Haitian Creole

<div class="version vid1957 iso6393hat" data-vid="1957" data-iso6393="hat">
 <div class="book bkACT">
 <div class="chapter ch25" data-usfm="ACT.25">
 <div class="label">25</div><div class="s1">P&#242;l mande pou Seza tande k&#242;z li</div><div class="p"> 1L&#232; Festis rive nan pwovens lan, sou twa jou li kite Sezare, l'ale lavil Jerizal&#232;m. 2Ch&#232;f #Tra 24.1 pr&#232;t yo ak tout notab jwif lavil la vin pote plent ba li pou P&#242;l. 3Yo #Tra 23.15 mande Festis yon fav&#232;. Yo mande l pou l f&#232; mennen P&#242;l Jerizal&#232;m. Yo te gentan f&#232; konplo pou touye l sou wout la. 4Men, Festis reponn yo:</div><div class="p">&#8212; P&#242;l deja nan prizon Sezare. Mwen menm pout&#232;t pa m, mwen pral tounen Sezare tal&#232; konsa. 5Si P&#242;l f&#232; kich&#242;y ki mal, se pou ch&#232;f nou yo desann ansanm av&#232; m, y'a akize l laba a.</div><div class="p"> 6Festis pase wit a dis jou s&#232;lman av&#232;k yo Jerizal&#232;m. Apre sa li tounen Sezare. Nan denmen, l'al chita nan tribinal la, li bay l&#242;d pou yo mennen P&#242;l. 7L&#232; P&#242;l rive, jwif ki te s&#242;ti Jerizal&#232;m yo vin kanpe b&#242; kote l, yo pote anpil gwo akizasyon kont li, men yo pat kapab bay okenn pr&#232;v. 8Men sa P&#242;l di pou defann t&#232;t li:</div><div class="p">&#8212; Mwen pa f&#232; anyen ki kont lalwa jwif yo, ni kont tanp lan, ni kont Seza.</div><div class="p"> 9Festis #Tra 24.27 menm ki te vle f&#232; jwif yo plezi mande P&#242;l:</div><div class="p">&#8212; Eske ou pa ta vle al Jerizal&#232;m pou yo ka jije ou devan m sou zaf&#232; sa a?</div><div class="p"> 10P&#242;l reponn li:</div><div class="p">&#8212; Se devan tribinal Seza mwen ye, se la pou yo jije mwen. Mwen pa f&#232; jwif yo anyen. Ou konnen sa byen pw&#242;p. 11Si m dezobeyi lalwa, si m f&#232; yon bagay ki merite lanm&#242;, mwen p'ap refize mouri. Men tou, si akizasyon y'ap pote sou mwen yo pa vre, p&#232;sonn pa ka lage m nan men yo. Mwen mande pou Seza tande k&#242;z mwen.</div><div class="p"> 12L&#232; sa a, Festis f&#232; yon ti pale ak manm kons&#232;y li yo, epi l di:</div><div class="p">&#8212; Bon. Ou mande pou Seza tande k&#242;z ou, ou pral devan Seza.</div><div class="s1">P&#242;l devan Agripa ak Berenis</div><div class="p"> 13K&#232;k jou apre sa, wa Agripa ak Berenis rive Sezare. Yo te vin di Festis bonjou. 14Yo #Tra 24.27 t'ap pase k&#232;k jou la. Festis pwofite esplike sitirasyon P&#242;l la bay wa a, li di li:</div><div class="p">&#8212; Feliks te kite yon nonm nan prizon isit la. 15L&#232; mwen t'al Jerizal&#232;m, ch&#232;f pr&#232;t yo ak ch&#232;f fanmi jwif yo te vin pote m' plent pou li. Yo mande m' pou mwen kondannen li. 16Mwen reponn yo: Se pa koutim moun lavil W&#242;m yo pou yo renm&#232;t yon akize bay l&#232;nmi l konsa san yo pa mete l fasafas ak moun k'ap akize l yo anvan. Se pou l gen chans defann t&#232;t li tou anba akizasyon yo. 17Se konsa yo vin isit la av&#232;k mwen. Mwen pat p&#232;di tan mwen. Nan denmen mal chita nan tribinal la, mwen bay l&#242;d pou yo mennen nonm lan. 18Moun ki t'ap akize l yo vin par&#232;t tou, men yo pat bay okenn move zak li te f&#232;, jan m te kw&#232; a. 19Se #Tra 18.15 yon diskisyon s&#232;lman yo te gen av&#232; l sou relijyon yo a ak sou yon nonm yo rele Jezi ki mouri. Men, P&#242;l s&#232;tifye nonm sa a leve, li vivan ank&#242;. 20Mwen pat konn sa pou m te f&#232; ank&#242; pou m te pran enf&#242;masyon sou k&#232;syon sa yo. Mwen mande P&#242;l si l pa ta vle al Jerizal&#232;m pou yo te ka jije l sou zaf&#232; sa a la. 21Men, P&#242;l mande pou Seza tande k&#242;z li. Li mande pou yo kenbe l nan prizon jouk Seza va pran yon desizyon sou ka li. Se konsa mwen bay l&#242;d pou yo pa lage l jouk m'a ka voye l bay Seza.</div><div class="p"> 22Agripa #Lik 23.8 di Festis konsa:</div><div class="p">&#8212; Mwen ta renmen tande nonm sa a.</div><div class="p">Festis reponn li:</div><div class="p">&#8212; Denmen w'a tande li.</div><div class="p"> 23Se #Mat 10.18 konsa, nan denmen Agripa ak Berenis vin nan mitan yon gwo k&#242;t&#232;j. Yo antre nan sal odyans lan av&#232;k tout ch&#232;f milit&#232; yo ansanm ak notab lavil la. Festis bay yon l&#242;d, epi yo mennen P&#242;l vini. 24Apre #Tra 2.7; 22.22 sa, Festis di:</div><div class="p">&#8212; Wa Agripa, nou tout ki isit la av&#232;k nou, men li! Nou w&#232; nonm sa a. Tout jwif yo vin pote m plent pou li, ni laba Jerizal&#232;m ni isit la. Y'ap plede rele nonm sa a te f&#232;t pou l mouri deja. 25Mwen menm, pou t&#232;t pa m, mwen w&#232; li pa f&#232; anyen ki merite lanm&#242;. Men, li menm li mande pou Seza tande k&#242;z li. Se pout&#232;t sa, mwen pran desizyon voye l bay Seza. 26Mwen pa gen anyen ki s&#232;ten pou m ekri sou li. Se pout&#232;t sa mwen f&#232; l konpar&#232;t devan nou, devan ou menm sitou, wa Agripa. Konsa m'a jwenn sa pou m ekri l&#232; n'a fin poze l k&#232;syon. 27Pou mwen menm, sa pa gen sans pou espedye yon prizonye konsa san ou pa di egzakteman kisa li f&#232;.</div>
 </div>
 </div>
</div>

Haitian Creole DC Bible © Societé Biblique Haïtienne, 1998.

Lè Festis rive nan pwovens lan, sou twa jou li kite Sezare, l'ale lavil Jerizalèm. Chèf prèt yo ak tout notab jwif lavil la vin pote plent ba li pou Pòl. Yo mande Festis yon favè. Yo mande l pou l fè mennen Pòl Jerizalèm. Yo te gentan fè konplo pou touye l sou wout la. Men, Festis reponn yo:
— Pòl deja nan prizon Sezare. Mwen menm poutèt pa m, mwen pral tounen Sezare talè konsa. Si Pòl fè kichòy ki mal, se pou chèf nou yo desann ansanm avè m, y'a akize l laba a.
Festis pase wit a dis jou sèlman avèk yo Jerizalèm. Apre sa li tounen Sezare. Nan denmen, l'al chita nan tribinal la, li bay lòd pou yo mennen Pòl. Lè Pòl rive, jwif ki te sòti Jerizalèm yo vin kanpe bò kote l, yo pote anpil gwo akizasyon kont li, men yo pat kapab bay okenn prèv. Men sa Pòl di pou defann tèt li:
— Mwen pa fè anyen ki kont lalwa jwif yo, ni kont tanp lan, ni kont Seza.
Festis menm ki te vle fè jwif yo plezi mande Pòl:
— Eske ou pa ta vle al Jerizalèm pou yo ka jije ou devan m sou zafè sa a?
Pòl reponn li:
— Se devan tribinal Seza mwen ye, se la pou yo jije mwen. Mwen pa fè jwif yo anyen. Ou konnen sa byen pwòp. Si m dezobeyi lalwa, si m fè yon bagay ki merite lanmò, mwen p'ap refize mouri. Men tou, si akizasyon y'ap pote sou mwen yo pa vre, pèsonn pa ka lage m nan men yo. Mwen mande pou Seza tande kòz mwen.
Lè sa a, Festis fè yon ti pale ak manm konsèy li yo, epi l di:
— Bon. Ou mande pou Seza tande kòz ou, ou pral devan Seza.

Kèk jou apre sa, wa Agripa ak Berenis rive Sezare. Yo te vin di Festis bonjou. Yo t'ap pase kèk jou la. Festis pwofite esplike sitirasyon Pòl la bay wa a, li di li:
— Feliks te kite yon nonm nan prizon isit la. Lè mwen t'al Jerizalèm, chèf prèt yo ak chèf fanmi jwif yo te vin pote m' plent pou li. Yo mande m' pou mwen kondannen li. Mwen reponn yo: Se pa koutim moun lavil Wòm yo pou yo renmèt yon akize bay lènmi l konsa san yo pa mete l fasafas ak moun k'ap akize l yo anvan. Se pou l gen chans defann tèt li tou anba akizasyon yo. Se konsa yo vin isit la avèk mwen. Mwen pat pèdi tan mwen. Nan denmen mal chita nan tribinal la, mwen bay lòd pou yo mennen nonm lan. Moun ki t'ap akize l yo vin parèt tou, men yo pat bay okenn move zak li te fè, jan m te kwè a. Se yon diskisyon sèlman yo te gen avè l sou relijyon yo a ak sou yon nonm yo rele Jezi ki mouri. Men, Pòl sètifye nonm sa a leve, li vivan ankò. Mwen pat konn sa pou m te fè ankò pou m te pran enfòmasyon sou kèsyon sa yo. Mwen mande Pòl si l pa ta vle al Jerizalèm pou yo te ka jije l sou zafè sa a la. Men, Pòl mande pou Seza tande kòz li. Li mande pou yo kenbe l nan prizon jouk Seza va pran yon desizyon sou ka li. Se konsa mwen bay lòd pou yo pa lage l jouk m'a ka voye l bay Seza.
Agripa di Festis konsa:
— Mwen ta renmen tande nonm sa a.
Festis reponn li:
— Denmen w'a tande li.
Se konsa, nan denmen Agripa ak Berenis vin nan mitan yon gwo kòtèj. Yo antre nan sal odyans lan avèk tout chèf militè yo ansanm ak notab lavil la. Festis bay yon lòd, epi yo mennen Pòl vini. Apre sa, Festis di:
— Wa Agripa, nou tout ki isit la avèk nou, men li! Nou wè nonm sa a. Tout jwif yo vin pote m plent pou li, ni laba Jerizalèm ni isit la. Y'ap plede rele nonm sa a te fèt pou l mouri deja. Mwen menm, pou tèt pa m, mwen wè li pa fè anyen ki merite lanmò. Men, li menm li mande pou Seza tande kòz li. Se poutèt sa, mwen pran desizyon voye l bay Seza. Mwen pa gen anyen ki sèten pou m ekri sou li. Se poutèt sa mwen fè l konparèt devan nou, devan ou menm sitou, wa Agripa. Konsa m'a jwenn sa pou m ekri lè n'a fin poze l kèsyon. Pou mwen menm, sa pa gen sans pou espedye yon prizonye konsa san ou pa di egzakteman kisa li fè.

Koute Travay 25