YOANE 19
19
1Pilato druga tikindra Yesu i kpinya. 2Katiyu kilo druga tragu yogono lo kakuwa‚ druga sukindro ku Yesu i kuweni druga sozu lepe ku bongo naluwena. 3Ko druga pondra ku lepeni‚ druga romu adi‚ “Mata lo Yahudilo, koŋona!” Ko druga nangu lepe ku kenisi. 4Pilato druga lupodru ’do‚ druga takindra ko adi‚ “Meteta‚ na azondra lepe kaŋo kasuni‚ ma ta dendri adi na aku rio toro gele ku lepe i muguni.” 5Kuwade Yesu druga lupundro, ti lepe asozu yogono lo kakuwa ku bongo naluwena. Pilato druga takindra ko adi‚ “Meteta‚ ŋutulo malo.” 6Kugbo ka’i’ila drumala ku katiyu kilo laga amedra lepe‚ ko druga resa adi‚ “ ’Beke lepe i kedini mugu‚ ’beke lepe i kedini mugu.” Pilato druga takindra ko adi‚ “Zoŋeta lepe‚ ta lepe‚ i ’begu na lepe i kedini mugu yu‚ igbonaga laga na aku rio toro gele ku lepe i mugunina.” 7Yahudi kilo druga teyitokindro lepe adi‚ “Kukuzu nika kata‚ ku kukuzu ŋanina ti lepe tuwani‚ igbonaga lepe a’delakindra mugu a Ŋiro lo Ŋun ina.” 8Kuwade kugbo Pilato laga ayinga kine kulia de‚ lepe druga kuze koru‚ 9druga lubo i Praitoriolo kata yu ’do druga piza Yesu adi‚ “Do lu ŋiyu yeda ya?” ’Bo Yesu aku teyitokindro lepe kulia. 10Kuwade Pilato druga piza lepe adi‚ “Do ani teyitokindro na kulia ya? Do aku de adi na gbo ku teriŋi i ’begu na do i kedini mugu ya?” 11Yesu druga teyitokindro lepe adi‚ “Teriŋi nonu na kondri do na ’bayi kugbo aku tiki do ŋiyu ki yu. Kuwade ŋutu lo tikindra na konuni ilo gbo ku toro arodru.” 12I bo ŋanina Pilato kodro ga’yu kiko lo lakani Yesu‚ ’bo Yahudi kilo aresa ’do adi‚ “Ki do alagu ilo ŋutu de‚ do ani gbo’da a wori lo Kaisari. Kugbo le’de ŋutu laga a’delakindra mugu a mata‚ lepe a miriku lo Kaisari.” 13Kugbo Pilato laga ayinga kine kulia de, lepe druga zondra Yesu kaŋoni‚ druga gbi’diki ka i si’de na ŋerani kuliana kini i piri na luŋu a ’Dulena‚ ’bo ku kutu na Eberena a Gabata. 14Lu luŋa de a luŋa laga ku sabatolo i koŋolo‚ ku kolona gbo’di a tupara. Lepe druga takindra Yahudi kilo adi‚ “Meteta‚ Mata lasulo malo!” 15Ko druga resa adi‚ “Teilikioro lepe kaŋo, telikioro lepe kaŋo, ’beke lepe i kedini mugu.” Pilato druga piza ko adi, “Ki na ’begi Mata lasulo ya?” Ka’i’ila drumala kilo druga teyitokindro lepe adi, “Mata lika le’de ’bayi, ŋolo a Kaisari ka’delo.” 16Kuwade i bo ŋanina lepe druga tikindra Yesu kasikoni i ’begu na lepe i kedini laga a larelo i mugu. Kuwade ko druga zonga Yesu. 17Lepe druga lupodru kanye ’dogu na kedini lo ’bekoni nyelo i piri na luŋu a Piri na Lele na Kuwe, naga na luŋu ku kutu na Ebere a Gologotana kata yu. 18Ko druga ’begu lepe i nu piri de i kedini mugu, kasi ŋutulu mure, le’delo i go le’de, le’delo i go le’de, ’bo Yesu kide. 19Pilato druga wudyo kulia na kpeza kulia ti Yesu kine, druga to ’depakindra i kedini mugu. Wure ŋanilo adi‚ “Yesu lo Nazaretalo, Mata lo Yahudi ilo.” 20Yahudi kilo rodri druga kendra kulia na kpiya kine‚ igbonaga piri naga ma Yesu ’bekoni ina nu nyoga ku kezina. Ti ko awuro ku kutu na Eberena ku na Romana ku na Girikina itro. 21Kuwade ka’i’ila drumala ti Yahudi kilo druga takindra Pilato adi‚ “Ku wuwuru adi‚ ‘Mata lo Yahudi ilo‚’ ’bo wure adi‚ ‘Lepe akulia adi nye a mata lo Yahudi ilo.’ ” 22Pilato druga teyitokindro ko adi‚ “Kulia naga ma na wudyi kine‚ na awudyo azo.” 23Kugbo katiyu kilo laga a’begu Yesu, ko druga ’dumadru bongola ti lepe kine, druga kodya ko i dridriŋita iŋmani‚ dridriŋi gele a na katiyuni gele. Ko druga ’dumadru koti na lepena itro. Koti ŋanina ’ba ripe‚ agbiyo ki yu kani. 24Kuwade ko druga kulia kase dridriŋini adi‚ “Ka’bi yi ku kekenyi lepe‚ ’bo ti gumani ku zege‚ ma yi dendri kugbo igbo’da a niŋa.” Ma kulia na wuwuro kine torumokindri ’beri na kulia adi‚ “Ko akodya bongola kuwe kine kase dridriŋini‚ ko agumba bongo niona ku zege.” Kuwade katiyu kilo druga kondra kine kulia de‚ 25ti ŋote na Yesuna nu alira i kedini lo ’bekoni lepelo i nyoga yu‚ seku sase na ŋote na lepena‚ ku Maria naga a noka na Kelopana, seku Maria naga a Magadalana. 26Kugbo Yesu laga amedra ŋote nanyena seku lotodinikita laga lo nyari nye laga lo lira i nyoganilo, lepe druga takindra ŋote nanyena adi‚ “Nokana‚ mete ŋiro lolu ilo.” 27Lepe druga takindra lotodinikitalo adi‚ “Mete‚ ŋuti.” I lu luŋa de lotodinikitalo druga zonga ŋote kanye ’ba yu. 28I bo ŋanina kugbo Yesu laga adeni adi kulia giri akondra ’beri ma kulia na wuwuro kine torumokindri ’beri‚ lepe druga kulia adi‚ “Na aleŋa ku kure na pio.” 29Ti drikeri naga azore ku suwe ti zabibu na potroru kinena adipaki yu de. Kuwade ko druga torakindra remomolulu laga azore ku suwe ti konye ti zabibu kine i kene na konyuke i kuweni‚ druga soodru ku Yesu i kutu yu. 30Kugbo Yesu laga amakundra suwe ti konye ti zabibu na potroru kine‚ lepe druga kulia adi, “Kulia kine alenga.” Lepe druga yoŋundra kuwe nanyena i kolodru na yuka nanyena i lupodru. 31Igbonaga lu luŋa de a luŋa laga ku sabatolo i koŋolona Yahudi kilo druga piza Pilato adi ti mukuzi kasiko kilo ti ’be’beleŋoni ’be’beleŋo‚ ti zoŋani kaŋo‚ opuo kilo ka’bi ku sasaka i kedini kini i luŋa lo sabatolo, igbonaga lu sabato de a kolo drumana. 32Kuwade katiyu kilo druga pondra i ’be’belengu na mukuzi ti ŋutu laga a kayolo‚ ku ti le’de laga lo ’beko kasi Yesulo. 33Kugbo ko laga apondra ku Yesuni‚ ku ko laga amedra adi lepe a’doro azo‚ ko aku ’be’belengu mukuzi ti lepe kilo. 34Druga le’de katiyuni tyegu merete lo lepelo ku goru‚ wuleŋa gele rima ku pio druga poki i lupundro. 35Ŋutu laga lo medra kulia ŋani kinelo ilo ’dodru bo na kuliana, ’bo bo na kulia naga ma lepe ’dodri kine a kulia naga mŋgba, ’bo lepe adeni adi nye lo tazu kulia ti to’diri kine, ma ta rugi itro. 36’Bo kine kulia de akondra ’beri ma kulia na wuwuro kine torumokindri ’beri adi, “Kiyito gele lo lepelo ’baka ’beleŋoni.” 37Kulia ka’de na wuwuro kine akulia ’do adi, “Ko imemedra ŋutu laga ma ko tyegilo.” 38I bo ŋanina Yosefa lo Arimataya‚ laga a lotodinikita lo Yesulo‚ ’bo tali ku kuzene na Yahudi kilona‚ druga piza Pilato adi ti nye ’dokoro opu lo Yesulo kaŋo. Pilato druga rurugo. Kuwade ko druga pondra i ’dokodru na opulo kaŋo yu. 39Ti Nikodemo lo pondra kazu ku Yesuni kuwazelo, apondra itro, azondra wele na ŋmwa sisisi na ŋoŋola ku lomuruzo kilona beti moreto kama gele. 40Ku Wade ko druga ’dokodru opu lo Yesulo, druga todya lepe ku bongola nakpe ku ŋo lo ŋmwa sisisi kilo beti naga ma Yahudi kilo bita nugi opuo kilona. 41Ti melesi kata i piri naga ma lepe ’bekoni nu, i melesi ŋanina kata yu gulo naludu kata‚ naga ma le’de ŋutu inga aku nukani kata yuna. 42Kuwade ku kulia ti luŋa lo Yahudi lo kukunani kapazi kilolo‚ ’bo igbonaga gulona nyogoŋana‚ ko druga nuga Yesu yu de.
Trenutno odabrano:
YOANE 19: KNT77
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Kakwa New Testament © Bible Society of Uganda, 1974, 1977.
YOANE 19
19
1Pilato druga tikindra Yesu i kpinya. 2Katiyu kilo druga tragu yogono lo kakuwa‚ druga sukindro ku Yesu i kuweni druga sozu lepe ku bongo naluwena. 3Ko druga pondra ku lepeni‚ druga romu adi‚ “Mata lo Yahudilo, koŋona!” Ko druga nangu lepe ku kenisi. 4Pilato druga lupodru ’do‚ druga takindra ko adi‚ “Meteta‚ na azondra lepe kaŋo kasuni‚ ma ta dendri adi na aku rio toro gele ku lepe i muguni.” 5Kuwade Yesu druga lupundro, ti lepe asozu yogono lo kakuwa ku bongo naluwena. Pilato druga takindra ko adi‚ “Meteta‚ ŋutulo malo.” 6Kugbo ka’i’ila drumala ku katiyu kilo laga amedra lepe‚ ko druga resa adi‚ “ ’Beke lepe i kedini mugu‚ ’beke lepe i kedini mugu.” Pilato druga takindra ko adi‚ “Zoŋeta lepe‚ ta lepe‚ i ’begu na lepe i kedini mugu yu‚ igbonaga laga na aku rio toro gele ku lepe i mugunina.” 7Yahudi kilo druga teyitokindro lepe adi‚ “Kukuzu nika kata‚ ku kukuzu ŋanina ti lepe tuwani‚ igbonaga lepe a’delakindra mugu a Ŋiro lo Ŋun ina.” 8Kuwade kugbo Pilato laga ayinga kine kulia de‚ lepe druga kuze koru‚ 9druga lubo i Praitoriolo kata yu ’do druga piza Yesu adi‚ “Do lu ŋiyu yeda ya?” ’Bo Yesu aku teyitokindro lepe kulia. 10Kuwade Pilato druga piza lepe adi‚ “Do ani teyitokindro na kulia ya? Do aku de adi na gbo ku teriŋi i ’begu na do i kedini mugu ya?” 11Yesu druga teyitokindro lepe adi‚ “Teriŋi nonu na kondri do na ’bayi kugbo aku tiki do ŋiyu ki yu. Kuwade ŋutu lo tikindra na konuni ilo gbo ku toro arodru.” 12I bo ŋanina Pilato kodro ga’yu kiko lo lakani Yesu‚ ’bo Yahudi kilo aresa ’do adi‚ “Ki do alagu ilo ŋutu de‚ do ani gbo’da a wori lo Kaisari. Kugbo le’de ŋutu laga a’delakindra mugu a mata‚ lepe a miriku lo Kaisari.” 13Kugbo Pilato laga ayinga kine kulia de, lepe druga zondra Yesu kaŋoni‚ druga gbi’diki ka i si’de na ŋerani kuliana kini i piri na luŋu a ’Dulena‚ ’bo ku kutu na Eberena a Gabata. 14Lu luŋa de a luŋa laga ku sabatolo i koŋolo‚ ku kolona gbo’di a tupara. Lepe druga takindra Yahudi kilo adi‚ “Meteta‚ Mata lasulo malo!” 15Ko druga resa adi‚ “Teilikioro lepe kaŋo, telikioro lepe kaŋo, ’beke lepe i kedini mugu.” Pilato druga piza ko adi, “Ki na ’begi Mata lasulo ya?” Ka’i’ila drumala kilo druga teyitokindro lepe adi, “Mata lika le’de ’bayi, ŋolo a Kaisari ka’delo.” 16Kuwade i bo ŋanina lepe druga tikindra Yesu kasikoni i ’begu na lepe i kedini laga a larelo i mugu. Kuwade ko druga zonga Yesu. 17Lepe druga lupodru kanye ’dogu na kedini lo ’bekoni nyelo i piri na luŋu a Piri na Lele na Kuwe, naga na luŋu ku kutu na Ebere a Gologotana kata yu. 18Ko druga ’begu lepe i nu piri de i kedini mugu, kasi ŋutulu mure, le’delo i go le’de, le’delo i go le’de, ’bo Yesu kide. 19Pilato druga wudyo kulia na kpeza kulia ti Yesu kine, druga to ’depakindra i kedini mugu. Wure ŋanilo adi‚ “Yesu lo Nazaretalo, Mata lo Yahudi ilo.” 20Yahudi kilo rodri druga kendra kulia na kpiya kine‚ igbonaga piri naga ma Yesu ’bekoni ina nu nyoga ku kezina. Ti ko awuro ku kutu na Eberena ku na Romana ku na Girikina itro. 21Kuwade ka’i’ila drumala ti Yahudi kilo druga takindra Pilato adi‚ “Ku wuwuru adi‚ ‘Mata lo Yahudi ilo‚’ ’bo wure adi‚ ‘Lepe akulia adi nye a mata lo Yahudi ilo.’ ” 22Pilato druga teyitokindro ko adi‚ “Kulia naga ma na wudyi kine‚ na awudyo azo.” 23Kugbo katiyu kilo laga a’begu Yesu, ko druga ’dumadru bongola ti lepe kine, druga kodya ko i dridriŋita iŋmani‚ dridriŋi gele a na katiyuni gele. Ko druga ’dumadru koti na lepena itro. Koti ŋanina ’ba ripe‚ agbiyo ki yu kani. 24Kuwade ko druga kulia kase dridriŋini adi‚ “Ka’bi yi ku kekenyi lepe‚ ’bo ti gumani ku zege‚ ma yi dendri kugbo igbo’da a niŋa.” Ma kulia na wuwuro kine torumokindri ’beri na kulia adi‚ “Ko akodya bongola kuwe kine kase dridriŋini‚ ko agumba bongo niona ku zege.” Kuwade katiyu kilo druga kondra kine kulia de‚ 25ti ŋote na Yesuna nu alira i kedini lo ’bekoni lepelo i nyoga yu‚ seku sase na ŋote na lepena‚ ku Maria naga a noka na Kelopana, seku Maria naga a Magadalana. 26Kugbo Yesu laga amedra ŋote nanyena seku lotodinikita laga lo nyari nye laga lo lira i nyoganilo, lepe druga takindra ŋote nanyena adi‚ “Nokana‚ mete ŋiro lolu ilo.” 27Lepe druga takindra lotodinikitalo adi‚ “Mete‚ ŋuti.” I lu luŋa de lotodinikitalo druga zonga ŋote kanye ’ba yu. 28I bo ŋanina kugbo Yesu laga adeni adi kulia giri akondra ’beri ma kulia na wuwuro kine torumokindri ’beri‚ lepe druga kulia adi‚ “Na aleŋa ku kure na pio.” 29Ti drikeri naga azore ku suwe ti zabibu na potroru kinena adipaki yu de. Kuwade ko druga torakindra remomolulu laga azore ku suwe ti konye ti zabibu kine i kene na konyuke i kuweni‚ druga soodru ku Yesu i kutu yu. 30Kugbo Yesu laga amakundra suwe ti konye ti zabibu na potroru kine‚ lepe druga kulia adi, “Kulia kine alenga.” Lepe druga yoŋundra kuwe nanyena i kolodru na yuka nanyena i lupodru. 31Igbonaga lu luŋa de a luŋa laga ku sabatolo i koŋolona Yahudi kilo druga piza Pilato adi ti mukuzi kasiko kilo ti ’be’beleŋoni ’be’beleŋo‚ ti zoŋani kaŋo‚ opuo kilo ka’bi ku sasaka i kedini kini i luŋa lo sabatolo, igbonaga lu sabato de a kolo drumana. 32Kuwade katiyu kilo druga pondra i ’be’belengu na mukuzi ti ŋutu laga a kayolo‚ ku ti le’de laga lo ’beko kasi Yesulo. 33Kugbo ko laga apondra ku Yesuni‚ ku ko laga amedra adi lepe a’doro azo‚ ko aku ’be’belengu mukuzi ti lepe kilo. 34Druga le’de katiyuni tyegu merete lo lepelo ku goru‚ wuleŋa gele rima ku pio druga poki i lupundro. 35Ŋutu laga lo medra kulia ŋani kinelo ilo ’dodru bo na kuliana, ’bo bo na kulia naga ma lepe ’dodri kine a kulia naga mŋgba, ’bo lepe adeni adi nye lo tazu kulia ti to’diri kine, ma ta rugi itro. 36’Bo kine kulia de akondra ’beri ma kulia na wuwuro kine torumokindri ’beri adi, “Kiyito gele lo lepelo ’baka ’beleŋoni.” 37Kulia ka’de na wuwuro kine akulia ’do adi, “Ko imemedra ŋutu laga ma ko tyegilo.” 38I bo ŋanina Yosefa lo Arimataya‚ laga a lotodinikita lo Yesulo‚ ’bo tali ku kuzene na Yahudi kilona‚ druga piza Pilato adi ti nye ’dokoro opu lo Yesulo kaŋo. Pilato druga rurugo. Kuwade ko druga pondra i ’dokodru na opulo kaŋo yu. 39Ti Nikodemo lo pondra kazu ku Yesuni kuwazelo, apondra itro, azondra wele na ŋmwa sisisi na ŋoŋola ku lomuruzo kilona beti moreto kama gele. 40Ku Wade ko druga ’dokodru opu lo Yesulo, druga todya lepe ku bongola nakpe ku ŋo lo ŋmwa sisisi kilo beti naga ma Yahudi kilo bita nugi opuo kilona. 41Ti melesi kata i piri naga ma lepe ’bekoni nu, i melesi ŋanina kata yu gulo naludu kata‚ naga ma le’de ŋutu inga aku nukani kata yuna. 42Kuwade ku kulia ti luŋa lo Yahudi lo kukunani kapazi kilolo‚ ’bo igbonaga gulona nyogoŋana‚ ko druga nuga Yesu yu de.
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Kakwa New Testament © Bible Society of Uganda, 1974, 1977.