खास चेलों 11
11
पतरस को अपणा लोगु तैं समझाण
1अर या खबर यहूदिया मुलक का खास चेलों अर बिस्वासी भै-बैंणो तैं पता चलि गै, कि जु हमरि जाति का नि छिन ऊंन भि परमेस्वर का वचन तैं स्वीकार कैरियाली। 2अर जब पतरस यरूशलेम नगर मा ऐ, तब खतना कियां बिस्वासी लोग#11:2 यू यहूदी लोग वु छिन जु कि यीशु मसीह पर बिस्वास करण वळा ह्वे गै छा। वेका दगड़ा मा वाद-विवाद करण लगि गैनी। 3अर ऊंन वेकू बोलि कि, “तू इन्द्रया लोगु का घौर मा गै, जौन अपणा सरील मा खतना का रिवाज तैं पूरु नि कर्युं छौ अर तिन ऊंका दगड़ा मा खाणु भि खै।”
4तब पतरस न ऊंतैं एक-एक बात बिंगौण शुरु कैरी अर बोलि, 5“जब मि याफा नगर मा प्रार्थना कनु छौ, त मितैं भूक लगणि छै। अर मि अपणी सुद-बुद मा नि छौ, अर मिन एक दरसन देखि की एक बड़ा चदरा का जन कुई चीज मेरा पास मूड़ी औणी च, अर वीं चीज तैं चौतरफि बटि पकड़ी के धरती पर लये जाणु च। 6अर जब मिन वीं चीज तैं ध्यान से देखि, त वामा धरती का हरेक किसम का जानबर याने की चार खुटों वळा जानबर, रिंगण वळा, अर पंछि भि छा। 7तब एक आवाज न मिकू बोलि, ‘हे पतरस उठ, यों तैं मार अर खै ले।’ 8पर मिन बोलि, ‘ना प्रभु कभि भि ना, अगर मितैं कुई भि चीज खाणु कू मिलेली त मि वींतैं इन्नि नि खै देण, किलैकि आज तक मिन ऊ चीज नि खैनि जु अशुद्ध अर पवित्र नि छिन।’ 9अर जब मिन इन जबाब दिनी त दुसरि दौं भि आसमान बटि इन आवाज सुणै कि, ‘जौं चीजों तैं परमेस्वर न शुद्ध कैरियाली, तू वेकू अशुद्ध नि बोल।’ 10अर तीन दौं इन्नि ह्वे, अर वेका बाद वा चीज आसमान मा वापस उठये गै। 11अर सुणा, वे ही बगत जै घौर मा हम छा, उख तीन लोग पौंछी गैनी। अर ऊंतैं मेरा पास कैसरिया नगर बटि भेजि गै छौ। 12अर पवित्र आत्मा न मितैं बिन हिचकिचयां ऊंका दगड़ा मा जाणु कू बोलि, अर मेरा दगड़ा मा यू छह बिस्वासी भै भि उख जाणु कू पैटि गैनी। अर तब हम कुरनेलियुस नौ का एक मनखि का घौर कू ग्यां। 13अर उख कुरनेलियुस भै न हमतै बतै कि मिन एक स्वर्गदूत तैं अपणा घौर मा खड़ु होयुं देखि अर वे स्वर्गदूत न वेकू बोलि कि, ‘अपणा कुछ लोगु तैं याफा नगर मा भेज अर उख बटि शमौन जैकू पतरस भि बुले जान्दु वेतैं इख बुलवौ। 14अर वु ऐके तुम लोगु तैं वचन सुणालु, अर वे वचन तैं सुणी के त्वेतै अर तेरा घौर का लोगु तैं बचयै जालु।’
15“अर जब मिन ऊंतैं वचन सुनौण शुरु कैरी, तब पवित्र आत्मा को दान ऊं सभ्यों तैं भि मिली गै, अर यू सब ठिक उन्नि ह्वे जन शुरु मा हमुन पै छौ। 16तब मितैं प्रभु को वु वचन याद ऐ जन कि बुले गै छौ कि, ‘यूहन्ना न त पाणिळ बपतिस्मा दिनी, मगर तुम पवित्र आत्मळ बपतिस्मा#11:16 “पवित्र आत्मळ बपतिस्मा” ईं बात को मतलब इन च कि परमेस्वर अपणा पवित्र आत्मा तैं देके तुमरा मन अर दिल तैं शुद्ध करलु। पैल्या।’ 17अर जब हमुन प्रभु यीशु मसीह पर बिस्वास कैरी, त परमेस्वर न हमतै पवित्र आत्मा दान का रुप मा दिनी, अर उई दान वेन ऊंतैं भि दिनी, त फिर परमेस्वर तैं रुकण वळु मि कु होन्दु।”
18अर जब यहूदी बिस्वासी लोगु न यू सब बात सुणिनी, त वु संट ह्वे गैनी। अर ऊंन परमेस्वर की तारीफ कैरिके बोलि, “परमेस्वर की बडै हो, किलैकि वेन सदनि को जीवन पौणु खुणि मन से पस्ताप करण को मौका ऊंतैं भि दियाली जु यहूदी जाति का नि छिन।”
अन्ताकिया नगर को बिस्वासी समुदाय
19अर स्तिफनुस की मौत का बाद बटि जु सतौ बिस्वासी समुदाय का लोगु पर ऊं दिनों मा किये जाणु छौ, वां की वजै से बिस्वासी लोग तितर-बितर ह्वे गै छा। अर वु सब लोग साइप्रस टापू मा, फीनीके मुलक मा इख तक की अन्ताकिया नगर तक चलि गैनी, अर ऊंन केवल यहूदी लोगु तैं ही वचन सुणै। 20मगर ऊंमा बटि कुछ बिस्वासी लोग साइप्रस टापू अर कुरेन नगर का छा जु कि अन्ताकिया नगर मा ऐनी, अर ऊंन यूनानियों तैं भि प्रभु यीशु को शुभ समाचार सुनौण शुरु कैरी दिनी। 21अर प्रभु की ताकत ऊं लोगु का दगड़ा मा छै, अर भौत सा लोगु न बिस्वास कैरी अर प्रभु की तरफा ह्वे गैनी।
22अर जब यरूशलेम नगर का बिस्वासी लोगु न यों लोगु की चर्चा सुणी, तब ऊंन बरनबास भै तैं अन्ताकिया नगर मा भेजि। 23-24अर बरनबास एक अच्छु बिस्वासी, पवित्र आत्मा से भरपूर अर एक भलु मनखि छौ। अर जब उ अन्ताकिया नगर मा पौंछी, अर लोगु पर होईं परमेस्वर की किरपा तैं देखि के बड़ु आनन्दित ह्वे, अर वेन ऊंतैं ईं बात की शिक्षा दिनी कि वु सब लोग पूरा मन से प्रभु मा बणयां रा, अर एक बड़ी भीड़ प्रभु पर बिस्वास करण लगि गै। 25अर वेका बाद बरनबास, शाऊल तैं खुज्याणु खुणि तरसुस नगर कू गै। 26अर जब उ बरनबास तैं मिली त बरनबास वेतैं अन्ताकिया नगर मा अफ दगड़ा लेके ऐ। अर ऊ पूरा एक साल तक बिस्वासी समुदाय का लोगु से मिलणा रैनी, अर लोगु तैं सिखौणा रैनी। अर अन्ताकिया नगर का बिस्वासी लोगु खुणि ही सबसे पैलि “ईसै” बुले गै।
27अर ऊं दिनों मा यरूशलेम नगर बटि परमेस्वर का कुछ रैबर्या अन्ताकिया नगर मा ऐनी। 28अर ऊंमा बटि एक अगबुस रैबर्या छौ, अर वेन खड़ु ह्वेके पवित्र आत्मा का द्वारा भविष्यबाणी कैरिके बोलि कि ये पूरि दुनियां मा भौत बड़ु अकाळ पोड़लु (अर ठिक उन्नि ह्वे, यू अकाळ महाराजा क्लौदियुस का बगत मा पोड़ि)। 29अर ये अकाळ का बगत मा ही अन्ताकिया नगर का बिस्वासी लोगु न इन फैसला कैरी, कि हरेक मनखि यहूदिया मुलक मा रौण वळा बिस्वासी लोगु की मदद करणु खुणि जै से जथगा ह्वे सकलु, उ उथगा दे सकदु च। 30अर ऊंन ठिक इन्नि कैरी अर या मदद ऊंन इकट्ठा कैरिके बरनबास अर शाऊल का द्वारा बिस्वासी समुदाय का अध्यक्षों का पास भेजि।
Trenutno odabrano:
खास चेलों 11: GBM
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© (Active) Wycliffe Bible Translators, Inc. All rights reserved.
खास चेलों 11
11
पतरस को अपणा लोगु तैं समझाण
1अर या खबर यहूदिया मुलक का खास चेलों अर बिस्वासी भै-बैंणो तैं पता चलि गै, कि जु हमरि जाति का नि छिन ऊंन भि परमेस्वर का वचन तैं स्वीकार कैरियाली। 2अर जब पतरस यरूशलेम नगर मा ऐ, तब खतना कियां बिस्वासी लोग#11:2 यू यहूदी लोग वु छिन जु कि यीशु मसीह पर बिस्वास करण वळा ह्वे गै छा। वेका दगड़ा मा वाद-विवाद करण लगि गैनी। 3अर ऊंन वेकू बोलि कि, “तू इन्द्रया लोगु का घौर मा गै, जौन अपणा सरील मा खतना का रिवाज तैं पूरु नि कर्युं छौ अर तिन ऊंका दगड़ा मा खाणु भि खै।”
4तब पतरस न ऊंतैं एक-एक बात बिंगौण शुरु कैरी अर बोलि, 5“जब मि याफा नगर मा प्रार्थना कनु छौ, त मितैं भूक लगणि छै। अर मि अपणी सुद-बुद मा नि छौ, अर मिन एक दरसन देखि की एक बड़ा चदरा का जन कुई चीज मेरा पास मूड़ी औणी च, अर वीं चीज तैं चौतरफि बटि पकड़ी के धरती पर लये जाणु च। 6अर जब मिन वीं चीज तैं ध्यान से देखि, त वामा धरती का हरेक किसम का जानबर याने की चार खुटों वळा जानबर, रिंगण वळा, अर पंछि भि छा। 7तब एक आवाज न मिकू बोलि, ‘हे पतरस उठ, यों तैं मार अर खै ले।’ 8पर मिन बोलि, ‘ना प्रभु कभि भि ना, अगर मितैं कुई भि चीज खाणु कू मिलेली त मि वींतैं इन्नि नि खै देण, किलैकि आज तक मिन ऊ चीज नि खैनि जु अशुद्ध अर पवित्र नि छिन।’ 9अर जब मिन इन जबाब दिनी त दुसरि दौं भि आसमान बटि इन आवाज सुणै कि, ‘जौं चीजों तैं परमेस्वर न शुद्ध कैरियाली, तू वेकू अशुद्ध नि बोल।’ 10अर तीन दौं इन्नि ह्वे, अर वेका बाद वा चीज आसमान मा वापस उठये गै। 11अर सुणा, वे ही बगत जै घौर मा हम छा, उख तीन लोग पौंछी गैनी। अर ऊंतैं मेरा पास कैसरिया नगर बटि भेजि गै छौ। 12अर पवित्र आत्मा न मितैं बिन हिचकिचयां ऊंका दगड़ा मा जाणु कू बोलि, अर मेरा दगड़ा मा यू छह बिस्वासी भै भि उख जाणु कू पैटि गैनी। अर तब हम कुरनेलियुस नौ का एक मनखि का घौर कू ग्यां। 13अर उख कुरनेलियुस भै न हमतै बतै कि मिन एक स्वर्गदूत तैं अपणा घौर मा खड़ु होयुं देखि अर वे स्वर्गदूत न वेकू बोलि कि, ‘अपणा कुछ लोगु तैं याफा नगर मा भेज अर उख बटि शमौन जैकू पतरस भि बुले जान्दु वेतैं इख बुलवौ। 14अर वु ऐके तुम लोगु तैं वचन सुणालु, अर वे वचन तैं सुणी के त्वेतै अर तेरा घौर का लोगु तैं बचयै जालु।’
15“अर जब मिन ऊंतैं वचन सुनौण शुरु कैरी, तब पवित्र आत्मा को दान ऊं सभ्यों तैं भि मिली गै, अर यू सब ठिक उन्नि ह्वे जन शुरु मा हमुन पै छौ। 16तब मितैं प्रभु को वु वचन याद ऐ जन कि बुले गै छौ कि, ‘यूहन्ना न त पाणिळ बपतिस्मा दिनी, मगर तुम पवित्र आत्मळ बपतिस्मा#11:16 “पवित्र आत्मळ बपतिस्मा” ईं बात को मतलब इन च कि परमेस्वर अपणा पवित्र आत्मा तैं देके तुमरा मन अर दिल तैं शुद्ध करलु। पैल्या।’ 17अर जब हमुन प्रभु यीशु मसीह पर बिस्वास कैरी, त परमेस्वर न हमतै पवित्र आत्मा दान का रुप मा दिनी, अर उई दान वेन ऊंतैं भि दिनी, त फिर परमेस्वर तैं रुकण वळु मि कु होन्दु।”
18अर जब यहूदी बिस्वासी लोगु न यू सब बात सुणिनी, त वु संट ह्वे गैनी। अर ऊंन परमेस्वर की तारीफ कैरिके बोलि, “परमेस्वर की बडै हो, किलैकि वेन सदनि को जीवन पौणु खुणि मन से पस्ताप करण को मौका ऊंतैं भि दियाली जु यहूदी जाति का नि छिन।”
अन्ताकिया नगर को बिस्वासी समुदाय
19अर स्तिफनुस की मौत का बाद बटि जु सतौ बिस्वासी समुदाय का लोगु पर ऊं दिनों मा किये जाणु छौ, वां की वजै से बिस्वासी लोग तितर-बितर ह्वे गै छा। अर वु सब लोग साइप्रस टापू मा, फीनीके मुलक मा इख तक की अन्ताकिया नगर तक चलि गैनी, अर ऊंन केवल यहूदी लोगु तैं ही वचन सुणै। 20मगर ऊंमा बटि कुछ बिस्वासी लोग साइप्रस टापू अर कुरेन नगर का छा जु कि अन्ताकिया नगर मा ऐनी, अर ऊंन यूनानियों तैं भि प्रभु यीशु को शुभ समाचार सुनौण शुरु कैरी दिनी। 21अर प्रभु की ताकत ऊं लोगु का दगड़ा मा छै, अर भौत सा लोगु न बिस्वास कैरी अर प्रभु की तरफा ह्वे गैनी।
22अर जब यरूशलेम नगर का बिस्वासी लोगु न यों लोगु की चर्चा सुणी, तब ऊंन बरनबास भै तैं अन्ताकिया नगर मा भेजि। 23-24अर बरनबास एक अच्छु बिस्वासी, पवित्र आत्मा से भरपूर अर एक भलु मनखि छौ। अर जब उ अन्ताकिया नगर मा पौंछी, अर लोगु पर होईं परमेस्वर की किरपा तैं देखि के बड़ु आनन्दित ह्वे, अर वेन ऊंतैं ईं बात की शिक्षा दिनी कि वु सब लोग पूरा मन से प्रभु मा बणयां रा, अर एक बड़ी भीड़ प्रभु पर बिस्वास करण लगि गै। 25अर वेका बाद बरनबास, शाऊल तैं खुज्याणु खुणि तरसुस नगर कू गै। 26अर जब उ बरनबास तैं मिली त बरनबास वेतैं अन्ताकिया नगर मा अफ दगड़ा लेके ऐ। अर ऊ पूरा एक साल तक बिस्वासी समुदाय का लोगु से मिलणा रैनी, अर लोगु तैं सिखौणा रैनी। अर अन्ताकिया नगर का बिस्वासी लोगु खुणि ही सबसे पैलि “ईसै” बुले गै।
27अर ऊं दिनों मा यरूशलेम नगर बटि परमेस्वर का कुछ रैबर्या अन्ताकिया नगर मा ऐनी। 28अर ऊंमा बटि एक अगबुस रैबर्या छौ, अर वेन खड़ु ह्वेके पवित्र आत्मा का द्वारा भविष्यबाणी कैरिके बोलि कि ये पूरि दुनियां मा भौत बड़ु अकाळ पोड़लु (अर ठिक उन्नि ह्वे, यू अकाळ महाराजा क्लौदियुस का बगत मा पोड़ि)। 29अर ये अकाळ का बगत मा ही अन्ताकिया नगर का बिस्वासी लोगु न इन फैसला कैरी, कि हरेक मनखि यहूदिया मुलक मा रौण वळा बिस्वासी लोगु की मदद करणु खुणि जै से जथगा ह्वे सकलु, उ उथगा दे सकदु च। 30अर ऊंन ठिक इन्नि कैरी अर या मदद ऊंन इकट्ठा कैरिके बरनबास अर शाऊल का द्वारा बिस्वासी समुदाय का अध्यक्षों का पास भेजि।
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© (Active) Wycliffe Bible Translators, Inc. All rights reserved.