Vèsè popilè nan Bib la ki soti nan Jeremi 27

Pataje

— Se mwen menm avèk gwo kouray mwen epi ak fòs ponyèt mwen ki fè latè ansanm ak tout moun ak tout bèt k'ap viv sou latè. Mwen pran yo bay moun mwen vle.

Se konsa, mwen lage tout peyi nou yo nan men Nebikadneza, wa Babilòn, sèvitè m lan. Mwen ba li ata bèt nan bwa yo pou yo soumèt devan l.

Pa koute pwofèt nou yo, ni divinò nou yo, ni okenn lòt moun ki pretann yo konnen sa ki pral rive nou, paske yo fè rèv pou nou, osinon paske yo ka li sa k'ap pase nan syèl la ou ankò paske yo konn fè maji. Yo tout ap plede di nou p'ap janm sèvi wa Babilòn lan.

Y'ap pote yo ale lavil Babilòn. Y'ap rete la jouk lè m'a vin pran yo pou m fè yo tounen nan plas yo. Se mwen menm Senyè a ki di sa.