प्रेरित 5
5
हननिया हसे सफिराके परमेस्वरक न्यायमा परल देखके मन्सावाह डेरेलइ
1बाकि हननिया नाउँक एक जन मन्से वकर जनियावा सफिरासाङे मिलके यापन इचिका जागा बेचलइ हसे 2यापन जनियावाक जानकारिमा किहो रुपियवा यापन तहिँया लोकाके, बाँकि रुपियवा प्रेरितवानिक लघिना यनलइ।
3बाकि पतरुस कहलिय, “अरे हननिया, पवितर-आत्माके झुठा फदकेके हसे जागा बेचके याको पइसावा यापनसाङे धरेके सइतनवा कस्के तोर मनवामा भरदेलिय? 4कथि उअ जागा बेचलिसे यागा तोहरे हइने रहलइ त? हसे उअ जागा बेचके यइलि पइसावा फेनि तोहरे हइने रहलइ त? यसनुक करेके तहिँया विचार तोहार मनवामा कस्के यलइ? तुइ मन्सावानिके मतरे झुठा हइने फदकलहि बरु परमेस्वरसाङे फेनि झुठा फदकलहि।”
5इअ बतवा सुनतेकि हननिया भुयवामा खसलिय हसे मरलिय। इअ बतवा सुनके जम्मे जन खाँ डेरेलइ। 6वकरपाछा ढोठहनिया मन्सावाह याके हननियाक लसवा लुगासे घेउटके बाहरा लिगाके गाडदेलइ।
7तिन घन्टा पाछा हननियाक जनियावा सफिरा फेनि भितरा यलिय। वहवाँ भेलि घटनाक बारेमा वकर किहो फेनि थाहे हइने रहलइ। 8पतरुस वकरेके पुछलिय, “मोरके कहहि त, तोहरा उतुरे पइसामा मतरे यापन जागा बेचले हखह त?” तब सफिरा कहलिय, “जागाक मोलक पइसा यतुरे मतरे हखइ।”
9उहेसे पतरुस वकरेके कहलिय, “प्रभुक आत्माके जाँचेके कस्के तोहरा सहमत भेलह? हेरहि! तोर मरदावाके गडलाहरा दुवरियामा ठडियाइल बडइ। हुनुका तोरके फेनि गाडे लिगतइ।”
10वइघरहिँ सफिरा पतरुसक टङवा लघिना भहडके मरलिय। तब ढोठहनियावाह भितरा याके वकरेके मरल देखलइ हसे हुनुका वकरेके बोकके बाहरा लिगाके वकर मरदावाक पजरवामा गाडदेलइ। 11इअ घटना पाछा मन्डलियाक जम्मे जन हसे इअ घटनावाक बारेमा सुनलहरा जम्मे मन्सावाह खुभे डेरेलइ।
प्रेरितवाह बहुत मनियाइल मन्सेसभके डउल बनोलइ
12याबे प्रेरितवाह मन्सावानिक बिचा बहुत यचम्मक कामसभ करइ हसे यचम्मक चिन्हासभ देखोइ। येसुजिमा विस्वास करलहरा जम्मे जन घर-घराहे सोलोमनक ओसरवामा बटियाइ। 13हुनुकाके मन्सावाह यादर करइ, बाकि हुनुकरसाङे मिलेके याट कुनहुँ फेनि हइने करइ। 14ताफेनि प्रभु येसुजिमा विस्वास करलाहर मरदाना हसे जनियानिक संख्या बहुत बढते गेलइ। 15यसनुक यचम्मक काम भेलइ, कि मन्सावाह मनियइलि मन्सावाह यानके गलिया-गलियावामा गोनरिया हसे खटियावामा सुतादेइ, ताकि पतरुस यवइकि वकर छहरिया मतरे हुनुकर वपरा परइ कहके। 16यरुसलेमक चारिवरक सहरवासे फेनि बहुत मन्सेसभ यलइ। हुनुका मनियइलि हसे भुत लागल मन्सेसभके यनलइ हसे हुनुका जम्मे जन डउल भेलइ।
प्रेरितवानिके यहुदि यगुवासभ सतोलइ
17बाकि सिदुकि पुजेरिया हसे वकर सदुकि दफवाक जम्मे जन प्रेरितवानिक खिस करे लगलइ। 18हुनुका प्रेरितवानिके पकडके सारवजनिक झ्यालखनवामा थुन देलइ। 19बाकि उहे राति परमेस्वरक एगुडा स्वरगदुतवा झ्यालखनवाक दुवरिया खोलके, हुनुकाके बाहरा निकडाके हसे कहलिय, 20“याबे जाह हसे मन्दिरवामा ठडियाके इअ लउठा जिवनक बारेमा जम्मे मन्सावानिके समाद सुना दिह।”
21इअ सुनके प्रेरितवाह बिहनहिँ मन्दिरवा भितरा गेलइ हसे मन्सावानिके सिछा देवे लगलइ। बाकि सिदुकि पुजेरिया हसे वकर मन्सावाह यलइ। हुनुका इस्राएलक जम्मे यगुवासभके महासभामा बलोलइ हसे झ्यालखनवासे प्रेरितवानिके यानेके हुकुम देलइ। 22बाकि मन्दिरवाक प्रहरियासभ झ्यालखनवामा जाके प्रेरितवानिके हइने देखलइ। तब हुनुका फिर याके यसके समाद देलइ, 23“झ्यालखनवाक दुवरिया खाँ डउलसे लगावल रहलइ हसे गेट पलयावाह दुवरियामा ठडियाइल रहलइ। बाकि जब हमरा दुवरिया खोललहुँ वहवाँ ककरहुँके फेनि हइने देखलहुँ।” 24हुनुकर बतवा सुनके मन्दिरवाक प्रहरियासभक कप्तनवा हसे मुख्य पुजेरियाह “इअ कथि हतइ?” सोचके खुभे अकमकेलइ।
25तखनहिँ एक जन मन्से याके हुनुकाके यसके कहलिय, “मोर बतवा सुनहुँ, यपनहुँसभ झ्यालखनवामा थुनदेलि मन्सावाह त मन्दिरवामा ठडियाके मन्सावानिके सिखोइ बडइ।” 26इअ सुनके कप्तनवा कतेक मन्दिरवाक प्रहरिवानिसाङे जाके प्रेरितवानिके जबरजस्ति हइने करके यनलइ, केहकेकि मन्सावाह हुनुकाके पत्थरासे पिटतइ कहके डेरेलइ।
27हुनुका प्रेरितवानिके महासभाक यागा यनलइ हसे मुख्य पुजेरिया हुनुकाके कहलिय, 28“हमरा तोहराके इअ नउँवामा ककरहुँके झिन सिखोइह कहके काडा आग्या देले रहलहुँ। बाकि तोहरा त यापन सिछा जम्मे यरुसलेम भर छित्यासकलह हसे इअ मन्सावाक मारलि दोसवा हमराके लगावे खोजइ बडह।”#मति २७:२५
29तब पतरुस हसे याको प्रेरितवाह कहलइ, “हमरा मन्सावानिक आग्या हइने, बरु परमेस्वरक आग्या माने परतइ। 30जुन येसुजिके यपनहुँसभ काँटि ठोकके क्रुसवामा मारलहुँ, हमार पिता-पुरखासभक परमेस्वर हुनेके मरलिसे फेरि जिउतोले बडसि।#व्यवस्था २१:२२-२३ 31परमेस्वर हुनेके राजा हसे मुक्तिदाता बनाके यापन दहिनिकलहरवा बइठोले बडसि, ताकि हुने इस्राएलियानिके यापन पाप मानके पपवासे छमा पावेके तहिँया मउका देबसि। 32हमरा इअ बतवाक साछि बडहुँ हसे परमेस्वर यापन आग्या पालन करलहरानिके देलि पवितर-आत्मा फेनि यकर बारेमा साछि देइ बडसि।”
33कचहेरियाक जम्मे मन्सावाह इअ बतवा सुनके खुभे खिसियलइ हसे प्रेरितवानिके मारेके विचार करलइ। 34बाकि उअ कचहेरियामा गमलिएल नाउँक एक जन फरिसि रहलिय। उअ जम्मे जनसे यादर पावल एक जन व्यवस्थाक-गुरु रहलिय। उअ कचहेरियामा ठडियलिय हसे प्रेरितवानिके एघरिक तहिँया बाहरा जायके हुकुम देलिय। 35वकरपाछा उअ कचहेरियामा बटियाके जम्मे मन्सावानिके कहलिय, “अरे इस्राएलक मन्सावाह, इअ मन्सावानिके कथि करे खोजइ बडह यपनहुँसभ यकर बारेमा ध्यान देहुँ! 36किहो बरस यागा थुदास नाउँक एक जन मन्से यपनहिँके महान मन्से हखहि कहके दाबि करलिय। वकरपाछा चार सय जन जतुरा लागल रहलइ, बाकि जब वकर हत्या भेलइ, तब वकरपाछा लगलहरा जम्मे जन छाहरछिता भके वकर नाउँ निसानवाहि वरेलइ। 37किहो दिन पाछा, जन गडना करलि जुनवामा गालिल छेतरक यहुदा कहल मन्से देखा परलिय हसे बहुत मन्सेसभ वकरपाछा लगलइ। वकर फेनि हत्या भेलइ हसे वकरपाछा लगलहराह फेनि छाहरछिता भेलइ। 38उहेसे मुइ यकर बारेमा यपनहुँसभके इअ सल्लाह देबहिँ, कि यपनहुँसभ हुनुकाके किहो फेनि झिन करबहुँ बरु हुनुकाके छाड देबहुँ, केहकेकि हुनुकर योजना हसे कमवा मन्सावानिसे भेल बडइ जउँ, उअ यपनहिँ हेरेतइ। 39बाकि हुनुकर योजना हसे कमवा परमेस्वरसे भेल बडइ जउँ, यपनहुँसभ हुनुकाके रोके नाहिँ सकबहुँ बरु यपनहुँसभ परमेस्वरक विरोधमा उठल नहिँया मतरे हतइ।”
40तब महासभाक सदस्यवाह गमलिएलक सल्लाह मनलइ। हुनुका प्रेरितवानिके भितरा बलाके कोडा लगोलइ हसे येसुजिक नाउँमा ककरहुँसे झिन फदकिह कहके हुनुकाके हुकुम देके छाड देलइ। 41तब प्रेरितवाह, “परमेस्वर हमरानिके येसुजिक नाउँमा दुःख हसे यपमान सहेके तहिँया लाइक ठहरोलेसे” खुसि भके कचहेरियासे बाहरा निसकलइ। 42वकरपाछा हुनुका सबदिन मन्दिरवामा हसे घरवा-घरवामा जाके “येसुजि ख्रिस्ट हखसि” कहके खुसिक समाद सिखोते परचार करलइ।
Trenutno odabrano:
प्रेरित 5: CTHR
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2023, Wycliffe Bible Translators, Inc. and Nepal Bible Society
प्रेरित 5
5
हननिया हसे सफिराके परमेस्वरक न्यायमा परल देखके मन्सावाह डेरेलइ
1बाकि हननिया नाउँक एक जन मन्से वकर जनियावा सफिरासाङे मिलके यापन इचिका जागा बेचलइ हसे 2यापन जनियावाक जानकारिमा किहो रुपियवा यापन तहिँया लोकाके, बाँकि रुपियवा प्रेरितवानिक लघिना यनलइ।
3बाकि पतरुस कहलिय, “अरे हननिया, पवितर-आत्माके झुठा फदकेके हसे जागा बेचके याको पइसावा यापनसाङे धरेके सइतनवा कस्के तोर मनवामा भरदेलिय? 4कथि उअ जागा बेचलिसे यागा तोहरे हइने रहलइ त? हसे उअ जागा बेचके यइलि पइसावा फेनि तोहरे हइने रहलइ त? यसनुक करेके तहिँया विचार तोहार मनवामा कस्के यलइ? तुइ मन्सावानिके मतरे झुठा हइने फदकलहि बरु परमेस्वरसाङे फेनि झुठा फदकलहि।”
5इअ बतवा सुनतेकि हननिया भुयवामा खसलिय हसे मरलिय। इअ बतवा सुनके जम्मे जन खाँ डेरेलइ। 6वकरपाछा ढोठहनिया मन्सावाह याके हननियाक लसवा लुगासे घेउटके बाहरा लिगाके गाडदेलइ।
7तिन घन्टा पाछा हननियाक जनियावा सफिरा फेनि भितरा यलिय। वहवाँ भेलि घटनाक बारेमा वकर किहो फेनि थाहे हइने रहलइ। 8पतरुस वकरेके पुछलिय, “मोरके कहहि त, तोहरा उतुरे पइसामा मतरे यापन जागा बेचले हखह त?” तब सफिरा कहलिय, “जागाक मोलक पइसा यतुरे मतरे हखइ।”
9उहेसे पतरुस वकरेके कहलिय, “प्रभुक आत्माके जाँचेके कस्के तोहरा सहमत भेलह? हेरहि! तोर मरदावाके गडलाहरा दुवरियामा ठडियाइल बडइ। हुनुका तोरके फेनि गाडे लिगतइ।”
10वइघरहिँ सफिरा पतरुसक टङवा लघिना भहडके मरलिय। तब ढोठहनियावाह भितरा याके वकरेके मरल देखलइ हसे हुनुका वकरेके बोकके बाहरा लिगाके वकर मरदावाक पजरवामा गाडदेलइ। 11इअ घटना पाछा मन्डलियाक जम्मे जन हसे इअ घटनावाक बारेमा सुनलहरा जम्मे मन्सावाह खुभे डेरेलइ।
प्रेरितवाह बहुत मनियाइल मन्सेसभके डउल बनोलइ
12याबे प्रेरितवाह मन्सावानिक बिचा बहुत यचम्मक कामसभ करइ हसे यचम्मक चिन्हासभ देखोइ। येसुजिमा विस्वास करलहरा जम्मे जन घर-घराहे सोलोमनक ओसरवामा बटियाइ। 13हुनुकाके मन्सावाह यादर करइ, बाकि हुनुकरसाङे मिलेके याट कुनहुँ फेनि हइने करइ। 14ताफेनि प्रभु येसुजिमा विस्वास करलाहर मरदाना हसे जनियानिक संख्या बहुत बढते गेलइ। 15यसनुक यचम्मक काम भेलइ, कि मन्सावाह मनियइलि मन्सावाह यानके गलिया-गलियावामा गोनरिया हसे खटियावामा सुतादेइ, ताकि पतरुस यवइकि वकर छहरिया मतरे हुनुकर वपरा परइ कहके। 16यरुसलेमक चारिवरक सहरवासे फेनि बहुत मन्सेसभ यलइ। हुनुका मनियइलि हसे भुत लागल मन्सेसभके यनलइ हसे हुनुका जम्मे जन डउल भेलइ।
प्रेरितवानिके यहुदि यगुवासभ सतोलइ
17बाकि सिदुकि पुजेरिया हसे वकर सदुकि दफवाक जम्मे जन प्रेरितवानिक खिस करे लगलइ। 18हुनुका प्रेरितवानिके पकडके सारवजनिक झ्यालखनवामा थुन देलइ। 19बाकि उहे राति परमेस्वरक एगुडा स्वरगदुतवा झ्यालखनवाक दुवरिया खोलके, हुनुकाके बाहरा निकडाके हसे कहलिय, 20“याबे जाह हसे मन्दिरवामा ठडियाके इअ लउठा जिवनक बारेमा जम्मे मन्सावानिके समाद सुना दिह।”
21इअ सुनके प्रेरितवाह बिहनहिँ मन्दिरवा भितरा गेलइ हसे मन्सावानिके सिछा देवे लगलइ। बाकि सिदुकि पुजेरिया हसे वकर मन्सावाह यलइ। हुनुका इस्राएलक जम्मे यगुवासभके महासभामा बलोलइ हसे झ्यालखनवासे प्रेरितवानिके यानेके हुकुम देलइ। 22बाकि मन्दिरवाक प्रहरियासभ झ्यालखनवामा जाके प्रेरितवानिके हइने देखलइ। तब हुनुका फिर याके यसके समाद देलइ, 23“झ्यालखनवाक दुवरिया खाँ डउलसे लगावल रहलइ हसे गेट पलयावाह दुवरियामा ठडियाइल रहलइ। बाकि जब हमरा दुवरिया खोललहुँ वहवाँ ककरहुँके फेनि हइने देखलहुँ।” 24हुनुकर बतवा सुनके मन्दिरवाक प्रहरियासभक कप्तनवा हसे मुख्य पुजेरियाह “इअ कथि हतइ?” सोचके खुभे अकमकेलइ।
25तखनहिँ एक जन मन्से याके हुनुकाके यसके कहलिय, “मोर बतवा सुनहुँ, यपनहुँसभ झ्यालखनवामा थुनदेलि मन्सावाह त मन्दिरवामा ठडियाके मन्सावानिके सिखोइ बडइ।” 26इअ सुनके कप्तनवा कतेक मन्दिरवाक प्रहरिवानिसाङे जाके प्रेरितवानिके जबरजस्ति हइने करके यनलइ, केहकेकि मन्सावाह हुनुकाके पत्थरासे पिटतइ कहके डेरेलइ।
27हुनुका प्रेरितवानिके महासभाक यागा यनलइ हसे मुख्य पुजेरिया हुनुकाके कहलिय, 28“हमरा तोहराके इअ नउँवामा ककरहुँके झिन सिखोइह कहके काडा आग्या देले रहलहुँ। बाकि तोहरा त यापन सिछा जम्मे यरुसलेम भर छित्यासकलह हसे इअ मन्सावाक मारलि दोसवा हमराके लगावे खोजइ बडह।”#मति २७:२५
29तब पतरुस हसे याको प्रेरितवाह कहलइ, “हमरा मन्सावानिक आग्या हइने, बरु परमेस्वरक आग्या माने परतइ। 30जुन येसुजिके यपनहुँसभ काँटि ठोकके क्रुसवामा मारलहुँ, हमार पिता-पुरखासभक परमेस्वर हुनेके मरलिसे फेरि जिउतोले बडसि।#व्यवस्था २१:२२-२३ 31परमेस्वर हुनेके राजा हसे मुक्तिदाता बनाके यापन दहिनिकलहरवा बइठोले बडसि, ताकि हुने इस्राएलियानिके यापन पाप मानके पपवासे छमा पावेके तहिँया मउका देबसि। 32हमरा इअ बतवाक साछि बडहुँ हसे परमेस्वर यापन आग्या पालन करलहरानिके देलि पवितर-आत्मा फेनि यकर बारेमा साछि देइ बडसि।”
33कचहेरियाक जम्मे मन्सावाह इअ बतवा सुनके खुभे खिसियलइ हसे प्रेरितवानिके मारेके विचार करलइ। 34बाकि उअ कचहेरियामा गमलिएल नाउँक एक जन फरिसि रहलिय। उअ जम्मे जनसे यादर पावल एक जन व्यवस्थाक-गुरु रहलिय। उअ कचहेरियामा ठडियलिय हसे प्रेरितवानिके एघरिक तहिँया बाहरा जायके हुकुम देलिय। 35वकरपाछा उअ कचहेरियामा बटियाके जम्मे मन्सावानिके कहलिय, “अरे इस्राएलक मन्सावाह, इअ मन्सावानिके कथि करे खोजइ बडह यपनहुँसभ यकर बारेमा ध्यान देहुँ! 36किहो बरस यागा थुदास नाउँक एक जन मन्से यपनहिँके महान मन्से हखहि कहके दाबि करलिय। वकरपाछा चार सय जन जतुरा लागल रहलइ, बाकि जब वकर हत्या भेलइ, तब वकरपाछा लगलहरा जम्मे जन छाहरछिता भके वकर नाउँ निसानवाहि वरेलइ। 37किहो दिन पाछा, जन गडना करलि जुनवामा गालिल छेतरक यहुदा कहल मन्से देखा परलिय हसे बहुत मन्सेसभ वकरपाछा लगलइ। वकर फेनि हत्या भेलइ हसे वकरपाछा लगलहराह फेनि छाहरछिता भेलइ। 38उहेसे मुइ यकर बारेमा यपनहुँसभके इअ सल्लाह देबहिँ, कि यपनहुँसभ हुनुकाके किहो फेनि झिन करबहुँ बरु हुनुकाके छाड देबहुँ, केहकेकि हुनुकर योजना हसे कमवा मन्सावानिसे भेल बडइ जउँ, उअ यपनहिँ हेरेतइ। 39बाकि हुनुकर योजना हसे कमवा परमेस्वरसे भेल बडइ जउँ, यपनहुँसभ हुनुकाके रोके नाहिँ सकबहुँ बरु यपनहुँसभ परमेस्वरक विरोधमा उठल नहिँया मतरे हतइ।”
40तब महासभाक सदस्यवाह गमलिएलक सल्लाह मनलइ। हुनुका प्रेरितवानिके भितरा बलाके कोडा लगोलइ हसे येसुजिक नाउँमा ककरहुँसे झिन फदकिह कहके हुनुकाके हुकुम देके छाड देलइ। 41तब प्रेरितवाह, “परमेस्वर हमरानिके येसुजिक नाउँमा दुःख हसे यपमान सहेके तहिँया लाइक ठहरोलेसे” खुसि भके कचहेरियासे बाहरा निसकलइ। 42वकरपाछा हुनुका सबदिन मन्दिरवामा हसे घरवा-घरवामा जाके “येसुजि ख्रिस्ट हखसि” कहके खुसिक समाद सिखोते परचार करलइ।
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2023, Wycliffe Bible Translators, Inc. and Nepal Bible Society