Luka 8
8
1LOMBA yenzepo kansita katonto kuti enzotantamo mmizinda na mminzi, enzoŵirizya noleta makani aweme ofumu wa Mlungu; na ŵala kumi na aŵiri enze naye pamo, 2na anakazi ŵambi amene epozyewa mizimu iipa na matenda, Mariya woitiwa Magadalene wamene mwivifuma viŵanda visano na viŵiri, 3na Yowana mka Kuza chisunga wa ng'anda ya Herode, na Susanna, na ŵambi anyinji, ŵenzoŵatumikila na chuma chaŵo.
4Pamene akalongane maumbamaumba, na aŵo a mminzi yonse akamzile elaŵira na linganizyo: 5Mkomoli ula echiyokomola mbuto yake: naye penzokomola iyake ipona mmbali mwa njira; inyantiwa pansi, na tuni twa mlulezi twiilya. 6Iyake ipona pa chiluŵambe; nayo ikaperokula ifota, pakuti yenzeve mnyonto. 7Iyake ipona pakati pa minga; nayo minga ikula pamo nayo noimyololosya. 8Iyake ipona mu msili uweme, nokula notwala vyotwala vya makumi kumi. Apo pechiti ivi ekuwa, Uyo ana matu akumvwa naamvwe.
9Lomba asambili emkonsha, Ili linganizyo ni lotyani? 10Enena, Kwanu kupewa kuviziŵa vyakunsei vyofumu wa Mlungu, sembe ku ŵambi ni mmalinganizyo; kuti poŵona asaŵona, na pakumvwa asaziŵisya. 11Lomba linganizyo ni ili: Mbuto ni lizu la Mlungu. 12Aŵo a mmbali mwa njira ni ŵala echimvwa; pamene apo akuza muŵepeki nolilonda lizu mmitima yaŵo, angozomera nopuzumuka. 13Aŵo a pa chiluŵambe ni ŵala amene akamvwa olipokera lizu nosangalala; aŵa aliye muzyu, ozomera kansita katonto, na pa nsita yoyezyewa opatuka. 14Nayo iyo ipona pakati pa minga, aŵa ni ŵala echimvwa, naŵo pakuya mnjira yaŵo omyololoshewa na tupwe na mpango na vyosekesya vya mmoyo uno, ntopyesya ngako. 15Nayo ya mu msili uweme, aŵa ni ŵala olimvwa lizu nolikatisya mu mtima wozomereka na uweme, notwala vyotwala nokoselela.
16Paliye muntu akayasya msaniko ouvwinikila chiya kano kuuŵika mpampansi mwa malili; lomba ouŵika pa chikalo kuti ŵala oloŵamo akuŵone kuyaka. 17Pakuti paliye kantu kefisiwa kamene kati kakanovundululiwa, kano kakunsei kati kakanoziŵikwa nozila kuŵala. 18Teti mochenjera mmumvwila: pakuti ali wonse ali nacho wamene azapewe soti; na uyo aliye, azamlonde wamene na icho chakulinga kuti ali nacho.
19Pamene apo emzila anyina na akwaŵo, naŵo ntekuma kumpanamila chikomo cha winji. 20Emuuzya kuti, Anyina wanu na akwanu alipeneme panja osakomuŵonani. 21Lomba eyasuka enena naŵo, Ŵama na akwasu ni ŵala amene oŵamvwa malizu a Mlungu noŵachita.
22Nipo yenzepo pa siku liyake kuti eloŵa mu wato, yeve na asambili ŵake; enena naŵo, Natitaukile kusilya limbi la chimana: naŵo eponesya wato. 23Naŵo penzekuya mu wato yeve eyona tulo: nipo ichiza nkuka pa chimana, na wato wenzozula manzi notondwa. 24Naŵo emzila nomuusya kuti, Asikuru, Asikuru, tutaika. Naye euka mtulo evifyangila mpepo na mayepezi a manzi, navyo vileka, penze kachetechete. 25Naye enena naŵo, Nga uli kuni mvwano wanu? Ŵeve poyopa ezizwa nonenana umo na muyake, Nga uyu ni ŵani, pakuuzya chukanga vimpepo na manzi, navyo vummvwila?
26Lomba ŵefwika ku charo cha Ageraseni choteezyana na Galilaya. 27Naye akafumile pasilya emchinguzya muntu chite wa ku munzi enze na viŵanda; nsita ikuru ntenzovwala nyula, ntenzonkala mng'anda, sembe mmitupa. 28Akamuŵone Yesu ekuwa emvunamila mnkonde nonena na malizu akuru, Ni tyani kuli neo na mweo, Yesu, mwe Mwana wa Mlungu wa Kumulu ngako? napapata msanizuzya. 29Pakuti euuzya mzimu wa lunsa ufume mmuntu uyo. Chikomo wenzomkata kaŵirikaŵiri: na ŵantu emmanga na manjerenjende na nsinga amsungisye, lomba evinyonsola vyomangira noutushiwa na chiŵanda ku malambo. 30Naye Yesu emkonsha kuti, Zina lako niwe ŵani? Echiti, Nine Legiyo; pakuti viŵanda vinyinji viloŵa mwake. 31Navyo vimtetelera asavipanga kufumamo na kuyoloŵa mchisengu cha abusmo. 32Lomba wenzepo pamene pala mkusi wa nkumba zinyinji zyenzekulya pa lupiri: navyo vimtetelera avizomezye kuyoloŵa muli zyeve. Naye evizomezya. 33Nipo viŵanda vifuma mmuntu uyo, vichiyoloŵa mnkumba: na mkusi wiutukira posondoka pala mchimana nochemwa. 34Ŵa eziŵetera akaŵone icho chapona eutuka echiyouzya mmunzi na mminda. 35Naŵo efuma akaŵone icho chapona; emzila Yesu nomfwanga muntu mvyafuma viŵanda alinkezi mnkonde mwa Yesu aluvwale na wa nzeru zyake, naŵo eyopa. 36Ŵala eŵona eŵauzya umo mwapolera uyo okulamwa viŵanda. 37Nipo ŵantu ŵonse a chitwa cha Ageraseni chozunguluka emsenga kuti afumeko kwaŵo, pakuti ekatiwa na mwezo ukuru: naye eloŵa mu wato nowereramo. 38Sembe muntu mvyafuma viŵanda ivyo emsenga kuti aŵe naye pamo: lomba emuwezya echiti, 39Werera ku ng'anda kwako nolulula vintu vikuru vyakuchitira Mlungu. Naye echiya noŵirizya mmunzi wonse vikuru vyamchitira Yesu.
40Lomba powera Yesu liumba limpokelela; pakuti ŵonse enzomlindila. 41Nipo ŵonani, echiza muntu zina lake Yairo, enze mkuru wa sunagoge, evunama mnkonde mwa Yesu nompapatira azaloŵe mng'anda yake; 42pakuti enze na kabutu sichimo, wa vyaka nga ni kumi na viŵiri, enzelele nozilika. Lomba penzekuya yeve maumba ŵala emfwindikizya.
43Pamene apo mwanakazi, enze na ntenda yakuvwa mlopa vyaka kumi na viŵiri, elofya ku ng'anga vyonse vyenze navyo, ntepoleshewa naŵo ŵonse, 44echiza kuvuli kwake noikumya mpomponje ya chovwala chake: na lomba pano apa kuvwa mlopa kwake kwipwila. 45Naye Yesu echiti, Wanikumya ni ŵani? Ŵonse pechikanauka Petro echiti, na ŵala ŵenze naye pamo, Asikuru, ni maumba omfyandikizyani nompatikizyani. 46Sembe Yesu echiti, Muntu wanikumya, panamvwa kuti mpamvu yafuma mwangu. 47Lomba pechiŵona mwanakazi kuti aliyofisame echiza notetemera nomvunamila mnkonde nokundulula pa menso pa ŵantu aŵo ŵonse chikomo chamkumyira, na kuti wapoleshewa lomba pano. 48Naye emuuzya, Mwanakaziwe, mvwano wako wakupuzumusya; nkoya pa mtendere.
49Lomba akalulaŵira muntu echiza efuma ku ng'anda ya mkuru wa sunagoge echiti, Mwana wanu wafwa; msatamanya Msambizi. 50Sembe Yesu akamvwe emyasuka echiti, Lekoyopa: wingozomera tyala, naye apoleshewe. 51Naye akafwike ku ng'anda ntezomezya ali wonse kuloŵa pamo naye, sembe Petro na Yohana na Yakobo na awisi a kabutu na anyina. 52Naŵo ŵonse ŵenzolila misozi nommbumila: lomba echiti, Msalila; pakuti aliyeufwe, lomba ali mtulo. 53Naŵo emseka pwipwiti poziŵa kuti wafwa. 54Sembe yeve pomkata kwanja eita kuti, Kabutuwe, uka. 55Nipo mzimu wake wiwera, naye epuvyouka: naye euzya kuti ampe kantu kakulya. 56Naŵo emvyala ezizwa: lomba eŵauzisya asakundululira muntu icho chachitika.
Trenutno odabrano:
Luka 8: MA23
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Mapangano Alomba © Bible Society of Zambia, 1923.
Luka 8
8
1LOMBA yenzepo kansita katonto kuti enzotantamo mmizinda na mminzi, enzoŵirizya noleta makani aweme ofumu wa Mlungu; na ŵala kumi na aŵiri enze naye pamo, 2na anakazi ŵambi amene epozyewa mizimu iipa na matenda, Mariya woitiwa Magadalene wamene mwivifuma viŵanda visano na viŵiri, 3na Yowana mka Kuza chisunga wa ng'anda ya Herode, na Susanna, na ŵambi anyinji, ŵenzoŵatumikila na chuma chaŵo.
4Pamene akalongane maumbamaumba, na aŵo a mminzi yonse akamzile elaŵira na linganizyo: 5Mkomoli ula echiyokomola mbuto yake: naye penzokomola iyake ipona mmbali mwa njira; inyantiwa pansi, na tuni twa mlulezi twiilya. 6Iyake ipona pa chiluŵambe; nayo ikaperokula ifota, pakuti yenzeve mnyonto. 7Iyake ipona pakati pa minga; nayo minga ikula pamo nayo noimyololosya. 8Iyake ipona mu msili uweme, nokula notwala vyotwala vya makumi kumi. Apo pechiti ivi ekuwa, Uyo ana matu akumvwa naamvwe.
9Lomba asambili emkonsha, Ili linganizyo ni lotyani? 10Enena, Kwanu kupewa kuviziŵa vyakunsei vyofumu wa Mlungu, sembe ku ŵambi ni mmalinganizyo; kuti poŵona asaŵona, na pakumvwa asaziŵisya. 11Lomba linganizyo ni ili: Mbuto ni lizu la Mlungu. 12Aŵo a mmbali mwa njira ni ŵala echimvwa; pamene apo akuza muŵepeki nolilonda lizu mmitima yaŵo, angozomera nopuzumuka. 13Aŵo a pa chiluŵambe ni ŵala amene akamvwa olipokera lizu nosangalala; aŵa aliye muzyu, ozomera kansita katonto, na pa nsita yoyezyewa opatuka. 14Nayo iyo ipona pakati pa minga, aŵa ni ŵala echimvwa, naŵo pakuya mnjira yaŵo omyololoshewa na tupwe na mpango na vyosekesya vya mmoyo uno, ntopyesya ngako. 15Nayo ya mu msili uweme, aŵa ni ŵala olimvwa lizu nolikatisya mu mtima wozomereka na uweme, notwala vyotwala nokoselela.
16Paliye muntu akayasya msaniko ouvwinikila chiya kano kuuŵika mpampansi mwa malili; lomba ouŵika pa chikalo kuti ŵala oloŵamo akuŵone kuyaka. 17Pakuti paliye kantu kefisiwa kamene kati kakanovundululiwa, kano kakunsei kati kakanoziŵikwa nozila kuŵala. 18Teti mochenjera mmumvwila: pakuti ali wonse ali nacho wamene azapewe soti; na uyo aliye, azamlonde wamene na icho chakulinga kuti ali nacho.
19Pamene apo emzila anyina na akwaŵo, naŵo ntekuma kumpanamila chikomo cha winji. 20Emuuzya kuti, Anyina wanu na akwanu alipeneme panja osakomuŵonani. 21Lomba eyasuka enena naŵo, Ŵama na akwasu ni ŵala amene oŵamvwa malizu a Mlungu noŵachita.
22Nipo yenzepo pa siku liyake kuti eloŵa mu wato, yeve na asambili ŵake; enena naŵo, Natitaukile kusilya limbi la chimana: naŵo eponesya wato. 23Naŵo penzekuya mu wato yeve eyona tulo: nipo ichiza nkuka pa chimana, na wato wenzozula manzi notondwa. 24Naŵo emzila nomuusya kuti, Asikuru, Asikuru, tutaika. Naye euka mtulo evifyangila mpepo na mayepezi a manzi, navyo vileka, penze kachetechete. 25Naye enena naŵo, Nga uli kuni mvwano wanu? Ŵeve poyopa ezizwa nonenana umo na muyake, Nga uyu ni ŵani, pakuuzya chukanga vimpepo na manzi, navyo vummvwila?
26Lomba ŵefwika ku charo cha Ageraseni choteezyana na Galilaya. 27Naye akafumile pasilya emchinguzya muntu chite wa ku munzi enze na viŵanda; nsita ikuru ntenzovwala nyula, ntenzonkala mng'anda, sembe mmitupa. 28Akamuŵone Yesu ekuwa emvunamila mnkonde nonena na malizu akuru, Ni tyani kuli neo na mweo, Yesu, mwe Mwana wa Mlungu wa Kumulu ngako? napapata msanizuzya. 29Pakuti euuzya mzimu wa lunsa ufume mmuntu uyo. Chikomo wenzomkata kaŵirikaŵiri: na ŵantu emmanga na manjerenjende na nsinga amsungisye, lomba evinyonsola vyomangira noutushiwa na chiŵanda ku malambo. 30Naye Yesu emkonsha kuti, Zina lako niwe ŵani? Echiti, Nine Legiyo; pakuti viŵanda vinyinji viloŵa mwake. 31Navyo vimtetelera asavipanga kufumamo na kuyoloŵa mchisengu cha abusmo. 32Lomba wenzepo pamene pala mkusi wa nkumba zinyinji zyenzekulya pa lupiri: navyo vimtetelera avizomezye kuyoloŵa muli zyeve. Naye evizomezya. 33Nipo viŵanda vifuma mmuntu uyo, vichiyoloŵa mnkumba: na mkusi wiutukira posondoka pala mchimana nochemwa. 34Ŵa eziŵetera akaŵone icho chapona eutuka echiyouzya mmunzi na mminda. 35Naŵo efuma akaŵone icho chapona; emzila Yesu nomfwanga muntu mvyafuma viŵanda alinkezi mnkonde mwa Yesu aluvwale na wa nzeru zyake, naŵo eyopa. 36Ŵala eŵona eŵauzya umo mwapolera uyo okulamwa viŵanda. 37Nipo ŵantu ŵonse a chitwa cha Ageraseni chozunguluka emsenga kuti afumeko kwaŵo, pakuti ekatiwa na mwezo ukuru: naye eloŵa mu wato nowereramo. 38Sembe muntu mvyafuma viŵanda ivyo emsenga kuti aŵe naye pamo: lomba emuwezya echiti, 39Werera ku ng'anda kwako nolulula vintu vikuru vyakuchitira Mlungu. Naye echiya noŵirizya mmunzi wonse vikuru vyamchitira Yesu.
40Lomba powera Yesu liumba limpokelela; pakuti ŵonse enzomlindila. 41Nipo ŵonani, echiza muntu zina lake Yairo, enze mkuru wa sunagoge, evunama mnkonde mwa Yesu nompapatira azaloŵe mng'anda yake; 42pakuti enze na kabutu sichimo, wa vyaka nga ni kumi na viŵiri, enzelele nozilika. Lomba penzekuya yeve maumba ŵala emfwindikizya.
43Pamene apo mwanakazi, enze na ntenda yakuvwa mlopa vyaka kumi na viŵiri, elofya ku ng'anga vyonse vyenze navyo, ntepoleshewa naŵo ŵonse, 44echiza kuvuli kwake noikumya mpomponje ya chovwala chake: na lomba pano apa kuvwa mlopa kwake kwipwila. 45Naye Yesu echiti, Wanikumya ni ŵani? Ŵonse pechikanauka Petro echiti, na ŵala ŵenze naye pamo, Asikuru, ni maumba omfyandikizyani nompatikizyani. 46Sembe Yesu echiti, Muntu wanikumya, panamvwa kuti mpamvu yafuma mwangu. 47Lomba pechiŵona mwanakazi kuti aliyofisame echiza notetemera nomvunamila mnkonde nokundulula pa menso pa ŵantu aŵo ŵonse chikomo chamkumyira, na kuti wapoleshewa lomba pano. 48Naye emuuzya, Mwanakaziwe, mvwano wako wakupuzumusya; nkoya pa mtendere.
49Lomba akalulaŵira muntu echiza efuma ku ng'anda ya mkuru wa sunagoge echiti, Mwana wanu wafwa; msatamanya Msambizi. 50Sembe Yesu akamvwe emyasuka echiti, Lekoyopa: wingozomera tyala, naye apoleshewe. 51Naye akafwike ku ng'anda ntezomezya ali wonse kuloŵa pamo naye, sembe Petro na Yohana na Yakobo na awisi a kabutu na anyina. 52Naŵo ŵonse ŵenzolila misozi nommbumila: lomba echiti, Msalila; pakuti aliyeufwe, lomba ali mtulo. 53Naŵo emseka pwipwiti poziŵa kuti wafwa. 54Sembe yeve pomkata kwanja eita kuti, Kabutuwe, uka. 55Nipo mzimu wake wiwera, naye epuvyouka: naye euzya kuti ampe kantu kakulya. 56Naŵo emvyala ezizwa: lomba eŵauzisya asakundululira muntu icho chachitika.
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Mapangano Alomba © Bible Society of Zambia, 1923.