Vèsè popilè nan Bib la ki soti nan LUKA 16

Pataje

Amu kaji hta kangka re ai wa gaw, amu kaba hta mung kangka rai na ra ai: amu kaji hta n ding n man ai wa gaw, amu kaba hta mung n ding n man ga ai.

Kadai shangun ma rai timung, madu lahkawng a amu gun hpai lu ai n rai: langai wa hpe shi n dawng nna, langai wa hpe tsawra na wu ai: shing n rai, langai wa hta machyu nna, langai wa hpe n kaw n law di na wu ai: nanhte gaw Karai Kasang a magam hta mung, mungkan a sutgan hta mung, rau n gun n hpai lu na myit dai,” ngu mu ai.

N tara ai sutgan hta pyi nanhte kangka n rai lu myit yang gaw, dai dingman ai sutgan hpe, nanhte hpe kadai mi kam ap ya na myit ta? Masha wa a sutrai hta nanhte kangka n rai lu myit yang gaw, nanhte madu ang ai sutrai hpe, nanhte e kadai mi ap ya na rai ta?

Abraham gaw, ‘Mawshe hte myihtoi ni a ga shanhte n madat ma yang gaw, si ai ni hta na langai mi bai hkrung rawt wa rai timung, madat kam na ma ai n rai,’ ngu nna shi hpe htan wu ai,” ngu nna shanhte hpe tsun mu ai.

Tinang a madu jan hpe jahka kau nna, num kaga la ai wa kadai mung, num shaw ai rai nga ai: madu wa jahka kau ai num hpe la ai wa mung, num shaw ai rai nga ai.