Vèsè popilè nan Bib la ki soti nan MARK 16

Pataje

Huin ama’n a kawmvah, khovel zousiah ah chiah unla, silsiam chinteng kawmah Tanchinpha soi un.

Huleh a gingtate chu hi chiamchihnate in a jui diing: Ka min in dawite a nohdoh diing va; haam thahte in a haam diing uh. Guulte khut in a la diing va; sih theihna sil bangchi bang dawn zongle uh bangmah a chi sih diing uh; huleh damloute tungah khut a nga diing va, a dam jel diing uhi, a chi hi.

Koipouh a gingta a baptisma tang chu huhing in a um diing a; hizongleh a gingta lou chu siamlouh tang in a um diing hi.

Huleh amahuh chu a kuandoh va, mun chinah thu a soita va, Lalpa’n amah uh a tohpih a, chiamchihna in juiin a thu chu a sukip jel hi. Amen.

Huin ama’n a kawmvah, Lau sih un; Kros a kikilhbeh Nazareth Jesu na hawl uh ahi; amah chu a thou kiitta a, hi-ah a um nawn sih hi; en un a sialna mun uh.

Huleh a et uleh suang chu liihdohsa in a muta uhi; a suang chu a lian mahmah hi. Huleh haan sunga a luut uleh, tangval khat puan vaam tualtah silh a, jiatlam panga tou a muta va; a lau mahmah uhi.