Vèsè popilè nan Bib la ki soti nan MATIUS 2

Pataje

Lu'u siad̄oho d̄i ade uma ede, ro edana Ana dou to'i ede lab̄o la Maria ina-Na. Siad̄oho suju ra nembana Ana dou to'i ede, edempara siad̄oho henggana hid̄i ntau ra wara siad̄oho, ro d̄onggo ra mbeina d̄i Ana dou to'i ede, masa, kamaya, ro d̄upa.

Ruma Isa rawarakaina aka kota Betlehem d̄i dana Yudea aipu wakatu parenta b̄a Sangaji Herodes. Aipu wakatu ede pila-pila dou ta ele ma loa poda ilimu ntara maina aka Yerusalem. Sod̄i rero b̄a siad̄oho, ”Tab̄eku Ana dou to'i ede mab̄ou ranggana d̄imand̄adi sangaji dou Yahudi? Madad̄oho ra'edamu ntara-Na mawontu tawela ele, ro madad̄oho maimu d̄imanemba Sia”.

Edempara lao siad̄oho. Eda wali b̄a siad̄oho ntara ra'edana ntoina tawela elena. Nawancuku neo adena siad̄oho edana ntara ede! Ntara ede ma'ulu wea kai siad̄oho, edempara midina pas ese mai b̄a hid̄i warakai Ana dou to'i ede.

Ruma Hatalla ngoa ra kawarana siad̄oho d̄i ade nifi loakud̄u aina mbali aka Herodes. Ndad̄i siad̄oho dulana ta ncai ma kalai. Sawa'u b̄a dou-dou maloa ilimu ntara ede laona, mala'eka Ruma katadana weki d̄i la Yusuf ade nifi. Nggahi mala'eka ede, ”Herodes nane'e ngupa Ana dou to'i ede d̄ihadena. B̄ara ndedena tu'ura, wa'apu Ana dou to'i ede lab̄o ina-Na lao pesopu wekimu aka Mesir. Ngge'epu ta aka sampe Nahu manuntu wali lab̄o nggomi.”