<div class="version vid3017 iso6393ctu" data-vid="3017" data-iso6393="ctu">
    <div class="book bkTOB">
        <div class="chapter chINTRO1" data-usfm="TOB.INTRO1">
            <div class="imt"><span class="content">Iyochibal ili ju&#241;</span></div><div class="ip"><span class="content">Ili ju&#241; mi' tsiktesa&#241; i&#241;usak'i&#241; cha'tikilob tsa'b&#228; i&#241;usayob ka'b&#228;l wokolil. Ji&#241;i &#241;axa&#241;b&#228; ji&#241;&#228;ch Tobit, ju&#241;tikil wi&#241;ik xuk'ulb&#228; ipusik'al ti Lak Yum yik'ot ju&#241;tikil x-ixik ik'aba' Sara.</span></div><div class="ip"><span class="content">Ji&#241;i Tobit tsa' k&#228;jchi ti' tojlel ji&#241;i xjisayajob icha'a&#241; ji&#241;i yum&#228;&#241;tel Asiria yik'ot tsi' ip&#228;y&#228;yob majlel ti N&#237;nive, iyaj&#241;ib yum&#228;&#241;tel. Ti ji&#241;i tejklum ji&#241;i Tobit tsa' iwe&#241; k'eleyob ti &#241;uk cha'a&#241; ka'b&#228;l ichu'b&#228; a&#241; yik'ot cha'a&#241; yujil p'u&#241;taya, awila&#241; ma'a&#241;ik mi' ich&#228;ki&#241; ib&#228; ikolta&#241;ob ji&#241;i ipi'&#228;lob ti chumt&#228;l. Ti jump'ejlb&#228; k'i&#241; Tobit tsa' is&#228;t&#228; pejtelel ichu'b&#228;'a&#241; icha'a&#241;, yik'ot tsa' k&#228;le ti xpots' iwut. Che' ya' woli imel ipusik'al, ji&#241;i Tobit tsa' ik'ajtibe Lak Yum cha'a&#241; mi' ijis&#228;be&#241; ikuxt&#228;lel.</span></div><div class="ip"><span class="content">Ti yamb&#228; lum ik'aba' Media, ya'a&#241; ji&#241;i Sara, wukyajlixb&#228; i&#241;opo i&#241;ujpu&#241;ijel, ixku ti juju&#241;yajlel ji&#241;i xi'ba tsi' imele ijo&#241;tolil. Che' ya' woli imel ipusik'al, ji&#241;i Sara tsi' ik'ajtibe Lak Yum cha'a&#241; mi' ijis&#228;be&#241; ikuxt&#228;lel ja'el.</span></div><div class="ip"><span class="content">Ili ju&#241; mi' tsiktesa&#241; bajche' Lak Ch'ujutat tsa' ijak'&#228; ik'ajtiya ili cha'tikilob. Tobit tsi' ichoko majlel iyalobil Tob&#237;as ya' ti Media cha'a&#241; mi' ich'&#228;m tilel ji&#241;i tak'i&#241; tsa'b&#228; iloto k&#228;lel ya'i. Che' ji&#241;i tsa' ip&#228;s&#228; ib&#228; ju&#241;tikil wi&#241;ik tsa'b&#228; iy&#228;k'&#228; ib&#228; cha'a&#241; mi' pi'le&#241; majlel Tob&#237;as yik'ot cha'a&#241; mi' ip&#228;s bij. Ili wi&#241;ik ji&#241;&#228;ch Rafael, iy&#225;ngel Lak Yum, ixku ma'a&#241;ik majch tsa' ik&#228;&#241;&#228; majki. Che'b&#228; tsa' k'otiyob ya' ti Media, Tob&#237;as tsi' k&#228;&#241;&#228; Sara, tsa' iwe&#241; mula ti' ipusik'al yik'ot tsa' i&#241;ujpu&#241;i yik'ot, kome tsi' im&#228;lbe ji&#241;i xi'ba ti ikoltaya ji&#241;i &#225;ngel.</span></div><div class="ip"><span class="content">Che'b&#228; tsa' sujtiyob ji&#241;i Tob&#237;as yik'ot Sara ya' ti N&#237;nive, Tob&#237;as tsa' its'&#228;ka Tobit itat, kome tsi' laj mele pejtelel chuki tsi' iy&#228;l&#228; ji&#241;i &#225;ngel Rafael. Che' ji&#241;i, ji&#241;i Rafael tsi' ip&#228;s&#228; ib&#228; che' bajche' &#225;ngel, che' ji&#241;i Tobit tsa' kaji ich'ujutesa&#241; Lak Ch'ujutat cha'a&#241; tsi' ikolta.</span></div><div class="ip"><span class="content">Che' ti' iyujtibal, ji&#241;i Tobit tsi' cha' taja ichu'b&#228; a&#241;, tsa' we&#241; &#241;ox-a ya'i tsa' ch&#228;mi. Cha'a&#241; mi lak kujtesa&#241;, mi lak su'be&#241;tel che' ji&#241;i Tob&#237;as tsa' majli ti chumt&#228;l ya' ti tejklum ti Ecbactana, baki o&#241; ja'bil tsa' chumle. Che' maxto ch&#228;mik tsa' iyu'bi ijis&#228;&#241;tel ji&#241;i tejklum N&#237;nive.</span></div><div class="ip"><span class="content">Ji&#241;i ju&#241; tsa' chojki majlel cha'a&#241; mi' ipejka&#241;ob judiojob tsa'b&#228; p&#228;jyiyob majlel ti &#241;ajtb&#228; iyum&#228;&#241;telob. Ili judiojob ka'b&#228;l woli iyila&#241;ob wokol, ji&#241; cha'a&#241; ili t'a&#241; woli ikolta&#241;ob cha'a&#241; mi' ixuk'choko&#241;ob ipusik'al ti' koltaya Lak Yum.</span></div><div class="ib"></div><div class="imq"><span class="content">&#171;Che' &#241;ume&#241;ix k'i&#241;, che'&#228;ch bajche' tsi' itsiktesayob x-alt'a&#241;ob, ji&#241;i israelitajob mi' ikajel isujtelob ti' ilumal, che' ji&#241;i mi' ikaj icha' wa'choko&#241;ob ji&#241;i Ch'ujulb&#228; aj&#241;ib&#228;l yik'ot ji&#241;i tejklum Jerusal&#233;n mi' ikaj icha' ak'e&#241;tel pejtelel it'ojlel.</span></div><div class="ib"></div><div class="imq"><span class="content">&#187;Pejtelel ji&#241;i tejklumtak ti' joyt&#228;lel pa&#241;&#228;mil mi ikaj ik&#228;yob ji&#241;i kuybilo'b&#228; ti ch'ujul tsa'b&#228; icha'leyob lot ti' u'yaj t'a&#241; ti' tojlelob. Che' ji&#241;i mi ikaj icha' k&#228;&#241;ob yik'ot mi ikaj ich'ujutesa&#241;ob Lak Ch'ujutat bajche' ji&#241;i kojachb&#228; yum&#228;l, yik'ot mi ikaj ich'ujutesa&#241;ob ti jump'ejljach ipusik'alob&#187;</span></div><div class="ipr"><span class="content">(14.5-6)</span></div>
        </div>
    </div>
</div>

Iyochibal ili juñ
Ili juñ mi' tsiktesañ iñusak'iñ cha'tikilob tsa'bä iñusayob ka'bäl wokolil. Jiñi ñaxañbä jiñäch Tobit, juñtikil wiñik xuk'ulbä ipusik'al ti Lak Yum yik'ot juñtikil x-ixik ik'aba' Sara.
Jiñi Tobit tsa' käjchi ti' tojlel jiñi xjisayajob icha'añ jiñi yumäñtel Asiria yik'ot tsi' ipäyäyob majlel ti Nínive, iyajñib yumäñtel. Ti jiñi tejklum jiñi Tobit tsa' iweñ k'eleyob ti ñuk cha'añ ka'bäl ichu'bä añ yik'ot cha'añ yujil p'uñtaya, awilañ ma'añik mi' ichäkiñ ibä ikoltañob jiñi ipi'älob ti chumtäl. Ti jump'ejlbä k'iñ Tobit tsa' isätä pejtelel ichu'bä'añ icha'añ, yik'ot tsa' käle ti xpots' iwut. Che' ya' woli imel ipusik'al, jiñi Tobit tsa' ik'ajtibe Lak Yum cha'añ mi' ijisäbeñ ikuxtälel.
Ti yambä lum ik'aba' Media, ya'añ jiñi Sara, wukyajlixbä iñopo iñujpuñijel, ixku ti jujuñyajlel jiñi xi'ba tsi' imele ijoñtolil. Che' ya' woli imel ipusik'al, jiñi Sara tsi' ik'ajtibe Lak Yum cha'añ mi' ijisäbeñ ikuxtälel ja'el.
Ili juñ mi' tsiktesañ bajche' Lak Ch'ujutat tsa' ijak'ä ik'ajtiya ili cha'tikilob. Tobit tsi' ichoko majlel iyalobil Tobías ya' ti Media cha'añ mi' ich'äm tilel jiñi tak'iñ tsa'bä iloto kälel ya'i. Che' jiñi tsa' ipäsä ibä juñtikil wiñik tsa'bä iyäk'ä ibä cha'añ mi' pi'leñ majlel Tobías yik'ot cha'añ mi' ipäs bij. Ili wiñik jiñäch Rafael, iyángel Lak Yum, ixku ma'añik majch tsa' ikäñä majki. Che'bä tsa' k'otiyob ya' ti Media, Tobías tsi' käñä Sara, tsa' iweñ mula ti' ipusik'al yik'ot tsa' iñujpuñi yik'ot, kome tsi' imälbe jiñi xi'ba ti ikoltaya jiñi ángel.
Che'bä tsa' sujtiyob jiñi Tobías yik'ot Sara ya' ti Nínive, Tobías tsa' its'äka Tobit itat, kome tsi' laj mele pejtelel chuki tsi' iyälä jiñi ángel Rafael. Che' jiñi, jiñi Rafael tsi' ipäsä ibä che' bajche' ángel, che' jiñi Tobit tsa' kaji ich'ujutesañ Lak Ch'ujutat cha'añ tsi' ikolta.
Che' ti' iyujtibal, jiñi Tobit tsi' cha' taja ichu'bä añ, tsa' weñ ñox-a ya'i tsa' chämi. Cha'añ mi lak kujtesañ, mi lak su'beñtel che' jiñi Tobías tsa' majli ti chumtäl ya' ti tejklum ti Ecbactana, baki oñ ja'bil tsa' chumle. Che' maxto chämik tsa' iyu'bi ijisäñtel jiñi tejklum Nínive.
Jiñi juñ tsa' chojki majlel cha'añ mi' ipejkañob judiojob tsa'bä päjyiyob majlel ti ñajtbä iyumäñtelob. Ili judiojob ka'bäl woli iyilañob wokol, jiñ cha'añ ili t'añ woli ikoltañob cha'añ mi' ixuk'chokoñob ipusik'al ti' koltaya Lak Yum.

«Che' ñumeñix k'iñ, che'äch bajche' tsi' itsiktesayob x-alt'añob, jiñi israelitajob mi' ikajel isujtelob ti' ilumal, che' jiñi mi' ikaj icha' wa'chokoñob jiñi Ch'ujulbä ajñibäl yik'ot jiñi tejklum Jerusalén mi' ikaj icha' ak'eñtel pejtelel it'ojlel.

»Pejtelel jiñi tejklumtak ti' joytälel pañämil mi ikaj ikäyob jiñi kuybilo'bä ti ch'ujul tsa'bä icha'leyob lot ti' u'yaj t'añ ti' tojlelob. Che' jiñi mi ikaj icha' käñob yik'ot mi ikaj ich'ujutesañob Lak Ch'ujutat bajche' jiñi kojachbä yumäl, yik'ot mi ikaj ich'ujutesañob ti jump'ejljach ipusik'alob»
(14.5-6)

Koute Tobit Iyochibal ili juñ