Haitian Creole

<div class="version vid1957 iso6393hat" data-vid="1957" data-iso6393="hat">
 <div class="book bk2KI">
 <div class="chapter ch21" data-usfm="2KI.21">
 <div class="label">21</div><div class="s1">Manase, wa peyi Jida</div><div class="r">(2 Kwonik 33.1-20)</div><div class="p"> 1Manase te gen douzan l&#232; li moute #2 Kwo 33.1-9 wa #Mat 1.10 peyi Jida. Li gouv&#232;nen nan lavil Jerizal&#232;m pandan senkannsenkan. Manman l te rele Efziba. 2Li #2 Wa 16.3 f&#232; sa ki mal devan Seny&#232; a, dapre vye prensip krimin&#232;l l&#242;t nasyon Seny&#232; a te mete dey&#242; pou f&#232; plas pou moun p&#232;p Izray&#232;l yo. 3Li #Det 4.19; 16.21; 1 Wa 16.32,33; 2 Wa 18.4; 23.5 rebati tanp bondye l&#242;t nasyon Ezekyas, papa l, te f&#232; kraze. Li bati lot&#232;l pou Baal, li f&#232; f&#232; yon estati Achera, tankou sa Akab, wa peyi Izray&#232;l la, te f&#232; f&#232; a. L&#232;fini, li adore d&#232;nye zetwal ki nan sy&#232;l la, li f&#232; s&#232;vis pou yo. 4Li #Det 12.11; 1 Wa 8.29; 2 Wa 23.27; Jer 7.30 menm rive bati lot&#232;l pou zid&#242;l anndan Tanp Seny&#232; a, kote Seny&#232; a te di se la l'ap rete lavil Jerizal&#232;m. 5Li #1 Wa 6.36; 7.12; 2 Wa 23.12 f&#232; bati lot&#232;l nan de lakou Tanp lan pou tout zetwal ki nan sy&#232;l la.</div><div class="p"> 6Li #Lev 18.21; 19.26,31; 2 Wa 16.3; 17.17; 23.24 bay pitit gason l pou yo boule sou lot&#232;l pou zid&#242;l yo. Li lage k&#242; l nan li nyaj nan sy&#232;l la ak nan f&#232; maji pou konnen sa ki gen pou rive, li ankouraje divin&#242; yo ak moun ki konn rele m&#242; pou pale ak yo. Li donnen nan f&#232; sa ki mal nan je Seny&#232; a pou l te f&#232; l move jouk li pa kapab ank&#242;. 7Li te f&#232; yon estati Achera, zid&#242;l fanm lan, li mete l nan Tanp lan, atout Seny&#232; a te pale ak David ansanm ak Salomon sou Tanp lan. Li te di yo: Se isit lavil Jerizal&#232;m, nan Tanp kote mwen te chwazi nan tout peyi douz branch fanmi p&#232;p Izray&#232;l la, pou yo f&#232; s&#232;vis pou mwen. 8Si #2 Sam 7.10 moun p&#232;p Izray&#232;l yo viv jan mwen mande yo viv la, si yo f&#232; tou sa ki nan lalwa Moyiz, s&#232;vit&#232; m lan, te ba yo a, mwen p'ap mete yo dey&#242; nan peyi mwen te bay zans&#232;t yo a.</div><div class="p"> 9Men moun peyi Jida yo pa koute Seny&#232; a, Manase pran t&#232;t yo, yo f&#232; pi mal pase nasyon Seny&#232; a te mete dey&#242; nan peyi a pou f&#232; plas pou yo. 10L&#232; sa a, Seny&#232; a voye s&#232;vit&#232; l yo, pwof&#232;t yo, pou di yo:</div><div class="p"> 11&#8212; Wa #1 Wa 21.26; 2 Wa 23.26; 24.3,4; Jer 15.4 Manase te f&#232; tout bagay degoutan sa yo. Li te f&#232; pi mal pase moun Amori yo ki te la nan peyi a anvan yo. Av&#232;k tout vye zid&#242;l li yo, li f&#232; p&#232;p Jida a tonbe nan f&#232; sa ki mal. 12Se #Jer 19.3 pout&#232;t sa, men sa mwen menm, Seny&#232; a, Bondye p&#232;p Izray&#232;l la, mwen di: Mwen pral voye yon s&#232;l mal&#232; sou lavil Jerizal&#232;m ak sou peyi Jida a. L&#232; moun va pran nouv&#232;l la, y'ap rete gaga. 13M'ap #Eza 24.1; 34.11; Lam 2.8; Am 7.7,8 pini lavil Jerizal&#232;m menm jan mwen te pini lavil Samari ak fanmi wa Akaz la. Mwen pral netwaye lavil Jerizal&#232;m tankou yo netwaye yon asy&#232;t l&#232;fini yo vire l bouch anba. 14M'ap #Jer 12.7 vire do bay r&#232;s moun ki va chape yo, m'ap lage yo nan men l&#232;nmi yo ki pral piye yo, ki pral pran peyi a nan men yo. 15M'ap f&#232; p&#232;p mwen an sa paske yo f&#232; sa ki mal devan m, yo f&#232; m fache anpil depi jou zans&#232;t yo te s&#242;ti kite peyi Lejip jouk jounen j&#242;di a. 16Manase #2 Wa 24.4 pa s&#232;lman lak&#242;z p&#232;p Jida a f&#232; sa li pat dwe f&#232; av&#232;k tou sa li menm li t'ap f&#232; ki mal nan je Seny&#232; a, li f&#232; pi r&#232;d toujou. Li sit&#232;lman touye moun inonsan, tout lari lavil Jerizal&#232;m te plen san.</div><div class="p"> 17Tout #2 Kwo 33.11-19 r&#232;s istwa Manase a, tou sa li te f&#232; ak tout move zak li te f&#232; yo, n'a jwenn tou sa ekri nan liv Istwa wa peyi Jida yo. 18L&#232; #2 Kwo 33.20-25 Manase #2 Wa 21.26; Mat 1.10 mouri, yo antere l nan jaden pal&#232; a, jaden Ouza a. Se Amon, pitit gason l lan, ki moute wa nan plas li.</div><div class="s1">Amon, wa peyi Jida</div><div class="r">(2 Kwonik 33.21-25)</div><div class="p"> 19Amon te gen venndezan l&#232; li moute wa peyi Jida. Li gouv&#232;nen lavil Jerizal&#232;m pandan dezan. Manman l te rele Mechoulem&#232;t. Se te pitit fi Awouz, yon moun lavil Jotba. 20Tankou Manase, papa l, li f&#232; sa ki mal devan Seny&#232; a. 21Li mache pye pou pye d&#232;y&#232; Manase nan tout bagay. Li s&#232;vi zid&#242;l papa l te s&#232;vi yo, li adore yo. 22Li #2 Wa 22.17 vire do bay Seny&#232; a, Bondye zans&#232;t li yo, li pa mache jan Seny&#232; a vle l la.</div><div class="p"> 23Ch&#232;f ki t'ap s&#232;vi av&#232;k Amon yo f&#232; konplo, yo touye l anndan pal&#232; a. 24Moun #2 Wa 14.21; 23.30 p&#232;p Jida yo touye mesye ki te f&#232; konplo pou touye Amon yo, yo mete Jozyas, pitit gason l lan, wa nan plas li.</div><div class="p"> 25Tout r&#232;s istwa Amon an, tou sa li te f&#232;, n'a jwenn tou sa ekri nan liv Istwa wa peyi Jida yo. 26L&#232; #Mat 1.10 Amon mouri, yo antere l nan kavo fanmi an, nan jaden Ouza a. L&#232;fini, se Jozyas, pitit gason l lan, ki moute wa nan plas li.</div>
 </div>
 </div>
</div>

Haitian Creole DC Bible © Societé Biblique Haïtienne, 1998.

Manase te gen douzan lè li moute wa peyi Jida. Li gouvènen nan lavil Jerizalèm pandan senkannsenkan. Manman l te rele Efziba. Li fè sa ki mal devan Senyè a, dapre vye prensip kriminèl lòt nasyon Senyè a te mete deyò pou fè plas pou moun pèp Izrayèl yo. Li rebati tanp bondye lòt nasyon Ezekyas, papa l, te fè kraze. Li bati lotèl pou Baal, li fè fè yon estati Achera, tankou sa Akab, wa peyi Izrayèl la, te fè fè a. Lèfini, li adore dènye zetwal ki nan syèl la, li fè sèvis pou yo. Li menm rive bati lotèl pou zidòl anndan Tanp Senyè a, kote Senyè a te di se la l'ap rete lavil Jerizalèm. Li fè bati lotèl nan de lakou Tanp lan pou tout zetwal ki nan syèl la.
Li bay pitit gason l pou yo boule sou lotèl pou zidòl yo. Li lage kò l nan li nyaj nan syèl la ak nan fè maji pou konnen sa ki gen pou rive, li ankouraje divinò yo ak moun ki konn rele mò pou pale ak yo. Li donnen nan fè sa ki mal nan je Senyè a pou l te fè l move jouk li pa kapab ankò. Li te fè yon estati Achera, zidòl fanm lan, li mete l nan Tanp lan, atout Senyè a te pale ak David ansanm ak Salomon sou Tanp lan. Li te di yo: Se isit lavil Jerizalèm, nan Tanp kote mwen te chwazi nan tout peyi douz branch fanmi pèp Izrayèl la, pou yo fè sèvis pou mwen. Si moun pèp Izrayèl yo viv jan mwen mande yo viv la, si yo fè tou sa ki nan lalwa Moyiz, sèvitè m lan, te ba yo a, mwen p'ap mete yo deyò nan peyi mwen te bay zansèt yo a.
Men moun peyi Jida yo pa koute Senyè a, Manase pran tèt yo, yo fè pi mal pase nasyon Senyè a te mete deyò nan peyi a pou fè plas pou yo. Lè sa a, Senyè a voye sèvitè l yo, pwofèt yo, pou di yo:
— Wa Manase te fè tout bagay degoutan sa yo. Li te fè pi mal pase moun Amori yo ki te la nan peyi a anvan yo. Avèk tout vye zidòl li yo, li fè pèp Jida a tonbe nan fè sa ki mal. Se poutèt sa, men sa mwen menm, Senyè a, Bondye pèp Izrayèl la, mwen di: Mwen pral voye yon sèl malè sou lavil Jerizalèm ak sou peyi Jida a. Lè moun va pran nouvèl la, y'ap rete gaga. M'ap pini lavil Jerizalèm menm jan mwen te pini lavil Samari ak fanmi wa Akaz la. Mwen pral netwaye lavil Jerizalèm tankou yo netwaye yon asyèt lèfini yo vire l bouch anba. M'ap vire do bay rès moun ki va chape yo, m'ap lage yo nan men lènmi yo ki pral piye yo, ki pral pran peyi a nan men yo. M'ap fè pèp mwen an sa paske yo fè sa ki mal devan m, yo fè m fache anpil depi jou zansèt yo te sòti kite peyi Lejip jouk jounen jòdi a. Manase pa sèlman lakòz pèp Jida a fè sa li pat dwe fè avèk tou sa li menm li t'ap fè ki mal nan je Senyè a, li fè pi rèd toujou. Li sitèlman touye moun inonsan, tout lari lavil Jerizalèm te plen san.
Tout rès istwa Manase a, tou sa li te fè ak tout move zak li te fè yo, n'a jwenn tou sa ekri nan liv Istwa wa peyi Jida yo. Lè Manase mouri, yo antere l nan jaden palè a, jaden Ouza a. Se Amon, pitit gason l lan, ki moute wa nan plas li.


Amon te gen venndezan lè li moute wa peyi Jida. Li gouvènen lavil Jerizalèm pandan dezan. Manman l te rele Mechoulemèt. Se te pitit fi Awouz, yon moun lavil Jotba. Tankou Manase, papa l, li fè sa ki mal devan Senyè a. Li mache pye pou pye dèyè Manase nan tout bagay. Li sèvi zidòl papa l te sèvi yo, li adore yo. Li vire do bay Senyè a, Bondye zansèt li yo, li pa mache jan Senyè a vle l la.
Chèf ki t'ap sèvi avèk Amon yo fè konplo, yo touye l anndan palè a. Moun pèp Jida yo touye mesye ki te fè konplo pou touye Amon yo, yo mete Jozyas, pitit gason l lan, wa nan plas li.
Tout rès istwa Amon an, tou sa li te fè, n'a jwenn tou sa ekri nan liv Istwa wa peyi Jida yo. Lè Amon mouri, yo antere l nan kavo fanmi an, nan jaden Ouza a. Lèfini, se Jozyas, pitit gason l lan, ki moute wa nan plas li.

Koute 2 Wa 21