If you would like a copy of this version please contact info@davaraudiobibles.org.

Lambya First Bible © The Word for the World International. Lambya First Audio Bible ℗ 2025, Davar Partners International.

Lambya First Bible

<div class="version vid4154 iso6393lai" data-vid="4154" data-iso6393="lai">
 <div class="book bkGEN">
 <div class="chapter ch3" data-usfm="GEN.3">
 <div class="label">3</div><div class="s">Ukunanga ukwa muntu</div><div class="p"> 1 # 
 Ubv. 12.9, 20.2 Injoka yikaba nchevu nkani ukuchila ivinyamana vyosi vivyo u Mwene u Chala akavipela. Injoka yikamulalusya umukolo yula yikati, &#8220;Nkimba momumo ukuti u Chala akati, &#8216;Mutakalyanje navimovimo ivikomwa ivya makwi agha mumughunda ughu&#8217;?&#8221;</div><div class="p"> 2Umukolo yula akamula akati, &#8220;Tungalyanga ivikomwa ivya makwi ghosi agha mumughunda ughu. 3Loli u Chala akati, &#8216;Mutakalyanje ivikomwa ivya mwikwi lilyo lili pakasikasi pa mughunda, pamo pakulipalamasya napo panandi pachifukwa ichakuti mukwiza pakufwa nanti mwabomba bunubu.&#8217; &#8221;</div><div class="p"> 4Injoka yikamwamula umukolo yula yikati, &#8220;Awe, mutakwiza pakufwa nalumolumo. 5U Chala akanena bunubu pachifukwa ichakuti akumanya ukuti nanti mwalya ivikomwa vila, amaso ghinyu ghakwiza pakwighuka, sona mukwiza pakuba ngati we Chala, mukwiza pakumanya ichiza ni chibibi.&#8221;</div><div class="p"> 6Bo umukolo ennya ivikomwa ivya likwi lila ukuti vikaba vyiza pakulya nukuboneka akiza, sona nukuti vingamupa amahala, akayabamo ivikomwa vimo nukulya. Akamupako vimo umulume wache, po wepe akalya. 7Bo balya bulo, amaso ghabo ghakighuka, nukuzyaghannya ukuti bakaba nkule. Bakasona amani agha chikuyu nukuvwala.</div><div class="p"> 8Pachamabwila, bo akasanya kakulotela, u Adamu nu Eva bakawivwa umuswato uwa Mwene u Chala mumughunda mula. Po bakavwama mumakwi ukuti u Chala atakabennye. 9Loli u Mwene u Chala akamwitizya u Adamu akati, &#8220;Nkimba uli ko kwiyi?&#8221;</div><div class="p"> 10U Adamu akamwamula akati, &#8220;Nkawivwa umuswato wako mumughunda. Nkanyila, po nkavwama pachifukwa ichakuti nkaba nkule.&#8221;</div><div class="p"> 11U Chala akamulalusya akati, &#8220;Nkimba wewenu akakubuzya ukuti ukaba nkule? Nkimba walya ivikomwa ivya mwikwi lilyo nkakubuzya ukuti utakalyanjemo?&#8221;</div><div class="p"> 12U Adamu akamula akati, &#8220;Umukolo yuyo ukampa ukuti abanje nane, weyuyo akampa ichikomwa, po nkalya.&#8221;</div><div class="p"> 13 # 
 2 Kol. 11.3; 1 Tim. 2.14 U Mwene u Chala akamulalusya umukolo yula akati, &#8220;Nkimba choni chicho ukabomba bunubu?&#8221;</div><div class="p">Umukolo yula akamula akati, &#8220;Injoka yo yiyo yikanzimbula, po nkalya.&#8221;</div><div class="s">U Chala akubika ulufundo</div><div class="p"> 14Po u Mwene u Chala akayibuzya injoka akati, &#8220;Pachifukwa ichakuti wabomba bunubu, waghuniwa ukuchila ivinyamana vyosi, ivitekwa ni vinyamana vyosi ivya muzi! Ukwanda umusanya ughu, ukwiza pakwendelagha ulwanda lwako, po ukwiza pakulyanga ulufumbi mubumi bwako bosi. 15#Ubv. 12.17Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.&#8221;</div><div class="p"> 16Po u Chala akamubuzya umukolo akati, &#8220;Nkwiza pakonjelezya intamyo pabung'wamu bwako, sona nu bubavu pakusayiwa umwana. Loli pope bulo ukwiza pakumunyonywa umulume wako, po akwiza pakukulamulila.&#8221;</div><div class="p"> 17Akamubuzya u Adamu akati, &#8220;Pakuti ukamwivwila umuchi wako nukulya ivikomwa ivya mwikwi lilyo nkati mutakalyanje, ichisu ichapasi chaghuniwa pachifukwa icha zizyo wabomba. Ukwiza pakuyimba nkani mubumi bwako bosi ukuti uchaghe ichakulya. 18Ichisu chikwiza pakumezya amivwa ni ntolovu, sona ukwiza pakulyanga ivimelwa ivya mwisote. 19Ukwiza pakutwinkagha nkani mubumi bwako bosi ukuti uchaghe ichakulya, mupaka unyokele sona kwitope. Pakuti ukafumila kwitope, po ukwiza pakunyokela kwitope.&#8221;</div><div class="p"> 20U Adamu akamwita umuchi wache ukuti we Eva#3.20 Eva: Itabwa ili likuyana bulo nizyu ilya mu Chihebeli ilyakuti, Ichabumi. pachifukwa ichakuti akaba we nyina uwa bantu bosi.</div><div class="p"> 21Po u Mwene u Chala akamupangila u Adamu nu muchi wache amenda agha makwela agha vinyamana nukubavwalika.</div><div class="s">U Adamu nu Eva bakwefiwamo mumughunda</div><div class="p"> 22 # 
 Ubv. 22.14
 Po u Mwene u Chala akati, &#8220;Ilelo umuntu aba ngati sweswe, amanya ubwiza nu bubibi.#3.22 ubwiza nu bubibi: Pamo amanya ivintu vyosi. Atakwitikiziwa pakulya ivikomwa ivya mwikwi ilyakupa ubumi nukuba nubumi bwila na bwila.&#8221; 23U Mwene u Chala akamwefyamo mumughunda uwa Edeni nukumupela ukuti alimaye mwitope lilyo akamatiwako. 24Bo amwefyamo u Adamu mumughunda ghula, u Chala akabika abakelubi kubufumilo bwizuba uwa mughunda ghula.#3.24 abakelubi: Ivipeliwa ivyabumi ivya vipapande vivyo vikulanjizya ubuchindamu ubwa Chala (ennya mwa Ezk. 1.5-13). Akabika sona upanga uwakwaka yuyo akazyungulila kosi na kosi pakwighalila izila ukuti nayumo umuntu atakapalamilaye kwikwi ilyakupa ubumi lila.</div>
 </div>
 </div>
</div>

Injoka yikaba nchevu nkani ukuchila ivinyamana vyosi vivyo u MWENE u Chala akavipela. Injoka yikamulalusya umukolo yula yikati, “Nkimba momumo ukuti u Chala akati, ‘Mutakalyanje navimovimo ivikomwa ivya makwi agha mumughunda ughu’?”
Umukolo yula akamula akati, “Tungalyanga ivikomwa ivya makwi ghosi agha mumughunda ughu. Loli u Chala akati, ‘Mutakalyanje ivikomwa ivya mwikwi lilyo lili pakasikasi pa mughunda, pamo pakulipalamasya napo panandi pachifukwa ichakuti mukwiza pakufwa nanti mwabomba bunubu.’ ”
Injoka yikamwamula umukolo yula yikati, “Awe, mutakwiza pakufwa nalumolumo. U Chala akanena bunubu pachifukwa ichakuti akumanya ukuti nanti mwalya ivikomwa vila, amaso ghinyu ghakwiza pakwighuka, sona mukwiza pakuba ngati we Chala, mukwiza pakumanya ichiza ni chibibi.”
Bo umukolo ennya ivikomwa ivya likwi lila ukuti vikaba vyiza pakulya nukuboneka akiza, sona nukuti vingamupa amahala, akayabamo ivikomwa vimo nukulya. Akamupako vimo umulume wache, po wepe akalya. Bo balya bulo, amaso ghabo ghakighuka, nukuzyaghannya ukuti bakaba nkule. Bakasona amani agha chikuyu nukuvwala.
Pachamabwila, bo akasanya kakulotela, u Adamu nu Eva bakawivwa umuswato uwa MWENE u Chala mumughunda mula. Po bakavwama mumakwi ukuti u Chala atakabennye. Loli u MWENE u Chala akamwitizya u Adamu akati, “Nkimba uli ko kwiyi?”
U Adamu akamwamula akati, “Nkawivwa umuswato wako mumughunda. Nkanyila, po nkavwama pachifukwa ichakuti nkaba nkule.”
U Chala akamulalusya akati, “Nkimba wewenu akakubuzya ukuti ukaba nkule? Nkimba walya ivikomwa ivya mwikwi lilyo nkakubuzya ukuti utakalyanjemo?”
U Adamu akamula akati, “Umukolo yuyo ukampa ukuti abanje nane, weyuyo akampa ichikomwa, po nkalya.”
U MWENE u Chala akamulalusya umukolo yula akati, “Nkimba choni chicho ukabomba bunubu?”
Umukolo yula akamula akati, “Injoka yo yiyo yikanzimbula, po nkalya.”

Po u MWENE u Chala akayibuzya injoka akati, “Pachifukwa ichakuti wabomba bunubu, waghuniwa ukuchila ivinyamana vyosi, ivitekwa ni vinyamana vyosi ivya muzi! Ukwanda umusanya ughu, ukwiza pakwendelagha ulwanda lwako, po ukwiza pakulyanga ulufumbi mubumi bwako bosi. Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”
Po u Chala akamubuzya umukolo akati, “Nkwiza pakonjelezya intamyo pabung'wamu bwako, sona nu bubavu pakusayiwa umwana. Loli pope bulo ukwiza pakumunyonywa umulume wako, po akwiza pakukulamulila.”
Akamubuzya u Adamu akati, “Pakuti ukamwivwila umuchi wako nukulya ivikomwa ivya mwikwi lilyo nkati mutakalyanje, ichisu ichapasi chaghuniwa pachifukwa icha zizyo wabomba. Ukwiza pakuyimba nkani mubumi bwako bosi ukuti uchaghe ichakulya. Ichisu chikwiza pakumezya amivwa ni ntolovu, sona ukwiza pakulyanga ivimelwa ivya mwisote. Ukwiza pakutwinkagha nkani mubumi bwako bosi ukuti uchaghe ichakulya, mupaka unyokele sona kwitope. Pakuti ukafumila kwitope, po ukwiza pakunyokela kwitope.”
U Adamu akamwita umuchi wache ukuti we Eva pachifukwa ichakuti akaba we nyina uwa bantu bosi.
Po u MWENE u Chala akamupangila u Adamu nu muchi wache amenda agha makwela agha vinyamana nukubavwalika.

Po u MWENE u Chala akati, “Ilelo umuntu aba ngati sweswe, amanya ubwiza nu bubibi. Atakwitikiziwa pakulya ivikomwa ivya mwikwi ilyakupa ubumi nukuba nubumi bwila na bwila.” U MWENE u Chala akamwefyamo mumughunda uwa Edeni nukumupela ukuti alimaye mwitope lilyo akamatiwako. Bo amwefyamo u Adamu mumughunda ghula, u Chala akabika abakelubi kubufumilo bwizuba uwa mughunda ghula. Akabika sona upanga uwakwaka yuyo akazyungulila kosi na kosi pakwighalila izila ukuti nayumo umuntu atakapalamilaye kwikwi ilyakupa ubumi lila.

Koute Ubwandilo 3