Vèsè popilè nan Bib la ki soti nan لوقا 12

Pataje

تنهنڪري اوهين بہ تيار رهو، ڇالاءِ تہ جا گهڙي اوهان جي خيال ۾ بہ نہ هوندي، تنهن ۾ ئي ابن آدم اچي سهڙندو.

پر اوهين خدا جي بادشاهت جي ڳولا ڪريو، ۽ هي سڀ شيون بہ اوهان کي ملنديون.

۽ هن چين تہ سنڀالجو، ۽ پاڻ کي هر طرح جي لالچ کان بچائيندا رهجو، ڇالاءِ جو ماڻهوءَ جي حياتيءَ جو مدار سندس ججهي مال متاع تي نہ آهي.

ڇالاءِ تہ جتي تنهنجو مال هوندو، دل بہ تنهنجي اُتي ئي هوندي.

اوهان مان ڪير فڪر ڪري پنهنجو قد هڪڙو هٿ وڌائي ٿو سگهي؟

۽ هن پنهنجن شاگردن کي چيو تہ انهي لاءِ آئون اوهان کي چوان ٿو، تہ پنهنجي جان لاءِ فڪر نہ ڪريو تہ ڇا کائينداسين، نڪي پنهنجي بُت لاءِ تہ ڇا پهرينداسين.

بلڪ اوهان جي مٿي جا وار بہ سڀ ڳڻيا پيا آهن. متان ڊنا آهيو: اوهان جو ملهہ تہ گهڻين جهرڪين کان مٿي آهي.

اي ننڍڙا ڌڻ، ڊڄو نہ، ڇالاءِ جو اوهان جي پيءُ جي اها مرضي آهي تہ اوهان کي بادشاهت عطا ڪري.

ڪانوَن کي جاچي ڏسو، تہ نڪي پوکين نڪي لُڻن، انهن کي نہ ڪوٺي آهي نہ ڀانڊو، تڏهن بہ خدا اُنهن کي کارائي ٿو: پوءِ اوهين پکين کان ڪيترو نہ وڌيڪ آهيو!

۽ اها تلاش نہ ڪريو، تہ ڇا کائينداسين ۽ ڇا پيئنداسين؟ نڪي دل هڻو.

پر جيڪڏهن جهنگ جو گاهہ، جو اڄ آهي ۽ سڀاڻي کڻي کوري ۾ اُڇلائبو، تنهن کي خدا اهڙيءَ طرح ٿو پهرائي، تڏهن اي ڪم اعتقادو، اوهان کي تہ پاڻ اُنهن کان گهڻو وڌيڪ ڪين پهرائيندو ڇا؟

پر ڪابہ اهڙي شيءِ ڪانهي جا ڍڪيل آهي ۽ پڌري نہ ٿيندي، ۽ ڳجهي آهي ۽ کولي نہ ويندي.