Genesis 3
3
1Sikan is uled, ne utew metau he ed-akal te langun he menge langgam he linimbag te Nengazen he Megbevayà. Migkeǥiyan din kes bahi te, “Kenà buwa iyan migkaǥi te Megbevayà is kenè din idtuǥut keniyu is kegkaan te veǥas te minsan hengkey he kayu zini te pemuleey?” 2Ne midtavak haazà is bahi te, “Intuǥut din kenami is kegkaan te langun he menge veǥas te zuma he kayu kayi te pemuleey, 3iyan, haazà is beǥas te kayu he ziyà te teliwazà te pemuleey. Indawey kenami te Megbevayà su ke sikandin te, ‘Kenè niw heeyan keena etawa minsan is kedsenggira zà duen. Su emun egkeenen niw heini ne ebpatey kew.’ ” 4Ne migkaǥi kes uled diyà te vahi te, “Kenè kew ebpatey, 5su netuenan en te Megbevayà he zutun dà te kegkeena niw zuen, egkehimu kew he utew metau ne ebpekeiring kew te Megbevayà su egketuenan niw is meupiya wey mezaat.”
6Ne hein nesavut te vahi he metaam bes he egkeenen haazà is beǥas te kayu, wey meupiya zaan he ed-ahaan wey nesavut din daan he utew haazà egkinehenglana su wey zan mehimu he utew metau, ne midrupù sikandin dutun ne migkaan din. Ne mibeǥayan din daan is esawa zin he zuma zin daan dutun ne migkaan daan sikandin. 7Ne zutun te nekepasad dan he egkaan, netuenan dan ke hengkey is meupiya wey mezaat, ne neseǥipè dan human he lelevas dan bes. Umbe mibpenahì dan is menge zahun te kayu he higus su wey zan duen igketambun te lawa zan.
8Ne hein mahapun en dutun he ebpengpengeramag, nezineg dan is Nengazen he Megbevayà he edhiphipanew zutun te pemuleey. Ne haazà is maama wey esawa zin, mid-elesan dan is Megbevayà dutun te menge kayu he ziyà te pemuleey. 9Ne mid-umew te Nengazen he Megbevayà sikan is maama he ke sikandin te, “Hendei ka?” 10Ne midtavak is maama te, “Nezineg ku sikew is edhiphipanew zini te pemuleey, ne nahandek a, su lelevas a, umbe mid-eles a.” 11Ne migkaǥi is Nengazen he Megbevayà te, “Hentei is migkaǥi kenikew he lelevas ka? Migkaan ke ve zuen te veǥas te kayu he indawey ku keniyu?” 12Ne midtavak is maama te, “Haazà is bahi he impezuma nu kediey, mibeǥayan e zin ne migkaan a.”
13Ne mid-insaan te Nengazen he Megbevayà kes vahi, ke sikandin te, “Hengkey heini is mid-ulaula nu?” Ne midtavak dutun is bahi te, “Mid-ekalan a te uled, umbe migkaan a.”
14Ne zutun migkeǥiyan te Nengazen he Megbevayà kes uled, ke sikandin te, “Te langun he menge langgam he ayam wey ke leew ve, iyan ka edrewakan ku tenged te mid-ulaula nu heini. Ebpekelangkeb ke zà ne ebpekezula ka taman te kenè ke pa ebpatey. 15Edhimuwen ku he kuntada nu haazà is bahi, ne ebpekigkuntada zaan is kevuwazan din te kevuwazan nu. Edrupeten din is ulu nu ne edkeǥaten nu is palu zin.” 16Ne zutun migkeǥiyan din daan is bahi, ke sikandin te, “Tenged te mid-ulaula nu, edhimuwen ku he utew mesakit is kebelilita kenikew ke ed-anak ka. Merasey is ked-enaka nu te menge vatà, ne minsan pa zutun egkeeriǥan ke zed te esawa nu ne iyan sikandin ebayàbayà kenikew.”
17Ne zutun migkeǥiyan te Megbevayà is maama te, “Tenged te mibpemineg ka te esawa nu ne migkaan ka zuen te veǥas te kayu he indawey ku he ke siak te, ‘Kenè niw heeyan keena,’ ne edrewakan ku is tanà tenged keniyu. Ne taman te kenè ke pa ebpatey wey ke zà ebpekekaan te veǥas te edtuvù dutun te tanà ke egkerasey ka he edhaǥù. 18Su menge meǥarang wey menge zuǥiyen is edtuvù dutun te kebasuk nu. Ne ebpekekaan ka te veǥas te menge pinemula nu. 19Ne taman te kenè ke pa idleveng dini te tanà, wey ke zà ebpekekaan ke edrimusengan ka. Is eliyavuk te tanà iyan puunà te lawa nu ne ziyà daan heini keuzemà te eliyavuk ebpekeulì.”
20Sikan is maama, migngezanan din is esawa zin he “Eva” su egkehimu sikandin he iney te tivuuk he menusiyà. 21Ne zutun mibaal is Nengazen he Megbevayà te visti he lundis te menge langgam ne insun-ud din haazà dutun te ki Adan wey te esawa zin.
22Ne migkaǥi zutun is Nengazen he Megbevayà te, “Nehimu en is menusiyà he iring kenitew su egketuusan din en is meupiya wey mezaat. Umbe utew kinahanglan kenè sikandin edtuǥutan he mekekaan dutun te veǥas te kayu he ebpekeveǥey te untung, su emun ebpekekaan sikandin ne kenè en ebpatey te wazà pidtemanan.” 23Ne tenged dutun midsegseg te Nengazen he Megbevayà sikan is menusiyà puun dutun te pemuleey he Eden, ne impevasuk din sikandin duen te tanà he zutun sikandin ebpuun.
24Ne hein midsegseg din en haazà is etew, impevantey zin dutun te zapit te pemuleey he Eden sikan is menge velinsuǥuen din he kirubin wey zuen daan egkeregreg he ispada he ebiyuviyu su wey wazà minsan hentei he ebpekehendiyà te kayu he ebpekeveǥey te untung.
Trenutno odabrano:
Genesis 3: mbbOT
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2013, Wycliffe Bible Translators, Inc. All rights reserved.
Genesis 3
3
1Sikan is uled, ne utew metau he ed-akal te langun he menge langgam he linimbag te Nengazen he Megbevayà. Migkeǥiyan din kes bahi te, “Kenà buwa iyan migkaǥi te Megbevayà is kenè din idtuǥut keniyu is kegkaan te veǥas te minsan hengkey he kayu zini te pemuleey?” 2Ne midtavak haazà is bahi te, “Intuǥut din kenami is kegkaan te langun he menge veǥas te zuma he kayu kayi te pemuleey, 3iyan, haazà is beǥas te kayu he ziyà te teliwazà te pemuleey. Indawey kenami te Megbevayà su ke sikandin te, ‘Kenè niw heeyan keena etawa minsan is kedsenggira zà duen. Su emun egkeenen niw heini ne ebpatey kew.’ ” 4Ne migkaǥi kes uled diyà te vahi te, “Kenè kew ebpatey, 5su netuenan en te Megbevayà he zutun dà te kegkeena niw zuen, egkehimu kew he utew metau ne ebpekeiring kew te Megbevayà su egketuenan niw is meupiya wey mezaat.”
6Ne hein nesavut te vahi he metaam bes he egkeenen haazà is beǥas te kayu, wey meupiya zaan he ed-ahaan wey nesavut din daan he utew haazà egkinehenglana su wey zan mehimu he utew metau, ne midrupù sikandin dutun ne migkaan din. Ne mibeǥayan din daan is esawa zin he zuma zin daan dutun ne migkaan daan sikandin. 7Ne zutun te nekepasad dan he egkaan, netuenan dan ke hengkey is meupiya wey mezaat, ne neseǥipè dan human he lelevas dan bes. Umbe mibpenahì dan is menge zahun te kayu he higus su wey zan duen igketambun te lawa zan.
8Ne hein mahapun en dutun he ebpengpengeramag, nezineg dan is Nengazen he Megbevayà he edhiphipanew zutun te pemuleey. Ne haazà is maama wey esawa zin, mid-elesan dan is Megbevayà dutun te menge kayu he ziyà te pemuleey. 9Ne mid-umew te Nengazen he Megbevayà sikan is maama he ke sikandin te, “Hendei ka?” 10Ne midtavak is maama te, “Nezineg ku sikew is edhiphipanew zini te pemuleey, ne nahandek a, su lelevas a, umbe mid-eles a.” 11Ne migkaǥi is Nengazen he Megbevayà te, “Hentei is migkaǥi kenikew he lelevas ka? Migkaan ke ve zuen te veǥas te kayu he indawey ku keniyu?” 12Ne midtavak is maama te, “Haazà is bahi he impezuma nu kediey, mibeǥayan e zin ne migkaan a.”
13Ne mid-insaan te Nengazen he Megbevayà kes vahi, ke sikandin te, “Hengkey heini is mid-ulaula nu?” Ne midtavak dutun is bahi te, “Mid-ekalan a te uled, umbe migkaan a.”
14Ne zutun migkeǥiyan te Nengazen he Megbevayà kes uled, ke sikandin te, “Te langun he menge langgam he ayam wey ke leew ve, iyan ka edrewakan ku tenged te mid-ulaula nu heini. Ebpekelangkeb ke zà ne ebpekezula ka taman te kenè ke pa ebpatey. 15Edhimuwen ku he kuntada nu haazà is bahi, ne ebpekigkuntada zaan is kevuwazan din te kevuwazan nu. Edrupeten din is ulu nu ne edkeǥaten nu is palu zin.” 16Ne zutun migkeǥiyan din daan is bahi, ke sikandin te, “Tenged te mid-ulaula nu, edhimuwen ku he utew mesakit is kebelilita kenikew ke ed-anak ka. Merasey is ked-enaka nu te menge vatà, ne minsan pa zutun egkeeriǥan ke zed te esawa nu ne iyan sikandin ebayàbayà kenikew.”
17Ne zutun migkeǥiyan te Megbevayà is maama te, “Tenged te mibpemineg ka te esawa nu ne migkaan ka zuen te veǥas te kayu he indawey ku he ke siak te, ‘Kenè niw heeyan keena,’ ne edrewakan ku is tanà tenged keniyu. Ne taman te kenè ke pa ebpatey wey ke zà ebpekekaan te veǥas te edtuvù dutun te tanà ke egkerasey ka he edhaǥù. 18Su menge meǥarang wey menge zuǥiyen is edtuvù dutun te kebasuk nu. Ne ebpekekaan ka te veǥas te menge pinemula nu. 19Ne taman te kenè ke pa idleveng dini te tanà, wey ke zà ebpekekaan ke edrimusengan ka. Is eliyavuk te tanà iyan puunà te lawa nu ne ziyà daan heini keuzemà te eliyavuk ebpekeulì.”
20Sikan is maama, migngezanan din is esawa zin he “Eva” su egkehimu sikandin he iney te tivuuk he menusiyà. 21Ne zutun mibaal is Nengazen he Megbevayà te visti he lundis te menge langgam ne insun-ud din haazà dutun te ki Adan wey te esawa zin.
22Ne migkaǥi zutun is Nengazen he Megbevayà te, “Nehimu en is menusiyà he iring kenitew su egketuusan din en is meupiya wey mezaat. Umbe utew kinahanglan kenè sikandin edtuǥutan he mekekaan dutun te veǥas te kayu he ebpekeveǥey te untung, su emun ebpekekaan sikandin ne kenè en ebpatey te wazà pidtemanan.” 23Ne tenged dutun midsegseg te Nengazen he Megbevayà sikan is menusiyà puun dutun te pemuleey he Eden, ne impevasuk din sikandin duen te tanà he zutun sikandin ebpuun.
24Ne hein midsegseg din en haazà is etew, impevantey zin dutun te zapit te pemuleey he Eden sikan is menge velinsuǥuen din he kirubin wey zuen daan egkeregreg he ispada he ebiyuviyu su wey wazà minsan hentei he ebpekehendiyà te kayu he ebpekeveǥey te untung.
Trenutno odabrano:
:
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2013, Wycliffe Bible Translators, Inc. All rights reserved.