Kub 4
4
Ebya Kaini na Abberi
1Adamu yaterana na mukazi we Eva, Eva yatwara enda, yazaara Kaini, yagamba ati: “MUKAMA ankoonyiire nazaara omusaija.” 2Yamukurasa omwojo ondi Abberi. Abberi akaba ali muliisa w'entaama, kandi Kaini akaba ali mulimi. 3Obu haahingwire akasumi, Kaini yahembera MUKAMA ebijuma by'itaka eri yalimaga, 4#Baheb 11:4.kandi Abberi yahemba emizigaijo ey'igana lye, yagihonga n'ebisajwa byayo. MUKAMA yasiima Abberi n'ebi yahembere, 5baitu atasiime Kaini n'ebi yahembere. Eki kikabiihiza muno Kaini, amaiso ge gaananata. 6MUKAMA yakaguza Kaini ati: “Kiki ekikubiihiize n'amaiso kukunanata gati? 7Kakuba okora kurungi, toosimwe? Kandi kakuba okora ekitali kirungi, obubi bukutegere ha mulyango bukugwere, baitu osemeriire obusingule.”
8 #
Ama 10:3; Mat 23:35; Luk 11:51; 1Yoh 3:12. Kaini yagambira Abberi owanyina ati: “Ija tugendeho omu kisaka twemaramale.” Obu bakaba bali oku, Kaini yagwera owanyina yamwita. 9Aho MUKAMA yakaguza Kaini ati: “Abberi owanyoko ali nkaha?” Kaini yagarukamu ati: “Tindukumanya; ninyowe mulinzi w'Owanyina nyowe?” 10#Baheb 12:24.MUKAMA yakaguza ati: “Okozire ki? Hurra, esagama y'owanyoko enyakusesekere omu itaka nenyamirra. 11Hati orakyenwa, ogoromorwe, oruge omunsi enyakwesamire yanywa esagama y'owanyoko ei oseesire. 12Obu oraalimaga itaka, tiryakwerezeege byokulya; oraabaga nsuuhuuki kandi njeezijeezi.” 13Kaini yagamba MUKAMA ati: “Ekifubiro kyange kikooto muno, tinsobora kukyemera. 14Dora, hati wambinga omunsi enu, ninyija kwesereka nduge omumaiso gawe; omunsi, ndaabaga nsuuhuuki kandi njezijeezi, wena alindora alinyita.” 15Aho MUKAMA yagamba Kaini ati: “Nangwa, tikiri nikyo; obu halibaho omuntu aliita Kaini alihoorwa enzigu emirundi musanju.” MUKAMA yataho Kaini akarorwaho akarukumanyisa ngu wena araamutangaanaga aleke kumwita. 16Nubwo Kaini yarugire omumaiso ga MUKAMA yagenda, yaikara omunsi erukwetwa Noodi, Buturukaizooba bw'Edeni.
17Kaini yateerana na mukazi we, omukazi yatwara enda yazaara Enoka, yayombeka orubuga, orubuga oru, yaruruka ibara ly'omutabani Enoka. 18Enoka yazaara Iradi; Iradi nuwe ise Mekuyairi, Mekuyairi nuwe ise Metusaheeri, Metusaheeri yazaara Lameki. 19Lameki akaswera abakazi babiri; ibara ly'omukazi omu nuwe Ada, ery'ondi nuwe Ziira. 20Ada akazaara Yabali, nuwe isenkuru abo abaraara omu heema, abahuma. 21Ibara ly'owanyina nuwe Yubali; ogu nuwe isenkuru abo abateera enanga n'endere. 22Ziira akazaara Tubali-Kaini; ogu nuwe muheesi w'ebyoma eby'emiringa ebinyakugamba. Munyanya Tubali-Kaini, ibara lye nuwe Naama.
23Lameki yagambira bakazi be ati:
“Inywe bakazi ba Lameki:
Ada na Ziira mumpulirize, muhurre eki ndukugamba;
Nyisire omuntu ha bw'okumputaaza,
nyisire omusigazi ha bw'okunteera.
24Kaini obu araaba naahoolerwa emirundi musanju,
Lameki asemeriire ahoolerwe emirundi nsanju na musanju.”
25Adamu yagaruka yaterana na mukazi we, omukazi yazaara omwana omwojo, yamuruka ibara Seesi, habwokuba akagira ati: “Ruhanga ansumbusize omwana ondi ow'okugaruka omu kiikaro ky'Abberi Kaini ou yaisire.” 26Seesi na uwe akazaara omwana omwojo, yamuruka ibara Enosi. Omu kasumi ako, abantu nuho baatandikiire kuramya MUKAMA.
Trenutno odabrano:
Kub 4: BRR2008
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Bible in Runyoro/Rutooro Interconfessional Translation © Bible Society of Uganda, 2008.
Kub 4
4
Ebya Kaini na Abberi
1Adamu yaterana na mukazi we Eva, Eva yatwara enda, yazaara Kaini, yagamba ati: “MUKAMA ankoonyiire nazaara omusaija.” 2Yamukurasa omwojo ondi Abberi. Abberi akaba ali muliisa w'entaama, kandi Kaini akaba ali mulimi. 3Obu haahingwire akasumi, Kaini yahembera MUKAMA ebijuma by'itaka eri yalimaga, 4#Baheb 11:4.kandi Abberi yahemba emizigaijo ey'igana lye, yagihonga n'ebisajwa byayo. MUKAMA yasiima Abberi n'ebi yahembere, 5baitu atasiime Kaini n'ebi yahembere. Eki kikabiihiza muno Kaini, amaiso ge gaananata. 6MUKAMA yakaguza Kaini ati: “Kiki ekikubiihiize n'amaiso kukunanata gati? 7Kakuba okora kurungi, toosimwe? Kandi kakuba okora ekitali kirungi, obubi bukutegere ha mulyango bukugwere, baitu osemeriire obusingule.”
8 #
Ama 10:3; Mat 23:35; Luk 11:51; 1Yoh 3:12. Kaini yagambira Abberi owanyina ati: “Ija tugendeho omu kisaka twemaramale.” Obu bakaba bali oku, Kaini yagwera owanyina yamwita. 9Aho MUKAMA yakaguza Kaini ati: “Abberi owanyoko ali nkaha?” Kaini yagarukamu ati: “Tindukumanya; ninyowe mulinzi w'Owanyina nyowe?” 10#Baheb 12:24.MUKAMA yakaguza ati: “Okozire ki? Hurra, esagama y'owanyoko enyakusesekere omu itaka nenyamirra. 11Hati orakyenwa, ogoromorwe, oruge omunsi enyakwesamire yanywa esagama y'owanyoko ei oseesire. 12Obu oraalimaga itaka, tiryakwerezeege byokulya; oraabaga nsuuhuuki kandi njeezijeezi.” 13Kaini yagamba MUKAMA ati: “Ekifubiro kyange kikooto muno, tinsobora kukyemera. 14Dora, hati wambinga omunsi enu, ninyija kwesereka nduge omumaiso gawe; omunsi, ndaabaga nsuuhuuki kandi njezijeezi, wena alindora alinyita.” 15Aho MUKAMA yagamba Kaini ati: “Nangwa, tikiri nikyo; obu halibaho omuntu aliita Kaini alihoorwa enzigu emirundi musanju.” MUKAMA yataho Kaini akarorwaho akarukumanyisa ngu wena araamutangaanaga aleke kumwita. 16Nubwo Kaini yarugire omumaiso ga MUKAMA yagenda, yaikara omunsi erukwetwa Noodi, Buturukaizooba bw'Edeni.
17Kaini yateerana na mukazi we, omukazi yatwara enda yazaara Enoka, yayombeka orubuga, orubuga oru, yaruruka ibara ly'omutabani Enoka. 18Enoka yazaara Iradi; Iradi nuwe ise Mekuyairi, Mekuyairi nuwe ise Metusaheeri, Metusaheeri yazaara Lameki. 19Lameki akaswera abakazi babiri; ibara ly'omukazi omu nuwe Ada, ery'ondi nuwe Ziira. 20Ada akazaara Yabali, nuwe isenkuru abo abaraara omu heema, abahuma. 21Ibara ly'owanyina nuwe Yubali; ogu nuwe isenkuru abo abateera enanga n'endere. 22Ziira akazaara Tubali-Kaini; ogu nuwe muheesi w'ebyoma eby'emiringa ebinyakugamba. Munyanya Tubali-Kaini, ibara lye nuwe Naama.
23Lameki yagambira bakazi be ati:
“Inywe bakazi ba Lameki:
Ada na Ziira mumpulirize, muhurre eki ndukugamba;
Nyisire omuntu ha bw'okumputaaza,
nyisire omusigazi ha bw'okunteera.
24Kaini obu araaba naahoolerwa emirundi musanju,
Lameki asemeriire ahoolerwe emirundi nsanju na musanju.”
25Adamu yagaruka yaterana na mukazi we, omukazi yazaara omwana omwojo, yamuruka ibara Seesi, habwokuba akagira ati: “Ruhanga ansumbusize omwana ondi ow'okugaruka omu kiikaro ky'Abberi Kaini ou yaisire.” 26Seesi na uwe akazaara omwana omwojo, yamuruka ibara Enosi. Omu kasumi ako, abantu nuho baatandikiire kuramya MUKAMA.
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Bible in Runyoro/Rutooro Interconfessional Translation © Bible Society of Uganda, 2008.