina wa ĩvinda ĩnini,#7.11 Ĩtina wa ĩvinda ĩnini: Maandĩko amwe ma tene ma Ndeto ya Ngai maĩtye Ũnĩ ũsu Yesũ nĩwaendie ndũanĩ yĩtawa Naini vamwe na amanyĩw'a make, na ĩkomano ĩnene ya andũ. 12Yesũ e vakuvĩ kũvika mũvĩanĩ wa ndũa ĩsu, nĩwakomanie na andũ maumaalĩtye mũndũ mũkw'ũ. Mũndũ ũsu asyaĩtwe e weka, na inyia wake aĩ kĩveti ndiwa. Andũ aingĩ kuma ndũanĩ ĩsu nĩmaendanĩtye na kĩveti kĩu. 13Yĩla Mwĩai woonie kĩveti kĩu, nĩwakĩw'ĩie tei na akĩa atĩĩ, “Eka kũĩa.” 14Nĩwaendie akwata ĩsandũkũ na ala mayĩkuĩte maũngama. Nĩvo ĩndĩ waisye atĩĩ, “Mwanake, nĩngũkwĩaĩa, ũkĩla!” 15Mũndũ ũsu waĩ mũkw'ũ nĩwekalile nthĩ na ambĩĩa kũneena, nake Yesũ amũnengane kũla kwĩ nyinyia.
16Andũ onthe nĩmakwatiwe nĩ w'ĩa mwingĩ, na mamũkumya Ngai mayasya atĩĩ, “Mwathani mũnene nĩwumĩlile katĩ waitũ! Ngai nĩwũkie ovosye andũ make!”
17Ũvoo ũsu ĩũlũ wa Yesũ nĩwanyaĩĩkie kĩla vandũ nthĩ ya Yutia na isionĩ ila imĩthyũlũlũkĩte.
Atũmwa Matũmĩtwe nĩ Yoana Mũvatisi
(Mat 11.2-19)
18Amanyĩw'a ma Yoana Mũvatisi nĩmamũtavisye ũvoo ũsu w'onthe, nake eeta elĩ moo, 19na amatũma kũla kwĩ Mwĩai makamũkũlye atĩĩ, “We nue ũla waĩ oke, kana twĩeteela ũngĩ?”
20Andũ asu mavika vala ve Yesũ nĩmamwĩie atĩĩ, “Yoana Mũvatisi nĩwatũtũma vala ũĩ tũkũkũlye, ‘We nue ũla waĩ oke, kana twĩeteela ũngĩ?’ ”
21Kavindanĩ o kau Yesũ nĩwavoisye andũ aingĩ maĩ na mowau ma kĩla mũthemba, na andũ malikĩtwe nĩ maveva mathũku, na atonyethya andũ aingĩ maĩ ilalinda kwona nthĩ. 22#Ĩsa 35.5-6; 61.1 Nĩvo ĩndĩ wasũngĩie ala atũmwa amea atĩĩ, “Endai mũkamũtavye Yoana maũndũ ala mwoona na ala mweew'a: Andũ meĩ ilalinda yu nĩmekwona nthĩ, na ala meĩ athũku maũũ nĩmekũthi nesa; andũ meĩ awau mangũ nĩmavoetw'e makathea, na ala meĩ au matũ nĩmekwĩw'a nthĩ. O ta ũu, andũ manaĩ akw'ũ nĩmasyũkĩtw'e, na ngya nitavĩtw'e Ũvoo Mũseo. 23Nĩ mũathime mũndũ ũla ũtethĩawa na nzika ĩũlũ wakwa!”
24Atũmwa asu ma Yoana mamina kũthi, Yesũ nĩwambĩĩie kũtavya ĩkomano ya andũ ĩũlũ wa Yoana aiyĩa atĩĩ, “Yĩla mwaendaa kũla kwĩ Yoana weũnĩ, mweekwatasya mwĩthi kwona kyaũ? Mweekwatasya kwona o kaũseki keũthingithangw'a nĩ kĩseve? 25Nĩ kyaũ ĩndĩ mwaendaa kwona? Nĩ mũndũ wĩkĩĩte ngũa sya thooa mũnene mũno? Aiee, andũ ala mekĩaa ngũa sya mũthemba ũsu, na methĩawa na motanu maingĩ mekalaa nyũmbanĩ sya asumbĩ. 26Kwoou mwaendaa kwona kyaũ? Kwona mwathani? Ĩĩ, nĩw'o, ĩndĩ ekai nĩmũtavye, mwoonie mũndũ mũnene mũno kwĩ mwathani. 27#Mal 3.1 Ũsu nĩwe ũla Ngai ũneenete ĩũlũ wake Maandĩkonĩ Matheu akasya atĩĩ, ‘Nĩngũtũma mũtũmwa wakwa athi mbee waku akaũseũvĩsye nzĩa.’ ” 28Yesũ nĩwaminũkĩlĩĩlye na kwasya atĩĩ, “Ekai nĩmũtavye, katĩ wa andũ ala maasyawa, vai ũmwe waaĩthĩwa e mũnene kwĩ Yoana. Ĩndĩ ũla wosawa ta we mũnini ũsumbĩnĩ wa Ngai nĩ mũnene kwĩ Yoana.”
29 #
Mat 21.32; Lk 3.12 Andũ onthe o vamwe na aumĩthya ma koti meew'a ũu, nĩmeetĩkĩlile kana nzĩa sya Ngai nĩ sya w'o, nũndũ mo nĩmavatisĩtwe nĩ Yoana. 30Ĩndĩ Avalisi na amanyĩsya ma Mĩao mayaaĩka kĩla Ngai wendaa meke, nũndũ mo nĩmaleile kũvatiswa nĩ Yoana.
31Yesũ nĩwaendeeie kwasya atĩĩ, “Ndonya kũelekany'a andũ ma ĩvinda yĩĩ na kyaũ? Mavw'anene na kyaũ? 32Mavw'ana syana iilyĩ nthĩ ndũnyũ, imwe iyĩta ila ingĩ ikĩsyĩa atĩĩ, ‘Twamwinĩa wathi wa ũtanu, na mwalea kũsũnga! Twamwinĩa wathi wa kĩmako na mwalea kũĩa!’ 33Yĩla Yoana wookie ndaĩsaa lĩu na ndanyusaa ndivai, nenyu mwambĩĩa kwasya, ‘Alikĩtwe nĩ ĩimũ.’ 34Yĩla Mwana wa Mũndũ nake wũkie aiya lĩu na kũnyw'a ndivai, mwambĩĩa kwasya, ‘Kwa sisyai mũndũ ũũ! Nĩ mwendi wa kũya na nĩ mũnywi, o na atindanasya na aumĩthya ma koti na avĩtany'a!’ 35Ĩndĩ ũĩ wa Ngai wonanaw'a kwĩthĩwa wa w'o, kwĩsĩla kwa ala maũatĩĩaa.”
Yesũ e Mũsyĩ kwa Mũvalisi weetawa Simioni
36Mũvalisi ũmwe nĩwamũthokisye Yesũ oke kũya lĩu mũsyĩ kwake. Yesũ nĩwaendie kwa Mũvalisi ũsu na ekala nthĩ aathĩw'e. 37#Mat 26.7; Mk 14.3; Yoa 12.3 Nthĩnĩ wa ndũa ĩsu vaĩ mũndũ mũka ũmwe waĩ mwĩkalĩle mũthũku. Yĩla mũndũ mũka ũsu weewie kana Yesũ eathĩw'a kwa Mũvalisi ũsu, nĩwakuie sũva waseũvĩtw'e na ĩvia yĩtawa alambasita, wusĩe mauta me mũuke mũseo. 38Nĩwaendie aũngama ĩtina wa Yesũ, vakuvĩ na maũũ make. Nĩwaĩĩte na methoi make nĩmetĩkĩaa maũũ ma Yesũ. Nĩwanyaisye maũũ ma Yesũ na nzw'ĩĩ yake, amamumunya na wendo mwingĩ na amavaka ala mauta. 39Yĩla Mũvalisi ũla wamũthoketye Yesũ woonie ũu, nĩwaisye ngoonĩ yake atĩĩ, “Kethĩwa mũndũ ũũ kwa w'o nĩ mwathani, ethĩwa amanyie mũndũ mũka ũũ ũkũmũkwatanga, na akamanya ũndũ mwĩkalo wake ũthũkĩte!”
40Yesũ nĩweeie Simioni atĩĩ, “Simioni, ve ũndũ ngwenda ũkũtavya.”
Nake amwĩa atĩĩ, “Ĩĩ, Mũmanyĩsya, ndavye.”
41Yesũ amwĩa atĩĩ, “Ve andũ elĩ makovethetw'e mbesa nĩ ũmwe wa andũ ala makovethanasya. Ũmwe woo akovethetw'e ndinalĩ#7.41 ndinalĩ: Nĩ mũthemba wa mbesa, na ndinalĩ ĩmwe nĩyo mũthũkũmi wa kĩvalũa wanengawe ĩtina wa kũthũkũma mũthenya mũima maana atano, na ũla ũngĩ ndinalĩ mĩongo ĩtano. 42Yĩla maemiwe nĩ kũĩva thiĩ woo, mũndũ ũsu nĩwamaekeie me elĩ. Nĩ wĩva katĩ woo wĩmwenda mũndũ ũsu mũno mbee wa ũla ũngĩ?”
43Simioni amũsũngĩa atĩĩ, “Nĩona nĩ ũla waekewe thiĩ mũnenange.”
Yesũ amwĩa, “Waneena w'o.” 44Nĩvo ĩndĩ Yesũ wathyũũkĩie ũla mũndũ mũka na eea Simioni atĩĩ, “Nũkwona mũndũ mũka ũũ? Yĩla nũkie vaa kwaku, ndũnanenga kĩw'ũ kya kũthamba maũũ, ĩndĩ we nĩwamathambya na methoi make, na amanyasya na nzw'ĩĩ yake. 45We ndũnanthokya na kũngethya na ngethi ya wendo, ĩndĩ kuma yĩla nũkie vaa, mũndũ mũka ũũ ndanesa kũeka kũmumunya maũũ makwa na wendo mwingĩ. 46We ndũnambaka mũtwe mauta, ĩndĩ ũũ nĩwavaka maũũ makwa mauta me mũuke mũseo. 47Kwoou eka ngũtavye, mũndũ mũka ũũ nĩwaekewa naĩ syake ila syĩĩ mbingĩ, na nĩkyo kyatuma onany'a wendo wingĩvĩte ũu. Ĩndĩ ũla ũekewe o kaindo kanini, onanasya wendo mũnini.”
48Nĩvo ĩndĩ Yesũ weeie mũndũ mũka ũsu atĩĩ, “Nĩwaekewa naĩ syaku.”
49Andũ ala angĩ maĩsaa vamwe na Yesũ nĩmambĩĩie kũkũlany'a atĩĩ, “We mũndũ ũũ nũũ o na ũkũekea andũ naĩ syoo?”
50Ĩndĩ Yesũ eea mũndũ mũka ũsu atĩĩ, “Mũĩkĩĩo waku nĩwakũtangĩĩa; enda na mũuo.”
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
BIBLE SOCIETY OF KENYA © 2011