Mofu-Gudur - 2007 Edition (Drama NT)

<div class="version vid1785 iso6393mif" data-vid="1785" data-iso6393="mif">
    <div class="book bkMAT">
        <div class="chapter ch2" data-usfm="MAT.2">
            <div class="label">2</div><div class="s1"><span class="heading">Mey da ray nd&#601;hay ma s&#601;ra mey da ray wurzla hay</span></div><div class="p"><span class="content">  </span><span class="verse v1" data-usfm="MAT.2.1"><span class="label">1</span><span class="content">Yesu a yawa da Bet&#601;lehem daa hwayak &#331;ga *Jude, daa masa *Herawt a&#331;ga bay &#331;ga hwayak a. Fa d&#601;&#595;a &#331;ga mayawa a&#331;ga, nd&#601;hay ma s&#601;ra mey da ray wurzla hay a samawa ta da wurza aa berney &#331;ga *Jeruzelem. </span><span class="content">  </span></span><span class="verse v2" data-usfm="MAT.2.2"><span class="label">2</span><span class="content">Aa c&#601;f&#599;amara, a l&#601;vam: &#171;B&#601;zey masa ata ma yam&#601;rwa ma da key bay &#331;ga *J&#601;wif hay heyey na, a&#331;ga dama? Ya ta h&#601;tm&#601;rwa wurzla a&#331;ga la ma bawa ta da wurza. Anda ke&#599;e, ya samawa na, amba ya ragadamar.&#187; </span><span class="note x"><span class="label">#</span><span class=" body">Lk 2.4-7; Mt 27.11</span></span></span></div><div class="p"><span class="verse v2" data-usfm="MAT.2.2"><span class="content">  </span></span><span class="verse v3" data-usfm="MAT.2.3"><span class="label">3</span><span class="content">Bay Herawt ma c&#601;nda mey a ke&#599;e na, rav a&#331;ga a j&#601;vey ga, asaya, nd&#601;hay daa berney &#331;ga Jeruzelem tabiya rav a j&#601;vtar may. </span></span><span class="verse v4" data-usfm="MAT.2.4"><span class="label">4</span><span class="content">Ta&#8217;, a z&#601;lt&#601;rwa *bay-ray hay &#331;ga nd&#601;hay ma ka kwakwas &#331;ga Gazlavay, ta nd&#601;hay maa s&#601;rkada *kwakwas &#331;ga Mawiz, aa c&#601;f&#599;ata, a l&#601;vtar: &#171;*K&#601;riste, ndaw masa Gazlavay ma wala &#331;ga key bay na, a da yawa dama?&#187; </span></span><span class="verse v5" data-usfm="MAT.2.5"><span class="label">5</span><span class="content">A mb&#601;&#599;damara, a l&#601;vmar: &#171;A da yawa da Bet&#601;lehem daa hwayak &#331;ga Jude. Ya s&#601;rmara maja *ndaw ma t&#601;la mey &#331;ga Gazlavay ta wuzleley la da ray a zleezle, a l&#601;vey:</span></span></div><div class="q1"><span class="verse v5" data-usfm="MAT.2.5"><span class="content">  </span></span><span class="verse v6" data-usfm="MAT.2.6"><span class="label">6</span><span class="content">&#8220;Akwar, nd&#601;hay da Bet&#601;lehem daa hwayak &#331;ga Jude na,</span></span></div><div class="q1"><span class="verse v6" data-usfm="MAT.2.6"><span class="content">slala akwar aa mahura da wuzlah slala hay</span></span></div><div class="q2"><span class="verse v6" data-usfm="MAT.2.6"><span class="content">mahura hay da Jude,</span></span></div><div class="q1"><span class="verse v6" data-usfm="MAT.2.6"><span class="content">maja ara da slala ha &#331;gene yah ma da bawa bay</span></span></div><div class="q2"><span class="verse v6" data-usfm="MAT.2.6"><span class="content">ma da n&#601;key dey fa nd&#601;hay a&#599;aw hay Israyel hay.&#8221;&#187; </span><span class="note x"><span class="label">#</span><span class=" body">Mi 5.2; Ja&#331; 7.42</span></span></span></div><div class="p"><span class="verse v6" data-usfm="MAT.2.6"><span class="content">  </span></span><span class="verse v7" data-usfm="MAT.2.7"><span class="label">7</span><span class="content">Fa d&#601;&#595;a ha, Bay Herawt a z&#601;lt&#601;rwa nd&#601;hay ma s&#601;ra mey da ray wurzla hay heyey ta mayal a, amba aa c&#601;f&#599;ata wurzla ha a bawa na, ta pas wura. </span></span><span class="verse v8" data-usfm="MAT.2.8"><span class="label">8</span><span class="content">Ta&#8217;, a sl&#601;rdata a Bet&#601;lehem, a l&#601;vtar: &#171;Diyam a Bet&#601;lehem, s&#601;pmara b&#601;zey a ta d&#601;k-vaw. Da masa akwar ma h&#601;tm&#601;rwa la na, ka samawa, ka wuzdamiwa, amba ya daw, ya ragadar may.&#187;</span></span></div><div class="p"><span class="verse v8" data-usfm="MAT.2.8"><span class="content">  </span></span><span class="verse v9" data-usfm="MAT.2.9"><span class="label">9</span><span class="content">Nd&#601;hay a ma c&#601;ndamara mey &#331;ga bay a cay na, ta&#8217;, a diyam. Masa ata daa c&#601;ve&#599; na, a h&#601;tmar wurzla masa ma bawa ta da wurza heyey fa daw fa mey ata. Wurzla ha fa daw fa mey fa mey, a wusey kasl aa slam masa b&#601;zey mec&#601;he a&#331;ga da hwa&#599; a heyey na, de&#331;! a lecey a ray way a. </span></span><span class="verse v10" data-usfm="MAT.2.10"><span class="label">10</span><span class="content">Masa ata ma h&#601;tmar wurzla malacakaya heyey na, aa s&#601;mam ga, ara mey ba. </span></span><span class="verse v11" data-usfm="MAT.2.11"><span class="label">11</span><span class="content">A wusam aa slam aha, ta&#8217;, a mb&#601;zam aa way a, a h&#601;tfamar b&#601;zey a ta mamaha *Mari. A h&#601;lmamara, a ragadamar. Cay, ta&#8217;, a p&#601;skamata gabal ata hay, a v&#601;lmar cek hay ma h&#601;&#599;kam ba. A v&#601;lmar &#595;&#601;rey mewe&#599;ey p&#601;l&#331;ge&#599; p&#601;l&#331;ge&#599; ta mat&#601;way &#331;ga wudez mezey maaya, le&#331; slalak mezey maaya mez&#601;ley &#171;*mir&#187;. </span><span class="content">  </span></span><span class="verse v12" data-usfm="MAT.2.12"><span class="label">12</span><span class="content">Fa d&#601;&#595;a ha, mes&#601;fney a katar. Daa mes&#601;fney a na, Gazlavay a k&#601;tata &#331;ga diyam ta fa Bay Herawt saba. Maja &#331;gene, ta&#8217;, a lam c&#601;ve&#599; mekele &#331;ga v&#601;hey aa hwayak ata.</span></span></div><div class="s1"><span class="heading">Ata Jawzef ta Mari a hwam aa hwayak &#331;ga Ejip</span></div><div class="p"><span class="verse v12" data-usfm="MAT.2.12"><span class="content">  </span></span><span class="verse v13" data-usfm="MAT.2.13"><span class="label">13</span><span class="content">Daa masa nd&#601;hay ma s&#601;ra mey da ray wurzla hay heyey ma diyam sem na, ta&#8217;, *masla&#331; &#331;ga Bay Gazlavay a wuzar vaw a *Jawzef daa mes&#601;fney, a l&#601;var: &#171;Sl&#601;k&#599;ey, la b&#601;zey, hwam ta mamaha aa hwayak &#331;ga *Ejip. Njamawa fete&#599;e, haa kasl pas masa yah ma da l&#601;vkwar &#331;ga v&#601;hwa, maja Bay *Herawt a da s&#601;pa b&#601;zey a amba a k&#601;&#599;a vagay.&#187;</span></span></div><div class="p"><span class="verse v13" data-usfm="MAT.2.13"><span class="content">  </span></span><span class="verse v14" data-usfm="MAT.2.14"><span class="label">14</span><span class="content">Masa Jawzef ma c&#601;nda mey a ke&#599;e la na, p&#601;rta! a sl&#601;k&#599;ey, le&#331;! a la b&#601;zey a, a s&#601;hwam ta mama&#331; &#331;ga b&#601;zey a dasi tava&#599; a &#331;gene a Ejip. </span></span><span class="verse v15" data-usfm="MAT.2.15"><span class="label">15</span><span class="content">A njamawa fete&#599;e haa kasl mem&#601;cey &#331;ga Bay Herawt. Cek aha ta key la anda Gazlavay maa guzley ta mey *ndaw ma t&#601;la mey a&#331;ga zleezle, ma l&#601;vey: &#171;Ya ta z&#601;l&#601;rwa b&#601;zey a&#599;aw daa hwayak &#331;ga Ejip la.&#187; </span><span class="note x"><span class="label">#</span><span class=" body">Aw 11.1</span></span></span></div><div class="s1"><span class="heading">A k&#601;&#599;mata b&#601;za hay mez&#601;le da slala Bet&#601;lehem</span></div><div class="p"><span class="verse v15" data-usfm="MAT.2.15"><span class="content">  </span></span><span class="verse v16" data-usfm="MAT.2.16"><span class="label">16</span><span class="content">Bay *Herawt ma s&#601;ra nd&#601;hay ma s&#601;ra mey da ray wurzla hay heyey ta f&#601;cmara sem na, mevel a car ga! Ta&#8217;, a sl&#601;rey nd&#601;hay a&#331;ga hay &#331;ga k&#601;&#599;mata b&#601;za hay mez&#601;le da Bet&#601;lehem ta b&#601;za hay masa gweegwe ta slala ha tabiya vagay. A wu&#599;ey &#331;ga k&#601;&#599;ey vagay na, b&#601;za hay masa ma yamawa t&#601;lam haa kasl fa b&#601;za hay mevey cew. A k&#601;&#599;ta b&#601;za hay mec&#601;he hay a anda &#331;gene na, maja a&#331;ga ma s&#601;ra mevey &#331;ga wurzla ma bawa masa a&#331;ga ma c&#601;nda da mey nd&#601;hay ma s&#601;ra mey da ray wurzla hay heyey. </span></span><span class="verse v17" data-usfm="MAT.2.17"><span class="label">17</span><span class="content">Mek&#601;&#599;ey b&#601;za hay a vagay &#331;gene na, ta key la anda Jeremey, ndaw ma t&#601;la mey &#331;ga Gazlavay, maa guzley zleezle, a l&#601;vey:</span></span></div><div class="q1"><span class="verse v17" data-usfm="MAT.2.17"><span class="content">  </span></span><span class="verse v18" data-usfm="MAT.2.18"><span class="label">18</span><span class="content">&#171;A c&#601;ndamara fa wudam ta g&#601;da&#331; da slala Rama,</span></span></div><div class="q2"><span class="verse v18" data-usfm="MAT.2.18"><span class="content">mat&#601;way ta mewudey sl&#601;w a! a nd&#601;vey ba.</span></span></div><div class="q1"><span class="verse v18" data-usfm="MAT.2.18"><span class="content">Ara Rasel ma t&#601;way b&#601;z a&#331;ga hay.</span></span></div><div class="q1"><span class="verse v18" data-usfm="MAT.2.18"><span class="content">Mevel a&#331;ga a d&#601;key ba,</span></span></div><div class="q2"><span class="verse v18" data-usfm="MAT.2.18"><span class="content">maja b&#601;z a&#331;ga hay a ta m&#601;cam sem.&#187; </span><span class="note x"><span class="label">#</span><span class=" body">Jer 31.15-16</span></span></span></div><div class="s1"><span class="heading">Mav&#601;hwa &#331;ga ata Jawzef ta Mari da Ejip</span></div><div class="p"><span class="verse v18" data-usfm="MAT.2.18"><span class="content">  </span></span><span class="verse v19" data-usfm="MAT.2.19"><span class="label">19</span><span class="content">Fa d&#601;&#595;a &#331;ga mem&#601;cey &#331;ga Bay *Herawt heyey na, ta&#8217;, *masla&#331; &#331;ga Bay Gazlavay a wuzar vaw a *Jawzef daa mes&#601;fney daa hwayak &#331;ga *Ejip heyey, </span></span><span class="verse v20" data-usfm="MAT.2.20"><span class="label">20</span><span class="content">a l&#601;var: &#171;Sl&#601;k&#599;ey, la b&#601;zey, v&#601;ham ta mamaha aa hwayak &#331;ga *Israyel, maja nd&#601;hay </span><span class="note f"><span class="label">#</span><span class=" body"><span class="fr">2.20 </span><span class="ft">nd&#601;hay: Bay Herawt ta mad&#601;rlam a&#331;ga hay</span></span></span><span class="content"> ma s&#601;pmara b&#601;zey a &#331;ga k&#601;&#599;ey vagay heyey na, ta m&#601;cam sem d&#601;&#595;a.&#187;</span></span></div><div class="p"><span class="verse v20" data-usfm="MAT.2.20"><span class="content">  </span></span><span class="verse v21" data-usfm="MAT.2.21"><span class="label">21</span><span class="content">Cay, Jawzef p&#601;rta! a sl&#601;k&#599;ey, le&#331;! a la b&#601;zey, ta&#8217;, a v&#601;ham ta mama&#331; &#331;ga b&#601;zey a, aa hwayak &#331;ga Israyel. </span></span><span class="verse v22" data-usfm="MAT.2.22"><span class="label">22</span><span class="content">A da c&#601;nda na, Arkelawas fa z&#601;ma bay &#331;ga papaha Herawt daa hwayak &#331;ga *Jude. Da ray &#331;gene, mand&#601;rzay a kar, a zlurey &#331;ga njey daa hwayak a. Ta&#8217;, mes&#601;fney a kar a Jawzef saya. Daa mes&#601;fney a na, Gazlavay a k&#601;ta &#331;ga daw aa hwayak &#331;ga *Galile. </span></span><span class="verse v23" data-usfm="MAT.2.23"><span class="label">23</span><span class="content">Anda ke&#599;e, a daw a njey aa hwayak a, da slala *Nezeret. Menjey a&#331;ga da slala ha &#331;gene na, ta key la, anda nd&#601;hay ma t&#601;la mey &#331;ga Gazlavay, ma kadamara zleezle, ma l&#601;vam: &#171;A da z&#601;lmara b&#601;zey a na, ndaw Nezeret.&#187; </span><span class="note x"><span class="label">#</span><span class=" body">Lk 1.26; 2.39, 51; Ja&#331; 1.46</span></span></span></div>
        </div>
    </div>
</div>

Yesu a yawa da Betəlehem daa hwayak ŋga *Jude, daa masa *Herawt aŋga bay ŋga hwayak a. Fa dəɓa ŋga mayawa aŋga, ndəhay ma səra mey da ray wurzla hay a samawa ta da wurza aa berney ŋga *Jeruzelem. Aa cəfɗamara, a ləvam: «Bəzey masa ata ma yamərwa ma da key bay ŋga *Jəwif hay heyey na, aŋga dama? Ya ta hətmərwa wurzla aŋga la ma bawa ta da wurza. Anda keɗe, ya samawa na, amba ya ragadamar.»
Bay Herawt ma cənda mey a keɗe na, rav aŋga a jəvey ga, asaya, ndəhay daa berney ŋga Jeruzelem tabiya rav a jəvtar may. Ta’, a zəltərwa *bay-ray hay ŋga ndəhay ma ka kwakwas ŋga Gazlavay, ta ndəhay maa sərkada *kwakwas ŋga Mawiz, aa cəfɗata, a ləvtar: «*Kəriste, ndaw masa Gazlavay ma wala ŋga key bay na, a da yawa dama?» A mbəɗdamara, a ləvmar: «A da yawa da Betəlehem daa hwayak ŋga Jude. Ya sərmara maja *ndaw ma təla mey ŋga Gazlavay ta wuzleley la da ray a zleezle, a ləvey:
“Akwar, ndəhay da Betəlehem daa hwayak ŋga Jude na,
slala akwar aa mahura da wuzlah slala hay
mahura hay da Jude,
maja ara da slala ha ŋgene yah ma da bawa bay
ma da nəkey dey fa ndəhay aɗaw hay Israyel hay.”»
Fa dəɓa ha, Bay Herawt a zəltərwa ndəhay ma səra mey da ray wurzla hay heyey ta mayal a, amba aa cəfɗata wurzla ha a bawa na, ta pas wura. Ta’, a slərdata a Betəlehem, a ləvtar: «Diyam a Betəlehem, səpmara bəzey a ta dək-vaw. Da masa akwar ma hətmərwa la na, ka samawa, ka wuzdamiwa, amba ya daw, ya ragadar may.»
Ndəhay a ma cəndamara mey ŋga bay a cay na, ta’, a diyam. Masa ata daa cəveɗ na, a hətmar wurzla masa ma bawa ta da wurza heyey fa daw fa mey ata. Wurzla ha fa daw fa mey fa mey, a wusey kasl aa slam masa bəzey mecəhe aŋga da hwaɗ a heyey na, deŋ! a lecey a ray way a. Masa ata ma hətmar wurzla malacakaya heyey na, aa səmam ga, ara mey ba. A wusam aa slam aha, ta’, a mbəzam aa way a, a hətfamar bəzey a ta mamaha *Mari. A həlmamara, a ragadamar. Cay, ta’, a pəskamata gabal ata hay, a vəlmar cek hay ma həɗkam ba. A vəlmar ɓərey meweɗey pəlŋgeɗ pəlŋgeɗ ta matəway ŋga wudez mezey maaya, leŋ slalak mezey maaya mezəley «*mir». Fa dəɓa ha, mesəfney a katar. Daa mesəfney a na, Gazlavay a kətata ŋga diyam ta fa Bay Herawt saba. Maja ŋgene, ta’, a lam cəveɗ mekele ŋga vəhey aa hwayak ata.

Daa masa ndəhay ma səra mey da ray wurzla hay heyey ma diyam sem na, ta’, *maslaŋ ŋga Bay Gazlavay a wuzar vaw a *Jawzef daa mesəfney, a ləvar: «Sləkɗey, la bəzey, hwam ta mamaha aa hwayak ŋga *Ejip. Njamawa feteɗe, haa kasl pas masa yah ma da ləvkwar ŋga vəhwa, maja Bay *Herawt a da səpa bəzey a amba a kəɗa vagay.»
Masa Jawzef ma cənda mey a keɗe la na, pərta! a sləkɗey, leŋ! a la bəzey a, a səhwam ta mamaŋ ŋga bəzey a dasi tavaɗ a ŋgene a Ejip. A njamawa feteɗe haa kasl meməcey ŋga Bay Herawt. Cek aha ta key la anda Gazlavay maa guzley ta mey *ndaw ma təla mey aŋga zleezle, ma ləvey: «Ya ta zələrwa bəzey aɗaw daa hwayak ŋga Ejip la.»

Bay *Herawt ma səra ndəhay ma səra mey da ray wurzla hay heyey ta fəcmara sem na, mevel a car ga! Ta’, a slərey ndəhay aŋga hay ŋga kəɗmata bəza hay mezəle da Betəlehem ta bəza hay masa gweegwe ta slala ha tabiya vagay. A wuɗey ŋga kəɗey vagay na, bəza hay masa ma yamawa təlam haa kasl fa bəza hay mevey cew. A kəɗta bəza hay mecəhe hay a anda ŋgene na, maja aŋga ma səra mevey ŋga wurzla ma bawa masa aŋga ma cənda da mey ndəhay ma səra mey da ray wurzla hay heyey. Mekəɗey bəza hay a vagay ŋgene na, ta key la anda Jeremey, ndaw ma təla mey ŋga Gazlavay, maa guzley zleezle, a ləvey:
«A cəndamara fa wudam ta gədaŋ da slala Rama,
matəway ta mewudey sləw a! a ndəvey ba.
Ara Rasel ma təway bəz aŋga hay.
Mevel aŋga a dəkey ba,
maja bəz aŋga hay a ta məcam sem.»

Fa dəɓa ŋga meməcey ŋga Bay *Herawt heyey na, ta’, *maslaŋ ŋga Bay Gazlavay a wuzar vaw a *Jawzef daa mesəfney daa hwayak ŋga *Ejip heyey, a ləvar: «Sləkɗey, la bəzey, vəham ta mamaha aa hwayak ŋga *Israyel, maja ndəhay ma səpmara bəzey a ŋga kəɗey vagay heyey na, ta məcam sem dəɓa.»
Cay, Jawzef pərta! a sləkɗey, leŋ! a la bəzey, ta’, a vəham ta mamaŋ ŋga bəzey a, aa hwayak ŋga Israyel. A da cənda na, Arkelawas fa zəma bay ŋga papaha Herawt daa hwayak ŋga *Jude. Da ray ŋgene, mandərzay a kar, a zlurey ŋga njey daa hwayak a. Ta’, mesəfney a kar a Jawzef saya. Daa mesəfney a na, Gazlavay a kəta ŋga daw aa hwayak ŋga *Galile. Anda keɗe, a daw a njey aa hwayak a, da slala *Nezeret. Menjey aŋga da slala ha ŋgene na, ta key la, anda ndəhay ma təla mey ŋga Gazlavay, ma kadamara zleezle, ma ləvam: «A da zəlmara bəzey a na, ndaw Nezeret.»

Koute Matiye 2