Vèsè popilè nan Bib la ki soti nan MATEO 2

Pataje

Le ca j ooco'ob ichil le najo' tu yilajo'ob le chan palo' yéetel María u maama; ca' túun j xolajo'obe' ca tu kultajo'ob le chan palo'. Ca tu jóokesajo'ob u ayikalilo'obe' ca tu dzajo'ob siibalo'ob ti': oro, incienso yéetel mirra.

Jesuse' j síij tu caajil Belén tu lu'umil Judea tu kiinilo'ob ajaw Herodes. J kucho'ob túun tu caajil Jerusalén dze'edzec aj ojéelajo'ob, j lakin u taalo'ob, ca tu káat chi'itajo'ob: ¿Tu'ux yaan u ajaw le judio'o dzo'oc u síijilo'? Tumen t ilaj u eek te j lakino', ca j taalo'on u ti'al c kultic.

Le aj ojéelajo'obo', le ca tu yilajo'ob le eeko', jach qui'imacchaj u yóolo'ob.

Cu dzo'ocol tuláacal lela', ca j dza'ab u wayakto'obe' ma' u najmal u suuto'ob tu yicnal Herodesi', ca túun j suunajo'ob tu caajalo'ob ti' táanxel bejil. Cu dzo'ocol u bin le aj ojéelajo'obo', José tu wayaktaj u ya'ala'al ti' tumen jun túul ángel: Líiken, ch'a'a le chan pal yéetel u maamao', púudzen tu lu'umil Egipto, ti' a p'áatali', teen quin a'alic ti' teech ba'ax kiin quéen lukuquechi', tumen Herodese' yaan u dzáicuba u caxant le chan palo' u ti'al u quíimse.