प्रेरित 1
1
येसुजि यापन चेलवानिके निरदेसन देलसि हसे स्वरगमा गेलसि
1मोर सोगावल थियोफिलस, मुइ यकरसे यागाक कितबवामा प्रेरितवाह येसुजिसाङे रहइकि सिखोलि जम्मे बतवाक बारेमा लिखसकले बडहिँ।#लुका १:१-४ 2उअ कितबवामा येसुजि यापन छानलि प्रेरितवानिके पवितर-आत्मासे आग्या देके स्वरगमा उठाके लिगइलि दिनवालइ जम्मे बतवा लिखाइल बडइ। 3येसुजि कस्ट भोगलसि हसे मरलिसे पुनरुत्थान भेलि जम्मे बतवा परकट करेके तहिँया चालिस दिनलइ घर-घराहे देखा परलसि हसे परमेस्वरक राजक बारेमा हुनुकाके सुनोलसि। 4एकपल्टा येसुजि हुनुकरसाङे खाइखुनि हुनुकाके आग्या देके यसके कहलसि, “तोहरा यरुसलेम छाडके झिन जइह, बाकि मोर बाबा पवितर-आत्मा देबहिँ कहके करलि प्रतिग्या इसियाइ रहिह। यकर बारेमा मुइ पहिलेसे कहले रहलहि,#लुका २४:४९ 5केहकेकि युहन्ना त तोहराके पानिसे बप्तिस्मा देलिय, बाकि किहो दिन पाछा तोहरा पवितर-आत्माक बप्तिस्मा पउबह।”#मति ३:११; मरकुस १:८; लुका ३:१६; युहन्ना १:३३
येसुजि स्वरगमा गेलसि
(मरकुस १६:१९; लुका २४:५०-५१)
6उहेसे प्रेरितवाह येसुजिसाङे हखइखुनि हुनुका येसुजिके पुछलइ, “प्रभुजि, कथि यपनहुँ इहे जुनवामा हमार देसवा इस्राएलके फेरि स्थापना करदेबहुँ?”
7तब येसुजि कहलसि, “इअ जुनवाक बारेमा जानेके काम तोहार हइने हखइ। इअ जुनवा तोकेके बारेमा परमेस्वर पिता यपनहिँ तोकले बडसि। 8बाकि पवितर-आत्मा तोहारमा यासकलेपर तोहरा सक्ति पउबह। वकरपाछा तोहरा यरुसलेममा, जम्मे यहुदिया हसे सामरिया छेतरमा हसे धरतियाक जम्मे ठउरियामा मोर साछि हखबह।”#मति २८:१९; मरकुस १६:१५; लुका २४:४७-४८
9हुने इअ बतवा फदक सकलेपर, हुनुका हेरते-हेरते येसुजि वपरा बदरियामा लिगेलसि। उहेसे हुनुका फेरि हुनेके देखे हइने सकलइ।#मरकुस १६:१९; लुका २४:५०-५१
10जब हुनुका टक लगाके स्वरगवरि येसुजि जाइकि हेरइ रहलइ, तखनहिँ गोरहर लुगा पेहरल दु जन मन्से#१:१० यहवाँ दु जन मन्से कहले स्वरगदुतसभ हखइ। यरमरका हुनुकर लघिना देखा परलइ, 11हसे हुनुकाके कहलइ, अरे गालिल छेतरक मन्सावाह, “तोहरा केहके स्वरगवरि हेरते यहवाँ ठडियलि बडह? जसने तोहरा येसुजिके स्वरगमा लिगाइकि देखलह, वसनेहिँ हुने फिरके फेरि यबसि।”
यहुदाक सटहा मतियासके छानले
12वकरपाछा हुनुका जइतुन पहडावासे फिरके यरुसलेममा गेलइ। वहवाँसे यरुसलेम एक किलोमिटर जतुरा तनाउ बडइ। 13जब हुनुका यरुसलेम सहरवामा पुगलइ हसे यापन रहनवा घरवाक वपराक तलवाक कोठवामा गेलइ। हुनुका पतरुस, युहन्ना, याकुब, अन्द्रियास, फिलिप, थोमा, बारथोलोमाइ, मति, अल्फायसक बेटवा याकुब, देसभक्त दलक सिमोन हसे याकुबक बेटवा यहुदा रहलइ।#मति १०:२-४; मरकुस ३:१६-१९; लुका ६:१४-१६ 14हुनुका जम्मे जन एके मन भके परथाना करइ रहइ। उअ हुलवामा येसुजिक दाओ मरियम, याको जनिनियाह हसे येसुजिक भयवाह फेनि रहलइ।
15किहो दिन पाछा एक सय बिस जन विस्वासिसभ बटियाइखुनि पतरुस ठडियाके कहलिय, 16“हेरह भयवाह, धरमसास्तरवामा पवितर-आत्मा दाउद रजवासे यहुदाक बारेमा फदकलि वचनवा पुरा हखे परतइ। उहेसे यहुदा येसुजिके पकडावेके तहिँया मन्सावानिके लिगलिय। 17उअ फेनि हमरे नहिँया सेवकाइ करेके तहिँया छनाइल रहलिय।”
18यहुदा येसुजिके धोखा देके कमइलि पइसावामाहे एगुडा जागा किनलिय। उहे जागामा उअ मुडवातरवरि हखके मरलिय हसे वकर पेटवा फुटके पोटियाह बाहरा निकडलइ। 19यरुसलेमक जम्मे मन्सावाह इअ थाह पउलइ हसे हुनुका उअ जागाक नाउँ यापन भासामा “आखेल्दामा” धरलइ। यकर यरथ “रकतसे किनल जागा” हखइ।#मति २७:३-८
20“उहेसे पतरुस कहलिय, ‘उअ बतवा भजनक कितबवामा यसके लिखाइल बडइ,
वकर घरवा सुनसान भके, कुनहुँ फेनि नाहिँ हतइ हसे वकर कमवाक जिम्मा दोसर मन्से लेतइ।’#भजन ६९:२५; १०९:८
21-22“उहेसे हमरा हुनुकरमधेसे एक जनके वकर सटहामा छाने परतइ। जुने हमारसाङे बप्तिस्मा देलाहर युहन्नाक जुनवासे प्रभु येसुजि स्वरग लिगइलि जुनवालइ साछि हखे परतइ।”#मति ३:१६; मरकुस १:९; १६:१९; लुका ३:२१; २४:५१
23उहेसे हुनुका दु जनक नाउँ प्रस्तावमा यनलइ। एक जन योसेफ रहलिय, वकरेके बारसाबास कहइ। वकर दोसर नाउँ युस्तस फेनि रहलइ। दोसरिक नाउँ मतियास रहलइ। 24हुनुका यसके परथाना करलइ, “हे प्रभुजि, यपनहुँ सबहुँ जनक मनवाक बतवा जनसहुँ, इअ दु जनमधे यपनहुँ ककरेके छानले बडहुँ, हमराके चिन्हा देहुँ। 25जुन मन्सावा प्रेरित भके सेवकाइ करबिय, केहकेकि यहुदा मरके यापन पइडामा लागि सकल बडिय।” 26वकरपाछा हुनुका चिठा घललइ, चिठवा मतियासक नाउँमा परलइ हसे उअ फेनि एगारह प्रेरितवानिसाङे गनेलिय।
Trenutno odabrano:
प्रेरित 1: CTHR
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2023, Wycliffe Bible Translators, Inc. and Nepal Bible Society
प्रेरित 1
1
येसुजि यापन चेलवानिके निरदेसन देलसि हसे स्वरगमा गेलसि
1मोर सोगावल थियोफिलस, मुइ यकरसे यागाक कितबवामा प्रेरितवाह येसुजिसाङे रहइकि सिखोलि जम्मे बतवाक बारेमा लिखसकले बडहिँ।#लुका १:१-४ 2उअ कितबवामा येसुजि यापन छानलि प्रेरितवानिके पवितर-आत्मासे आग्या देके स्वरगमा उठाके लिगइलि दिनवालइ जम्मे बतवा लिखाइल बडइ। 3येसुजि कस्ट भोगलसि हसे मरलिसे पुनरुत्थान भेलि जम्मे बतवा परकट करेके तहिँया चालिस दिनलइ घर-घराहे देखा परलसि हसे परमेस्वरक राजक बारेमा हुनुकाके सुनोलसि। 4एकपल्टा येसुजि हुनुकरसाङे खाइखुनि हुनुकाके आग्या देके यसके कहलसि, “तोहरा यरुसलेम छाडके झिन जइह, बाकि मोर बाबा पवितर-आत्मा देबहिँ कहके करलि प्रतिग्या इसियाइ रहिह। यकर बारेमा मुइ पहिलेसे कहले रहलहि,#लुका २४:४९ 5केहकेकि युहन्ना त तोहराके पानिसे बप्तिस्मा देलिय, बाकि किहो दिन पाछा तोहरा पवितर-आत्माक बप्तिस्मा पउबह।”#मति ३:११; मरकुस १:८; लुका ३:१६; युहन्ना १:३३
येसुजि स्वरगमा गेलसि
(मरकुस १६:१९; लुका २४:५०-५१)
6उहेसे प्रेरितवाह येसुजिसाङे हखइखुनि हुनुका येसुजिके पुछलइ, “प्रभुजि, कथि यपनहुँ इहे जुनवामा हमार देसवा इस्राएलके फेरि स्थापना करदेबहुँ?”
7तब येसुजि कहलसि, “इअ जुनवाक बारेमा जानेके काम तोहार हइने हखइ। इअ जुनवा तोकेके बारेमा परमेस्वर पिता यपनहिँ तोकले बडसि। 8बाकि पवितर-आत्मा तोहारमा यासकलेपर तोहरा सक्ति पउबह। वकरपाछा तोहरा यरुसलेममा, जम्मे यहुदिया हसे सामरिया छेतरमा हसे धरतियाक जम्मे ठउरियामा मोर साछि हखबह।”#मति २८:१९; मरकुस १६:१५; लुका २४:४७-४८
9हुने इअ बतवा फदक सकलेपर, हुनुका हेरते-हेरते येसुजि वपरा बदरियामा लिगेलसि। उहेसे हुनुका फेरि हुनेके देखे हइने सकलइ।#मरकुस १६:१९; लुका २४:५०-५१
10जब हुनुका टक लगाके स्वरगवरि येसुजि जाइकि हेरइ रहलइ, तखनहिँ गोरहर लुगा पेहरल दु जन मन्से#१:१० यहवाँ दु जन मन्से कहले स्वरगदुतसभ हखइ। यरमरका हुनुकर लघिना देखा परलइ, 11हसे हुनुकाके कहलइ, अरे गालिल छेतरक मन्सावाह, “तोहरा केहके स्वरगवरि हेरते यहवाँ ठडियलि बडह? जसने तोहरा येसुजिके स्वरगमा लिगाइकि देखलह, वसनेहिँ हुने फिरके फेरि यबसि।”
यहुदाक सटहा मतियासके छानले
12वकरपाछा हुनुका जइतुन पहडावासे फिरके यरुसलेममा गेलइ। वहवाँसे यरुसलेम एक किलोमिटर जतुरा तनाउ बडइ। 13जब हुनुका यरुसलेम सहरवामा पुगलइ हसे यापन रहनवा घरवाक वपराक तलवाक कोठवामा गेलइ। हुनुका पतरुस, युहन्ना, याकुब, अन्द्रियास, फिलिप, थोमा, बारथोलोमाइ, मति, अल्फायसक बेटवा याकुब, देसभक्त दलक सिमोन हसे याकुबक बेटवा यहुदा रहलइ।#मति १०:२-४; मरकुस ३:१६-१९; लुका ६:१४-१६ 14हुनुका जम्मे जन एके मन भके परथाना करइ रहइ। उअ हुलवामा येसुजिक दाओ मरियम, याको जनिनियाह हसे येसुजिक भयवाह फेनि रहलइ।
15किहो दिन पाछा एक सय बिस जन विस्वासिसभ बटियाइखुनि पतरुस ठडियाके कहलिय, 16“हेरह भयवाह, धरमसास्तरवामा पवितर-आत्मा दाउद रजवासे यहुदाक बारेमा फदकलि वचनवा पुरा हखे परतइ। उहेसे यहुदा येसुजिके पकडावेके तहिँया मन्सावानिके लिगलिय। 17उअ फेनि हमरे नहिँया सेवकाइ करेके तहिँया छनाइल रहलिय।”
18यहुदा येसुजिके धोखा देके कमइलि पइसावामाहे एगुडा जागा किनलिय। उहे जागामा उअ मुडवातरवरि हखके मरलिय हसे वकर पेटवा फुटके पोटियाह बाहरा निकडलइ। 19यरुसलेमक जम्मे मन्सावाह इअ थाह पउलइ हसे हुनुका उअ जागाक नाउँ यापन भासामा “आखेल्दामा” धरलइ। यकर यरथ “रकतसे किनल जागा” हखइ।#मति २७:३-८
20“उहेसे पतरुस कहलिय, ‘उअ बतवा भजनक कितबवामा यसके लिखाइल बडइ,
वकर घरवा सुनसान भके, कुनहुँ फेनि नाहिँ हतइ हसे वकर कमवाक जिम्मा दोसर मन्से लेतइ।’#भजन ६९:२५; १०९:८
21-22“उहेसे हमरा हुनुकरमधेसे एक जनके वकर सटहामा छाने परतइ। जुने हमारसाङे बप्तिस्मा देलाहर युहन्नाक जुनवासे प्रभु येसुजि स्वरग लिगइलि जुनवालइ साछि हखे परतइ।”#मति ३:१६; मरकुस १:९; १६:१९; लुका ३:२१; २४:५१
23उहेसे हुनुका दु जनक नाउँ प्रस्तावमा यनलइ। एक जन योसेफ रहलिय, वकरेके बारसाबास कहइ। वकर दोसर नाउँ युस्तस फेनि रहलइ। दोसरिक नाउँ मतियास रहलइ। 24हुनुका यसके परथाना करलइ, “हे प्रभुजि, यपनहुँ सबहुँ जनक मनवाक बतवा जनसहुँ, इअ दु जनमधे यपनहुँ ककरेके छानले बडहुँ, हमराके चिन्हा देहुँ। 25जुन मन्सावा प्रेरित भके सेवकाइ करबिय, केहकेकि यहुदा मरके यापन पइडामा लागि सकल बडिय।” 26वकरपाछा हुनुका चिठा घललइ, चिठवा मतियासक नाउँमा परलइ हसे उअ फेनि एगारह प्रेरितवानिसाङे गनेलिय।
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2023, Wycliffe Bible Translators, Inc. and Nepal Bible Society