Vèsè popilè nan Bib la ki soti nan Sòm 119

Pataje

Pawòl ou se yon chandèl ki fè m wè kote m'ap mete pye m, se yon limyè k'ap klere chemen mwen.

Mwen sere pawòl ou nan kè mwen pou mwen pa peche kont ou.

Kisa jenn gason dwe fè pou li mennen bak li dwat? Se pou li toujou mache jan ou vle li mache a.

Ala bon sa bon pou moun ki kenbe prensip li yo, pou moun k'ap chache obeyi l ak tout kè yo!

Se ou ki defans mwen, se ou ki tout pwoteksyon mwen. Mwen mete tout espwa m nan pawòl ou.

Ban m lespri pou m ka obeyi lalwa ou, pou m fè sa l mande a ak tout kè mwen.

Fè m pi anvi swiv prensip ou yo pase pou m anvi gen lajan.

Pinisyon an te bon nèt pou mwen! Li fè m konnen sa ou vle m fè.

Nan mizè mwen, tout konsolasyon m, se pwomès ou fè m lan. Se sa ki fè m viv.

Fè m viv yon jan ki dakò ak kòmandman ou yo, paske se nan yo mwen jwenn tout plezi m.

Senyè, moutre m jan pou m swiv lòd ou yo, pou m obeyi yo jouk sa kaba.

Mwen gen lapenn, dlo ap koule nan je m. Mete m sou de pye m ankò, jan ou te pwomèt la.

Ala renmen mwen renmen lalwa ou la! Se tout lajounen m'ap kalkile sou li.