Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Jesus Jewodure Pugeje</div><div class="p"> 1Domingo boe&#269;oto nou areme eture Jesus meture tadawu tori poro ka nou ture tugera pemegado jiwu roreboe tabo. 2Etaregodure toro dukeje erdure nou Jesus meture tadawu tori poro jare duji. Sexta feira meriji ime ere nou tori poro mi ia tori kurireu tabo. Mare aino nou tori kurireu padukare nou tori poro keje pugeje. 3Dukodire nou areme ere turemo. Etaiwore mare Jesus padukare nono pugeje. 4Eragoje kimore nono tuiorduwa bokwa tabo dukeje nou areme etaiwore tubiji. Erore puku je erdure Pao Kurireu utugarege baru tadawugei. Ere pobe. Ekudau kigadure ei rugadu. Kigadure nono boeiaragudu mogadure boe etaiwowo ji. 5&#268;a nou areme epagudugodure rugadu. Ere tubu jodo moto keje. Ere tuie jodo jamedu. Nono nou baru tadawuge egore: &#8211; Kodiba tagaregodure woe bireu metumode tadawu tori poro ka? 6Tardumodukare tagaiwore bagaiwuji. Tagaiwore bagaiwu jewodure pugeje dukodire rakojekare woe pugeje. Marigudu, toro Galil&#233;ia moto keje, ure tawie turomode jiboeji. Tawiabutudo nou makore jiboe keje. 7Akore aino: &#8220;Imagudumode ro pegareuge etai. Emode iwido ipo padure pugajejewu keje. Mare merimode pobe metia bokware dukeje iewodumode pugeje.&#8221; Ainore akore tai marigudu.</div><div class="p"> 8-9Nono nou areme ewiabuture nou Jesus makore jiboe keje rugadu. Dukodire &#269;are eregodure boe piji toro nou Jesus ure jorduwadowuge etae tureadoduwo tuiordure jiboeji tumeardure jiboeji eiamedu boe ewiagai. 10Nou areme ekiere Maria Madalena, Joana, Maria. Nou Maria Tiago u&#269;e nure ema. Ia areme ekodure ebo jamedu. Nou areme etaregodure nou Jesus ure jorduwadowuge etae dukeje ereadodure tuiordure jiboe jamedu boeji nou Jesus ure jorduwadowuge ime ewiagai. 11Jesus ure nou ime erduwado tuwo etudo tuwadaru tabo boe ewagai moto jamedu boe parugajeje. Mare nou areme ereadodure tuiordure jiboeji nou uture Jesus bataru tabowuge ewiagai dukeje nou ime emeardaere pagare egoino duji. Emeartorukare nou aremei. 12Mare Pedro rekodure toro nou Jesus meture tadawu tori poro ka. Aregodure toro dukeje ure turemo mare jordukare boeji. Tu nou areia jire jordure. Nono ure tugirimi tuibagi tuwiagoro tabo. Meardaere tudada nuba boere?</div><div class="s">Jesus Ure Boe Erdudo Pudui Ema&#250;s Kawu Awaraji</div><div class="p"> 13Nou meri keje rugadu nouia Jesus ure jorduwadowuge ere pobedu doge eture Jerusal&#233;m ba kurireu piji toro ia boe eda ka. Nou boe eda iere Ema&#250;s. Nou Ema&#250;s rakojere dez quil&#244;metros Jerusal&#233;m ba kurireu piji. 14Nou ime pobedu doge ekodure nou Ema&#250;s kawu awaraji dukeje emagore pui tuiordure jiboeji Jerusal&#233;m ba kurireu tada. 15Emagore aino pui dukeje Jesus aregodure eregodaji tugoduwo ebo jamedu. 16Etaiwore ji mare erduwakare ji. 17Nono Jesus makore ei. Akore: &#8211; Kaboba jiba tagagoino pui tagodui aino awaraji?</div><div class="p">Ere tuwuredo &#269;a je. Ekiarigodure rugadu. 18Ia iere Cleopas. Emare makore Jesusji. Akore: &#8211; Boe pegare Jerusal&#233;m ba kurireu tada rugadu. Nou Jerusal&#233;m kejewuge eiamedu boe erduware nou inoduji. Ko&#269;are arduwakare?</div><div class="p"> 19Jesus akore: &#8211; Kaba jiba boe eroino? Iwie.</div><div class="p">Egore: &#8211; Boe ero pegare Jesusji rugadu. Nazar&#233; pijiwu Jesus jire eroino. Makore Pao Kurireu bataru jiwu nure ema. Pao Kurireu aidure ji. Boe etaidure ji jamedu. Ro rakare rugadu turo jamedu boe tabo. Mako pemegare jamedu. Jorduware rugadu Pao Kurireu bataruji boe eiamedu boe kori. 20Mare nou pagimijerage nou ure Judeu doge enomea maku Pao Kurireu aiwuge eimijerage, nouia pagimijerage jamedu ero pegare ji. Ere maku nouia boe eimijera kurireu ai. Ere tumeardae pegareu maku nou boe eimijera kurireu ai jamedu uwo Jesus maku tugobaigarege etai ewo bito. Dukodire ere bito ipo padure pugajejewu keje rugadu. 21&#268;emeartorure Jesusji. &#268;emeardaere umode pawobe Judeu doge ekinorudo boe pegareuge epiji duji. &#268;a iaboe kimore. Merire pobe metia bokware jamedu. 22Awu meriji ia &#269;erduware jiwu areme ere &#269;eku kidugo rugadu. Eture nou ere Jesus tugu towu tori poro ka. 23Mare erdukare ji nono. Ere tugirimi tuibagi tureadoduwo nou boe ewiagai tuiorduie Pao Kurireu utugarege baru tadawugei. Nou Pao Kurireu utugarege baru tadawuge egoie Jesus jewoduie pugeje. 24Ia &#269;emedage eregodure toro nou tori poro ka jamedu. Erdure jiboe ure nono nou areme emagore jiboe mogadure. Erdukare Jesusji rugadu.</div><div class="p"> 25Nono Jesus makore nou imei. Akore: &#8211; Tagaora rakare boe emagore jiwu Pao Kurireu bakaruji. Dukodire tarduwa jokodukare makore Pao Kurireu bataru jiwuge emagore jiboeji. Tameartoru pemegakare ji jamedu kodi. 26Ere boe ewie marigudu boe pegamode nou umode boe ekinorudowuji rugadu. Dukejere rutumoduie baruto pugeje. Ainore nou makore Pao Kurireu bataru jiwuge egore marigudu.</div><div class="p"> 27Nono Jesus ure erduwado nou padure bapera kejewu Pao Kurireu bataru makore pudui jiboeji. Makore Mois&#233;s ure bu bapera kejewu Pao Kurireu bataruji ewiagai. Makore nouia makore Pao Kurireu bataru jiwuge ewadaruji jamedu tuwo erduwado nuba boemode pudui. Mare erduwakare raga puduire Jesus akoino duji. 28&#268;a etaregoduiago nou boe eda ka dukeje Jesus utuiago nouia awaraji pugeje. 29Mare nou ime emagore ji. Egore: &#8211; Mato &#269;edabo &#269;ewai ka. Merirekodu. Akamudo &#269;ewai keje jao.</div><div class="p">Dukodire Jesus uture ebo ewai ka. 30Etaregodure dukeje ere tumugudo ira keje togwagewo. Nono Jesus imadure Pao Kurireu apo nou tuge amireu paru tabo. Nono ure nou boe eke amireu kado puiato. Ure ia maku nou ime etai. 31Dukejere nou ime erduwagodure Jesus nuie ema duji rugadu. Mare Jesus okware ta&#269;i epiji pugeje. 32Emagore pui. Egore: &#8211; Pagodure awaraji dukeje ure parduwado Pao Kurireu bataruji. Dukejere paebogodure nou makore pai jiboeji rugadu.</div><div class="p"> 33-34Dukodire ere tugirimi tumara tabo rugadu Jerusal&#233;m ba kurireu ka nou tumedage ewagai tureadoduwo ewiagai. Mare Jesus ure Sim&#227;o Pedro jordudo pudui. Nono Pedro readodure nouia Jesus ure jorduwadowuge ewiagai dukodire ere bato pui tumagowo pui. Egore: &#8211; Boe jokodu! Pagimijera jewodure pugeje! Sim&#227;o Pedro jordure ji!</div><div class="p"> 35Nono nou pobedu doge ereadodure nou boe ewiagai tuiorduie Jesusji jamedu. Ereadodure tuiorduie ji jamedu duji tugoduie Ema&#250;s kawu awaraji dutabo. Ereadodure tuiorduware Jesusji ure amireu kado dukeje erduware Jesus uiure ema duji.</div><div class="s">Jesus Ure Ture Jorduwadowuge Erdudo Pudui</div><div class="p"> 36Emago kimore pui dukeje Jesus jepadure ta&#269;i etoiado. Akore: &#8211; Itaregodure pugeje.</div><div class="p"> 37Nou boe epagudugodure rugadu. Emeardaere aroe uiure ema. 38Mare Jesus makore ei. Akore: &#8211; Mure kodiba tabagudure? Mure kodiba tamororamagadure iwadaruji tarduwa jokodukare imire iroino duji? 39Tagaiwodo ikeraji, iwureji. Imi rugadu reo! Aroe karegure imi. Aroe mode imi dukeje ikodu modukare iwiri modukare. &#268;a tagera pagado i dukeje tameartorumode i.</div><div class="p"> 40Makore aino ei dutabo ure erdudo tugeraji, tuwureji. 41Ebogodure ji rugadu. Egarere pudui rugadu. Mare emeartoru jokodukare ji kimo. Nono Jesus unarare ei ia eke bagai togwagewo. 42-43Ere ia karo kodu maku ai. Nono Jesus ure ko egai.</div><div class="p"> 44-45Nono Jesus ure nou boe emeardae pemegado tuwo erduwado. Akore: &#8211; Iragojere tagabo dukeje ire tawie boe mode aino i duji. Ainore Mois&#233;s, makore Pao Kurireu bataru jiwuge, ere bu bapera keje iboe jamedu boe jeture pudui rugadu. 46Egore nou umode boe ekinorudowu bimoduie mare merimoduie pobe metia bokware dukeje jewodumoduie pugeje. 47Egore nou umoduie boe ekinorudowu ie taboie boe etumoduie moto jamedu boe parugajeje tuwo boe eiamedu boe ewie Pao Kurireu bataru pemegareuji boe ewo tugera ra tumeardae pegareu piji, boe emagowo turo pegareuji Pao Kurireu biagai Pao Kurireu biagoduwo nou ero pegareu piji. Boe etumoduie nou bataru tabo Jerusal&#233;m ba kurireu kejewuge etae boetoji. Nono etumoduie nou bataru tabo moto jamedu boe parugajeje. Ainore Pao Kurireu akore marigudu.</div><div class="p"> 48-49&#8211; Aino &#269;are nou Pao Kurireu bataru jeture pudui rugadu. Nou umode boe ekinorudowu nure imi. Tagire tarduware i rugadu. Tagire tardure iro rugadu boeji. Dukodire ikie jire tamode boe ewie rugadu imagore jiboeji irore jiboeji nono Pao Kurireu bataru mogadure. Imode Iogwa Kurireu Uwari utudo tagae. Mare tabagado bagai woe Jerusal&#233;m ba kurireu keje. Iogwa Kurireu Uwari aregodumode tagae woe. Ema umode taragado rugadu. Nono tareadodumode imagore jiboeji irore jiboeji boe eiamedu boe ewiagai moto jamedu boe parugajeje.</div><div class="s">Jesus Ruture Baruto</div><div class="p"> 50Nono Jesus uture ebo Jerusal&#233;m ba kurireu piji nou boe eda Bet&#226;nia kawu awaraji. Epuredugodure Bet&#226;nia ka dukeje ure tugera rakojedo ewugajeje tumago pemegawo eiogi. 51Mako kimore eiogi dukeje uture epiji. Dukeje &#269;are ruture baruto rugadu. 52Ere tubu jodo moto keje tumago pemegawo ji rugadu. Dukeje &#269;are ere tugirimi tuibagi Jerusal&#233;m ba kurireu ka. Eiamedu boe egarere pudui rugadu. 53Nono eture Pao Kurireu uwai ka. Edure tu nono rugadu. Emago pemegare Pao Kurireuji rugadu nou Pao Kurireu uwai tada tu tu je.</div>
 </div>
 </div>
</div>

Domingo boečoto nou areme eture Jesus meture tadawu tori poro ka nou ture tugera pemegado jiwu roreboe tabo. Etaregodure toro dukeje erdure nou Jesus meture tadawu tori poro jare duji. Sexta feira meriji ime ere nou tori poro mi ia tori kurireu tabo. Mare aino nou tori kurireu padukare nou tori poro keje pugeje. Dukodire nou areme ere turemo. Etaiwore mare Jesus padukare nono pugeje. Eragoje kimore nono tuiorduwa bokwa tabo dukeje nou areme etaiwore tubiji. Erore puku je erdure Pao Kurireu utugarege baru tadawugei. Ere pobe. Ekudau kigadure ei rugadu. Kigadure nono boeiaragudu mogadure boe etaiwowo ji. Ča nou areme epagudugodure rugadu. Ere tubu jodo moto keje. Ere tuie jodo jamedu. Nono nou baru tadawuge egore: – Kodiba tagaregodure woe bireu metumode tadawu tori poro ka? Tardumodukare tagaiwore bagaiwuji. Tagaiwore bagaiwu jewodure pugeje dukodire rakojekare woe pugeje. Marigudu, toro Galiléia moto keje, ure tawie turomode jiboeji. Tawiabutudo nou makore jiboe keje. Akore aino: “Imagudumode ro pegareuge etai. Emode iwido ipo padure pugajejewu keje. Mare merimode pobe metia bokware dukeje iewodumode pugeje.” Ainore akore tai marigudu.
Nono nou areme ewiabuture nou Jesus makore jiboe keje rugadu. Dukodire čare eregodure boe piji toro nou Jesus ure jorduwadowuge etae tureadoduwo tuiordure jiboeji tumeardure jiboeji eiamedu boe ewiagai. Nou areme ekiere Maria Madalena, Joana, Maria. Nou Maria Tiago uče nure ema. Ia areme ekodure ebo jamedu. Nou areme etaregodure nou Jesus ure jorduwadowuge etae dukeje ereadodure tuiordure jiboe jamedu boeji nou Jesus ure jorduwadowuge ime ewiagai. Jesus ure nou ime erduwado tuwo etudo tuwadaru tabo boe ewagai moto jamedu boe parugajeje. Mare nou areme ereadodure tuiordure jiboeji nou uture Jesus bataru tabowuge ewiagai dukeje nou ime emeardaere pagare egoino duji. Emeartorukare nou aremei. Mare Pedro rekodure toro nou Jesus meture tadawu tori poro ka. Aregodure toro dukeje ure turemo mare jordukare boeji. Tu nou areia jire jordure. Nono ure tugirimi tuibagi tuwiagoro tabo. Meardaere tudada nuba boere?

Nou meri keje rugadu nouia Jesus ure jorduwadowuge ere pobedu doge eture Jerusalém ba kurireu piji toro ia boe eda ka. Nou boe eda iere Emaús. Nou Emaús rakojere dez quilômetros Jerusalém ba kurireu piji. Nou ime pobedu doge ekodure nou Emaús kawu awaraji dukeje emagore pui tuiordure jiboeji Jerusalém ba kurireu tada. Emagore aino pui dukeje Jesus aregodure eregodaji tugoduwo ebo jamedu. Etaiwore ji mare erduwakare ji. Nono Jesus makore ei. Akore: – Kaboba jiba tagagoino pui tagodui aino awaraji?
Ere tuwuredo ča je. Ekiarigodure rugadu. Ia iere Cleopas. Emare makore Jesusji. Akore: – Boe pegare Jerusalém ba kurireu tada rugadu. Nou Jerusalém kejewuge eiamedu boe erduware nou inoduji. Kočare arduwakare?
Jesus akore: – Kaba jiba boe eroino? Iwie.
Egore: – Boe ero pegare Jesusji rugadu. Nazaré pijiwu Jesus jire eroino. Makore Pao Kurireu bataru jiwu nure ema. Pao Kurireu aidure ji. Boe etaidure ji jamedu. Ro rakare rugadu turo jamedu boe tabo. Mako pemegare jamedu. Jorduware rugadu Pao Kurireu bataruji boe eiamedu boe kori. Mare nou pagimijerage nou ure Judeu doge enomea maku Pao Kurireu aiwuge eimijerage, nouia pagimijerage jamedu ero pegare ji. Ere maku nouia boe eimijera kurireu ai. Ere tumeardae pegareu maku nou boe eimijera kurireu ai jamedu uwo Jesus maku tugobaigarege etai ewo bito. Dukodire ere bito ipo padure pugajejewu keje rugadu. Čemeartorure Jesusji. Čemeardaere umode pawobe Judeu doge ekinorudo boe pegareuge epiji duji. Ča iaboe kimore. Merire pobe metia bokware jamedu. Awu meriji ia čerduware jiwu areme ere čeku kidugo rugadu. Eture nou ere Jesus tugu towu tori poro ka. Mare erdukare ji nono. Ere tugirimi tuibagi tureadoduwo nou boe ewiagai tuiorduie Pao Kurireu utugarege baru tadawugei. Nou Pao Kurireu utugarege baru tadawuge egoie Jesus jewoduie pugeje. Ia čemedage eregodure toro nou tori poro ka jamedu. Erdure jiboe ure nono nou areme emagore jiboe mogadure. Erdukare Jesusji rugadu.
Nono Jesus makore nou imei. Akore: – Tagaora rakare boe emagore jiwu Pao Kurireu bakaruji. Dukodire tarduwa jokodukare makore Pao Kurireu bataru jiwuge emagore jiboeji. Tameartoru pemegakare ji jamedu kodi. Ere boe ewie marigudu boe pegamode nou umode boe ekinorudowuji rugadu. Dukejere rutumoduie baruto pugeje. Ainore nou makore Pao Kurireu bataru jiwuge egore marigudu.
Nono Jesus ure erduwado nou padure bapera kejewu Pao Kurireu bataru makore pudui jiboeji. Makore Moisés ure bu bapera kejewu Pao Kurireu bataruji ewiagai. Makore nouia makore Pao Kurireu bataru jiwuge ewadaruji jamedu tuwo erduwado nuba boemode pudui. Mare erduwakare raga puduire Jesus akoino duji. Ča etaregoduiago nou boe eda ka dukeje Jesus utuiago nouia awaraji pugeje. Mare nou ime emagore ji. Egore: – Mato čedabo čewai ka. Merirekodu. Akamudo čewai keje jao.
Dukodire Jesus uture ebo ewai ka. Etaregodure dukeje ere tumugudo ira keje togwagewo. Nono Jesus imadure Pao Kurireu apo nou tuge amireu paru tabo. Nono ure nou boe eke amireu kado puiato. Ure ia maku nou ime etai. Dukejere nou ime erduwagodure Jesus nuie ema duji rugadu. Mare Jesus okware tači epiji pugeje. Emagore pui. Egore: – Pagodure awaraji dukeje ure parduwado Pao Kurireu bataruji. Dukejere paebogodure nou makore pai jiboeji rugadu.
Dukodire ere tugirimi tumara tabo rugadu Jerusalém ba kurireu ka nou tumedage ewagai tureadoduwo ewiagai. Mare Jesus ure Simão Pedro jordudo pudui. Nono Pedro readodure nouia Jesus ure jorduwadowuge ewiagai dukodire ere bato pui tumagowo pui. Egore: – Boe jokodu! Pagimijera jewodure pugeje! Simão Pedro jordure ji!
Nono nou pobedu doge ereadodure nou boe ewiagai tuiorduie Jesusji jamedu. Ereadodure tuiorduie ji jamedu duji tugoduie Emaús kawu awaraji dutabo. Ereadodure tuiorduware Jesusji ure amireu kado dukeje erduware Jesus uiure ema duji.

Emago kimore pui dukeje Jesus jepadure tači etoiado. Akore: – Itaregodure pugeje.
Nou boe epagudugodure rugadu. Emeardaere aroe uiure ema. Mare Jesus makore ei. Akore: – Mure kodiba tabagudure? Mure kodiba tamororamagadure iwadaruji tarduwa jokodukare imire iroino duji? Tagaiwodo ikeraji, iwureji. Imi rugadu reo! Aroe karegure imi. Aroe mode imi dukeje ikodu modukare iwiri modukare. Ča tagera pagado i dukeje tameartorumode i.
Makore aino ei dutabo ure erdudo tugeraji, tuwureji. Ebogodure ji rugadu. Egarere pudui rugadu. Mare emeartoru jokodukare ji kimo. Nono Jesus unarare ei ia eke bagai togwagewo. Ere ia karo kodu maku ai. Nono Jesus ure ko egai.
Nono Jesus ure nou boe emeardae pemegado tuwo erduwado. Akore: – Iragojere tagabo dukeje ire tawie boe mode aino i duji. Ainore Moisés, makore Pao Kurireu bataru jiwuge, ere bu bapera keje iboe jamedu boe jeture pudui rugadu. Egore nou umode boe ekinorudowu bimoduie mare merimoduie pobe metia bokware dukeje jewodumoduie pugeje. Egore nou umoduie boe ekinorudowu ie taboie boe etumoduie moto jamedu boe parugajeje tuwo boe eiamedu boe ewie Pao Kurireu bataru pemegareuji boe ewo tugera ra tumeardae pegareu piji, boe emagowo turo pegareuji Pao Kurireu biagai Pao Kurireu biagoduwo nou ero pegareu piji. Boe etumoduie nou bataru tabo Jerusalém ba kurireu kejewuge etae boetoji. Nono etumoduie nou bataru tabo moto jamedu boe parugajeje. Ainore Pao Kurireu akore marigudu.
– Aino čare nou Pao Kurireu bataru jeture pudui rugadu. Nou umode boe ekinorudowu nure imi. Tagire tarduware i rugadu. Tagire tardure iro rugadu boeji. Dukodire ikie jire tamode boe ewie rugadu imagore jiboeji irore jiboeji nono Pao Kurireu bataru mogadure. Imode Iogwa Kurireu Uwari utudo tagae. Mare tabagado bagai woe Jerusalém ba kurireu keje. Iogwa Kurireu Uwari aregodumode tagae woe. Ema umode taragado rugadu. Nono tareadodumode imagore jiboeji irore jiboeji boe eiamedu boe ewiagai moto jamedu boe parugajeje.

Nono Jesus uture ebo Jerusalém ba kurireu piji nou boe eda Betânia kawu awaraji. Epuredugodure Betânia ka dukeje ure tugera rakojedo ewugajeje tumago pemegawo eiogi. Mako kimore eiogi dukeje uture epiji. Dukeje čare ruture baruto rugadu. Ere tubu jodo moto keje tumago pemegawo ji rugadu. Dukeje čare ere tugirimi tuibagi Jerusalém ba kurireu ka. Eiamedu boe egarere pudui rugadu. Nono eture Pao Kurireu uwai ka. Edure tu nono rugadu. Emago pemegare Pao Kurireuji rugadu nou Pao Kurireu uwai tada tu tu je.

Koute Lucas 24