खास चेलों 5
5
हनन्याह अर वेकी घरवळी सफीरा
1अर ऊं दिनों मा ही हनन्याह नौ को एक बिस्वासी मनखि छौ, अर वेकी घरवळी को नौ सफीरा छौ अर ऊंन अपणु एक पुंगड़ु बेचि। 2अर वीं रकम मा बटि कुछ हिस्सा वेन अपणा ही पास छिपै के रखी दिनी, अर कुछ हिस्सा लेके खास चेलों का हाथों मा रखण लगि गै, अर ईं बात का बारा मा वेकी घरवळी भि जणदी छै। 3तब पतरस न हनन्याह कू बोलि, “हनन्याह, तिन शैतान तैं अपणा मन मा इन बात किलै डलण दिनी, कि तू पवित्र आत्मा बटि झूठ्ठ बोल, अर पुंगड़े रकम मा बटि गबन कैरिके अपणा पास रख दे, 4तेरा मन मा इन्द्रयो ख्याल किलै ऐ? वे हिस्सा का बिकण से पैलि उ तेरु ही छौ अर जब तिन वु बेचि छौ, त मिल्यां रुपयों पर भि तेरु ही अधिकार छौ। हनन्याह, तिन मनखियों बटि ना, बल्किन मा परमेस्वर बटि झूठ्ठ बोलि।”
5अर ईं बात तैं सुणदी ही हनन्याह भ्वीं मा फरके गै अर वेन अपणु दम तोड़ि दिनी, अर सब सुनण वळो पर बड़ु खौफ ऐ गै। 6तब ज्वान लोग न उठी के वेतैं कफन मा लपेटि अर दफनौणु खुणि नगर से भैर लि गैनी।
7अर करीब तीन घन्टा बाद वेकी घरवळी सफीरा भितर ऐ, अर वींतैं ईं बात का बारा मा कुछ पता नि छौ। 8तब पतरस न वीं बटि पूछी, “सफीरा इन बतौ क्या तुमुन वु पुंगड़ु इथगा मा ही बेचि छौ?” अर वींन बोलि, “हाँ, इथगा ही मा बेचि छौ।” 9पतरस न वींकू बोलि, “या क्या बात च, कि तुम दुईया का दुई परमेस्वर की आत्मा तैं परखणु खुणि एक मन ह्वे ग्यां? देख, तेरा पति तैं दफनौण वळा द्वार पर ऐ गैनी, अर सुण, अब वु त्वेतै भि उठे के भैर लि जाला।” 10अर वा तुरन्त वेका खुटों का पास फरके गै अर वींन अपणु दम तोड़ि दिनी। अर ज्वान मनखियों न भितर ऐके वींतैं मुरयूं पै, तब वु सफीरा तैं नगर का भैर लि गैनी अर वींतैं वींका पति का पास दफनै दिनी। 11अर यू देखि के बिस्वासी समुदाय का लोगु पर, अर जथगा भि लोगु न ईं घटना का बारा मा सुणी ऊ सब भौत डौऽरी गैनी।
बड़ा-बड़ा चमत्कार का काम
12अर यीशु का खास चेलों का द्वारा भौत सरा अदभुत अर बड़ा-बड़ा चमत्कारिक काम लोगु का बीच मा किये जाणा छा, अर सब एक मन ह्वेके मन्दिर की वीं जगा मा इकट्ठा होन्दा छा, जै खुणि सुलैमान को बरण्डु बुले जान्दु। 13फिर भि भौत सा लोग इन छा जु की यों को आदर-सम्मान करदा त छा, पर ऊंकी हिम्मत नि होन्दी छै की वु ऊंका दगड़ा मा मिली जा। 14अर भौत सा बैख अर जनानियों न जौन प्रभु पर बिस्वास कैरी वु बिस्वासी समुदाय का यों लोगु का दगड़ा मा सामिल ह्वे गैनी, अर यों की गिनती और भि जादा ह्वे गै। 15इख तक की लोग बिमारों तैं सड़कों मा लि जान्दा छा, अर ऊंतैं खाटों अर बिस्तरों पर लिटै देन्दा छा, ताकि जब पतरस उख बटि अऽ, त कम से कम वेको छैल ही ऊंमा मदि कै पर भि पोड़ि जौ अर वु खूब ह्वे जौ। 16अर यरूशलेम नगर का आस-पास का ग्वोंऽ बटि भि लोग भौत सा बिमारों तैं अर जौं पर खबेस लग्यां छा ऊं सब लोगु तैं लेके ऐनी। अर परमेस्वर का द्वारा सब लोग खूब किये जान्दा छा।
यीशु का खास चेलों तैं सतौण
17अर यू सब देखि के महा पुरोहित अर वेका दगड़ा का सदूकी दल का लोग यीशु का खास चेलों तैं देखि के भौत खार खाण लगि गैनी। 18अर ऊंन खास चेलों तैं पकड़ी के जेलखाना मा बन्द कैरी दिनी। 19पर राति का बगत प्रभु का एक स्वर्गदूत न जेलखाना का द्वार खोली के ऊंतैं भैर लि गै। अर ऊंकू बोलि कि, 20“जा, अर मन्दिर मा खड़ा ह्वेके ये नया जीवन का बारा मा लोगु तैं बिन डऽरयां बता।” 21अर यू सुनण का बाद वु सुबेर होन्दी मन्दिर मा जैके उपदेस देण लगि गैनी।
तब महा पुरोहित अर वेका सब दगड़्या ऐनी, अर ऊंन न्याय समिति का सब लोगु तैं अर इस्राएली लोगु का सब अध्यक्षों तैं इकट्ठा कैरी, अर सिपयों तैं आदेस दिनी कि, “जेलखाना बटि ऊं लोगु तैं इख लेके आ।” 22पर जब मन्दिर का सिपै उख पौंछिनी, त जेलखाना मा ऊंतैं खास चेला नि दिखैनि, अर वापस लौटी के सिपयों न इन खबर दिनी कि, 23“साब, जब हम उख पौंछयां, त हमुन देखि कि जेलखाना का द्वार पर पैरेदार खड़ा होयां छिन अर द्वार पर तालु भि लग्यूं च मगर जब हमुन द्वार खोली त भितर कुई भि नि छौ।” 24अर जब मन्दिर का सिपयों का अधिकारी न, अर मुख्य पुरोहितों न सुणी त यों बातों तैं सुणी के घबरै गैनी, कि अब क्या जि होलु।
25अर इथगा मा कैन ऐके ऊंतैं बतै, “अरे सुणा, जौं लोगु तैं तुमुन जेलखाना मा बन्द कैरी छौ, वु मन्दिर मा खड़ा ह्वेके लोगु तैं उपदेस देणा छिन।” 26तब मन्दिर का सिपयों को अधिकारी ऊंतैं अपणा दगड़ा मा लि गै, अर ऊंन खास चेलों का दगड़ा मा कुई जोर-जबरदस्ती नि कैरी, पर चुपचाप से ऊंतैं वु अफ दगड़ा मा लेके ऐनी, किलैकि ऊंतैं डौऽर छै कि कखि लोग ऊं पर ढुंग्यो नि लगै द्या।
27अर जब सिपयों न खास चेलों तैं न्याय समिति का समणि खड़ु कैरी, त महा पुरोहित न खास चेलों तैं पूछी कि, 28“जब हमुन तुमतै चितै के आज्ञा दे छै कि तुम यीशु का नौ से उपदेस नि दियां, पर सुणा, तुमुन त पूरा यरूशलेम नगर मा अपणी ही शिक्षा फैलैयालि अर वे मनखि की मौत को दोष हम पर डलणा छाँ।” 29तब पतरस अर दुसरा खास चेलों न जबाब दिनी, “मनखियों की आज्ञा से जादा बढी के परमेस्वर की आज्ञा को पालन करण हमरु फरज च। 30अर तुम लोगु न यीशु तैं क्रूस पर चड़वै के मार दिनी, पर हमरा पितरों का परमेस्वर न वे ही यीशु तैं मुरदो मा बटि ज्यून्दु कैरी। 31अर वेतैं ही परमेस्वर न प्रभु अर छुटकारु देण वळु ठैरै, अर अपणा दैंणा हाथ की तरफा बैठे के सबसे ऊँची जगा दिनी, ताकि वेका द्वारा इस्राएली अर सब लोगु तैं अपणा-अपणा जीवनों तैं बदळणों को, अर पापों से माफी पौण को अवसर मिली सैको। 32अर यों बातों का गवा हम छां अर पवित्र आत्मा भि च, अर यू पवित्र आत्मा परमेस्वर न ऊंतैं दियूं च जु की वेकी आज्ञा को पालन करदिन।”
33अर या बात सुणी के ऊंका जिकुड़ियों मा आग लगि गै, अर ऊंन खास चेलों तैं जान से मरण चै। 34मगर न्याय समिति मा गमलीएल नौ को एक मनखि खड़ु ह्वे, अर वेन खास चेलों तैं उख बटि भैर जाणु कू बोलि कि, “थुड़ी देर भैर मा रा” अर वु चलि गैनी। अर यू गमलीएल त एक फरीसी मनखि छौ, जु की मूसा का दियां नियम-कानूनों तैं भौत अच्छा से जणदु छौ, अर लोगु मा वेकी बड़ी इज्जत छै। 35अर येन न्याय समिति का लोगु कू बोलि कि, “हे इस्राएली लोगु, अगर तुम यों लोगु का दगड़ा मा कुछ कना छाँ, त जरा सोची समझि के कर्यां। 36किलैकि कुछ दिन पैलि थियुदास नौ को मनखि मुखिया बणि के ऐ छौ, अर बुल्दु छौ की मि भि कुछ छौं, अर करीब चार सौ लोग वेका दल मा सामिल ह्वे गै छा। पर जब वेतैं मरवयै गै, त जथगा भि लोग वेकी शिक्षा तैं मनण वळा छा, वु सब तितर-बितर ह्वे गैनी, अर अब ऊंका दल को कुई अता-पता ही नि च। 37अर वेका बाद जनगणना का दिनों मा गलील मुलक को रौण वळु यहूदा नौ एक और मनखि मुखिया बणि के ऐ, अर वेन कुछ लोगु तैं अपणु चेला बणै दिनी। पर जब वु मोरि गै, त जथगा भि लोग वेकी मणदा छा वु सब भि तितर-बितर ह्वे गैनी। 38इलै जु कुछ भि होणु च ऊं सब बातों का बारा मा मि तुमतै बतै देन्दु कि यों मनखियों तैं यों का हाल पर छोड़ द्या अर ऊं बटि दूर रा, अगर जु यू काम अर या योजना मनखियों की तरफा बटि होलि, त अफि खतम ह्वे जालि। 39पर अगर जु यू काम अर या योजना परमेस्वर की तरफा बटि होलि त तुम ऊं लोगु तैं रोकी नि सकिल्या, अर कखि इन नि हो कि तुम लोग ये चक्कर मा परमेस्वर का दगड़ा मा भि लड़ै करण वळा बणि जा।” अर ऊं लोगु गमलीएल बात माणी दिनी।
40तब न्याय समिति का लोगु न खास चेलों तैं बुलै अर ऊंतैं पिटवै। अर ऊंतैं इन आज्ञा देके छोड़ि दिनी, कि यीशु नौ की चर्चा फिर नि कर्यां। 41अर यीशु मसीह का खातिर दुख सौणु का लैख परमेस्वर न ऊंतैं समझि, इलै खास चेला न्याय समिति का लोगु का समणि बटि आनन्द मणौन्द-मणौन्द चलि गैनी। 42अर खास चेला हरेक दिन मन्दिर अर घौर-घौर जैके लोगु तैं सिखौन्दा छा, अर ईं बात को शुभ समाचार देन्दा छा कि यीशु ही मसीह च।
Trenutno odabrano:
खास चेलों 5: GBM
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© (Active) Wycliffe Bible Translators, Inc. All rights reserved.
खास चेलों 5
5
हनन्याह अर वेकी घरवळी सफीरा
1अर ऊं दिनों मा ही हनन्याह नौ को एक बिस्वासी मनखि छौ, अर वेकी घरवळी को नौ सफीरा छौ अर ऊंन अपणु एक पुंगड़ु बेचि। 2अर वीं रकम मा बटि कुछ हिस्सा वेन अपणा ही पास छिपै के रखी दिनी, अर कुछ हिस्सा लेके खास चेलों का हाथों मा रखण लगि गै, अर ईं बात का बारा मा वेकी घरवळी भि जणदी छै। 3तब पतरस न हनन्याह कू बोलि, “हनन्याह, तिन शैतान तैं अपणा मन मा इन बात किलै डलण दिनी, कि तू पवित्र आत्मा बटि झूठ्ठ बोल, अर पुंगड़े रकम मा बटि गबन कैरिके अपणा पास रख दे, 4तेरा मन मा इन्द्रयो ख्याल किलै ऐ? वे हिस्सा का बिकण से पैलि उ तेरु ही छौ अर जब तिन वु बेचि छौ, त मिल्यां रुपयों पर भि तेरु ही अधिकार छौ। हनन्याह, तिन मनखियों बटि ना, बल्किन मा परमेस्वर बटि झूठ्ठ बोलि।”
5अर ईं बात तैं सुणदी ही हनन्याह भ्वीं मा फरके गै अर वेन अपणु दम तोड़ि दिनी, अर सब सुनण वळो पर बड़ु खौफ ऐ गै। 6तब ज्वान लोग न उठी के वेतैं कफन मा लपेटि अर दफनौणु खुणि नगर से भैर लि गैनी।
7अर करीब तीन घन्टा बाद वेकी घरवळी सफीरा भितर ऐ, अर वींतैं ईं बात का बारा मा कुछ पता नि छौ। 8तब पतरस न वीं बटि पूछी, “सफीरा इन बतौ क्या तुमुन वु पुंगड़ु इथगा मा ही बेचि छौ?” अर वींन बोलि, “हाँ, इथगा ही मा बेचि छौ।” 9पतरस न वींकू बोलि, “या क्या बात च, कि तुम दुईया का दुई परमेस्वर की आत्मा तैं परखणु खुणि एक मन ह्वे ग्यां? देख, तेरा पति तैं दफनौण वळा द्वार पर ऐ गैनी, अर सुण, अब वु त्वेतै भि उठे के भैर लि जाला।” 10अर वा तुरन्त वेका खुटों का पास फरके गै अर वींन अपणु दम तोड़ि दिनी। अर ज्वान मनखियों न भितर ऐके वींतैं मुरयूं पै, तब वु सफीरा तैं नगर का भैर लि गैनी अर वींतैं वींका पति का पास दफनै दिनी। 11अर यू देखि के बिस्वासी समुदाय का लोगु पर, अर जथगा भि लोगु न ईं घटना का बारा मा सुणी ऊ सब भौत डौऽरी गैनी।
बड़ा-बड़ा चमत्कार का काम
12अर यीशु का खास चेलों का द्वारा भौत सरा अदभुत अर बड़ा-बड़ा चमत्कारिक काम लोगु का बीच मा किये जाणा छा, अर सब एक मन ह्वेके मन्दिर की वीं जगा मा इकट्ठा होन्दा छा, जै खुणि सुलैमान को बरण्डु बुले जान्दु। 13फिर भि भौत सा लोग इन छा जु की यों को आदर-सम्मान करदा त छा, पर ऊंकी हिम्मत नि होन्दी छै की वु ऊंका दगड़ा मा मिली जा। 14अर भौत सा बैख अर जनानियों न जौन प्रभु पर बिस्वास कैरी वु बिस्वासी समुदाय का यों लोगु का दगड़ा मा सामिल ह्वे गैनी, अर यों की गिनती और भि जादा ह्वे गै। 15इख तक की लोग बिमारों तैं सड़कों मा लि जान्दा छा, अर ऊंतैं खाटों अर बिस्तरों पर लिटै देन्दा छा, ताकि जब पतरस उख बटि अऽ, त कम से कम वेको छैल ही ऊंमा मदि कै पर भि पोड़ि जौ अर वु खूब ह्वे जौ। 16अर यरूशलेम नगर का आस-पास का ग्वोंऽ बटि भि लोग भौत सा बिमारों तैं अर जौं पर खबेस लग्यां छा ऊं सब लोगु तैं लेके ऐनी। अर परमेस्वर का द्वारा सब लोग खूब किये जान्दा छा।
यीशु का खास चेलों तैं सतौण
17अर यू सब देखि के महा पुरोहित अर वेका दगड़ा का सदूकी दल का लोग यीशु का खास चेलों तैं देखि के भौत खार खाण लगि गैनी। 18अर ऊंन खास चेलों तैं पकड़ी के जेलखाना मा बन्द कैरी दिनी। 19पर राति का बगत प्रभु का एक स्वर्गदूत न जेलखाना का द्वार खोली के ऊंतैं भैर लि गै। अर ऊंकू बोलि कि, 20“जा, अर मन्दिर मा खड़ा ह्वेके ये नया जीवन का बारा मा लोगु तैं बिन डऽरयां बता।” 21अर यू सुनण का बाद वु सुबेर होन्दी मन्दिर मा जैके उपदेस देण लगि गैनी।
तब महा पुरोहित अर वेका सब दगड़्या ऐनी, अर ऊंन न्याय समिति का सब लोगु तैं अर इस्राएली लोगु का सब अध्यक्षों तैं इकट्ठा कैरी, अर सिपयों तैं आदेस दिनी कि, “जेलखाना बटि ऊं लोगु तैं इख लेके आ।” 22पर जब मन्दिर का सिपै उख पौंछिनी, त जेलखाना मा ऊंतैं खास चेला नि दिखैनि, अर वापस लौटी के सिपयों न इन खबर दिनी कि, 23“साब, जब हम उख पौंछयां, त हमुन देखि कि जेलखाना का द्वार पर पैरेदार खड़ा होयां छिन अर द्वार पर तालु भि लग्यूं च मगर जब हमुन द्वार खोली त भितर कुई भि नि छौ।” 24अर जब मन्दिर का सिपयों का अधिकारी न, अर मुख्य पुरोहितों न सुणी त यों बातों तैं सुणी के घबरै गैनी, कि अब क्या जि होलु।
25अर इथगा मा कैन ऐके ऊंतैं बतै, “अरे सुणा, जौं लोगु तैं तुमुन जेलखाना मा बन्द कैरी छौ, वु मन्दिर मा खड़ा ह्वेके लोगु तैं उपदेस देणा छिन।” 26तब मन्दिर का सिपयों को अधिकारी ऊंतैं अपणा दगड़ा मा लि गै, अर ऊंन खास चेलों का दगड़ा मा कुई जोर-जबरदस्ती नि कैरी, पर चुपचाप से ऊंतैं वु अफ दगड़ा मा लेके ऐनी, किलैकि ऊंतैं डौऽर छै कि कखि लोग ऊं पर ढुंग्यो नि लगै द्या।
27अर जब सिपयों न खास चेलों तैं न्याय समिति का समणि खड़ु कैरी, त महा पुरोहित न खास चेलों तैं पूछी कि, 28“जब हमुन तुमतै चितै के आज्ञा दे छै कि तुम यीशु का नौ से उपदेस नि दियां, पर सुणा, तुमुन त पूरा यरूशलेम नगर मा अपणी ही शिक्षा फैलैयालि अर वे मनखि की मौत को दोष हम पर डलणा छाँ।” 29तब पतरस अर दुसरा खास चेलों न जबाब दिनी, “मनखियों की आज्ञा से जादा बढी के परमेस्वर की आज्ञा को पालन करण हमरु फरज च। 30अर तुम लोगु न यीशु तैं क्रूस पर चड़वै के मार दिनी, पर हमरा पितरों का परमेस्वर न वे ही यीशु तैं मुरदो मा बटि ज्यून्दु कैरी। 31अर वेतैं ही परमेस्वर न प्रभु अर छुटकारु देण वळु ठैरै, अर अपणा दैंणा हाथ की तरफा बैठे के सबसे ऊँची जगा दिनी, ताकि वेका द्वारा इस्राएली अर सब लोगु तैं अपणा-अपणा जीवनों तैं बदळणों को, अर पापों से माफी पौण को अवसर मिली सैको। 32अर यों बातों का गवा हम छां अर पवित्र आत्मा भि च, अर यू पवित्र आत्मा परमेस्वर न ऊंतैं दियूं च जु की वेकी आज्ञा को पालन करदिन।”
33अर या बात सुणी के ऊंका जिकुड़ियों मा आग लगि गै, अर ऊंन खास चेलों तैं जान से मरण चै। 34मगर न्याय समिति मा गमलीएल नौ को एक मनखि खड़ु ह्वे, अर वेन खास चेलों तैं उख बटि भैर जाणु कू बोलि कि, “थुड़ी देर भैर मा रा” अर वु चलि गैनी। अर यू गमलीएल त एक फरीसी मनखि छौ, जु की मूसा का दियां नियम-कानूनों तैं भौत अच्छा से जणदु छौ, अर लोगु मा वेकी बड़ी इज्जत छै। 35अर येन न्याय समिति का लोगु कू बोलि कि, “हे इस्राएली लोगु, अगर तुम यों लोगु का दगड़ा मा कुछ कना छाँ, त जरा सोची समझि के कर्यां। 36किलैकि कुछ दिन पैलि थियुदास नौ को मनखि मुखिया बणि के ऐ छौ, अर बुल्दु छौ की मि भि कुछ छौं, अर करीब चार सौ लोग वेका दल मा सामिल ह्वे गै छा। पर जब वेतैं मरवयै गै, त जथगा भि लोग वेकी शिक्षा तैं मनण वळा छा, वु सब तितर-बितर ह्वे गैनी, अर अब ऊंका दल को कुई अता-पता ही नि च। 37अर वेका बाद जनगणना का दिनों मा गलील मुलक को रौण वळु यहूदा नौ एक और मनखि मुखिया बणि के ऐ, अर वेन कुछ लोगु तैं अपणु चेला बणै दिनी। पर जब वु मोरि गै, त जथगा भि लोग वेकी मणदा छा वु सब भि तितर-बितर ह्वे गैनी। 38इलै जु कुछ भि होणु च ऊं सब बातों का बारा मा मि तुमतै बतै देन्दु कि यों मनखियों तैं यों का हाल पर छोड़ द्या अर ऊं बटि दूर रा, अगर जु यू काम अर या योजना मनखियों की तरफा बटि होलि, त अफि खतम ह्वे जालि। 39पर अगर जु यू काम अर या योजना परमेस्वर की तरफा बटि होलि त तुम ऊं लोगु तैं रोकी नि सकिल्या, अर कखि इन नि हो कि तुम लोग ये चक्कर मा परमेस्वर का दगड़ा मा भि लड़ै करण वळा बणि जा।” अर ऊं लोगु गमलीएल बात माणी दिनी।
40तब न्याय समिति का लोगु न खास चेलों तैं बुलै अर ऊंतैं पिटवै। अर ऊंतैं इन आज्ञा देके छोड़ि दिनी, कि यीशु नौ की चर्चा फिर नि कर्यां। 41अर यीशु मसीह का खातिर दुख सौणु का लैख परमेस्वर न ऊंतैं समझि, इलै खास चेला न्याय समिति का लोगु का समणि बटि आनन्द मणौन्द-मणौन्द चलि गैनी। 42अर खास चेला हरेक दिन मन्दिर अर घौर-घौर जैके लोगु तैं सिखौन्दा छा, अर ईं बात को शुभ समाचार देन्दा छा कि यीशु ही मसीह च।
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© (Active) Wycliffe Bible Translators, Inc. All rights reserved.