Alis I Ron 2018 NBTT NT Drama

Alis I Ron 2018 NBTT NT NonDrama

<div class="version vid3636 iso6393cla" data-vid="3636" data-iso6393="cla">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Findeli Hatus ii Ma&#599;ufal</div><div class="p"> 1Tasi bya' a Findel, Findeli ma akul hu Dee&#385;we, Findeli a Dee&#385;we. 2Tasi bya' ma akul hu Dee&#385;we.</div><div class="p"> 3Shak &#599;amam ii ta kyel ames si masi, si mas &#599;ama nin na saa ti shak &#599;amam mii kaciwa' yis kwa. 4Ta wii ames a mupwet, mupweti a kweneng i &#599;ufal. 5Kwenengi ka' ta saa ti ma&#595;ing wi, ma&#595;ingi &#595;in njeng ames kwa.</div><div class="p"> 6Ai ma&#599;ufal nin yes ima Dee&#385;we rotus, asum ames a Jwon. 7Yes &#595;a u lak &#599;ufal mwawei si kwenengi hai, &#595;a ta fo ames &#599;ufal shak si fa mwawei. 8A Jwon mii kwenengi kwa, yes &#595;a u findel si a kwenengi hai je. 9Kweneng mwawei ima ma fati &#599;ufal shak kweneng, ma yes na naya.</div><div class="p"> 10Ai yis na naya, ahun si mas nayai ta kyel ames, shak ta andi nayai ti shangus kwa. 11Yes kyel ima si mii ames, amesi si nggwetus. 12Shak ma&#599;ufal ima matus, fa mwawei si asum ames hai, yis fas mbaitat i mute ii fe i Dee&#385;we. 13Fe ima wa' si alus ta fisel i lo' hu masi i ma&#599;ufal kwa, a ti masi i Dee&#385;we.</div><div class="p"> 14Findeli te ii ma&#599;ufal, tena saa kan ti, hya ti ma&#599;esi hu mwawei. Ka &#599;ing mbaitat ames, mbaitat i Al andek &#599;wyat ima yes ta kyel i Dee.</div><div class="p"> 15Jwon findel si yis hai ti la mbai ni, &#8220;Ayis ima ai i findel i hai nyai, &#8216;Ima ma wa yes na takfai yunti &#595;inun, &#595;urti ai yis na kaciwa' si al lun.&#8217; &#8221;</div><div class="p"> 16&#385;urti hya i ma&#599;esi ames ma giliki shak ma fasikan ma&#599;esi tasi hai i ma&#599;esi. 17Dee&#385;we fa anggut ta rai Mosis, mal ma&#599;esi hu mwawei si yes ta kyel i Yeso Kristi. 18Anggi ma&#599;ufali tasi hwer &#599;ing Dee&#385;we ya? Al ames andek &#599;wyat ima a yis mii Dee&#385;we, ma akul hu Deehi, Deehi kof kan ti &#595;a ka shangus.</div><div class="s">Jwon Findel Si Yeso</div><div class="p"> 19Findel ima Jwon lak mai, myan ima som Ju ta Yerushalima si ro som i kocok hu gung i Livai &#595;a si lulus nyai, &#8220;A ha aweya?&#8221; 20Jwon &#595;winggil kwa, lakus ya ni, &#8220;Ayin a Kristi kwa.&#8221;</div><div class="p"> 21Unai si lulus si ni, &#8220;Ou, a ha aweya? A ha a Iliya haa?&#8221;</div><div class="p">Unai humustikyel ti findel ni, &#8220;Ayin kwa.&#8221;</div><div class="p">&#8220;A ha a mashit ani haa?&#8221;</div><div class="p">Ni, &#8220;Wayou.&#8221;</div><div class="p"> 22Unai ta dala si nyus, &#8220;A ha aweya? Laka nin ti &#595;a ni wa ni lak som ima si ro nin. Ami ha laki si haisa hai ya?&#8221;</div><div class="p"> 23Jwon humustikyel ti findel ta ngga' ima mashit Ishaya lakta ni, &#8220;Ayin a la malai ta ya, &#8216;&#394;ak hun ti fisel i Deembai ta u wa mangra.&#8217; &#8221;#1:23 &#394;ing huni hwak: Ish 40:3.</div><div class="p"> 24Unai shini Farisiyawa, ima si yes ti muroi, 25si lul ta Jwon nyai, &#8220;Na a ha ha mii Kristi kwa, na a ha ha mii Iliya kwa, na a ha ha mii mashit ani kwa, ami kin ha masti batisma ya?&#8221;</div><div class="p"> 26Jwon humustikyel ti findel ni, &#8220;Yin i masu batisma ti ham, &#599;eng mana saa yuti ima hu shangus kwa. 27Ayis ma yes na takfai yunti, i ndok ii hwet mwinggi' i kpakasak ames ya kwa.&#8221;</div><div class="p"> 28Shak &#599;amam mii si fur ta Betani fit i &#394;ara i Jodan, kyel ima Jwon mas &#599;ufal batisma ta.</div><div class="s">A Yeso Mii Al Tutwi i Dee&#385;we</div><div class="p"> 29Mwen ti &#595;u, Jwon &#599;ing Yeso yis yes kyel ames. Unai ni, &#8220;&#394;ing hun Al Tutwi i Dee&#385;we ima ma wa ha' ti mafwashi i naya ya! 30Ayis ima i laku nyai, &#8216;Ma&#599;ufal ima ma yes na takfai yunti &#595;inun, &#595;urti ai yis na kaciwa' ti si alun.&#8217; 31Yin ti haisun i shangus kwa, a&#599;eng ima kin i yes yin masti batisma ti ham ayis nai, &#595;a yis u makof wa kyel i Isar'ila.&#8221;</div><div class="p"> 32Unai Jwon lak nyai, &#8220;I &#599;ing Rin i Dee&#385;we yis mu&#599;or sus hai ta fit fota gurguta, tes hai. 33Ai yin i shangus kwa, a Dee&#385;we ima rohun &#595;a i mas batisma ti ham, ayis nyun, &#8216;Ma&#599;ufal ima ha &#599;ing Rin &#599;orus hai tes hai, ayis ma wa masti batisma ti Rin masapai.&#8217; 34I &#599;ingi a yis nai ima laki nyai, ma&#599;ufal mai a Al i Dee&#385;we.&#8221;</div><div class="s">Som Koltifai Ti Yeso i Bya'</div><div class="p"> 35Mwen ti hum &#595;wai hwak Jwon yis mangra ta kyeli akul hu &#599;ufal apil ta saa ti fe i ro ames. 36Myan ima Jwon &#599;ing Yeso yis Musa ta, unai ni, &#8220;&#394;ing hun Al Tutwi i Dee&#385;we!&#8221;</div><div class="p"> 37Myan ima apili si hal findel ima Jwon lak, unai si kolfai ti Yeso. 38Yeso hatat tifai &#599;ingi sin koltifai ames, unai lulus ni, &#8220;Ami hu fari ya?&#8221;</div><div class="p">Unai si nyus, &#8220;Rabbi&#8221; (nyai makofiti ndai), &#8220;Ha mati mute a leya?&#8221;</div><div class="p"> 39Unai Yeso nyus, &#8220;Yehun, hu &#599;ingi.&#8221; Unai fe i roi si wa si &#599;ing kyel ima ma mute tai, si te ta kyeli akul mweni. A tasi shitam &#595;aras ti ango.</div><div class="p"> 40Andru nusus i Siman Pita, ma andek ta saa ti &#599;ufal apil ima si kolfai ti Yeso takfai tima si hal findel i Jwon si Yeso hai. 41Ti bya' Andru far nusus Siman, lakus ni, &#8220;Ni wis Kristi,&#8221; (Kristi ndai). 42Unai kol Siman ta kyel i Yeso.</div><div class="p">Unai Yeso &#599;ingus fo ni, &#8220;A ha a Siman al i Jwon. Si wa lai ii Kefas&#8221; (Pita ndai, afung ndai).</div><div class="s">Yeso lai Filip hu Natanyel</div><div class="p"> 43Mwen ti &#595;u, Yeso kin hai &#595;a u wa Galili. Unai wis Filip nyus, &#8220;Kolafai a suni.&#8221;</div><div class="p"> 44Filip a ma&#599;ufal i Betsaida, ashwa i hu Andru hu Pita. 45Filip wis Natanyel nyus, &#8220;Ni wis ma&#599;ufal ima Mosis worong findel si yis hai ta anggut ames, hu ima som i shit si worong ta kaadaha ames, Yeso ma&#599;ufal i Nazaret, al i Josep.&#8221;</div><div class="p"> 46Unai Natanyel lulus ni, &#8220;&#394;ama ma&#599;esi ma wa mulangya ta Nazaret haa?&#8221;</div><div class="p">Filip nyus, &#8220;Ya ha &#599;ingi.&#8221;</div><div class="p"> 47Myan ima Yeso &#599;ing Natanyel yis yes kyel ames, ni, &#8220;&#394;ing hun ma&#599;ufal i Isar'ila i mwawei, ima mati fyarat kwa.&#8221;</div><div class="p"> 48Unai Natanyel lul ta Yeso ni, &#8220;Ha mas atini ha shangun ya?&#8221;</div><div class="p">Yeso humuskyel ti findel ta ni, &#8220;I &#599;inga myan ima ha &#599;iri ta gung i makambong kaciwa' Filip tuu laya.&#8221;</div><div class="p"> 49Unai Natanyel ni, &#8220;Rabbi (makofti shangi ndai), a ha ha mii Al i Dee&#385;we, a ha ha mii makai i Isar'ila.&#8221;</div><div class="p"> 50Unai Yeso hum laksus ni, &#8220;Ha fa mwawei, a &#595;urti i laka nyai i &#599;inga ta gung i makambong haa? Ha wa &#599;ing ti &#599;amam ima si &#595;in mai.&#8221; 51Unai Yeso hum laksus ni, &#8220;I laksu mwawei, hu wa &#599;ing ti fit mat&#595;u, som lu' i Dee&#385;we sin mu&#599;u mu&#599;or si Al i Ma&#599;ufal hai.&#8221;</div>
 </div>
 </div>
</div>

Tasi bya' a Findel, Findeli ma akul hu DeeƁwe, Findeli a DeeƁwe. Tasi bya' ma akul hu DeeƁwe.
Shak ɗamam ii ta kyel ames si masi, si mas ɗama nin na saa ti shak ɗamam mii kaciwa' yis kwa. Ta wii ames a mupwet, mupweti a kweneng i ɗufal. Kwenengi ka' ta saa ti maɓing wi, maɓingi ɓin njeng ames kwa.
Ai maɗufal nin yes ima DeeƁwe rotus, asum ames a Jwon. Yes ɓa u lak ɗufal mwawei si kwenengi hai, ɓa ta fo ames ɗufal shak si fa mwawei. A Jwon mii kwenengi kwa, yes ɓa u findel si a kwenengi hai je. Kweneng mwawei ima ma fati ɗufal shak kweneng, ma yes na naya.
Ai yis na naya, ahun si mas nayai ta kyel ames, shak ta andi nayai ti shangus kwa. Yes kyel ima si mii ames, amesi si nggwetus. Shak maɗufal ima matus, fa mwawei si asum ames hai, yis fas mbaitat i mute ii fe i DeeƁwe. Fe ima wa' si alus ta fisel i lo' hu masi i maɗufal kwa, a ti masi i DeeƁwe.
Findeli te ii maɗufal, tena saa kan ti, hya ti maɗesi hu mwawei. Ka ɗing mbaitat ames, mbaitat i Al andek ɗwyat ima yes ta kyel i Dee.
Jwon findel si yis hai ti la mbai ni, “Ayis ima ai i findel i hai nyai, ‘Ima ma wa yes na takfai yunti ɓinun, ɓurti ai yis na kaciwa' si al lun.’ ”
Ɓurti hya i maɗesi ames ma giliki shak ma fasikan maɗesi tasi hai i maɗesi. DeeƁwe fa anggut ta rai Mosis, mal maɗesi hu mwawei si yes ta kyel i Yeso Kristi. Anggi maɗufali tasi hwer ɗing DeeƁwe ya? Al ames andek ɗwyat ima a yis mii DeeƁwe, ma akul hu Deehi, Deehi kof kan ti ɓa ka shangus.

Findel ima Jwon lak mai, myan ima som Ju ta Yerushalima si ro som i kocok hu gung i Livai ɓa si lulus nyai, “A ha aweya?” Jwon ɓwinggil kwa, lakus ya ni, “Ayin a Kristi kwa.”
Unai si lulus si ni, “Ou, a ha aweya? A ha a Iliya haa?”
Unai humustikyel ti findel ni, “Ayin kwa.”
“A ha a mashit ani haa?”
Ni, “Wayou.”
Unai ta dala si nyus, “A ha aweya? Laka nin ti ɓa ni wa ni lak som ima si ro nin. Ami ha laki si haisa hai ya?”
Jwon humustikyel ti findel ta ngga' ima mashit Ishaya lakta ni, “Ayin a la malai ta ya, ‘Ɗak hun ti fisel i Deembai ta u wa mangra.’ ”
Unai shini Farisiyawa, ima si yes ti muroi, si lul ta Jwon nyai, “Na a ha ha mii Kristi kwa, na a ha ha mii Iliya kwa, na a ha ha mii mashit ani kwa, ami kin ha masti batisma ya?”
Jwon humustikyel ti findel ni, “Yin i masu batisma ti ham, ɗeng mana saa yuti ima hu shangus kwa. Ayis ma yes na takfai yunti, i ndok ii hwet mwinggi' i kpakasak ames ya kwa.”
Shak ɗamam mii si fur ta Betani fit i Ɗara i Jodan, kyel ima Jwon mas ɗufal batisma ta.

Mwen ti ɓu, Jwon ɗing Yeso yis yes kyel ames. Unai ni, “Ɗing hun Al Tutwi i DeeƁwe ima ma wa ha' ti mafwashi i naya ya! Ayis ima i laku nyai, ‘Maɗufal ima ma yes na takfai yunti ɓinun, ɓurti ai yis na kaciwa' ti si alun.’ Yin ti haisun i shangus kwa, aɗeng ima kin i yes yin masti batisma ti ham ayis nai, ɓa yis u makof wa kyel i Isar'ila.”
Unai Jwon lak nyai, “I ɗing Rin i DeeƁwe yis muɗor sus hai ta fit fota gurguta, tes hai. Ai yin i shangus kwa, a DeeƁwe ima rohun ɓa i mas batisma ti ham, ayis nyun, ‘Maɗufal ima ha ɗing Rin ɗorus hai tes hai, ayis ma wa masti batisma ti Rin masapai.’ I ɗingi a yis nai ima laki nyai, maɗufal mai a Al i DeeƁwe.”

Mwen ti hum ɓwai hwak Jwon yis mangra ta kyeli akul hu ɗufal apil ta saa ti fe i ro ames. Myan ima Jwon ɗing Yeso yis Musa ta, unai ni, “Ɗing hun Al Tutwi i DeeƁwe!”
Myan ima apili si hal findel ima Jwon lak, unai si kolfai ti Yeso. Yeso hatat tifai ɗingi sin koltifai ames, unai lulus ni, “Ami hu fari ya?”
Unai si nyus, “Rabbi” (nyai makofiti ndai), “Ha mati mute a leya?”
Unai Yeso nyus, “Yehun, hu ɗingi.” Unai fe i roi si wa si ɗing kyel ima ma mute tai, si te ta kyeli akul mweni. A tasi shitam ɓaras ti ango.
Andru nusus i Siman Pita, ma andek ta saa ti ɗufal apil ima si kolfai ti Yeso takfai tima si hal findel i Jwon si Yeso hai. Ti bya' Andru far nusus Siman, lakus ni, “Ni wis Kristi,” (Kristi ndai). Unai kol Siman ta kyel i Yeso.
Unai Yeso ɗingus fo ni, “A ha a Siman al i Jwon. Si wa lai ii Kefas” (Pita ndai, afung ndai).

Mwen ti ɓu, Yeso kin hai ɓa u wa Galili. Unai wis Filip nyus, “Kolafai a suni.”
Filip a maɗufal i Betsaida, ashwa i hu Andru hu Pita. Filip wis Natanyel nyus, “Ni wis maɗufal ima Mosis worong findel si yis hai ta anggut ames, hu ima som i shit si worong ta kaadaha ames, Yeso maɗufal i Nazaret, al i Josep.”
Unai Natanyel lulus ni, “Ɗama maɗesi ma wa mulangya ta Nazaret haa?”
Filip nyus, “Ya ha ɗingi.”
Myan ima Yeso ɗing Natanyel yis yes kyel ames, ni, “Ɗing hun maɗufal i Isar'ila i mwawei, ima mati fyarat kwa.”
Unai Natanyel lul ta Yeso ni, “Ha mas atini ha shangun ya?”
Yeso humuskyel ti findel ta ni, “I ɗinga myan ima ha ɗiri ta gung i makambong kaciwa' Filip tuu laya.”
Unai Natanyel ni, “Rabbi (makofti shangi ndai), a ha ha mii Al i DeeƁwe, a ha ha mii makai i Isar'ila.”
Unai Yeso hum laksus ni, “Ha fa mwawei, a ɓurti i laka nyai i ɗinga ta gung i makambong haa? Ha wa ɗing ti ɗamam ima si ɓin mai.” Unai Yeso hum laksus ni, “I laksu mwawei, hu wa ɗing ti fit matɓu, som lu' i DeeƁwe sin muɗu muɗor si Al i Maɗufal hai.”

Koute Jwon 1