Luka 4
4
1LOMBA Yesu wozula Mzimu Mtuŵa ewerako ku Yordani nouliwa na Mzimu mmalambo masiku makumi ŵane, 2enzoyezyewa na muŵepeki ula. Aliyeulye kantu mmasiku ŵala, naye akasile echimvwa njala. 3Nipo muŵepeki ula emnenera, Kati nimwe Mwana wa Mlungu uzyani mwala uyu uyaruke mtanda. 4Yesu emyasuka kuti, Kwilembewa, Muntu sangachile na mitanda yeka. 5Naye emuula ekwera naye emlangizya maufumu ŵonse a mcharo chonkalamo ŵantu pa kamfunda kamo. 6Muŵepeki emnenera, Nimpeni mweo nsaka iyi yonse na mchinzi wa ine: pakuti vipewa kuli neo, nane numpa ali wonse unupangwa. 7Teti kati mkanilambila neo vyonse viviŵe vyanu. 8Yesu eyasuka emuuzya, Kwilembewa, Womlambila Asikuru Mlungu wako, yeve yeka ni uuti wotumikila. 9Naye emuulila ku Yerusalemi nomuŵika pa lipembe la kumbwe wa chipupilo nonena naye, Kati nimwe Mwana wa Mlungu muliponye pansi kufuma pano: 10pakuti kwilembewa,
Aŵasuzulire malaika ŵake zya weo, kukuchi lingizya:
11na kuti,
Mmanja mwaŵo azakutembetere,
Kano ungakumbulwe lukasa lwako ku mwala.
12Naye Yesu eyasuka emuuzya, Kwinenewa, Usamuyezya Asikuru Mlungu wako.
13Lomba muŵepeki akasile mayezyo ŵonse eimapo pali yeve kwa nsita.
14Naye Yesu ewererako mu mpamvu ya Mzimu ku Galilaya: na mbirikisi yake iŵirikila mchitwa chonse chozunguluka. 15Naye enzosambizya mmasunagoge ŵaŵo nolemekewa na ŵonse.
16Lomba efwika ku Nazarete kwechilelewa, eloŵa mwechiyoŵerera msunagoge pa siku la sabata nopanama kupenda malizu. 17Lipewa kwake buku la Isaya muŵirizi. Naye evunukulapo pa buku nofwanga pa malo pelembewa,
18Mzimu wa Asikuru ali pali neo,
Pakuti enizoleka mafuta kwaŵirizyira makani aweme akavu:
Enituma kwalululira kumangulula a mnsinga,
Na ku mpofu kulola soti,
Kwachisya wanoŵene ŵala okandiwa,
19Kululula chirimika chosaluliwa cha Asikuru.
20Naye evwinikilapo pa buku noliwezya ku mtumiki nonkala pansi: na menso a ŵonse a msunagoge enzomlolesya. 21Nipo eyamboŵauzya, Lero malembo aŵa osilizika mmatu ŵanu. 22Naŵo ŵonse emchitira untoni nozizwa pa malizu a chawanzi efuma mkanwa mwake: echiti, Kansi uyu nti mwana wa Yosefe? 23Naye enena naŵo, Lezee munene kuli neo chisimi ichi, Mwe mweng'anga, mulipozye mweka: vyonse vitichimvwa vichitika mKapernaumi vichiteni vyamene ivyo apa soti pa charo chanu. 24Naye echiti, Lezee numnenelani, Paliye muŵirizi ozomereka mcharo cha kokwaŵo mwine. 25Sembe neo chendi numuuzyani, Enzepo anakazi anyinji ŵofwilwa pa Israeli mmasiku a Eriya, apo makumbi ezaliwa vyaka vitatu na myezi isano na umo, pechichiza chilala chikuru mcharo icho chonse; 26sembe Eriya ntetumiwa kwa ŵala ŵonse, sembe ku Zarepta mpera mcharo cha Sidoni, ku mwanakazi wofwilwa. 27Enzepo soti amanzonzo anyinji pa Israeli pa nsita ya Erisha muŵirizi ula; lomba paliye ali ŵonse ŵala esukiwa, sembe Naamani yeka Msuriya. 28Naŵo ŵonse ŵala a msunagoge ezula nokali pechimvwa ivi; 29eima nompoza kunja kwa linga nomkwekwesyera ku msondo wa lupiri luwimangiwapo munzi waŵo, kuti amdyonkolere pansi. 30Sembe yeve epita pakati paŵo na kuya.
31Pamene apo esikira ku Kapernaumi, munzi wa mGalilaya. Lomba enzoŵasambizya pa siku la sabata: 32naŵo ezizwa pa mayeruzyo ŵake, pakuti malizu ŵake ŵenze na nsaka. 33Lomba msunagoge mwenze muntu ana mzimu wa chiŵanda cha lunsa; chilila na malizu akuru, 34Aa! ni syani kuli seo na mweo, mwe Yesu mwa ku Nazarete? kansi mwazoticheneka? numziŵani nimwe ŵani, nimwe Wozila wa Mlungu. 35Nipo Yesu echifyangila echiti, Myalala, ufume muli yeve. Nacho chiŵanda chikamuwisye apo pakati chifuma muli yeve chiliyomchita kantu. 36Nipo mazuzu eŵaponera ŵonse, naŵo elaŵizyana umo na muyake kuti, Nga ili lizu ni lotyani? pakuti na nsaka na mpamvu oitetula mizimu iipa, nayo yufumamo. 37Mbirikisi yake ichiya ndyondyo ku malo ŵonse a chitwa chila chozunguluka.
38Naye eimapo pa sunagoge ilo noloŵa mng'anda ya Simoni. Lomba anyavyalawake a Simoni ekatiwa chinyong'onyong'o chikuru, naŵo empapatira zya yeve. 39Naye epanama nomuŵeramila nochifyangila chinyong'onyong'o, nacho chimleka: naye euka lomba pano apa noŵatumikila.
40Lomba zuŵa likati syoo ŵonse ŵala ŵenze na ŵolwala matenda a mtundumtundu echiza naŵo kuli yeve; naye eŵasintilila ŵonse manja ŵake noŵapozya. 41Viŵanda navyo vifuma muli anyinji vukuwa na kuti, Mwe nimwe Mwana wa Mlungu. Naye povifyangila ntevizomezya kulaŵira peviziŵa kuti niye Kristo.
42Lomba kukache efumapo echiya ku malambo: naŵo maumba ŵala emsakasaka emzila, echiti timlesye asatisiya. 43Sembe yeve eŵauzya, Noŵirizyira makani aweme ofumu wa Mlungu ku minzi iyo iyakene soti: pakuti ichi ni chinitumiwa.
44Naye enzoŵirizya mmasunagoge a mGalilaya.
Trenutno odabrano:
Luka 4: MA23
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Mapangano Alomba © Bible Society of Zambia, 1923.
Luka 4
4
1LOMBA Yesu wozula Mzimu Mtuŵa ewerako ku Yordani nouliwa na Mzimu mmalambo masiku makumi ŵane, 2enzoyezyewa na muŵepeki ula. Aliyeulye kantu mmasiku ŵala, naye akasile echimvwa njala. 3Nipo muŵepeki ula emnenera, Kati nimwe Mwana wa Mlungu uzyani mwala uyu uyaruke mtanda. 4Yesu emyasuka kuti, Kwilembewa, Muntu sangachile na mitanda yeka. 5Naye emuula ekwera naye emlangizya maufumu ŵonse a mcharo chonkalamo ŵantu pa kamfunda kamo. 6Muŵepeki emnenera, Nimpeni mweo nsaka iyi yonse na mchinzi wa ine: pakuti vipewa kuli neo, nane numpa ali wonse unupangwa. 7Teti kati mkanilambila neo vyonse viviŵe vyanu. 8Yesu eyasuka emuuzya, Kwilembewa, Womlambila Asikuru Mlungu wako, yeve yeka ni uuti wotumikila. 9Naye emuulila ku Yerusalemi nomuŵika pa lipembe la kumbwe wa chipupilo nonena naye, Kati nimwe Mwana wa Mlungu muliponye pansi kufuma pano: 10pakuti kwilembewa,
Aŵasuzulire malaika ŵake zya weo, kukuchi lingizya:
11na kuti,
Mmanja mwaŵo azakutembetere,
Kano ungakumbulwe lukasa lwako ku mwala.
12Naye Yesu eyasuka emuuzya, Kwinenewa, Usamuyezya Asikuru Mlungu wako.
13Lomba muŵepeki akasile mayezyo ŵonse eimapo pali yeve kwa nsita.
14Naye Yesu ewererako mu mpamvu ya Mzimu ku Galilaya: na mbirikisi yake iŵirikila mchitwa chonse chozunguluka. 15Naye enzosambizya mmasunagoge ŵaŵo nolemekewa na ŵonse.
16Lomba efwika ku Nazarete kwechilelewa, eloŵa mwechiyoŵerera msunagoge pa siku la sabata nopanama kupenda malizu. 17Lipewa kwake buku la Isaya muŵirizi. Naye evunukulapo pa buku nofwanga pa malo pelembewa,
18Mzimu wa Asikuru ali pali neo,
Pakuti enizoleka mafuta kwaŵirizyira makani aweme akavu:
Enituma kwalululira kumangulula a mnsinga,
Na ku mpofu kulola soti,
Kwachisya wanoŵene ŵala okandiwa,
19Kululula chirimika chosaluliwa cha Asikuru.
20Naye evwinikilapo pa buku noliwezya ku mtumiki nonkala pansi: na menso a ŵonse a msunagoge enzomlolesya. 21Nipo eyamboŵauzya, Lero malembo aŵa osilizika mmatu ŵanu. 22Naŵo ŵonse emchitira untoni nozizwa pa malizu a chawanzi efuma mkanwa mwake: echiti, Kansi uyu nti mwana wa Yosefe? 23Naye enena naŵo, Lezee munene kuli neo chisimi ichi, Mwe mweng'anga, mulipozye mweka: vyonse vitichimvwa vichitika mKapernaumi vichiteni vyamene ivyo apa soti pa charo chanu. 24Naye echiti, Lezee numnenelani, Paliye muŵirizi ozomereka mcharo cha kokwaŵo mwine. 25Sembe neo chendi numuuzyani, Enzepo anakazi anyinji ŵofwilwa pa Israeli mmasiku a Eriya, apo makumbi ezaliwa vyaka vitatu na myezi isano na umo, pechichiza chilala chikuru mcharo icho chonse; 26sembe Eriya ntetumiwa kwa ŵala ŵonse, sembe ku Zarepta mpera mcharo cha Sidoni, ku mwanakazi wofwilwa. 27Enzepo soti amanzonzo anyinji pa Israeli pa nsita ya Erisha muŵirizi ula; lomba paliye ali ŵonse ŵala esukiwa, sembe Naamani yeka Msuriya. 28Naŵo ŵonse ŵala a msunagoge ezula nokali pechimvwa ivi; 29eima nompoza kunja kwa linga nomkwekwesyera ku msondo wa lupiri luwimangiwapo munzi waŵo, kuti amdyonkolere pansi. 30Sembe yeve epita pakati paŵo na kuya.
31Pamene apo esikira ku Kapernaumi, munzi wa mGalilaya. Lomba enzoŵasambizya pa siku la sabata: 32naŵo ezizwa pa mayeruzyo ŵake, pakuti malizu ŵake ŵenze na nsaka. 33Lomba msunagoge mwenze muntu ana mzimu wa chiŵanda cha lunsa; chilila na malizu akuru, 34Aa! ni syani kuli seo na mweo, mwe Yesu mwa ku Nazarete? kansi mwazoticheneka? numziŵani nimwe ŵani, nimwe Wozila wa Mlungu. 35Nipo Yesu echifyangila echiti, Myalala, ufume muli yeve. Nacho chiŵanda chikamuwisye apo pakati chifuma muli yeve chiliyomchita kantu. 36Nipo mazuzu eŵaponera ŵonse, naŵo elaŵizyana umo na muyake kuti, Nga ili lizu ni lotyani? pakuti na nsaka na mpamvu oitetula mizimu iipa, nayo yufumamo. 37Mbirikisi yake ichiya ndyondyo ku malo ŵonse a chitwa chila chozunguluka.
38Naye eimapo pa sunagoge ilo noloŵa mng'anda ya Simoni. Lomba anyavyalawake a Simoni ekatiwa chinyong'onyong'o chikuru, naŵo empapatira zya yeve. 39Naye epanama nomuŵeramila nochifyangila chinyong'onyong'o, nacho chimleka: naye euka lomba pano apa noŵatumikila.
40Lomba zuŵa likati syoo ŵonse ŵala ŵenze na ŵolwala matenda a mtundumtundu echiza naŵo kuli yeve; naye eŵasintilila ŵonse manja ŵake noŵapozya. 41Viŵanda navyo vifuma muli anyinji vukuwa na kuti, Mwe nimwe Mwana wa Mlungu. Naye povifyangila ntevizomezya kulaŵira peviziŵa kuti niye Kristo.
42Lomba kukache efumapo echiya ku malambo: naŵo maumba ŵala emsakasaka emzila, echiti timlesye asatisiya. 43Sembe yeve eŵauzya, Noŵirizyira makani aweme ofumu wa Mlungu ku minzi iyo iyakene soti: pakuti ichi ni chinitumiwa.
44Naye enzoŵirizya mmasunagoge a mGalilaya.
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Mapangano Alomba © Bible Society of Zambia, 1923.