प्रेरित 7
7
स्तिफनसक सिछा
1तब सिदुकि पुजेरिया स्तिफनसके पुछलिय, “कथि तोर वपरा लगोलि इअ दोसवा सदियो हखइ त?” 2तब स्तिफनस जवाफ देके कहलिय, “मोर ददेर-भयवाह हसे यादरनिय यगुवासभ, मोर बतवा ध्यान-पाट देके सुनहुँ। हमार पुरखा अब्राहम हारान कहल ठउरियामा गेलिसे यागा मेसोपोटामिया देसवामा रहइखुनि महिमाक परमेस्वर अब्राहमके दर्सन देलसि हसे#उत्पति ११:३१; १५:७ 3वकरेके कहलसि, ‘तुइ यापन देस हसे यापन मन्सावानिके छाडके जुन देसवा मुइ तोरके देखोबहिँ उहे देसवामा जाहि।’#उत्पति १२:१
4“उहेसे अब्राहम कल्दियानिक देसवासे निकडके हारानमा जाके बसोबास करलिय। अब्राहमक बाबा मरलि पाछा परमेस्वर वकरेके यपनहुँसभ यखनि बसोबास करलि इहे देसवामा यनलसि।#उत्पति ११:३१; १२:५; १५:७ 5तखनहिँ परमेस्वर अब्राहमके नत बसोबासक तहिँया जागा देलसि न टङवा धरेके फेनि ठउरि देलसि। बाकि वकरेके ‘इअ देसवा तोरके हसे तोर सन्तानसभके मुइ देबहिँ’ कहके प्रतिग्या करलसि। परमेस्वर इअ प्रतिग्या करलि जुनवामा अब्राहमक एगुटो फेनि छोकना-छोकनि हइने रहलइ।#उत्पति १२:७; १७:८; व्यवस्था २:५ 6परमेस्वर अब्राहमके कहलसि, ‘तोर सन्तनवाह दोसरे देसवामा जाके बसोबास करतइ। उअ देसवाक मन्सावाह हुनुकाके कमारा-कमारि बनोतइ हसे चार सय बरसलइ खाँ दुःख देतइ।’ 7‘बाकि हुनुकाके कमारा-कमारि बनोलि मन्सावानिके मुइ दन्ड देबहि। वकरपाछा हुनुका उअ देसवासे निकडके इहे ठउरियामा यतइ हसे मोर सेवा करतइ।’#उत्पति १५:१३-१४; प्रस्थान ३:१२ 8तखनहिँ परमेस्वर अब्राहमसाङे खतना करे परतइ कहके वाचा बन्हलसि। उहेसे अब्राहमक बेटवा इसहाक जरमलि पाछा याठ दिनमा यापन बेटवाक खतना करलिय। इसहाक यापन बेटवा याकुबक खतना करलिय हसे याकुब यापन बारह जन बेटवानिक फेनि खतना करलिय। याबे हिनिकहिँ हमार बारह कुलक पुरखासभ हखइ।#उत्पति १७:१०-१४; २१:२-४; २५:२६; २९:३१-३५; ३०:१-२४; ३५:१६-१८; ३५:२३-२६
9“याकुबक बेटवाह यापन भयवा योसेफके डाह करइ। उहेसे हुनुका वकरेके मिस्र देसवाक मन्सावानिक हथवामा बेच देलइ हसे उअ कमारा भेलिय, बाकि परमेस्वर वकरसाङे रहलसि।#उत्पति ३७:११,२८; ३९:२,२१; ४५:४ 10परमेस्वर वकरेके जम्मे दुःख कस्टसे छुटकारा देलसि हसे मिस्र देसवामा फारो रजवाक यागा यवइकि वकर मनवा जितेके तहिँया अनुग्रह हसे बुद्धि देलसि। उहेसे फारो रजवा योसेफके जम्मे मिस्र देसवामा हसे यापन दरबरवामा बडके हाकिम बनोलिय।#उत्पति ३९:२-३,२१; ४१:४०-४६; भजन १०५:२१
11“याबे जम्मे मिस्र देस हसे कनान देसवामा जबड यनिकाल परलेसे खाँ दुःखमा परलइ हसे हमार पुरखावाह खाएके किहो फेनि हइने पउलइ।#उत्पति ४१:५४-५५; ४२:५ 12जब याकुब मिस्र देसवामा यन्न बडइ कहके सुनलिय, तब उअ यापन बेटवानिके पहिला पारि उअ देसवामा पठोलिय।#उत्पति ४२:२ 13हुनुका दोसरि पारि यन्न किने जाइखुनि योसेफ यापन ददेर-भयवानिके यपनेके चिनोलिय हसे तखनहिँ फारोके फेनि योसेफक घरानक बारेमा थाह भेलइ।#उत्पति ४५:१-४ 14योसेफ यापन बाबा याकुबके हसे यापन जम्मे पचहतर जनक परिवार लेके मिस्रमा यावेके तहिँया समाद पठोलिय।#उत्पति ४५:९-१० 15तब याकुब मिस्र देसवामा गेलिय हसे वहवाँ वकर मृत्यु भेलइ। वसनेकरते हमार पुरखावानिक फेनि वहवाँ मृत्यु भेलइ हसे#व्यवस्था १०:२२ 16हुनुकर मरलि देहिया सकेम कहल ठउरियामा लिगाके, अब्राहम हमोरक बेटवानिसे किनलि चिन्डियामा गाडदेलिय।#उत्पति २३:३-१६; ३३:१९; ५०:७-१३; यहोसु २४:३२
17“जब अब्राहमसाङे परमेस्वरक करलि प्रतिग्या पुरा करेके दिन लजिके यलइ, तखनहिँ हमार इस्राएलि मन्सावाह मिस्र देसवामा बहुत जन भेल रहलइ। 18याबे मिस्र देसवामा योसेफके हइने चिनलाहर एक जन लउठा राजा राज करे लगलिय।#प्रस्थान १:७-८ 19उअ रजवा हमार पिता-पुरखावानिसाङे धुरत व्यबहार करके यत्याचार करलिय हसे इस्राएलि मन्सावानिक भरखे जरमलि बच्चवानिके मारेके तहिँया जरमतेकि बाहरा फाँके लगोइय।#प्रस्थान १:१०-११; १५–२२
20“उहे जुनवामा मोसाक जनम भेलइ हसे उअ खाँ देखसार रहलिय। वकर दाओ-बाबा तिन महिनालइ वकरेके घरवामा लोकाके पाललइ।#प्रस्थान २:२ 21जब वकरेके घरवासे बाहरा फकलइ, तब फारोक बेटिया वकरेके लिगाके यापन बेटा बनाके पाललिय।#प्रस्थान २:५-६,१० 22मोसा मिस्रियानिक जम्मे ग्यानमा सिछित भेलिय हसे बोलि-वचनमा फेनि सक्तिसालि भेलिय।
23“जब मोसा चालिस बरसक भेलिय उअ यापन इस्राएलि हितनतवानिके भेटे खोजलिय। 24एक दिन मोसा एक जन मिस्रि एगुडा इस्राएलिके पिटइकि देखलिय। तब उअ इस्राएलियाके बचोलिय हसे उअ मिस्रक मन्सावाके मारके वकर भयवा वपरा भेल यत्याचारक बदला लेलिय। 25‘परमेस्वर मोरके इस्राएलियानिके यत्याचारसे छुटकारा देवेके तहिँया पठोले बडसि’ कहके यपने ददेर-भयवाह बुझतइ कहके मोसा सोचले रहलिय। बाकि हुनुका उअ बतवा बुझे हइने सकलइ। 26दोसरि दिन मोसा दु जन इस्राएलियानिके पिटा-पिट करइ देखलिय। हुनुकाके मिलावेके कोसिस करते कहलिय ‘तोहरा ददेर-भाइसभ भके फेनि केहके पिटा-पिट करसह?’
27“बाकि यापन पोरसियावाके अन्याय करलहरा इस्राएलिया मोसाके धकलते यसके कहलिय, ‘हमार वपरा सासन हसे न्याय करेके तहिँया तोरके कुने बनोलिय? 28तुइ काल्हु उअ मिस्रि मन्सावाके मारले नहिँया कथि मोरके फेनि मारे खोजइ बडहि?’#प्रस्थान २:११-१५ 29इअ बतवा सुनके मोसा मिस्र देसवासे भागके मिद्यान कहल देसवामा गेलिय हसे परदेसि भके उअ देसवामा बसोबास करलिय। वहवाँ रहइकि मोसाक दु जन बेटा जरमलइ।#प्रस्थान २:२२; १८:३-४
30“चालिस बरस पाछा, एक दिन सिनइ पहडावाक लजिके उराठ-ठउरियामा जरइकि झङियाक धिधोरवामा एगुडा स्वरगदुत मोसाक लघिना देखा परलिय। 31इअ देखके मोसा छक परलिय हसे डउलसे हेरेके तहिँया लजिके जाइकि परमप्रभुक यसनुक स्वर सुनलिय, 32‘मुइ तोर पिता-पुरखा अब्राहम, इसहाक हसे याकुबक परमेस्वर हखहि।’ इअ सुनके मोसा डरेसे दुलदुलाए लगलिय हसे हेरेके फेनि याट हइने करे सकलिय।
33“तब परमप्रभु मोसाके कहलिय, ‘यापन चप्पलावा निकडोहि, केहकेकि तोर ठडियलि ठउरिया पवितर बडइ। 34मिस्र देसवामा भेलि मोर मन्सावानिक दुःख-कस्ट मुइ यापन यखियासे देखले बडहिँ हसे हुनुकर पुकारा सुनले बडहिँ। मुइ हुनुकाके छुटकारा देवेके तहिँया याइल बडहिँ हसे याबे इअ कमवाक तहिँया मुइ तोरके मिस्र देसवामा पठोबहि।’#प्रस्थान ३:१-१०
35“इअ उहे मोसा हखिय, जकरेके यापन जतियाक मन्सावाह ‘हमार वपरा सासन हसे न्याय करलाहर तोरके कुने बनोलिय?’ कहके अस्विकार करले रहलइ। परमेस्वर वकरेके जरइकि झङियामा देखार भेलि स्वरगदुतवासे इस्राएलि मन्सावानिक सासक हसे उद्धारकर्ता बनाके पठोले बडसि।#प्रस्थान २:१४ 36मोसा इस्राएलियानिके मिस्र देसवासे बाहरा निकडाके परमेस्वरक प्रतिग्या करलि देसवामा लिगइकि मिस्र देसवामा, लाल समुनदर हसे उराठ-ठउरियामा चालिस बरसलइ यचम्मक काम करलसि हसे चिन्हासभ देखोलसि।#प्रस्थान ७:५; १४:२१; गन्ति १४:३३
37“इहे मोसा इस्राएलियानिके यसके कहले रहलिय, ‘परमेस्वर तोहार यपने मन्सावानिसे मोर नहिँया एगुडा अगमवक्ता तोहार लघिना पठोबसि।’ 38इस्राएलि मन्सावासभ उराठ-ठउरियामा बटियाइकि, इअ मोसा हुनुकरसाङे रहलिय। स्वरगदुतवा मोसा हसे हमार पुरखावानिसाङे सिनइ पहडावामा फदकिय हसे इअ मोसाहिँ हमराके देवेके तहिँया परमेस्वरसे जिउते वचन पउले रहलिय।
39“बाकि हमार पिता-पुरखावाह वकर बतवा हइने मनलइ। हुनुका मोसाके इन्कार करलइ हसे फेरि मिस्र देसवामा फिरेके जायके विचार करलइ। 40हुनुका मोसाक दादा हारुनके यसके कहलइ, ‘हमार यागा-यागा जायके तहिँया देवता बनादेहुँ, केहकेकि हमराके मिस्र देससे निकडाके यनलाहर मोसाके कथि भेलइ कहके हमार थाह हइने बडइ।’ 41उहेसे हुनुका बाछाक एगुडा मुरति बनाके वकर यागा भोग चढोलइ हसे यपने बनोलि हथवाक कमवामा खुसि भेलइ।#प्रस्थान ३२:४,६ 42बाकि परमेस्वर हुनुकाके त्यागलसि हसे हुनुकाके बेरियावा, जोन्हवा यकसवाक तरगनवाके पुजा करइ कहके छाडदेलसि। जसने अगमवक्तावानिक कितबवामा लिखाइल बडइ,
‘अरे इस्राएलक मन्सावाह, कथि तोहरा उराठ-ठउरियामा चालिस बरसलइ मोर तहिँया जनवारक भोग हसे भेटि चढोलह त?#यरमिया १९:१३
43तोहरा मोलेख देवताक पलवा बोकके लिगलह हसे रफेन देवताक तरगनवाक मुरतियाके फेनि लिगलह। उअ मुरतियाके पुजा करेके तहिँया तोहरा यपनहिँ बनोले रहलह। उहेसे याबे मुइ तोहराके बेबिलोनसे फेनि तनाउ कइदि बनाके पठोबहि।’#आमोस ५:२५-२७
44“उअ उराठ-ठउरियामा हमार पवितर गवाहिक तम्बु पिता-पुरखावानिसाङे रहलइ। उअ परमेस्वर मोसाके देखोलि नमुना यनुसार बनावल रहलइ।#प्रस्थान २५:९,४० 45वकरपाछा, जब यहोसुक यगुवाइमा परमेस्वर अयहुदियानिके खेदके जुन देसवा हमार पुरखावानिके देलसि, हुनुका उअ पवितर ‘गवाहिक तम्बु’ यापनसाङे उहे देसवामा लेले यलइ। उहे जुनवासे दाउद रजवाक पलहालइ उअ पवितर ‘गवाहिक तम्बु’ यहवाँ रहलइ।#यहोसु ३:१४-१७ 46दाउद रजवा परमेस्वरक दाया पउलिय हसे याकुबक परमेस्वरक उपस्थिति रहेके तहिँया परमेस्वरसे एगुडा स्थाइ मन्दिर बनावेके परमेस्वरसाङे बिन्ति करलिय।#२ समुएल ७:८-१६; भजन १३२:१-५ 47बाकि वकर बेटवा सोलोमन परमेस्वरक तहिँया उअ मन्दिरवा बनोलिय।#१ राजा ६:१-३८
48“बाकि सबसे महान परमेस्वर त मन्सावानिक बनोलि मन्दिरवामा बास हइने करससि। जसने परमेस्वर यापन अगमवक्तावानिसाङे यसके कहले बडसि,
49‘स्वरग मोर राजगद्वि
हसे धरतिया मोर टाङ धरना ठउरि हखइ।
तोहरा मोर तहिँया कस्नुक मन्दिर बनोबह त?
हसे मोर विसइना ठउरि कहवाँ बडइ?
50इअ जम्मे चिजुवा मुइ यपने हथवासे बनोले हखहि हइने त?’#यसइया ६६:१-२
51“अरे हइलठि मन्सावाह। यपनहुँसभक हृदय हसे कनवा अयहुदियानिक नहिँया कठोर भेल बडइ। यपनहुँसभ पवितर-आत्माके फेनि विरोध करइ रहसहुँ हसे यपनहुँसभक पुरखावानि करलि नहिँया यपनहुँसभ फेनि वसने करसहुँ।#प्रस्थान ३३:३,५; गन्ति २७:१४; यसइया ६३:१०; यरमिया ६:१०; ९:२६ 52यपनहुँसभक पुरखावाह त जम्मे अगमवक्तावानिके सतोले बडइ। हुनुका त उअ अगमवक्तावानिके फेनि हत्या करलइ, जुने परमेस्वरक धरमि जन यवइ बडहिँ कहके अगमवाडि करलिय। याबे यपनहुँसभ हुनेके फेनि धोखा देके हत्या करलहुँ। 53यपनहुँसभ स्वरगदुतवानिसे परमेस्वरक व्यवस्था पउलहुँ, बाकि उअ पालन हइने करलहुँ।”
महासभाक मन्सावाह स्तिफनसके पत्थरासे ढोकहारके मारदेलइ
54स्तिफनसक बतवा सुनके महासभाक मन्सावाह खाँ खिसियाके दतवा किटकिटावे लगलइ। 55बाकि स्तिफनस पवितर-आत्मासे भरपुर भके स्वरगवरि हेरलिय हसे परमेस्वरक महिमा देखलिय तके परमेस्वरक दहिनिकलहरवा येसुजिके ठडियाइल देखलिय। 56स्तिफनस हुनुकाके कहलिय, “हेरहुँ! मुइ स्वरग खोलाइल हसे मन्सेक पुतर येसुजिके परमेस्वरक दहिनिकलहरवा ठडियाइल देखइ बडहिँ।”
57तब हुनुका जम्मे जन जबड माहे चिल्लाके यापन-यापन कनवा थुनके वइघरहिँ स्तिफनस वपरा झम्टलइ हसे 58स्तिफनसके घिसियउते सहरवासे बाहरा लिगाके पत्थरासे ढोकहारे लगलइ हसे हुनुका यापन-यापन लुगवा फोके साउल नाउँक एक जन ढोठहनिया मन्सावाक चरनमा साछिक तहिँया धरदेलइ।
59हुनुका पत्थरासे ढोकहरइकि स्तिफनस यसके परथाना करलिय, “हे प्रभु येसुजि, मोर आत्माके लेहुँ।” 60वकरपाछा स्तिफनस ठेहुनेलिय हसे जबड माहे चिल्लाके यसके परथाना करलिय, “हे प्रभुजि, हिनिकर इअ पपवा झिन गनहुँ।” यतुरे कहके उअ यापन प्रान त्यागलिय।
Trenutno odabrano:
प्रेरित 7: CTHR
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2023, Wycliffe Bible Translators, Inc. and Nepal Bible Society
प्रेरित 7
7
स्तिफनसक सिछा
1तब सिदुकि पुजेरिया स्तिफनसके पुछलिय, “कथि तोर वपरा लगोलि इअ दोसवा सदियो हखइ त?” 2तब स्तिफनस जवाफ देके कहलिय, “मोर ददेर-भयवाह हसे यादरनिय यगुवासभ, मोर बतवा ध्यान-पाट देके सुनहुँ। हमार पुरखा अब्राहम हारान कहल ठउरियामा गेलिसे यागा मेसोपोटामिया देसवामा रहइखुनि महिमाक परमेस्वर अब्राहमके दर्सन देलसि हसे#उत्पति ११:३१; १५:७ 3वकरेके कहलसि, ‘तुइ यापन देस हसे यापन मन्सावानिके छाडके जुन देसवा मुइ तोरके देखोबहिँ उहे देसवामा जाहि।’#उत्पति १२:१
4“उहेसे अब्राहम कल्दियानिक देसवासे निकडके हारानमा जाके बसोबास करलिय। अब्राहमक बाबा मरलि पाछा परमेस्वर वकरेके यपनहुँसभ यखनि बसोबास करलि इहे देसवामा यनलसि।#उत्पति ११:३१; १२:५; १५:७ 5तखनहिँ परमेस्वर अब्राहमके नत बसोबासक तहिँया जागा देलसि न टङवा धरेके फेनि ठउरि देलसि। बाकि वकरेके ‘इअ देसवा तोरके हसे तोर सन्तानसभके मुइ देबहिँ’ कहके प्रतिग्या करलसि। परमेस्वर इअ प्रतिग्या करलि जुनवामा अब्राहमक एगुटो फेनि छोकना-छोकनि हइने रहलइ।#उत्पति १२:७; १७:८; व्यवस्था २:५ 6परमेस्वर अब्राहमके कहलसि, ‘तोर सन्तनवाह दोसरे देसवामा जाके बसोबास करतइ। उअ देसवाक मन्सावाह हुनुकाके कमारा-कमारि बनोतइ हसे चार सय बरसलइ खाँ दुःख देतइ।’ 7‘बाकि हुनुकाके कमारा-कमारि बनोलि मन्सावानिके मुइ दन्ड देबहि। वकरपाछा हुनुका उअ देसवासे निकडके इहे ठउरियामा यतइ हसे मोर सेवा करतइ।’#उत्पति १५:१३-१४; प्रस्थान ३:१२ 8तखनहिँ परमेस्वर अब्राहमसाङे खतना करे परतइ कहके वाचा बन्हलसि। उहेसे अब्राहमक बेटवा इसहाक जरमलि पाछा याठ दिनमा यापन बेटवाक खतना करलिय। इसहाक यापन बेटवा याकुबक खतना करलिय हसे याकुब यापन बारह जन बेटवानिक फेनि खतना करलिय। याबे हिनिकहिँ हमार बारह कुलक पुरखासभ हखइ।#उत्पति १७:१०-१४; २१:२-४; २५:२६; २९:३१-३५; ३०:१-२४; ३५:१६-१८; ३५:२३-२६
9“याकुबक बेटवाह यापन भयवा योसेफके डाह करइ। उहेसे हुनुका वकरेके मिस्र देसवाक मन्सावानिक हथवामा बेच देलइ हसे उअ कमारा भेलिय, बाकि परमेस्वर वकरसाङे रहलसि।#उत्पति ३७:११,२८; ३९:२,२१; ४५:४ 10परमेस्वर वकरेके जम्मे दुःख कस्टसे छुटकारा देलसि हसे मिस्र देसवामा फारो रजवाक यागा यवइकि वकर मनवा जितेके तहिँया अनुग्रह हसे बुद्धि देलसि। उहेसे फारो रजवा योसेफके जम्मे मिस्र देसवामा हसे यापन दरबरवामा बडके हाकिम बनोलिय।#उत्पति ३९:२-३,२१; ४१:४०-४६; भजन १०५:२१
11“याबे जम्मे मिस्र देस हसे कनान देसवामा जबड यनिकाल परलेसे खाँ दुःखमा परलइ हसे हमार पुरखावाह खाएके किहो फेनि हइने पउलइ।#उत्पति ४१:५४-५५; ४२:५ 12जब याकुब मिस्र देसवामा यन्न बडइ कहके सुनलिय, तब उअ यापन बेटवानिके पहिला पारि उअ देसवामा पठोलिय।#उत्पति ४२:२ 13हुनुका दोसरि पारि यन्न किने जाइखुनि योसेफ यापन ददेर-भयवानिके यपनेके चिनोलिय हसे तखनहिँ फारोके फेनि योसेफक घरानक बारेमा थाह भेलइ।#उत्पति ४५:१-४ 14योसेफ यापन बाबा याकुबके हसे यापन जम्मे पचहतर जनक परिवार लेके मिस्रमा यावेके तहिँया समाद पठोलिय।#उत्पति ४५:९-१० 15तब याकुब मिस्र देसवामा गेलिय हसे वहवाँ वकर मृत्यु भेलइ। वसनेकरते हमार पुरखावानिक फेनि वहवाँ मृत्यु भेलइ हसे#व्यवस्था १०:२२ 16हुनुकर मरलि देहिया सकेम कहल ठउरियामा लिगाके, अब्राहम हमोरक बेटवानिसे किनलि चिन्डियामा गाडदेलिय।#उत्पति २३:३-१६; ३३:१९; ५०:७-१३; यहोसु २४:३२
17“जब अब्राहमसाङे परमेस्वरक करलि प्रतिग्या पुरा करेके दिन लजिके यलइ, तखनहिँ हमार इस्राएलि मन्सावाह मिस्र देसवामा बहुत जन भेल रहलइ। 18याबे मिस्र देसवामा योसेफके हइने चिनलाहर एक जन लउठा राजा राज करे लगलिय।#प्रस्थान १:७-८ 19उअ रजवा हमार पिता-पुरखावानिसाङे धुरत व्यबहार करके यत्याचार करलिय हसे इस्राएलि मन्सावानिक भरखे जरमलि बच्चवानिके मारेके तहिँया जरमतेकि बाहरा फाँके लगोइय।#प्रस्थान १:१०-११; १५–२२
20“उहे जुनवामा मोसाक जनम भेलइ हसे उअ खाँ देखसार रहलिय। वकर दाओ-बाबा तिन महिनालइ वकरेके घरवामा लोकाके पाललइ।#प्रस्थान २:२ 21जब वकरेके घरवासे बाहरा फकलइ, तब फारोक बेटिया वकरेके लिगाके यापन बेटा बनाके पाललिय।#प्रस्थान २:५-६,१० 22मोसा मिस्रियानिक जम्मे ग्यानमा सिछित भेलिय हसे बोलि-वचनमा फेनि सक्तिसालि भेलिय।
23“जब मोसा चालिस बरसक भेलिय उअ यापन इस्राएलि हितनतवानिके भेटे खोजलिय। 24एक दिन मोसा एक जन मिस्रि एगुडा इस्राएलिके पिटइकि देखलिय। तब उअ इस्राएलियाके बचोलिय हसे उअ मिस्रक मन्सावाके मारके वकर भयवा वपरा भेल यत्याचारक बदला लेलिय। 25‘परमेस्वर मोरके इस्राएलियानिके यत्याचारसे छुटकारा देवेके तहिँया पठोले बडसि’ कहके यपने ददेर-भयवाह बुझतइ कहके मोसा सोचले रहलिय। बाकि हुनुका उअ बतवा बुझे हइने सकलइ। 26दोसरि दिन मोसा दु जन इस्राएलियानिके पिटा-पिट करइ देखलिय। हुनुकाके मिलावेके कोसिस करते कहलिय ‘तोहरा ददेर-भाइसभ भके फेनि केहके पिटा-पिट करसह?’
27“बाकि यापन पोरसियावाके अन्याय करलहरा इस्राएलिया मोसाके धकलते यसके कहलिय, ‘हमार वपरा सासन हसे न्याय करेके तहिँया तोरके कुने बनोलिय? 28तुइ काल्हु उअ मिस्रि मन्सावाके मारले नहिँया कथि मोरके फेनि मारे खोजइ बडहि?’#प्रस्थान २:११-१५ 29इअ बतवा सुनके मोसा मिस्र देसवासे भागके मिद्यान कहल देसवामा गेलिय हसे परदेसि भके उअ देसवामा बसोबास करलिय। वहवाँ रहइकि मोसाक दु जन बेटा जरमलइ।#प्रस्थान २:२२; १८:३-४
30“चालिस बरस पाछा, एक दिन सिनइ पहडावाक लजिके उराठ-ठउरियामा जरइकि झङियाक धिधोरवामा एगुडा स्वरगदुत मोसाक लघिना देखा परलिय। 31इअ देखके मोसा छक परलिय हसे डउलसे हेरेके तहिँया लजिके जाइकि परमप्रभुक यसनुक स्वर सुनलिय, 32‘मुइ तोर पिता-पुरखा अब्राहम, इसहाक हसे याकुबक परमेस्वर हखहि।’ इअ सुनके मोसा डरेसे दुलदुलाए लगलिय हसे हेरेके फेनि याट हइने करे सकलिय।
33“तब परमप्रभु मोसाके कहलिय, ‘यापन चप्पलावा निकडोहि, केहकेकि तोर ठडियलि ठउरिया पवितर बडइ। 34मिस्र देसवामा भेलि मोर मन्सावानिक दुःख-कस्ट मुइ यापन यखियासे देखले बडहिँ हसे हुनुकर पुकारा सुनले बडहिँ। मुइ हुनुकाके छुटकारा देवेके तहिँया याइल बडहिँ हसे याबे इअ कमवाक तहिँया मुइ तोरके मिस्र देसवामा पठोबहि।’#प्रस्थान ३:१-१०
35“इअ उहे मोसा हखिय, जकरेके यापन जतियाक मन्सावाह ‘हमार वपरा सासन हसे न्याय करलाहर तोरके कुने बनोलिय?’ कहके अस्विकार करले रहलइ। परमेस्वर वकरेके जरइकि झङियामा देखार भेलि स्वरगदुतवासे इस्राएलि मन्सावानिक सासक हसे उद्धारकर्ता बनाके पठोले बडसि।#प्रस्थान २:१४ 36मोसा इस्राएलियानिके मिस्र देसवासे बाहरा निकडाके परमेस्वरक प्रतिग्या करलि देसवामा लिगइकि मिस्र देसवामा, लाल समुनदर हसे उराठ-ठउरियामा चालिस बरसलइ यचम्मक काम करलसि हसे चिन्हासभ देखोलसि।#प्रस्थान ७:५; १४:२१; गन्ति १४:३३
37“इहे मोसा इस्राएलियानिके यसके कहले रहलिय, ‘परमेस्वर तोहार यपने मन्सावानिसे मोर नहिँया एगुडा अगमवक्ता तोहार लघिना पठोबसि।’ 38इस्राएलि मन्सावासभ उराठ-ठउरियामा बटियाइकि, इअ मोसा हुनुकरसाङे रहलिय। स्वरगदुतवा मोसा हसे हमार पुरखावानिसाङे सिनइ पहडावामा फदकिय हसे इअ मोसाहिँ हमराके देवेके तहिँया परमेस्वरसे जिउते वचन पउले रहलिय।
39“बाकि हमार पिता-पुरखावाह वकर बतवा हइने मनलइ। हुनुका मोसाके इन्कार करलइ हसे फेरि मिस्र देसवामा फिरेके जायके विचार करलइ। 40हुनुका मोसाक दादा हारुनके यसके कहलइ, ‘हमार यागा-यागा जायके तहिँया देवता बनादेहुँ, केहकेकि हमराके मिस्र देससे निकडाके यनलाहर मोसाके कथि भेलइ कहके हमार थाह हइने बडइ।’ 41उहेसे हुनुका बाछाक एगुडा मुरति बनाके वकर यागा भोग चढोलइ हसे यपने बनोलि हथवाक कमवामा खुसि भेलइ।#प्रस्थान ३२:४,६ 42बाकि परमेस्वर हुनुकाके त्यागलसि हसे हुनुकाके बेरियावा, जोन्हवा यकसवाक तरगनवाके पुजा करइ कहके छाडदेलसि। जसने अगमवक्तावानिक कितबवामा लिखाइल बडइ,
‘अरे इस्राएलक मन्सावाह, कथि तोहरा उराठ-ठउरियामा चालिस बरसलइ मोर तहिँया जनवारक भोग हसे भेटि चढोलह त?#यरमिया १९:१३
43तोहरा मोलेख देवताक पलवा बोकके लिगलह हसे रफेन देवताक तरगनवाक मुरतियाके फेनि लिगलह। उअ मुरतियाके पुजा करेके तहिँया तोहरा यपनहिँ बनोले रहलह। उहेसे याबे मुइ तोहराके बेबिलोनसे फेनि तनाउ कइदि बनाके पठोबहि।’#आमोस ५:२५-२७
44“उअ उराठ-ठउरियामा हमार पवितर गवाहिक तम्बु पिता-पुरखावानिसाङे रहलइ। उअ परमेस्वर मोसाके देखोलि नमुना यनुसार बनावल रहलइ।#प्रस्थान २५:९,४० 45वकरपाछा, जब यहोसुक यगुवाइमा परमेस्वर अयहुदियानिके खेदके जुन देसवा हमार पुरखावानिके देलसि, हुनुका उअ पवितर ‘गवाहिक तम्बु’ यापनसाङे उहे देसवामा लेले यलइ। उहे जुनवासे दाउद रजवाक पलहालइ उअ पवितर ‘गवाहिक तम्बु’ यहवाँ रहलइ।#यहोसु ३:१४-१७ 46दाउद रजवा परमेस्वरक दाया पउलिय हसे याकुबक परमेस्वरक उपस्थिति रहेके तहिँया परमेस्वरसे एगुडा स्थाइ मन्दिर बनावेके परमेस्वरसाङे बिन्ति करलिय।#२ समुएल ७:८-१६; भजन १३२:१-५ 47बाकि वकर बेटवा सोलोमन परमेस्वरक तहिँया उअ मन्दिरवा बनोलिय।#१ राजा ६:१-३८
48“बाकि सबसे महान परमेस्वर त मन्सावानिक बनोलि मन्दिरवामा बास हइने करससि। जसने परमेस्वर यापन अगमवक्तावानिसाङे यसके कहले बडसि,
49‘स्वरग मोर राजगद्वि
हसे धरतिया मोर टाङ धरना ठउरि हखइ।
तोहरा मोर तहिँया कस्नुक मन्दिर बनोबह त?
हसे मोर विसइना ठउरि कहवाँ बडइ?
50इअ जम्मे चिजुवा मुइ यपने हथवासे बनोले हखहि हइने त?’#यसइया ६६:१-२
51“अरे हइलठि मन्सावाह। यपनहुँसभक हृदय हसे कनवा अयहुदियानिक नहिँया कठोर भेल बडइ। यपनहुँसभ पवितर-आत्माके फेनि विरोध करइ रहसहुँ हसे यपनहुँसभक पुरखावानि करलि नहिँया यपनहुँसभ फेनि वसने करसहुँ।#प्रस्थान ३३:३,५; गन्ति २७:१४; यसइया ६३:१०; यरमिया ६:१०; ९:२६ 52यपनहुँसभक पुरखावाह त जम्मे अगमवक्तावानिके सतोले बडइ। हुनुका त उअ अगमवक्तावानिके फेनि हत्या करलइ, जुने परमेस्वरक धरमि जन यवइ बडहिँ कहके अगमवाडि करलिय। याबे यपनहुँसभ हुनेके फेनि धोखा देके हत्या करलहुँ। 53यपनहुँसभ स्वरगदुतवानिसे परमेस्वरक व्यवस्था पउलहुँ, बाकि उअ पालन हइने करलहुँ।”
महासभाक मन्सावाह स्तिफनसके पत्थरासे ढोकहारके मारदेलइ
54स्तिफनसक बतवा सुनके महासभाक मन्सावाह खाँ खिसियाके दतवा किटकिटावे लगलइ। 55बाकि स्तिफनस पवितर-आत्मासे भरपुर भके स्वरगवरि हेरलिय हसे परमेस्वरक महिमा देखलिय तके परमेस्वरक दहिनिकलहरवा येसुजिके ठडियाइल देखलिय। 56स्तिफनस हुनुकाके कहलिय, “हेरहुँ! मुइ स्वरग खोलाइल हसे मन्सेक पुतर येसुजिके परमेस्वरक दहिनिकलहरवा ठडियाइल देखइ बडहिँ।”
57तब हुनुका जम्मे जन जबड माहे चिल्लाके यापन-यापन कनवा थुनके वइघरहिँ स्तिफनस वपरा झम्टलइ हसे 58स्तिफनसके घिसियउते सहरवासे बाहरा लिगाके पत्थरासे ढोकहारे लगलइ हसे हुनुका यापन-यापन लुगवा फोके साउल नाउँक एक जन ढोठहनिया मन्सावाक चरनमा साछिक तहिँया धरदेलइ।
59हुनुका पत्थरासे ढोकहरइकि स्तिफनस यसके परथाना करलिय, “हे प्रभु येसुजि, मोर आत्माके लेहुँ।” 60वकरपाछा स्तिफनस ठेहुनेलिय हसे जबड माहे चिल्लाके यसके परथाना करलिय, “हे प्रभुजि, हिनिकर इअ पपवा झिन गनहुँ।” यतुरे कहके उअ यापन प्रान त्यागलिय।
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2023, Wycliffe Bible Translators, Inc. and Nepal Bible Society