Vèsè popilè nan Bib la ki soti nan Jòb 2

Pataje

Madanm li di l konsa: — Ou nan kenbe pye Bondye fèm toujou? Joure l byen joure, epi mouri mouri ou kont fini! Jòb di li: — Pe bouch ou la, madanm! W'ap pale tankou moun fou! Lè Bondye ban nou benediksyon, nou kontan. Atò poukisa pou nou plenyen lè li voye malè sou nou? Malgre tou sa ki te rive l, Jòb pat kite okenn move pawòl sòti nan bouch li pou li fè peche kont Bondye.

Senyè a di Satan konsa: — Eske ou te wè Jòb, sèvitè m lan? Pa gen tankou l sou tout latè. Se yon nonm san repwòch ki mache dwat nan tou sa l'ap fè. Li gen krentif pou Bondye, li toujou ap chache fè sa ki byen. Se kounyeya li kenbe m. Ou wè se pou gremesi ou t'ap pouse m pou m te fini avè l.

Senyè a di Satan konsa: — Ou mèt fè sa ou vle avè l. Men, pa touye l pou mwen.

Twa nan zanmi Jòb yo vin konnen tout malè ki te tonbe sou li. Yo kite peyi yo, yo vin wè Job. Se te Elifaz, moun Teman, Bildad, moun Chwak, epi Sofa, moun Naama. Yo fè lide vin ansanm pou plenn sò li epi pou ba li kouray. Yo te yon bèl ti distans toujou lè yo wè Jòb. Yo pat rekonèt li. Lè yo rekonèt li, dlo vin nan je yo, yo konmanse rele, yo kriye. Yo chire rad sou yo, yo voye pousyè tè sou tèt yo tèlman sa te fè yo lapenn. Apre sa, yo chita atè a bò kote Jòb pandan sèt jou sèt nwit san di yon mo, paske yo te wè jan l'ap soufri.