Matie 2
2
'Nyakpa -wa 'ciɛ- -zeli 'na "ku bhli -sɛ -wɛ -yi Zezu 'bhɛle- ka
1Zezu 'wa -gwɛle 'awɔ -lɔ Beteleɛme Zude -glɔ "me, -klɔgbɔnyɔ "yitɔ Elode 'na dɛ -wɛ "ku, "ne -zeli 'na 'ciɛnya 'bhale -lɔ -mee ylo 'wlole gluzɔ -wɛ, "ne 'wa yi -lɔ Zeluzalɛme yi. 2"Ne 'wa yi -lɔ lo 'yɔbhɔ-, ŋwɛnɛɛ: «Zufonya 'na -klɔgbɔnyɔ -ye 'wa 'gwɛle- -wɛ, -dee 'ɔ -ko bhɔ? -A 'ye- 'ɔnɛɛ -zeli 'na lele -nɛ 'ylime -mee ylo 'wlole gluzɔ -wɛ, 'ɛza, -a -yi -lɔ -se -a "kɔ -bhlegbi "me "zo.»
3-Klɔgbɔnyɔ "yitɔ Elode 'cɛ 'no ne, 'dle 'yiɔ- -lɔ nuɔ, 'ɔ -nyɛ Zeluzalɛme 'na konya 'klekle "bhaa. 4Zaa, "ne 'ɔ yi -lɔ bɔbɔnya "yitia 'klekle, "ne "bhle 'na -Lɔsloanya 'wli "zo, "ne 'ɔ yua -lɔ lo 'yɔbhɔ nɛɛ: «-Dee 'wa "kɛ nɛ bhɔ 'Fuɔnyɔ -ye Lagɔ -sɛ lɔbhɔ -wɛ 'gwɛlele- 'a?» 5Ŋwɛnɛɛ: «Beteleɛme Zude -glɔ "me, sɛne 'ye "guɔkwɔmenyɔ 'kɛle- -lɔ:
6 -Eyi Beteleɛme, Zuda -glɔ,
Zuda -glɔ 'klekle "ku 'na 'du "yiti
'glɛme 'ye -e -ko -me -lɔ,
"naa-, -neɛ' dodo "ku 'kamalenyɔ
-ɔ "kɛ Izlayɛle-glɔ -ye 'e 'bhe- -wɛ
'kamalea- "kɛ 'ce -lɔ 'bhale-.»#2.6 Mise 5.1.
7"Ne Elode yi -lɔ 'diɛɛ "me "ɛ -zeli -ciɛnya -wɛ lale-, "ne 'ɔ yua -lɔ lo 'yɔbhɔ 'tee nɛɛ: «-sɔɔdɛku "ɛ -zeli -wɛ 'wlo- bhɔ zɔ 'a?» 8"Ne 'ɔ yua -lɔ Beteleɛme lebhele-, 'ɔ nɛɛ: «'A me -se 'a 'yɔbhɔ "ɛ yu 'na "kukoweli lo 'tee, 'a "kɔ -yle ne, 'a yi -se 'a "kɛ -ame bhulɛle- -me, -se -ame 'nabhɛ, 'e "kɔ 'lelee -bhlegbi "me "zo ka "mɔme-.»
9"Ɛ -Klɔgbɔnyɔ 'na bhulɛweli -wɛ kɔ "ne 'wa yi -lɔ -gwe bhli, "ne -mee ylo 'wlole gluzɔ 'na -zeli -ye 'wa 'ye- 'awɔ 'ylime 'ce, 'wa yi -lɔ 'ylime 'ye. 'Ɛ -goa 'yuku -kaa "ne 'ɛ yi -lɔ -dee "ɛ yu 'pe- -wɛ 'nyegbe-. 10"Ne 'ŋwɛnɛ yua -lɔ 'lɔbhɔ- "yitɛ "ku. 11'Wa -plɛ -bhudu "me, "ne 'wa yi -lɔ yu -nyɛ 'ɔ "nɔ Mali "bhaa 'ylime 'ye, "ne 'wa yu -lɔ -kokomini yɔko "pɔle, "ne 'wa yu -lɔ 'ŋlu kwa-, "ne 'wa yi -lɔ 'wanɛɛ 'gbudu "ku vulu-. 'Wa -sɛ "bhle 'wle, -badlɛ "ne lasiklɔ#2.11 Lasiklɔ 'ye Zufonya la -lɔ mile, su 'na 'ŋu 'ye 'wa no -lɔ "ɛ lasiklɔ -wɛ "ku. 'na -ye 'wa la mile -wɛ, "ne 'wa yu -lɔ kɔ 'je. 12'Ɛ 'ple- lɛ "bhuɔ ne, Lagɔ -bhulɛloa 'yla "me nɛɛ: 'A te -kɛ Elode yɔko 'wlizɔ zi. "Ne 'wa yi -lɔ -gwe 'na -vinɛ bhli. "Ne 'wa yi -lɔ 'wa 'luku me.
Zezu, Mali "ne Zozɛfo -me Ezipte 'gule -ka
13"Ɛ -zeliciɛnya -wɛ -me lɛ "bhuɔ ne, Anyinɛnyɔ 'na "nɔgɔzilɔ -bhulɛle Zozɛfo 'yla "me, 'ɔ nɛɛ: «-Sɔ "ku, 'libhi yu -nyɛ 'ɔ "nɔ "bhaa "ku -se 'a me Ezipte 'gule -ka, 'gli "bhle -kaa, 'e kɛ -eyi la, -e "kɛ yi. "Naa-, Elode yi -kɛ "ɛ yu -wɛ 'siɛ tɛle- -se 'ɔ "kɔ 'lɔbhɔ, -se 'ɔ "kɛ "ku.»
14"Ne "ɛ sabo -bhele -wɛ "me Zozɛfo libhi- "ɛ yu -nyɛ 'ɔ "nɔ "bhaa "ku, "ne 'wa yi -lɔ Ezipte 'gule -ka me. 15'Ɔ -ko 'awɔ "bhle -kaa "ne Elode yi -lɔ "ku. "Ne Anyinɛnyɔ 'na bhulɛweli -ye 'ɔ -bhulɛle 'awɔ "guɔkwɔmenyɔ 'na nuɛ "me -wɛ, yi -lɔ 'yli 'wlole, 'ɔ nɛɛ: -Ame yowli -ko 'awɔ Ezipte "ne 'e yu -lɔ la.#2.15 Oze 11.1.
Elode 'lɔbhɔ- Beteleɛme 'na 'widiayua -lelea.
16Elode "kɛ sɛ yibhlele- -gbɔ -zeliciɛnya -no ylo ne, 'kɛle 'lɔbhɔ- -lɔ "yitɛ "ku. 'Ɔ nɛɛ 'wa 'lɔbhɔ Beteleɛme "ne 'du -ɛ -ko yɔko -wɛ 'wɔ "me 'na 'widiayua -lelea 'klekle -wa -namlɛ 'ylobɛ "sɔ yɔko "me "ple -see "ɛ -zeliciɛnya -wɔkɔlo nɛ -wɛ. 17Sɔbhɔ 'ye "guɔkwɔmenyɔ Zelemi 'na bhulɛweli 'wlole- -lɔ 'yli:
18 Weli 'bhale Ylama
'lugbu jiji gbɔ
Ylasɛle tu 'ɔnɛɛ yua za.
'Ɔ "ne dɛpe dɛpeɛ -kɛ,
"naa-, sɛko -wɛ, "ɛ yua -wɛ "ne 'ce -la -le zɛ.
Mali "ne Zozɛfo 'bha- Ezipte "ne 'wa yi -lɔ Nazalɛte 'gli -ka yi
19Elode "ku- lɛ "bhuɔ ne, "ne Anyinɛnyɔ 'na "nɔgɔzilɔ yi -lɔ Ezipte 'yla "me Zozɛfo bhulɛle-. 20'Ɔ nɛɛ: «-Sɔ "ku, 'libhi yu -nyɛ 'ɔ "nɔ "bhaa "ku -se 'a zi Izlayɛle 'wlizɔ, "naa-, -wa no -gbɔ 'wa "kɛ yu 'lɔbhɔ -wɛ "ku- zɛ.»
21Zozɛfo -glɔ lɛ "bhuɔ ne, "ne 'ɔ yi -lɔ yu -nyɛ 'ɔ "nɔ "bhaa "ku 'libhi "ne 'wa yi -lɔ Izlayɛle 'wlizɔ zi. 22-Mɔ, Zozɛfo 'no- "me -gbɔ Elode yowli Alekelaɔse 'kamalea 'awɔ -lɔ Zude 'ɔ 'to 'na bhulɛ "me ne, 'ɔ 'gu 'awɔ zaa 'ɔ "ne -la Zude -glɔ "me -plɛ. "Ne Anyinɛnyɔ yu 'lelee -lɔ 'yla "me bhulɛle-, "ne 'ɔ yi -lɔ Galile -glɔ "me me. 23"Ne 'ɔ yi -lɔ 'du -ye 'wa la Nazalɛte -wɛ "me 'glile- -ka me. Sɔbhɔ 'ye "guɔkwɔmenya 'na bhulɛweli ne 'wlole- -lɔ 'yli: «Nazalɛte 'na yu 'wa "kɔ 'ce -lɔ la.»
Trenutno odabrano:
Matie 2: btg
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2024 (Active), Wycliffe Bible Translators, Inc. All rights reserved.
Matie 2
2
'Nyakpa -wa 'ciɛ- -zeli 'na "ku bhli -sɛ -wɛ -yi Zezu 'bhɛle- ka
1Zezu 'wa -gwɛle 'awɔ -lɔ Beteleɛme Zude -glɔ "me, -klɔgbɔnyɔ "yitɔ Elode 'na dɛ -wɛ "ku, "ne -zeli 'na 'ciɛnya 'bhale -lɔ -mee ylo 'wlole gluzɔ -wɛ, "ne 'wa yi -lɔ Zeluzalɛme yi. 2"Ne 'wa yi -lɔ lo 'yɔbhɔ-, ŋwɛnɛɛ: «Zufonya 'na -klɔgbɔnyɔ -ye 'wa 'gwɛle- -wɛ, -dee 'ɔ -ko bhɔ? -A 'ye- 'ɔnɛɛ -zeli 'na lele -nɛ 'ylime -mee ylo 'wlole gluzɔ -wɛ, 'ɛza, -a -yi -lɔ -se -a "kɔ -bhlegbi "me "zo.»
3-Klɔgbɔnyɔ "yitɔ Elode 'cɛ 'no ne, 'dle 'yiɔ- -lɔ nuɔ, 'ɔ -nyɛ Zeluzalɛme 'na konya 'klekle "bhaa. 4Zaa, "ne 'ɔ yi -lɔ bɔbɔnya "yitia 'klekle, "ne "bhle 'na -Lɔsloanya 'wli "zo, "ne 'ɔ yua -lɔ lo 'yɔbhɔ nɛɛ: «-Dee 'wa "kɛ nɛ bhɔ 'Fuɔnyɔ -ye Lagɔ -sɛ lɔbhɔ -wɛ 'gwɛlele- 'a?» 5Ŋwɛnɛɛ: «Beteleɛme Zude -glɔ "me, sɛne 'ye "guɔkwɔmenyɔ 'kɛle- -lɔ:
6 -Eyi Beteleɛme, Zuda -glɔ,
Zuda -glɔ 'klekle "ku 'na 'du "yiti
'glɛme 'ye -e -ko -me -lɔ,
"naa-, -neɛ' dodo "ku 'kamalenyɔ
-ɔ "kɛ Izlayɛle-glɔ -ye 'e 'bhe- -wɛ
'kamalea- "kɛ 'ce -lɔ 'bhale-.»#2.6 Mise 5.1.
7"Ne Elode yi -lɔ 'diɛɛ "me "ɛ -zeli -ciɛnya -wɛ lale-, "ne 'ɔ yua -lɔ lo 'yɔbhɔ 'tee nɛɛ: «-sɔɔdɛku "ɛ -zeli -wɛ 'wlo- bhɔ zɔ 'a?» 8"Ne 'ɔ yua -lɔ Beteleɛme lebhele-, 'ɔ nɛɛ: «'A me -se 'a 'yɔbhɔ "ɛ yu 'na "kukoweli lo 'tee, 'a "kɔ -yle ne, 'a yi -se 'a "kɛ -ame bhulɛle- -me, -se -ame 'nabhɛ, 'e "kɔ 'lelee -bhlegbi "me "zo ka "mɔme-.»
9"Ɛ -Klɔgbɔnyɔ 'na bhulɛweli -wɛ kɔ "ne 'wa yi -lɔ -gwe bhli, "ne -mee ylo 'wlole gluzɔ 'na -zeli -ye 'wa 'ye- 'awɔ 'ylime 'ce, 'wa yi -lɔ 'ylime 'ye. 'Ɛ -goa 'yuku -kaa "ne 'ɛ yi -lɔ -dee "ɛ yu 'pe- -wɛ 'nyegbe-. 10"Ne 'ŋwɛnɛ yua -lɔ 'lɔbhɔ- "yitɛ "ku. 11'Wa -plɛ -bhudu "me, "ne 'wa yi -lɔ yu -nyɛ 'ɔ "nɔ Mali "bhaa 'ylime 'ye, "ne 'wa yu -lɔ -kokomini yɔko "pɔle, "ne 'wa yu -lɔ 'ŋlu kwa-, "ne 'wa yi -lɔ 'wanɛɛ 'gbudu "ku vulu-. 'Wa -sɛ "bhle 'wle, -badlɛ "ne lasiklɔ#2.11 Lasiklɔ 'ye Zufonya la -lɔ mile, su 'na 'ŋu 'ye 'wa no -lɔ "ɛ lasiklɔ -wɛ "ku. 'na -ye 'wa la mile -wɛ, "ne 'wa yu -lɔ kɔ 'je. 12'Ɛ 'ple- lɛ "bhuɔ ne, Lagɔ -bhulɛloa 'yla "me nɛɛ: 'A te -kɛ Elode yɔko 'wlizɔ zi. "Ne 'wa yi -lɔ -gwe 'na -vinɛ bhli. "Ne 'wa yi -lɔ 'wa 'luku me.
Zezu, Mali "ne Zozɛfo -me Ezipte 'gule -ka
13"Ɛ -zeliciɛnya -wɛ -me lɛ "bhuɔ ne, Anyinɛnyɔ 'na "nɔgɔzilɔ -bhulɛle Zozɛfo 'yla "me, 'ɔ nɛɛ: «-Sɔ "ku, 'libhi yu -nyɛ 'ɔ "nɔ "bhaa "ku -se 'a me Ezipte 'gule -ka, 'gli "bhle -kaa, 'e kɛ -eyi la, -e "kɛ yi. "Naa-, Elode yi -kɛ "ɛ yu -wɛ 'siɛ tɛle- -se 'ɔ "kɔ 'lɔbhɔ, -se 'ɔ "kɛ "ku.»
14"Ne "ɛ sabo -bhele -wɛ "me Zozɛfo libhi- "ɛ yu -nyɛ 'ɔ "nɔ "bhaa "ku, "ne 'wa yi -lɔ Ezipte 'gule -ka me. 15'Ɔ -ko 'awɔ "bhle -kaa "ne Elode yi -lɔ "ku. "Ne Anyinɛnyɔ 'na bhulɛweli -ye 'ɔ -bhulɛle 'awɔ "guɔkwɔmenyɔ 'na nuɛ "me -wɛ, yi -lɔ 'yli 'wlole, 'ɔ nɛɛ: -Ame yowli -ko 'awɔ Ezipte "ne 'e yu -lɔ la.#2.15 Oze 11.1.
Elode 'lɔbhɔ- Beteleɛme 'na 'widiayua -lelea.
16Elode "kɛ sɛ yibhlele- -gbɔ -zeliciɛnya -no ylo ne, 'kɛle 'lɔbhɔ- -lɔ "yitɛ "ku. 'Ɔ nɛɛ 'wa 'lɔbhɔ Beteleɛme "ne 'du -ɛ -ko yɔko -wɛ 'wɔ "me 'na 'widiayua -lelea 'klekle -wa -namlɛ 'ylobɛ "sɔ yɔko "me "ple -see "ɛ -zeliciɛnya -wɔkɔlo nɛ -wɛ. 17Sɔbhɔ 'ye "guɔkwɔmenyɔ Zelemi 'na bhulɛweli 'wlole- -lɔ 'yli:
18 Weli 'bhale Ylama
'lugbu jiji gbɔ
Ylasɛle tu 'ɔnɛɛ yua za.
'Ɔ "ne dɛpe dɛpeɛ -kɛ,
"naa-, sɛko -wɛ, "ɛ yua -wɛ "ne 'ce -la -le zɛ.
Mali "ne Zozɛfo 'bha- Ezipte "ne 'wa yi -lɔ Nazalɛte 'gli -ka yi
19Elode "ku- lɛ "bhuɔ ne, "ne Anyinɛnyɔ 'na "nɔgɔzilɔ yi -lɔ Ezipte 'yla "me Zozɛfo bhulɛle-. 20'Ɔ nɛɛ: «-Sɔ "ku, 'libhi yu -nyɛ 'ɔ "nɔ "bhaa "ku -se 'a zi Izlayɛle 'wlizɔ, "naa-, -wa no -gbɔ 'wa "kɛ yu 'lɔbhɔ -wɛ "ku- zɛ.»
21Zozɛfo -glɔ lɛ "bhuɔ ne, "ne 'ɔ yi -lɔ yu -nyɛ 'ɔ "nɔ "bhaa "ku 'libhi "ne 'wa yi -lɔ Izlayɛle 'wlizɔ zi. 22-Mɔ, Zozɛfo 'no- "me -gbɔ Elode yowli Alekelaɔse 'kamalea 'awɔ -lɔ Zude 'ɔ 'to 'na bhulɛ "me ne, 'ɔ 'gu 'awɔ zaa 'ɔ "ne -la Zude -glɔ "me -plɛ. "Ne Anyinɛnyɔ yu 'lelee -lɔ 'yla "me bhulɛle-, "ne 'ɔ yi -lɔ Galile -glɔ "me me. 23"Ne 'ɔ yi -lɔ 'du -ye 'wa la Nazalɛte -wɛ "me 'glile- -ka me. Sɔbhɔ 'ye "guɔkwɔmenya 'na bhulɛweli ne 'wlole- -lɔ 'yli: «Nazalɛte 'na yu 'wa "kɔ 'ce -lɔ la.»
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2024 (Active), Wycliffe Bible Translators, Inc. All rights reserved.