M. Marko 16
16
1LOMBA sabata likapite Mariya Magadalene, na Mariya anyina a Yakobo, na Salome esita vyonunkila kuti aze amzoleke. 2Nipo kombwe umo siku loyamba la wiki efwika ku msitu zuŵa likati pwaa. 3Naŵo enzolaŵira ŵeka na ŵeka, Ni ŵani ati atikunkuzizye ula mwala pa mulyango pa msitu? 4naŵo akaŵinusye menso eŵona kuti mwala wakunkuzyiwa chifutavuli: pakuti wenze ukuru ngako. 5Naŵo akaloŵe mchikwe eŵona mlumbwana enzenkezi pansi kwanja kwendi wovwala mtopola utuŵa, naŵo ŵezizwa. 6Naye eŵanenera, Msazizwa: musaka Yesu wa pa Nazarete uyo epachikiwa: wazyuka kale; muliye muno: ŵonani pechimuŵika! 7Nkoyani mkauzye asambili ŵake na Petro kuti omtangulilani ku Galilaya: kwamene uko ni kumti mkamuŵone; nga ni mwechimuuzizyani. 8Lomba efumamo eutukako ku msitu; pakuti kututumila na kuzuzuka kwazila ŵeve: aliyouzya na kantu konse muntu, chifukwa enzoyopa.
9Naye akati zyuke mmamawa siku lotatika la wiki emuŵonekera Mariya Magadalene poyamba, mwa uyo mwechifumya viŵanda visano na viŵiri. 10Wamene uyo echiyoŵauzya aŵo ŵenze naye pamo penzombuma nolila. 11Ŵala naŵo akamvwe kuti ali moyo na kuti waŵonekera kuli yeve aliyozomere.
12Lomba pavuli pa ivi elilangizya chinso chimbi kwa aŵiri a aŵo penzoyenda pakuya ku minda. 13Ŵala naŵo echiyoŵauzya ayaŵo: chukanga ŵala aliyoŵazomere.
14Pavuli pake elilangizya kwa aŵo kumi na umo ŵeka penzenkezi pakulya; eŵatuzula posoŵa kwaŵo mvwano noyuma mitima kwaŵo, pakuti aliyoŵazomere aŵo emuŵona apo akati zyuke. 15Naye eŵauzya, Nkamuyani ku vyaro vyonse noŵirizya evangelo ku vyonse vyoumbiwa. 16Uyo ozomera nobatiziwa azapuzumushiwe, sembe uyo asazomera azapinguliwe chiŵichiŵi. 17Viziŵikwilo ivi vyakukonkana naŵo aŵo ozomera: pa zina langu aŵofumya viŵanda; aŵolaŵira na vilaŵiro vyalomba; 18aŵoula njoka, soti kati akamwa chiri chonse chopaisya ntechingoŵachita peka patonto; aŵoŵasintilila manja alwele, naŵo apole.
19Pamene apo Asikuru Yesu akati sile kulaŵira naŵo euliwa kuya kumulu nonkala ku kwanja kwendi kwa Mlungu. 20Ŵala naŵo efuma eŵirizya ponseponse, Asikuru kuchitira naŵo pamo mulimo, nolinkazikisya lizu na viziŵikwilo vikonkana. Amen.
Trenutno odabrano:
M. Marko 16: MA23
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Mapangano Alomba © Bible Society of Zambia, 1923.
M. Marko 16
16
1LOMBA sabata likapite Mariya Magadalene, na Mariya anyina a Yakobo, na Salome esita vyonunkila kuti aze amzoleke. 2Nipo kombwe umo siku loyamba la wiki efwika ku msitu zuŵa likati pwaa. 3Naŵo enzolaŵira ŵeka na ŵeka, Ni ŵani ati atikunkuzizye ula mwala pa mulyango pa msitu? 4naŵo akaŵinusye menso eŵona kuti mwala wakunkuzyiwa chifutavuli: pakuti wenze ukuru ngako. 5Naŵo akaloŵe mchikwe eŵona mlumbwana enzenkezi pansi kwanja kwendi wovwala mtopola utuŵa, naŵo ŵezizwa. 6Naye eŵanenera, Msazizwa: musaka Yesu wa pa Nazarete uyo epachikiwa: wazyuka kale; muliye muno: ŵonani pechimuŵika! 7Nkoyani mkauzye asambili ŵake na Petro kuti omtangulilani ku Galilaya: kwamene uko ni kumti mkamuŵone; nga ni mwechimuuzizyani. 8Lomba efumamo eutukako ku msitu; pakuti kututumila na kuzuzuka kwazila ŵeve: aliyouzya na kantu konse muntu, chifukwa enzoyopa.
9Naye akati zyuke mmamawa siku lotatika la wiki emuŵonekera Mariya Magadalene poyamba, mwa uyo mwechifumya viŵanda visano na viŵiri. 10Wamene uyo echiyoŵauzya aŵo ŵenze naye pamo penzombuma nolila. 11Ŵala naŵo akamvwe kuti ali moyo na kuti waŵonekera kuli yeve aliyozomere.
12Lomba pavuli pa ivi elilangizya chinso chimbi kwa aŵiri a aŵo penzoyenda pakuya ku minda. 13Ŵala naŵo echiyoŵauzya ayaŵo: chukanga ŵala aliyoŵazomere.
14Pavuli pake elilangizya kwa aŵo kumi na umo ŵeka penzenkezi pakulya; eŵatuzula posoŵa kwaŵo mvwano noyuma mitima kwaŵo, pakuti aliyoŵazomere aŵo emuŵona apo akati zyuke. 15Naye eŵauzya, Nkamuyani ku vyaro vyonse noŵirizya evangelo ku vyonse vyoumbiwa. 16Uyo ozomera nobatiziwa azapuzumushiwe, sembe uyo asazomera azapinguliwe chiŵichiŵi. 17Viziŵikwilo ivi vyakukonkana naŵo aŵo ozomera: pa zina langu aŵofumya viŵanda; aŵolaŵira na vilaŵiro vyalomba; 18aŵoula njoka, soti kati akamwa chiri chonse chopaisya ntechingoŵachita peka patonto; aŵoŵasintilila manja alwele, naŵo apole.
19Pamene apo Asikuru Yesu akati sile kulaŵira naŵo euliwa kuya kumulu nonkala ku kwanja kwendi kwa Mlungu. 20Ŵala naŵo efuma eŵirizya ponseponse, Asikuru kuchitira naŵo pamo mulimo, nolinkazikisya lizu na viziŵikwilo vikonkana. Amen.
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Mapangano Alomba © Bible Society of Zambia, 1923.