Masmur 1
1
ETET 1
MASMUR 1-41
Vatano kov muno vatano mamun aya unanui
1Kove ngkov irati vatano are pirati ponae beto vatano mamune#1:1,4,6 vatano mamun wenawamo vatano wonae Amisye Ai muno Apa ananyao rai muno ananyao rui vayave rai. awa ananyao raiji,
muno ponae tavondi vatano wo ayao kakai rave awa unanui raiji,
muno ponae tuna vatano wo Amisye aura tantunawi matavoni.
2Yara apa bekere mamo ananyao AMISY,
muno siman naman po ananyao AMISY#1:2 AMISY: Ayao Ibrani mo YHWH ratoe, bacave taiso maisy: ‘‘Yahweh.’’ Omamo Amisye taune Apa tam dave mije, ama ine mare ‘‘RISY irati RISY.’’ Tame so tavonamo ama ine mare ‘‘Risyamo sasye ramu nai unumeso ntoa nuge nuganui,’’ raura tavona ‘‘RISYAMO no pitawabe.’’ obo ratantona tutir.
3Indati anakere kotar po raijare mamo ama ine raen,
raurata inyo moto nte no mana tuga
ama wao mayone ramu,
arono anamuke ama muki nande, weamo man dave.
4Yara vatano mamune usasye,
onawamo maurata kapume rai,
ovare damawisyamo nsaonto ti rakanive.
5Maisyare omaiti, onawamo usayae kakai no AMISY amun,
arono Po mangke rapatimu,
weye ayao kakai no mai ti usisa vatano kove#1:5,6 vatano kove onawamo vatano ubeta Amisye Apa ananyao rai. mai jewen.
6Weye vatano kove nawamo AMISY Po mansayaranande,
yara vatano mamune nawamo wo unanuijo kakai raronto kobe.
Trenutno odabrano:
Masmur 1: yva
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)